جولد جيم لبنات جده

معقوله ماحد يعرف شي عن الجولد جيم
ماحد رد

افا يابنات جده كده ماحد يفيدني بشي كنت اتمنى الاقي جوابي عندكم !
مشكورين مره

طيب اللي تعرف اي نادي هنا في جده وممتاز وتكون هي مجربته ياريت تفيدنا لانو صراحه الجولد جيم اخذت رقمه من السنتار واسعارهم غاليه

اب لعيونك اختي
وان شاء الله البنات مايقصرون
بس الصرحه انا لو كان عندناا بسجل على طول
مره شفت الدعايه حقته تحمست ههه
موفقه اختي

هلا حبيبتي .....
انا اشتركت فيه من اسبوعين يعني لسى جديده بس مبدئيا مره حلو
اشتركت سنه وعطوني شهرين مجانا لانه وقتها كان عرض لهم ........ولي شهرين ممكن اجمدها بس مو تروح علي
لا يعوضوني اياه واقل مده للتجميد اسبوعين واكثرها شهرين ..........
قيمةالاشتراك 5500 ريال تدفع على دفعتين 2750 وبعد شهر زيهم ويكتمل المبلغ .......
الكلاسات كثير مره يعطونك جدول كل شهر وانت ووقتك والكلاس الي تحبي في كلاسات ايروبكس وبايسكلينغ
ويوغا وتمارين لشد البطن والظهر وايزي لاين وكلاسات كثير لسى مالحقت احضرهم من كثرهم والكلاسات مستويات
مبتدئ ومتوسط ومتقدم تتدرجين فيهم حسب لياقتك ..........
بس بصفه عامه مره مرتاح ومبسوطه فيه والله يتتم لي على خير ويكتب لي النحف يارب ..

انا كنت مشتركة في نادي الجولد جيم بصراحة رائع جدا وخصوصا لو كانوا معاكي قروب من الصحبات او اختك لكن لحالك راح تحسي بملل النادي فية مرفقات حلوة زي المسبح والجاكوزي والبخار وغرفة الثلج وغير صالات الايروبكس والدراجات واليوغا والكارتية والمارثون الي في وسط الدور الثاني تجري فية للتحمية وبعدها تطلعي على السير -والسير فية شاشة lcd صفيرة تلفزيون تقدري تتابعي محطات التلفزيون طبعا تشتري سماعة من عندهم او تجيبيها من عندك وفي مكتبة افلام cvd تقدري تطلبي من العاملة تشغلك الفيلم الي تختارية وتعطيها رقم السير الي انتي تمشي علية وراح تمشي لنهاية الفيلم والله حماس اشتقت ونفسي ارجع طبعا في دكتورات تغذية عندهم برسوم 150 او 200 مو فاكرة وتتابعي عندهم هذا غير الملاعب عندهم سلة والريشة وغير الحفلات الي يسوها م ايش كمان بالنسبة للرسوم حقت الاشتراك طبعا تختلف لانة الاشتراك ممكن يكون سنة وممكن 6 شهور وممكن يكون اشتراك صباحي فقط او مسائي وطبعا كدة يتخفض كتير في المبلغ وعندهم مدربات خاصين يعني تدربك في النادي وتشرف عليكي لكن اسعار خيالية غالية بصراحة يمكن 18000 الف ريال على ما اعتقد وبيني وبينك مالهم فائدة انتي ممكن تروحي تسأليهم وهما راح يجاوبوكي وطبعا نظام الدخول بالبصمة ورقم الاشتراك وهناك في دواليب كانت بالرقم السري لكن عملولها اقفال ممكن تأخدي قفل معاكي عشان الدولاب (يوجد تخفيض لموظفات السعودي الالماني انا كان اشتراكي 2700 ريال لاني موظفة
وايضا تخفيض للطالبات والجامعيات وموظفين الخطوط السعودية من الافضل ان تسألي
اتمنى اكون افدتك

انا مره نفسي اشترك في منها استفيد واضيع وقت بس احلى شي لما يكوون معاكي قرووب في احد راح يشترك قرريب؟؟

في احد مشترك في النادي جديد ؟