حسبي الله عليهم

1. بنات منطقتنا كل نسبهم زفت بالستين والخمسين تحصيلي وقدرات ليه ؟

بنات انا مقهور مره ادري اللي بقوله مالكم ذمب فيه بس بطلع اللي في داخلي شوي
ليه يسوون فينا كذا ايش هذا القررات الزفت تراكمي ثاني وثالث تحصيلي قدرات مره وحده كل جامعه تبغى غير ليه ؟؟

بنات منطقتنا كل نسبهم زفت بالستين والخمسين تحصيلي وقدرات ليه ؟

مافيه دورات ولا كتب زينه من وين نبونا ندرس نتذكر دروس ثلاث سنين لو انا ايش وبعد من خلصنا الاختبارات اسبوع واختبارت القدرات والتحصيلي ماامدانا ريحنا من ارهاق ثالث يجون بهم اكبر وربي حرام عليهم مايحسون بندرس كم كتاب في اسبوع حتى نسبتة ثالث مافرحنا فيها عايشين برعب من القدرات واخرتها بعد التعب والكرف ماتقبلنا الجامعه بالاقسام اللي كنا نتمناها ويجون بكل سهوله بنات الرياض والشرقيه ويقدمون بجامعتنا في قسم طب وهن مايدرن عن الدراسه شي ولا فتحن كتب مدارس اهليه ومعاهد للقدرات تجيهم نفس الاسئله لاتقولون اكذب شوفوا نسب القدرات بنات جده والرياض والشرقيه كلهم نسبهم عاليه والمناطق الثانيه نادر وربي اني مااعرف إلا بنت وحده في منطقتنا جايبه بالسبعين والله حرام دخلنا قدرات ماندري ايش السالفه حتى تجربه ماسوولنا نسأل الكل مايدري مو شي يقهر وتجيني وحده من الرياض تو تقول ياحرام رحتي فيها انا سجلت في جامعتكم واسألها كم نسبتها ماشاء الله كلهن في 80 وهي والله في جهه والدراسه في جهه ولما سألتها اخذتي دورات تقول ايه مرتين وجت نفس الاسئله وتبي تدخل طب وانا اللي مكروفه من ثاني ادخل حيله قسم
ادري بتقولون من ماسكك ماتأخذي دوره بقولكم متى يمديني احجز للرياض وانا ماباقي عن الاختبارت كم يوم من قبل الاختبارت بشهر وانا اختم مافي وقت وهذا بعد الدورات يمكن مايكون لك مقعد لازم تسجيل من بدري والله مو حرام
شي يقهر وش ذمبنا يعذبونا كذا
حطموا طموحاتنا واحلامنا وامل اهلنا فينا
كنت كل يوم احلم في البعثه بس للاسف ضاع الامل
حسبي الله عليهم
الله لايسامحم ..