جوله في بيت ألمانيه

أروى محمد

11-11-2022 - 01:39 pm

تقول لكم كاترين
انها تعيش مع صديقها ماكس
في شقه مع 4 ارانب
بيتها ميزته ببساطته
عادي جدا مافيه زود زبرقه
واللي مميزه انو اغلبه من شغل يدها
وتعمل مطوره برامج.. وتسكن في جنوب المانيا
تحب الخياطه ونقطه ضعفها الاثاث القديم وهالشي بتشوفونه في بيتها
تشتري اثاث مستعمل له سنوات وتضبطه وتزبرقه
يله ناخذ لفه على شقتها
اول شي نبدا فيه
الممر
الباب الفوشي هذا هو باب الشقه
على اليمين المطبخ واظن اللي على اليسار غرفتها
تقول صبغت الباب بنفسها وتقول ماحبيته في البدايه
بس تأقلمت معه مع مرور الوقت
وحتى البويه اللي نص نص هي مسويتها بنفسها
صوره اقرب للممر وللادراج اللي حاطتها
عليها تحفه على شكل تفاحه ولوحتين ..
و معلقه فوقها سلال صغيره ملونه
وحاطه ع الجدار استيكرات حمام
حبيت الاباجورات المعلقه
بعدين نخش ع المطبخ
من ايكيا.. اللون البنفسجي يجنن
طبعا البويه من شغلها هي
مساحه المطبخ صغيره فاستغلتها بالرفوف
هنا مع الجهه المقابله..برضو رفوف
عليها برطمانات ملونه
الكاسات رهيبه والوانها تصيح ..
هذي طاوله الطعام .. الخداديات هي مخيطتها
طاوله الكوي مكانها غلط
من جهه ثانيه
اباجوره ايكيا
"الفوضى الجميله" >> هي اللي تقوله
هنا يوم نوت تغير مطبخها
وغيرت الطاوله بعد
حطت ورق جدران
جميل خالص..
زووم على الرفوف ..اغراضها تجنن
هذا المطبخ بعد التجديد
هالدالوب شاريته مستعمل وضربته بويه وزينته بالديكوباج
لاحد يرد

التعليقات (9)

أروى محمد

11-11-2022 - 04:41 pm

بعدين نروح للصاله ..
غيرتها ميه وعشرين مره يعني بيصير فيه شويه لخبطه في ترتيب الصور
دولاب ملابس في الصاله
بس شكل الملابس لصديقها
المهم تقول رحت اشتري هالدولاب من مدري وين المهم انه مستعمل
ويقول اللي باعها اياه انه كان لجدته مدري مين اللي مهديها اياه من عام 1930
على فكره هذا الكنب من ايكيا

أروى محمد

11-11-2022 - 05:42 pm

الحين بنروح لغرفتها , , ومساحتها صغيره جداً
البطانيه الكورشيه رروعه ومن شغلها
اخ حبيته اللي فوق الكرسي من اول نظره
اظن هذا قبل التجديد
لا احد يرد آخر مره

أروى محمد

11-11-2022 - 06:43 pm

الحين انروح للبلكونا
المكان يجنن ويفتح النفس
وبس كذا خلص الموضوع
وان شاء الله يعجبكم مثل ماعجبني و نقلته لكم

أروى محمد

11-11-2022 - 07:44 pm

آتمنى مايكون مكرر
اللي عجبني ببيتها البساطه والاناقه
وآلونه شرحه
يارب تستفيدوا

لجنوني حكايه

11-11-2022 - 08:45 pm

يجن مشآآآء اله ..^
يسلموو ياعسل على المووضوع اللي اكثر من رائع ..
واول مرا اشوفو صراحتن ..
لاتحرمينا من مواضعك الحلوه ..

رنيم المزيونة

11-11-2022 - 09:46 pm

lمرة البيت جوناان بس عجبني حق رفووف الزراعة تعرفي من وين ابي مثله وين احصله الله يجزاك خير واللي تعرف تقوول

أروى محمد

11-11-2022 - 10:47 pm

لجنوني حكايه
يسعدك ربي منوره
رنيم المزيونه
أهلين آختي
يمكن تحصلينها بأيكيا مومتأكده
ان شاء الله البنات يفيدونك

روعة النسيآآن

11-11-2022 - 11:48 pm

معليش .. بس مزعج ومكركب والوانه غير متناسقه ..
الباب الفوشي مزعج لونه والدولاب الاحمر مره مره غلط
<<< وجهة نظر

روعة النسيآآن

12-11-2022 - 12:49 am

بلكونتها حلوة واستغلتها صح ...
وسلامتك

مساعده بخصوص التعتيق والرسم على الجدران←
محتاره في ساعدوني→