حبة حبة على الرشاقة حبة حبة مواقف مضحكة مع الشحوم

وين الحلوين ,, ترى الجدية ماتنزل شحوم
خلونا ندردش ونضحك ونغير روتين القسم

يالله ان تصبحها بالخير
ههه عاد المواقف ياكثرها بس اللحين تذكرت واحد منها ههه
القهر لارحتي سوق وقالك اللي يبيع فيه مقاسات كبيره
احد سآلك يعني لازم يذكرني عارفه هالشئ ههه
بس اللي قهرني وللحين ماني راضيه ابلعها
كنت بالسوق وكام ز حمه برمضان الا واحده من وراي تدفني من كتفي وتقول شويه ياخاله
< ماتنلام شافت العباه ع الراس وواحده دبه طرا لها جدتها يمكن
عاد لو اللي تكلمت صغيره ببلعها لكن والله انها تجر بزارينها وراها وطولي عيالها < عشانها قصيره
عشتو يالصغيره كانك تشوفيني خاله
المهم بعدها حسيت ع دمي والكلمه حركتني لنفسي
وبس قرقر كثير مال انا
لو تذكرت شئ بجي اقوله

ya7bnele ههه ياحبني لك مت ضحك على خاله
وشكرا شعوله على الموضوع
انا غيركمم كنت مسافره لمصر وادورر فستان لصاحبتي وهي نحيفه مشالله الا تجي وحده ملقوفه وتقول مافي منه مقاسات
من رجعت وانا مسويه رجيم من القهر بسس كل الي نقصته رجعت دبله :(

ههه جود عادي والله تصير باارقى العائلات
< صارت لي
مره اختي موصيتني اجيب لها بلوزه وهي مقاسها M المهم وانا ادور لها واحط يدي ع بلوزه وهي بالاصل نفس المقاس اللي ابيه عاد قال لي للاسف مافي مقاسات < وش ذا التحطيم ياربي
حسيت انه يقول بباله وشفيها تحسب انها نانسي عقرب ع غفله
واحيانا يوم القاه باكستاني اتشطر عليه واعطيه بوجه شدخلك بس لاصار سعودي ابلع لساني
< بتتطردنا شعوله الظاهر

ههه
مره كنت بمجمع وشاريه لي ايسكريم ويجوا شله شباب يقولوا بس كفايه تخزين شحوم
ماشاء الله
ومره كنت جالسه بعزيمه كبيره وفجاه وحده تقولي لي شوفي سحابك مفتوح من السمنه برضو ماشاء الله
أأأأأأأأأأأأخ بس متى نقهر الشحوم ونرتاح يارب من غير هم ولامرض باذن الله

انآآآ
راح اقول لكم موقف وححده
راححت السوق معع زوجها وماشاء الله هي مليانه
المهم شافت قمييص عجبها بس زوجها قال لامايجئ وهي مصصره تقول لالا يجئ وبععد واسع
ههه مصره حيل
المهم رججعت البيت وهي متحمسه وييوم جات تقيسسه ماهو راضي يدخل عندى منطقة الكرشش
راحت قالت لزوجها وشش رايك بكرا نروح السسوق
قال لها : ليه
قالت واسع مرة ومو عاجبني لوونه وقلبها ححارقه عليه
ههه
<<<<موقف ف محرج من جد

ام
من كم شهر صار لي موقف مره غبي
بنت عموو كآآنت منقطعه عن الدراسه وجت زيآآآره لمآآ شفتها رحت سلمت وانا من الحماس قلت لهاا شخبارك يالدوبا ؟؟
ردت صديقتها هالغثيثه
تقول اذا هي دبا وش تصيرين انتي
كرهت عمري ذيك السساعه
.
.
.
صآآآحبة الموضوع ششكرآآ

ههه مواقفكم حلوه..

اذكر شريت جزمه وانتوا بكرامه بوت وكانت مره واسعه علي ورجلي تسبح بداخلها
ووريتها اخواني وماعجبتني وخليتها بالدولاب
الحين قلت اشوف دولاب الجزم وشفيه
رحت اقيسها
والمشكله هالكلام قدام اخواني
وتخيلوا ماقفل سحاب البوت ونشبت
اخواني انسدحوا ضحك وماصاروا ينادوني الا الفيله
لا ووحده من صاحباتي ماتناديني الا الفيله الورديه بكل مكان احراج