جيتني مثل الجنون ويوم فارقتك عقلت

قصتي الأولى :
جيتني مثل الجنون ويوم فارقتك عقلت ~
احس اني وسط ليل طويل ناسي فجره اعيش بظلمته واسرح بأفكاري الي المجهول
افكر وانتظر صبح جميل الباسم وعطره وتصدمني هواجيسي ولا القى لهمي حلول
انا مليت واحساسي معك ارهف من الشعره والوم القلب لكنه يعاند وانت المسؤال
اريد ابكي على قلبي وتحرقني انا العبره واحس بدمعه الحره على محجر عيوني تجول
تبي تنزل واعاتبها وتقول شفيك مغترره واقول الصبر يا دمعه انا وانتي نخل وخيول
في الرياض
عائلة ابو بدر :
ابو بدر : عمله قاضي /طيب مثالي قدوه رائعه لعياله وزوجته وعياله اهم شي بدنيته بس عصبي شويتين :P
ام بدر: حنوونه وايد وقلبها طيب وتموت على بناتها
بدر: الولد الكبير طبعا عمره 24 يدرس محاماه ووسيم وقلبه حنوون مرا على امه وابوه
جود : اكبر بنوته عمرها 20 بالجامعه تخصص علم اجتماع شخصتها روعه وكل من حولها يموت فيها لتواضعها وروحها المرحه
بندر : 19 اول جامعه شاب نكته ومغزلجي طيووب مرا بس عصبي طالع على ابوه
قمر: اسم على مسمى قمر تشبه اختها الكبيره جود وكلهم طبعا طالعين لأمهم جميله بكل معنى الكلمه عمرها 18 ثالث ثانوي علمي
فيصل : عمره 16 اول ثانوي مراهق وكثير الطلبات حاط نقره من نقر اخته قمر
عائلة ابو مشاري :
ابو مشاري: اخو ابوبدر عنده شركه ويشتفل فيها طبعا
ام مشاري: عصبيه وتخاف على بناتها من الهوى الطاير لذلك رجلها على رجلهم بكل مكان
مشاري: عمره 28 يشتغل مه ابوه متزوج بنت عمه جوري وعندهم يارا بس لسى عمرها شهور
دلال: 20 مع جود بنفس الجامعه ونفس التخصص شخصيتها حلوه واجتماعيه
شوق: عمرها19 في الجامعه تخصص ادارة واقتصاد فيها شوية غرور وتنسجم مع بنات خالتها اكثر من بنات عمها عكس دلول
عائلة ابو راشد:
ابوراشد : اخوهم دكتور بالجامعه حنون كثيرر وشخصيته بنفس الوقت قوية
ام راشد :امراءه طيبه جدا تعمل في وزارة الصحه وتحب شغلها وتموت في بنتها الوحيده والي يشوفها هي وبنتها يقول اخوات
جوري :21سنه متزوجه مشاري وعندهم يارا حبيبة جدها وجدتها
راشد :16 اول ثانوي متعلق كثير بأخته الجوري ومع فيصل بنفس المدرسه وصديقه الروح بروح
ام سعود اختهم : بتكتشفو شخصيتها بالقصه
ابو سعود : مسافر برا يشتغل ويجي كل فتره
سعود : 25 طب
اسيل : 19 في الجامعه تخصص علم نفس
اكتفي بهذي العوائل والبقيه تظهر في القصه....
{ الجزء الأول }
في الصباح
ام بدر: قمر حبيبتي قومي المدرسه
قمر : ................
ام بدر : قمر قومي
قمر: هم
ام بدر: قمر قومي ولا قسم بالله ما تشوفي ولا شي من الي تطلبيه ليل ونهار
قمر: لا حول يمى هالذل كل صبح وما شفنا شي خليني انام بغيب
ام بدر : انتي يوم تروحي وعشره لا يلا قومي غصباً عنك بتروحي
فيصل وهو داخل الغرفه: احلى يا غصب عنك يعجبني القوي يعجبني وش الجمال هذا من الصبح وين ابوي ما شافك؟
ام بدر وهي خارجه: عن العياره الزايده وبتروح انت واختك يالكذاب غصب عنكم يحسب بالمدح اني بخليه يغيب والله مدري وش حقه تسجلون بالمدراس وتغيبون كل الاسبوع ويوم تروحونه
وبعد ما خرجت بدر : قمروه يلا قومي وعمى ترا لو تأخرتي بروح واسيبك زي الشغالات في البيت
قمر وهي قايمه ومعصبه وبتضرب فيصل: انقلع برا ولا قسم بالله لا تتلطش
بدروهو خارج جري: حليل من بيتزوجك يالعفريت
قامت قمر وراحت الحمام وغسلت وجها وتوضت صلت وقالت اذكار الصباح ولبست المريول شبحات جنز قصيره وبلوزه حمرا وطوق احمر وحلق احمر ولبست الكوتش الأحمر وتعطرت وحطت جلوس وخذت عبايتها وخرجت
بدر وهو خارجه من الغرفه : صباح الخير انسه قمر
قمر وهي تبتسم : صباح النور هذا الوجه الي الواحد يصطبح عليه مو النسره فيصلوه
بدر:كالعاده ياسعاده اكيد مخانق من فجر الله
قمر وهي مكشره : قوله اهو البزر مو انا كش عليه
بدر:ههه لا اليوم حاقده طيب يلا وش رايك اوصلك عشان اشغل لكي في السياره راشد الماجد فنانك المفضل وتروقين
قمر وهي بتتشقق من الابتسامه والفرحه: اي اكيد يلا
فيصل وهو جاي وعيونه خرجت: هي يا الأخو الحنون وانا ان شاء الله انا اخو الشغاله ولا اخوك
بدر: لا افا وين بس انت الشغاله كثيره عليك
قمر ،بدر:ههه
فيصل وهو معصب : ها ها ها الشرها علي عطيتكم وجه وانتي يا السخيفه يلي تضحكين من الهوى الطاير اساسا ما كشرت اجي معكم
راح عند امه وابوه وهو مكشر ويسلم على راسهم: فمان الله
ام بدر ، ابو بدر: الله يوفقك ياولدي
بدر وقمر نازلين من الدرج ويضحكون
ابو بدر: قمر بدر اكيد مزعلين المسكين فيصل خارج زعلان وما تريق
قمر بصدمه: اللحين انا الي ازعله الله وكبر
بدر : لا زعلناه ولا شي يلا فمان الله احنا تأخرنا
سلمو عليهم وخرجو
ابو بدر بعدما الكل خرج :وين الجود و بندر ما اشوفهم معهم
ام بدر : ما عندهم محاضره الا الساعه 10
ابو بدر وهو خارج : الله يحفظهمام راشد وهي تدور في البيت: راشد راشد ياراشد
شافت الشغاله ماشيه من جنبها وسألتها: وين راشد ؟
مرزوقه : واللهي اش دراني عنو هوا كولو مكان يرهو في نوم انا اصهي هو يرجع يروح غرفه جوري وينام
ام راشد : وهي رايحه غرفه الجوري: لااله الا الله
ام راشد: راشد
راشد قام من النوم مفجوع: لبست لبست السواق جاه؟
ام راشد وهي معصبه : ليه هو اصلا راح مكان الله ما اكذبك قوم بسرعه يا كذاب عالسياره
راشد: اها اجل حلمت انو راح
ام راشد: لا ياشيخ قوم انت وجهك المفقع نوم في الليل ~
في بيت ابو مشاري والكل متحمس يشوف المباراة
وجوري كانت زايره عندهم
ابو مشاري : والله يا دلول انهم بيفوزو وتشوفين
دلال وهي تضحك لأنها تحب تعصب ابوها : لالا بتشوف بيخسرون
مشاري : يخسون يفوزون علينا بنخليها 6\0 وتشوفين بس لسى حنا بالشوط الأول
جوري تضحك عليهم
وام مشاري منسجمه مع حبيبة قلبها يارا تلاعبها
وشوق منسجمه مه اللاب توب : ههه
كلهم لفو عليها
ابو مشاري: الله يديمها من ضحكه ممكن نضحك معك
شوق وهي منحرجه وش تقول: يبى لو قلت بتشوفوني تافها لانو الشي ما يضحك
دلال: اجل ليش ضحكتي معانته انك تافها
شوق بتكشيره: مالك دخل اولاً ثانياً لأني طفشانه
جوري تضحك على مناقرت بنات عمها واخوات زوجهافيصل: قو ول عاش الاخضر عاش
نط بدر من الجهاز الي قاعد عليه يشوف القول
جود وهي داخله الصاله : السلام عليكم
الكل :وعليكم السلام
ابو بدر : تو ما نور البيت يا هلا ببنتي العوده تعالي اجلسي جبني
جلست جود ودق التلفون وردت
جود : الو
سعود: السلام عليكم
جود: وعليكم السلام
سعود: كيف الحال وهو عارف انها وحده من بنات خاله
جود مو عارفه ترد او لا بحكم انها مو عارفه مين:........
سعوود:الو انا سعود
جود: هلا اسفه
سعود:لا عادي كيفك
جود: تمام انت كيفك
سعود: تمام الله لا يهينك عطيني بدر
جود وهي مستحيه موت مو متعوده تكلم احد الا خوانها: ان شاءالله
وسعود حاس فيها :مشكوره
جود: بدر كلم
بدر : منو
جود :سعود
بدر: هلا والله بالقاطع
سعود \ والله انا على الأقل دقيت انت ولا على بالك
بدر \ ياشيخ الأختبارات ذابحتنا
سعود \ عساك ع القوه الا وش رايك اليوم نخرج
بدر \ اوكي ما عندي مانع وين؟
سعود \ اوكي في ستار بكس الي في التحليه
بدر \ تمام خلاص بعد المباره ان شاء الله
سعود \ ان شاء الله يلا سلام
بدر \ مع السلامه
بعد المباراه وفوز السعوديه
في السياره
جوري : مشاري ممكن توديني عند امي
مشاري: من عيوني انا كم عندي جوري
جوري : تسلم عيونك
مشاري : بس اشوفك تطولين ترا اشتاق لك
جوري: ان شاء الله
ام سعود:اسول حياتي اشفيك
اسيل : ولا شي يمى
ام سعود: ليش ماتتكلمي وكأنك مضايقه من شي
اسيل : سلامتك بس زهقانه
اسيل وهي تسك المجله بحماس :يمى اطلب منك طلب
ام سعود: وشو
اسيل: ابي اروح عند قمر ممكن؟
ام سعود: طبعا يمى شوفي سعود رايح عند بدر روحي الحقيه قبل ما يروح ويسيبك
اسيل : ان شاءالله
وهي طالعه الدرج بسرعه:لعبة الأقدار تلعب في هوانا والزمن غداار ما يحفظ امانه هذا شي معروف من يملك مصيره العيون تشوف وايدينا قصيره
سعود:خير يا طير لا تطيري بس
اسيل:سعودي وين رايح يا وسيم
سعود:موله عارف وش تبين
اسيل:وديني معك عند قمر دامك رايح رايح هناك
سعود :وش دراك
اسيل ببراءه: امي
سعود وهو مازل :اي هو يا انتي يا الوالده طلباتكم مشاءالله ما تخلص خمس دقايق وتكوني جاهزه انا في السياره
اسيل : تمام
طلعت فوق وكلمت قمر وقالت لها انها جايه وفررحت قمر لجيتها
في بيت ابو راشد
جوري :راشد احسلك سيب البنت تنام
راشد : بالله اسكتي يالأم المثاليه
ام راشد: اللحين انت ليش ما تنقلع تلعب كوره ولا تروح مع فيصل اش حقه راز وجهك عند الحريم
راشد: ايدك على 200 ريال اجل
ام راشد: لالا اخاف تصيع فيها وش دراني وش تسوي فيها خمسين ريال تخب عليك
راشد\ اجل طلعه مب طالع وقاعد على قلبكم
ام راشد : روح خذ من شنطتي يلا
راشد رايح طيران قبل ما امه تقلب
جوري بصوت عالي عشان تقهر راشد: 50 بس
راشد: ياحبك للقافه
قمر وهي نازله من السيار داخله بيت ابو بدر
كانت تقفل شنطتها لأنها كانت تتمكيج بسياره
وتغني احساس جديد بقلبك بيزيد
قمر :اآآآآآآ
انتهى الجزء الاول
جيتني مثل الجنون ويوم فارقتك عقلت ~
{ الجزء الثاآني } ~
وش جاه محبوبي مشى وخلاآني مابين نيراآني وبين أحزاني
والي يسوي سواته ماهو عادي يحبني موت ويصاحب واحد ثاني
اسيل: اآآآآآه
بدر وهو يشيل اسيل من ع الأرض وهو منحرج :اسف ما انتبهت
اسيل: لا انا اسفه ما كنت شايفه الطريق
بدريطالع فيها باعجاب والطرحه طايحه : تحسين بألم
اسيل وهي تمسك يدها : لا مشكور
بدر: العفو
انتبهت اسيل انو الطرحه طاحت من اول وهي ناسيه نفسها من الألم والاحراج ورفعتها وطلعت على طول
في مكان ثاني والزحمه ماليه المكان
دخل وهو بكامل اناقته وكاشخ فك النظاره يسلم على صاحبه وليد
وليد: هلا والله بندر شلونك
بندر: بخير والله انت عساك بخير
وليد:الحمدالله والله ماشي الحال فينك ما نشوفك الا بصدفه
بندر : والله عاد اختبارات انت ادرى
وليد: لا عادي عاذرك
بندر: كيف الشغل في شركه الوالد
وليد: والله نعب من الجامعه للشركه بس نكون نفسنا
بندر:الله يعينك
وليد:امين يلا نشوفك على خير
بندر:ان شاءالله
وليد: مع السلامه
بندر: مع السلامه
من جانب اخر
ام بدر: جود يمى
جود: هلا يمى
ام بدر: تعالي يمى شوي معاي الغرفه ابي اكلمك بموضوع
فيصل:لا والله وليش ماتقولي قدامي
ام بدر:جود قومي معاي
جود:ان شاء اللهقمر : اسول وش فيك مو معاي مليت وانا اتكلم وانتي ولا انتي معاي
اسيل بأحراج: لا معك
قمر: مو علي هالحراكات قولي وش فيك
اسيل حست انها اتورطت : سلامتك ولا شي
قمر: براحتك بس لو بغيتي تقولي شي انا اسمعك بأي وقت
اسيل:ان شاءاللهفي بيت ام مشاري
ام مشاري: دلول قومي ناوليني التلفون
دلال :ان شاءالله
ام مشاري: بعزم عماتك يوم الخميس
دلال بفرحه: والله
ام مشاري: اي يمى
كلمت ام مشاري العمات وعزمتهم
شوق وهي داخله : مين له ساعه يتكلم بالتلفون ابي اكلم خالتي نوف
ام مشاري: انا عزمت عماتك يوم الخميس
شوق : ليش يمى انا عززمت خالتي نوف وانتي تعرفينها ما تحب قعدت عماتي
ام مشاري وهي عارفه حركات اختها وبنتها: عساها لا جت دقي اعتذري منها
شوق: اف
دلال : شوق عيب عليك
شوق وهي خارجه \ سوري انسه دلال نسيت انك محامي الدفاع لهمام بدر : وش فيكم معلين التلفزيون رخوه الله يهديكم
جود وهي توطي صوت ال TV: يمى من كنتي تكلمين
ام بدر : ام مشاري عندها عزيمه يوم الخميس وحنا رايحين
قمر: يو مالي خلق شوق
ام بدر : عيب يمى وش هالكلام
جود: صراحه صادقه فيها طويلة لسان وما تحبنا
ابو بدر : مهما كان ما يصير تتكلمو عليها هذي بنت عمكم عيب
في السياره
نجود صديقه جود بالجامعه
وهي داخله السياره : السلام عليكم
تركي بدون نفس\ وعليكم السلام
تركي\وش فيك ساكته
نجود \ ما عندي كلام وش اقول يعني
تركي\ هي هي لا تكلميني من خشمك تحسبيني اصغر عيالك
نجود والدموع اتجمعت بعيونها \ ان شاءالله
جود مصدومه من الي سمعته
ام بدر \ يمى جود وش فيك يا يمى انتي كبرتي
جود وهي تقوم \ يمى ماابي
ام بدر \ يايمى فكري زين والله الرجال سمعته وايد حلوه
جود والدمعه بعيونها \يايمى لا تضغطي علي ما ابي
ام بدر \ يمى لا تقولي لأبوكي قرارك لين تفكرين زين
جود\ ان شاءالله
في بيت نجود وتركي
تركي وهو بيجلس على السرير بينام
نجود وهي تفرك في ايدها : تركي بقولك شي بس خايفه
تركي حزن على شكلها مثل الطفله الي سوت شي وخايفه من العقاب: اشفيك قولي
نجود وهي تديه ظهرها : احلف ما تعصب
تركي بحزم : نجود قولي وما بعصب
نجودوهي تغمض عينها وخايفه يصيح عليها : اناا حامل
تركي انصدم وقام : ايش قلتي
نجود وهي خارجه من الغرفه وخايفه: حامل
تركي ابتسم :
نجود وهي مستغربه: انت مبسوط
تركي: انتي اش رايك واحد بيصير اب تبيه يزعل ويصارخ
نجود ساكته
تركي :ليش توقعتيني ازعل
نجود: لأنك ما تحبني
تركي وهويمسك يدها \ ومين قلك ما احبك
نجود \ تصرفاتك معي تدل انك مو ما تحبني ما تواطني
تركي انصدم من كلامها وخرج من الغرفه
اليوم الثاني
صغيرة جنت و انت صغيرون
حب عارفنة بناظرات العيون
و قالو ترة ذولي يحبون من الصغر لمن بكبرون
مثل النجمة و القمر
كبر حبنا و ازدهر
لعيونك حبيبي تلتقي دروب السفر
على الشط كعدنة ليالي
يم النهر و النخل العالي اتغربنة و كبرنة ظل النهر و النخل عالي
مثل النجمة و القمر
كبر حبنا و ازدهر لعيونك حبيبي تلتقي دروب السفر
مثل النهر ما تغيرنة
حبنة كبر و احنة كبرنة
باحلام الحب الي جمعنة
مثل الطيور احنة صرنة
قمر : جود وش البس هذي ولا هذي
جود وهي مو معاها : كلها حلوه الي تبيه
قمر وهي تجلس جنبها : جودي يا قلبي وش فيك امي قالت لا محد رح يغصبك ليش شايله هم
جود \ انتي عارفه انا وش الي مرددني خايفه اسيب طلال وسعود ما يخطبني
قمر \ لا ان شاءالله راح يخطبك بعدين انتي ما تعلقتي بسعود الا من كثر هرج عمتي ساره كل عزيمه تقول جود لسعود
جود \ الكلام الي قلته لكي لا يوصل لأمي
قمر\ لا توصي حريص
جوري & مشاري
جوري\ ميشو قوم
مشاري\ جوري حبيبي روحي وصحيني بعد شوي
جوري \ مورايحه لين تقوم
مشاري \ اقوم بس بشرط
جوري \ وشو
مشاري اديني بوسه
جوري خدودها حمرت \ نو وقامت بسرعه
مشاري لحقها ومسكها \ جوري لنا سنه متزوجين وللحين تستحين
جوري \ ميشو خلاص سيبني
مشاري \نو
جوري\ ميشو خلاص
مشاري \ جور تعرفيني الي براسي اسويه مو سايبك لين تسوين الي قلت عليه
جوري باحراج سوت الي يبيه وراحت جري
راشد : يه يه يه وش هالزين وش هالحلا
ام راشد \ طول عمري حلوه
راشد \ وين رايحه
ام راشد \ بيت عمك بو مشاري
راشد \ حشى عماتي راحو وطي من هالحلا كله
ام راشد \ ههه اللحين انت وش تبي من الصبح فوق راسي
راشد وهو يمد يده \ مني
ام راشد \روح قول لأبوك
راشد\ يو يمى لا انتي والي يسلمك كل ما اخذ من ابوي قبلها اخذ زفه محترمه
ام راشد \ تستاهل ما تمل وانت تطلب فلوس
راشد \وانتو ما تملو وانتو تقولون لا
ام راشد\ نخاف عليك
راشد\ امحق تخافون علي من الفلوس
ام راشد \ أي الفلوس اخاف تدخم من وراي
راشد \ لا افا ما في شقه
ام راشد \ خلاص خلاص ما احد يتناقش معك الا غالبه
راشد\ تعرفون اجل وش حقه تعابطون
ام راشد وهي تضربه بخفه \قليل حيا ما تستحي يلا اقلب وجهك
في العزيمه ~
ام مشاري \ حي الله من جانا زارتنا البركه
ام بدر \ الله يحيك
ام سعود \ كيفكم يا بنات
البنات : الحمدالله بخير
ام سعود : كيفك دلول
دلال \ تمام يا عمتي انتي شلونك
ام سعود \ الله يسلمك حبيبي تمام
جود خايفه من اهتمام ام سعود الزايد هذي الايام بدلال
اسيل : جود وقمر شلونكم
جود : الحمدالله بخير
اسيل \ والله يا جود كل ما اشوفك تحلوي اكثر
جود وحست ان اسيل رفعت من معنوياتها وادتها امل شوي: عيونك الحلوه
ام مشاري وهي داخله \ تفضلو على العشا
خرجو الكل
الا جود كانت جايتها مكالمه ضلت تكلم بالجوال
حست بأحد داخل
لفت وانصدمت ..........................................
انتهى الجزء الثاني
اتمنى يكون عجبكم
والي عنده شي يتوقعه يكتبه
واتمنى ما تنقل الا بذكر اسم الكاتبه : دلوعه عيونه
قريب الأجزاء الباقيه ان شاءالله
ورح اكمل بعد الردود