حسبي الله نعم الوكيل

1. السلام عليكم ورحمة الله وبركاته

السلام عليكم ورحمة الله وبركاته

كيفكم يافراشات حدخل بالموضوع زي ما انتم عارفين نشاطي تنسيق حفلات ونزلت موضوع فيه صور لطريقة شغلي عشان ماتجيني وحده تقولي ابغى اشوف شغلك شي طبيعي زي مابتروحي للخياطه هيا ماراح توريكي الفستان حقك قبل ما تنفذه حتوريكي فساتين ثانيه وطريقة شغلها ونظافتها واتقانها للعمل وعلى اساسه انتي راح تخيطي صح ولا لا
انا نفس الشي حطيت مجموعة صور فيها اعماالي وكمان البنات الي اتعاملو معايا في المنتدى حاطين صورللي عملته لهم يعني اوضح من كذا ما اعتقد في ومشكلتي مع بعض الاخوات يطلبو الماسنجر واضيفهم واوريهم الصور واكتشف بعدين بالصدفه انهم سرقو الافكار حقي ونفذوها بره بس الحمدلله لانهم ماعندهم امانه ربي خذلهم وطلع الشغل الي طلبوه مو زين ولا بعضهم يشوفو الصور وبعد مايشبعو يسحبوا نفسهم بدون اعتذار حتى ولا يتفلسفو كثير وهما حتى مايعرفو الله فين حاطهم على عكس البعض الله يسعدهم صح اضفتهم وماصار نصيب نشتغل مع بعض بس من جد ذوق شي طبيعي يمكن ما ارتاحو للتعامل معايه عادي انا كمان بيصير معايه هذا الشي في اي محل ثاني زبدة الكلام اي وحده تطلب رقمي لازم تكون متاكده من نفسها انها تبغى تتعامل معايه مو تسرق افكاري وبعد كذا ماراح اوري احد ولاصوره زياده عن الي موجود هنا وال تسرق افكاري ما اسامحها ولا احللها دنيا واخره وجعلها تتعذب بلي سرقته مني واعزروني يا اخوات انا عانيت كثير