حايره مالحلتغيرت نظرتي له

انا يابنات مملوكه من 5 شهور
المهم بالبدايه ماتقدم لي كانت شروطه انه ما يبيني البس عباه كتف والوظيفه لا وانا وافقت لاني احبه
المهم مرت الايام وفتحت له موضوع العباه الكتف قال لي لا وكنت اتظايق لما اطلع بالشارع وانا علي عباه راس
وبعدها قال لي لاتلبسي نقاب تظايقت كثير وحاولت معه اكثر من مره اقوله انا مااشوف
ولحيت عليه اكثر من مره بعدها مافتحت معه المواضيع
المهم زوجي تغير علي فجاه صار لايجي ولا حتى يكلمني واسلوبه تغير معي 180 درجه ومعرفت شنو السبب
3 شهور متغير ولما اكلمه واساله يقول لي تعبان ومره يقول مافيني شيء ويعصب علي اذا كلمته
المهم اخر مكالمه قال لي انتي ماتنعطي وجه ولاعاد تدقي مره ثانيه
المهم خبرت ابوي ابوي كلمه قاله لازم اتكلم معك بموضوع قاله لا موفاضي انت تعال لي بكره
مااحترم ابوي بالتلفون
قاله ميصير زوجتك تقطعها قال لابوي مالك شغل فيها
وابوي راح له بالشغل يوم ثاني المهم ابوي يقول له امسحها بوجهي قال زوجي لابوي لا خلها تنطق
يقول بنتك ماتسمعك الكلام ومانفدت العهد
يابنات انا فعلا بالبدايه ناقشته وبعدها ماناقشته ليش راح فتح لابوي مواضيع قديمه
احس الولد مايبغاني
انا اللي قهرني ان ابوي البارح دق عليه ..ليش ابوي يسوي كل هذا عشاني
كأن راميين حالنا عليه انقهرت لما سمعت ابوي هو اللي كلم زوجي
هاوشت امي وقلت ليها انا عندي كرامه ليش تركضون وراه
انا بصراحه نفسيتي تغيرت عليه من بعد مارفع صوته علي ومن بعد مااحترم ابوي وافكر انفصل
لان اللي كدا ينخاف منه
ابي مشورتكم