حريمنا مو بس السعوديات الحريم عامة

إلى كل إمرأه سعودية تعتقد أنها فاقدة الكلام الحلو مع زوج سعودي.....
إلى كل إمرأه سعودية تعتقد أنها مظلومه عاطفيا لأنها مع زوج سعودي.....
إلى كل إمرأة سعودية تبحث عن زوج حق دلع ولا كلام حلو.....
أختي الفاضله:
إجلسي مع نفسك صباح يوم من الأيام بعد أن يغادر زوجك السعودي إلى العمل...
راجعي يوم الأمس الذي مضى لحظة بلحظة، وأجيبي عن الأسئلة التاليه:
صباح الأمس الباكر؛ من أيقظ زوجك للعمل؟ أنت أم الساعة المنبهه؟
إذا كانت الساعة؛ أين كنتي؟
إذا كنتي أنتي؛ كيف أيقظتيه؟ وبأي صوت نبهتيه؟ وفي أي صورة كنتي عندما تفتحت عينيه..؟
بعد أن استيقظ، ودخل الحمام للدش؛ وجد حمامه جاهز؟
لما خرج والأمل يحذوه في وجبة إفطار؛ هل كنتي جهزتي له إفطاره؟
قبل أن يخرج للعمل؛ من أين أخذ ملابسه؟ (من بين يديك ولا من الدولاب)
هل ساعدتيه في لبس ملابس العمل ؟ (وكشختيه وعطرتيه)
بعد اللبس (وقت الخروج)؛ هل من مودع؟ ولا أحسن إختاري أجابه واحدة مما يلي:
1- خرج وأنا نايمه.
2- صحيت من حركته في البيت، فتحت وحده من عيوني وقلت: وين رايح، العمل؟ بالسلامه.
3- كنت جالسه بالصاله، وهو خارج قلت له لاتنسى الأغراض اللي وصيتك عليها.
4- رافقته للباب، وكان وداع حار.
( تبين مساعدة، نحذف أجابتين؟ بس المشكله مانقدر نحذف إلا إجابه وحده بس!!!)
لما وصل المكتب هل أتصلتي فيه تتطمنين إنه وصل بالسلامه؟
تالي النهار وهو راجع البيت من العمل، دق الجرس ( معه مفتاح بس يبي أحد يفتحله و يحسسه إن له وحشه)؛ هل أستقبلتيه؟ وشلون؟
بدا ينزع ملابسه؟ هل كنتي معه ونزعتي له ملابسه ثم علقتيها بالدولاب؟
الآن يبي غفوه قبل الغدا، هل ساعدتي على توفير الجو الهادئ؟
لما صحي؛ هل وجد الغدا جاهز ولا هو اللي جابه معه من المطعم؟
بعد الغدا أكيد يبي شاي، هل قدمتي له الشاي، وجلستي معه سواليف، وتسئليه كيف كان يومك؟
الآن فتره مستقطعه إلى الليل، وشلون قضيتوها؟
بالليل وقبل النوم على الأقل ساعتين (إذا فيه عيال أكيد ناموا)؛ وش كنت لابسه؟ كيف رائحتك؟ وشلون صورتك وهيئتك أمامه؟
خلال الساعتين: وش من جو عيشتيه فيه؟ يمكن تتابعون فلم ولا مسلسل اوسواليف، بس الجو العام شلون كان؟
بإختصار لكل الأسئله السابقه:
هل كنتي أنثى مع زوجك السعودي وعيشتيه جو زوج وزوجه؟
طبعاًَ هذي مو كل الأسئله المطلوبه من زوجه أنثى، لكن المهم منها والمطلوب حتماًَ وحق الزوج فيها.
إلى كل إمرأة سعودية تبحث عن زوج حق دلع ولا كلام حلو:
ضعي درجه من 100 على كل سؤال، ووزعيها بحسب الأهميه، ثم أجيبي الإجابه الصحيحه، ومن ثم اجمعي الدرجات التي حصلتي عليها.
كم مجوع الدرجات اللتي حصلتي عليها؟
0% ولا 10% ولا 50% ؟
طبقي النتيجه على المعلومه الزراعيه التي أعطيتها أول الرساله عن الأرض. إعتبري النتيجه هي نسبة إهتمامك بالأرض. والأرض زوجك كيف بتكون الثمره اللي تحصدينها؟
وإذا احتجتو اي مساعده اسألو مزارع
في النهايه:
كفايه يكون في العالم العربي كله بس السعوديين محرومين من أنثى.
معلومة أختتم فيها رسالتي:
تعرفون ليه الزوج السعودي يفغر لما يشوف امرأه متبرجه
تعرفون ليه الزوج السعودي لما يجلس وزوجته يتابعون التلفزيون وتطل المذيعه عيونه مفنجله بالشاشه.
تعرفون ليه الزوج السعودي لما يتزوج من سوريه ولا مغربيه ولا...ولا...
يحس ان فعلاًَ فيه جنس آخر بالكون غير الذكور.
لأنه في الأصل عايش مع واحد من ربعه.
منقول من الواقع
و ان برأيي الشخصي انه لو فيه زوجة تسوي ما ذكر اعلاه ما راح زوجها يفكر مجرد تفكير بالزواج عليها الا اذا كان مجنونا او مريضا نفسيا
ملاحظة هامة / الموضوع طرح بهذا الاسلوب كتذكير للمتزوجين و المتزوجات
دمتم بوافر الودّ والمحبة ...
رسلتها عشان مانغلط نفس الأخطاء إلا أخطئها غيرنا .. هذا إلا حبيت أقوله .. ..
السموحه ع الاطاله
كل وحده تعطيني رايها
منقول من إيميلي..

شوفي حبيبتي
لو وحده منا تسوي كل الي قلتي عليه يوميا طلقها انا ما اقصد الرجل السعودي بالتحديد
الرجال احيانا يحب يستقل بروحه و يحب يبعد عن جو البيت
مو ناشبته له 24 ساعه
والي شافت مسلسل ام البنات وشريفه حايفه زوجها حووف و مهتمه فيه
راح نط على الي مطنشته وما تدري عنه و ظل يركض وراها
انا ما اقول ان الوحده تهمل زوجها و تطنشه لا
بس مو لدرجه انه و ين ماراح لقاني بوجهه
هذي وجهه نظري و اتمنى محد يزعل

هادي تالت مرة اقرا الرسالة دي في المنتدى هادا ، و الله انهاما تهز فيا شعرة ، و باختصار شديد ، انا اللي اشوفه الحريم السعودياتالمتزوجات اغلبيتهم تزوج و يصير زوجها محور حياتها لو زعل حياتها تتدمر و لو فرح حياتها بتسعد و تحبه لدرجة العبادة و كل تفكيرها كيف اسعد و كيف اعامله و كيف اجذبه و كيف و كيف ... الخ ، و الرجال اللي عندنا حريمهم اخر همهم و طز فيهم ، هادا اللي لاحظته عندنا
و انا اشوف لو الرجال فكر انه زي ماتزرع راح تحصد ، يعني لو تبي مرتك تكون كويسة معاك وعلى كيفك عاملها زي ما تحب تعاملك ، و المرا كفاية عليها ترضا ربها قبل زوجها و تخاف الله بزوجها ، و راح تكون عيشة كويسة !
اما لبنانيو سعودي و دلع و مدري ايش ، الاخلاق مالها علاقة بالجنسية ابدا ، المهم شخصية هالرجال اللي تزوجتيه !

طيب حدد الاخ وش يبي من الحرمه على قوله وش دوره هو في الحياه بس انخلق عشان ادلعه
والله اذا دلعني دلعته واذا عاملني احسن معامله عاملته معامله احسن الف مره
انا مايرفع ظغطي الا الرجال اذا قامو يتشرطون ويبغون المرأه تداريهم بالله ليه ؟؟ الرجال زمان هم اللي يستاهلون الدلع ويستاهلون المرأه تحطهم على راسها من فوق يوم كان الرجل من جد رجل
الحين الحرمه هي اللي تسوي كل شي قايمه بدورها في البيت ودور زوجها غير الحمل والولاده والتربيه والتعب وهو يبغى كل شي كامل وفي وقته ومايرضى بأي تقصير
الله يكتب لنا الاجر ويعوضنا ويجزانا الجنه يارب

أشكركم ع تواجدكم
وع طرح وجهة نظركم
واتمنى الموضوع ماجرح مشاعر احد فيكم

يس يس يس
انا تقريبا اسويها كلها
اصلن زوجي حبيبي لو اموت ما اخليه يطلع او يدخل
بدون ما استقبله
لكن ما انكر الحكي اللي انتي قلتيه صحيح لان اغلبيه الحريم مايقدرن قد ايش الرجال يتعب وكرف علشان يرضيهم
مشكوره حبيبتي على الموضووع الجريء صراحتا لكن حلو جدا جدا جدا
لكن الحياة ماتخلا من المشاكل
والانسان مايخلا من العيوب وانشالله ربي يحقق امنيتي ان بيتي يكون خالي من المشاكل والعيوب باذن الله تعالى

مشكوره

اسفه يالغلا
انا موب جهاز والا كمبيوتر اعمل هالاشياء
الحياة مشاركه
وحلو الواحد يكون متوسط في الاشياء اللي يعملها
والسعوديات
هم امهات الذوق والسنع
بس للأسف ما ادري ليش الناس كلها متسلطه على السعوديه
طيب ليش ما تكلمتي عن الرجال السعوديين والرسايل اللي تتكلم عن الاجنبيات
لا حول ولا قوة الا بالله

عشان مومتزوجه تقولين هالكلام بس بعد الزواج راح يتغير كلامك 180 درجه
الحريم مو اله ادميه لها حد حمل ولاده اطفال بيت شغل كرف وفي النهايه يبيها الرجال مايتغير فيها اي شي
دايم حلوه انيقه طباخه مربيه وياويلها لو قصرت مهدده كنها مسويه ذنب
حتى لوطبقت كل ماقلتي الررجل مايملى عينه شي الامن رحم ربي
ان جات طيبه شاف نفسه وقال ميته فيني ماتقدر تعيش من دوني وان العكس مشاكل مالها اول من اخر