حب نص كم

سبحان الله

13-01-2022 - 01:59 am

حب نص كم
انا عازماكوا على شوية كلمات من الحب بيقولها الرجل للست
فهل ياترى هي كل ما عنده والا هو بيقول نص اللي في قلبه
والنص التاني بيخليه في سره؟؟ وعلى فكرة الكلام دا
مش من تأليفي ولكن كتبه الكاتب الساخر احمد رجب
يا ريت فيه كلمه تعبر ع اللى انا حاسس به غير بحبك
( لانى فى الحقيقه مبحبكيش)
اول مره اقول كلمه بحبك لواحده
( وتصدقنى ودا لانك هبله طبعا)
انتى كنتى اجمل واحده فى الحفله امبارح
(بس ابقى اعملى عمليه تجميل فى ودانك ومناخيرك وبقك)
حنتجوز طبعا يا حبيبتى بس ادينى فرصه 6 شهور
(وبعدها مش هتشوفى وشى)
باحس دايما انى مسئول عنك
(فى الحاجات اللى متكلفش فلوس)
بتبقى حلوة اوى وانتى بتبكى
(بس فاهم دموعك كويس ومش هتجوزك)
انا مستاهلكيش
(وهتكتشفى بعدين الحقيقه دى بنفسك)
ازاى كنت عايش من غيرك قبل كده
(اكيد احسن من دلوقتى وع العموم قربت ارجع اعيش من غيرك تانى)
طول الليل بحلم بيكى
(اللهم احفظنا من الكوابيس)
كلمه منك واقاطع كل الناس
(الا ميمى وسوسو وتوتو و .....)
ماالقمر الا انعكاس لوجهك حبيبتي
( في الليالي المظلمة )
لما اشوفك يروح مني الكلام وانساه
( من الصدمة )
عنيكي احلى مافيكي
( لما تلبسي نظارة الشمس)
شفايفك زي الفراولة
( بتاعت الصوبات )
تتجوزيني ياحبيبتي
( يارب تقول لا )
وحشتيني ووحشني كلامك
( اللي زي الدبش )
الكلام ما بين الاقواس ده الكلام الى فى خياله والى ما بيقوله **********

التعليقات (8)

بنت المطر

13-01-2022 - 05:41 am

حلوه منك اختي

العمه سونيا

13-01-2022 - 06:42 am

يا ريت فيه كلمه تعبر ع اللى انا حاسس به غير بحبك
(لانى فى الحقيقه مبحبكيش)
<<<<طبعا البنت اكيد بتصدق خ
تسلم ايدينك على ماسطرتيه لنا ومشكوره

بنت النيل**

13-01-2022 - 07:43 am

اهلا حبيبتى ....
اكيد هذا الكلام ( ما بين القوسين ) ممكن يقوله بعض الازواج لكن ( الازواج النص كم ) لان الرجل غير مجبر ابدا على حب امراة او التعبير عن حبه لها من اجل ارضائها فقط دون ان يكون من داخله يحبها ويريد ان يقول كلمات الحب والاطراء النابعه من تقديره واحترامه لها ... شكرا لموضوعك اللطيف ...

عبير

13-01-2022 - 08:44 am

لول حلوة

سبحان الله

13-01-2022 - 09:45 am

اختى الفاضلة بنت النيل انا لم اقصد الزوج لزوجته انا اقصد الشباب
والاخص شباب الجامعة الاعب الذى يهوى اصياد الفتيات
تعالى الى اى جامعة من جمعات مصر او غيرها من الجمعات المشتركة وشاهدى الحال اصبح عيب ان الولد يمشى بدون فتاة

بنت النيل**

13-01-2022 - 10:46 am

فهمت يا اختى ....
واغير صيغة كلامى واقول الشاب الذى يمشى مع فتاه وهو يقول ( ما بين السطور) يبقى معندوش دم !!! لانه بيضحك عليها ومستمر معها وكمان مش عاجبه !!!!...
لا حول الله يا رب والله الواحد شايل هم ما يحدث فى الجامعات عندنا ربنا يستر على شبابنا وفتياتنا ...شكرا للتوضيح ...

مـــــــــــوج

13-01-2022 - 11:47 am

لاحول ولا قوة الا بالله ..
ودي اعرف ليش يرضون لغيرهم اللي مايرضونه على نفسهم الله يهديهم ويستر على بناتنا يارب ..
تحياتي ..

الماسه

13-01-2022 - 12:48 pm

مشكوره اختي

اسرار زوجية←
اسيرة الغربه→