حركتات للعيد

كل عام وانت بخير ومبارك عليكم الشهر
وعيدكم مبارك مقدما
اخباركم ياحلوين؟؟؟؟
ادخل في الموضوع على طول..........
طبعا الكل عارف خرابيطنا يالبنات في العيد ولازم كل وحده تغير الستايل
اللي تعودت عليه وتطلع بنيو لوك
طبعا هنا راح نحط كل شي يخص المكياج واللبس والاكسسوارات والشعر
وطبعا حنا ماراح نحط الاشياء المتعارف عليه والعاديه
لا نبغى كل الاشياء اللي على الموضه وتكون جديده وعشان كذا حطيت هالموضوع
نبدا بسم الله
اللبس:

• -البنطلون مع التنوره....

1- طبعا الدارج الى الان هو البنطلون والتنوره القصيره او بنطلون وفوقه قطعه لف
طبعا البنطلون ساده والتنوره ملونه والبلوزه تكون مثل لون البنطلون
والبسي معه عقدين طوال كل واحد لون او ثلاثه اذا كانت العقود او السلاسل ناعمه
عشان يعطيه فخامه

• -الفضي والذهبي...

2- الموضه في لون اللبس حاليا هي الفضي او الذهبي
وممكن تلبسين بنطلون او تنوره فضي وبلوزه كم طويل قطنيه لونها ابيض
وتحطين شال فضي طويل ملفوف على رقبتك( يعني مره قريب منن وجهك )
وطبعا البسي بروش فضي كبير
لان الحين الموضه ي البروشات ( يعني البنطلون والشال والبروش نفس اللون)

• - الترتر--

3-طبعا تلقين في السوق بلايز شيفون او قماش عادي تكون ملونه وطويله للركبه
بس مافيها اي فكره جديده ( طبعا ياحلوه هنا تطلع شطارتك)
اشتري وحده منهم وبعدين ركبي على اطرافها او بأي شكل انتي تحبينه (ترتر )
طبعا الترتر فضي او ذهبي وطقمي معها بنطلون فضي او ذهبي
( طبعا مو تشكين البلوزه كلها ترتر لا خذي بأشكال ناعمه..

• -خيط الستيان الكشخه..

4- اللي بلوزتها مره مفتوحه من على الصدر يعني دلعتها واسعه تشتري
خيط الستيان اللي كله كرستال وورود
الاكسسوارات
1- طبعا مازالت دراجه موضه الخواتم اللي تلبسينها تحت الاظفر على طول
وتكون بأصبعين بجنب بعض
2- رجعت وبقوه موضه العقود اللي تكون على الرقبه بس ومو نازل منها ولا شي
وتكون جلديه او خيوط مشبوكه ببعض
( بصراحه شكلها مره راقي اخذت عقد اسود من ديور وواحد بني جلد)
الاظافر
حطي اللون اللي تحبينه على اظافرك وبعدا على طول انثري قليتر على الاظفر
بلون ثاني وطبعا راح يكون شكل الاظفر واو
( اتحدى اللي تقولي كم مره كتبت كلمه طبعا في هالموضوع)
الشعر
اخر شي شفته من التسريحات هو انك تسوين شعرك كله كيرلي
وترفعينه فوق وماتزلين ولا خصله وطبعا الغره او القصه تكون ناعمه
وممسوسه يعني مشدوده ونازله على نص الجبهه
وتحطين فوق شريطه رفيعه او ورده صغيره..
المكياج
1- طبعا اللي ودها ترسم ورده او رسمه ناعمه على خدها بس مو عارفه تتقنها
جيبي اول شي نقوش الحناء الجاهزه ولزقيها على خدك ولوني بالمحددات بالالوان اللي تبغينها وبعدين شيلي اللزقه
( طبعاً هالحركة حلوة للبنوتات الصغيرات يوم العيد )
2- طبعا راحت خلاص على المكياج السموكي والكشميري والموضه الحين
حطي لون واحد على الجفن الثابت والمتحرك والخط الفاصل من نص العين الى زاويه العين الخارجيه حطي اسود وتحت العين
شدو اسود كثيف وادمجيه مع اللون الاسود
اللي فوق وداخل العين كحل اسود وطبعا لاتنسين ترسمين عينك من فوق
وحطي ماسكار اسود وتطلع عيونك واو
3-واخر شي في المكياج و انك تحطين على الجفن الثابت والمتحرك لون واحد
بس وداخل العين كحل ملون وياليت يكون اللون ساطع مره
( عشبي - تركواز)
وعلى زاويه العين الخارجيه شدو اسود ومن تحت الاسود يكون لنص العين
بس وحاولي تدمجين بكحل سائل وشدو اسود على برا عشان يكون الشكل مثلث شوي وطبعا لاتنسين ترسمين عيونك من فوق
للرموش حركه حلوه
بعد ماتخلصين مكياج عيونك حطي جل على اطراف الرموش وحطي قليتر باللون اللي تبين راح تطلع اطراف رموشك هي اللي تلمع بس والشكل واو
كتبت كل اللي عندي واللي عندها شي زياده تنورنا وتقولنا
يالله عاد كل وحده تقرأ الموضوع نبيها تقول علشان تأخذ أجر
وأخذ معها
ولاتقرون من غير ماتقولون شئ
قولوا اي شي
لااله الا الله
اللهم صلي وسلم على محمد
سبحان الله
الحمد لله
الله اكبر
ماشاء الله
يتبع