حبيباتي الفراشات ممكن

أختي فكرتك وايد حلوة من اسبوع حضرت عرس كان فستان العروس أصفرليموني فاتح والبوكيه بعد أصفر بصراحة
كان تغير حلو وايد عجبتني الفكرة ملينا من الروتين الأبيض ومن تقليد الغرب
وبعد من فترة طويلة حضرت عرس كان الفستان لونه وردي فاتح بعد كان روعة
أنا معك في الفكرة وأشجعك عليها
وألف مبروك

أختي العزيزة أنا كانت فكرتي نفس فكرتك إني أغير لون فستاني رحت للمصمم وخيرني بين اللون الوردي الفاتح واللون الأزرق واللون البرتقالي واللون الأخضر الفاتح جداً طبعاً مش الفستان كامل كان راح يكون لون جانبي فقط مثلاً إذا كنت تمشين الناس إلي بجمبج راح يشوفون اللون وإلي قدامك راح يكون الفستان أبيض يعني بيكون مثل الظله والصراحة عجبتني الفكرة وايد بس بعد تفكير عميق قررت أن يكون الفستان أبيض وأنا أنصحك أنك تمي على الون الأبيض لأن الصراحة اللون الأبيض دائماً يكون ملكي وإذا حبيتي التغيير في لون الفستان حطي إضاءة السبورت ليت ملون وإنتي تمشين في الزفة راح يعطي لون لفتانك مثلاُ مرة راح يكون أبيض ومرة وردي ومرة بنفسجي ومرة أخضر وهكذا وراح يطلع في التصوير روعة بصراحة أنا جربت نفس الفكرة وتطلعت تهبل لأن الصراحة فكرة الفستان الملون مغامرة وما ودي تنصدمين إنك تحطين في بالك موديل ولون معين وماراح يطلع إلي في بالك وهذي ليلة وحدة في العمر والله يوفقك...

وبصراحه انا برضو ما حبيت ان فستان زواجي يكون كله ابيض
يعني حبيت ادخل لون معه من باب التغيرر والتميز وفعلا لون الفستان نفسه ابيض ناصع مع ابيض حليبي وفيه حركه مثل حركة الامواج هذي كلها باللون الارتكواز(ما راح تقدرين تتخيلينه لان المصم لما قال لي قلت .. اقلب وجهك ....)
بس لم سوا لي عينه صار مره جنان وتحفه انتي قبل اي شي لازم تسوين عينه وتشوفين وعموما اللون الابيض حلو لو تكلفتي بالقماش ونسيتي سالفة الموديل
لكن لو تحبين الحركات والموديلات ما يمنع يكون فيه الوان اضافيه للابيض

هلا اختي
ام هالشي يعتمد عليج ..
يعني هل انتي تحبين تمشين ع الموضه والدارج ..؟ أو تحبين يكون لج ستايل خاص حتى لو خالف الموضة شوي ..؟؟
لو تلاحظين عروض الأزياء واقصد المصممين اللبنانيين .. مافي فساتين ملونه .. لا هالموسم ولا الموسم الي راح .. في الأبيض الناصع وفي الأوف وايت وفي الكريم .. اللون يكون في الشغل مثلا فضي أو ذهبي أو يكون كل الفستان مع الشغل لون واحد ..
لكن اذا انتي مصممة ع التغيير ممكن هالشي بس فكري فيها لو جيتي تأجرين الفستان أو تبيعينه احتمال محد ياخذه لأن الغالبية تدور الألوان الكلاسيكيه ..
فكرة أم فجر حلوة وهالشي الي غالبا يصير بالأعراس ان الاضاءه تكون الوان وهالشي يكفي ..
أنا من فترة طويله شفت عروس لابسه أصفر هادي .. كان حلو .. أو يمكن شفته حلو لاني كنت صغيره وايد وبهرني انها مغيره اللون ..
ان شاء الله أكون ساعدتج وألف مبروك مقدما =)

فكرة التغير حلوه لكن يظل الابيض هو الابيض
حاولى تدخلين عليه الوان ثانيه فاتحه او ذهبى او فضى وبيطلع قمه في الروعه

الابيض مميز في الزواج
و الالوان الثانية تقدرين تلبسينها في فساتين سهره

بصراحه أنا أيد يكون لون الفستان أبيض...العروسه تطلع كأنها ملاك...

أنا انصحك بالأبيض .. لأنه هو اللي يطلع العروس عروس بليلتها

عزيزاتي
اشكركم جدا جدا جدا على الرد و اسفة على التاخير
و ردودكم كانت في منتهى الروعه و عقبالكم و انا اذا لقيت فكرة صدقوني ما راح ابخل عليكم الله يوفقكم