حكايتي الاولى مع اخت زوجي ولكم الرأي

1. المهم راحت غرفتها وكلمتني جوال

بعد التحيه والسلام
حكايتي بسيطه جدا
ولكنها الاولى في حياتي الزوجيه
وحابه اشوف رأيكم فيها
بالبداية انا مغتربه لظرف عمل زوجي وهذا بعد زواجي بأسبوعين سافرنا وبالعربي اول سنة زواج قابلت وزرت اهل زوجي مرتين لأني مسافره وهذا طبيعي
اهل زوجي ناس جدا هادئيين واخوات زوجي غير متزوجات وبرضوا في حالهم واصغر مني بالسن
وانا من قبيلة مختلفة عن قبيلة زوجي يعني اكيد هناك فرق في العادات العائليه ولكنها لم تؤثر علي لأن اهله مايتدخلوا في حياتي بأي شكل
حكايتي بدأت هالسنة يعني السنة الثانيه من الزواج
كانت هناك اجازة ورجعنا للسعوديه جلسنا مايقارب ثلاثة اشهر وهنا اغلب وقتي وايامي عند اهلي وهذا طبيعي جدا وجلست عند اهل زوجي مايقارب ثلاثة اسابيع فقط والباقي زيارات يعني تواصلي معهم اكثر
والحمدلله توضح لي انهم اكثر من كلمة طيبيين معي ويعاملونني باحترام فائق
البداية::::
في يوم برمضان تفاجأت بأخت زوجي عندما جتني بالجناح تبعي ووقتها زوجي لم يكن موجود كان عنده ضيف وجالس معه بالمجلس المهم قالت فاضية ابي اتكلم معك
قلت ماعندك مشكلة تكلمي
(هذه الاخت الثانية يعني في اكبر منها واصغر منها )
قالت لا مااقدر بروح غرفتي واتصل عليك جوال واكلمك قلت ليش اجلسي وتكلمي قالت اخاف اخوي يشوفني وتقصد زوجي ( هنا اثارت فضولي وليش خايفة الاخت ..؟!!)

المهم راحت غرفتها وكلمتني جوال

جلست تفضفض لي بأشياء عائلية وعلاقتها باخوانها كلهم وانهم شديدين على البنات وعندهم التعامل الشديد مع الاخت ويعني الذكر هو المفضل والاقوى ( طبعا هذا كله ماكنت اعرفه ولا احس فيه لأن زوجي معي جدا عادي وماعمره عاملني بدنويه او قلل من احترامي لكن مع اخواته فأنا لم اسأله يوما عن علاقتهم ولا احب اتدخل بمشاكلهم ) المهم تفاجأت انه بنفس اليوم اللي كانت تفضفض لي اخت زوجي كان زوجي بالصباح عند اخواته تهزيئ وخصام لأنهم برأيه بنات ولازم مراقبتهم والشدة عليهم حتى يتزوجوا وطبعا كل اخوانه بنفس رأيه ووالدتهم تقف مع البنات والاب يرضي هذا وهذا
الغريب ان اخت زوجي ذكرت لي اشياء كثيرة لكن حكاية زوجة اخوها الكبير اثارني تقول في كلامها انها اتصلت على زوجة اخيها (تصير بنت عمها يعني من عائلتهم ) وقالت لها اي مانقدر نجيكم برمضان واخوك هذا (تقصد زوجي ) موجود حتى لا يجتمعو الاثنان عليكم ( انا انقهرت من هالكلام ةوسكت لأن هالاسلوب اسلوب تفرق مو تجمع الاخوة ) وقالت لي كلام مرا كبير عن اخوانها وطلبت مني لا اخبر اخوها ولكن حبت تفضفض لي قلت طيب ....
طبعا زوجي واخوه هذا عاملين مشروع وشهريا زوجي يحول مبلغ من المال لأخوه لبناء هالمشروع وطبعا علاقتهم الاخوية قوية ومابينهم الا الثقة يعني لا ورقة ولا شيء يثبت ان زوجي شريك بالمشروع غير الثقة فقط ..!
انا لما عرفت اسلوب زوجة اخوي زوجي الكبير قلت شكلها مالها امان عشان كذا اليوم اللي بعده فاتحت زوجي بحكاية يكون بينه وبين اخوه شيء يثبت شراكته بالمشروع وقلت هذا مايزعل وموجود بالاسلام وذكر بالقرآن لكن رفض بحجة الثقة قلت معك حق اخوك محل ثقة لكن زوجته ..!
قال وش فيها قلت سمعت انها بتقول ماتبي تجي هنا عشان لا تجتمع انت وزوجها صراحه ضحك قال مين قال لك اخواتي ولا امي .. قلت مو مهم المهم وحده تقول كذا مالها امان والواحد مايضمن عمره ومافيها شيء لو اخذت اثبات قال لا تصدقين كل ماينقال
اكيد اللي نقل لكي الكلام نقله غلط او زود عليه قلت وش مصلحة اخواتك يكذبوا طبعا هنا ضحك بأعلى صوته قال اجل اخواتي قالو لك >>> يعني كأنه استدرجني بالكلام هع
قلت اوعدني ماتسأل اخواتك ماابي بينكم اي مشاكل لكن موضوع المشروع فكر فيه طبعا قال والله مااكلمهم واعتبر نفسي ماسمعت >>> انا خفت يروح يهاوشهم على الكلام
اللي صار اني لما رجعت عند اهلي زوجي راح حكى لأبوه وعمي زعل على بناته كيف يتكلموا على بنت عمهم وانا زعلت على زوجي قلت ليش تتكلم قال كان في نقاش بيني وبين ابوي وزلة لساني وقلته !!!
واكيد عمي خاصم بناته ... فكرت اكلم اخت زوجي واحلف لها ماقلت لزوجي اي شيء قالته لي وهذا الكلام طلع مني عشان المشروع اللي بينه وبين اخوه ولو نيتي اتكلم كان قلت كل شيء قالته وكان حددت الاسم بعد...!
بس هالكلام كان بالايام الاخيرة من رمضان وتعرفون الزحمة والانشغال قلت فرصة اشوفها بالعيد واكلمها وجها لوجه
رحت العيد عندهم تخيلوا تسلم هالاخت بدون نفس علي ..!
وتجلس مع زوجة اخوها الكبير وطناش لوجودي اما اخواتها الباقيات تعاملهم معي ماتغير ....
ماصار لي فرصة اكلمها طول ماهي جالسة مع بنت عمها وتجاهلت وجودي ..!
رجعت بيت اهلي عصبت على زوجي قلت هذا نتيجة حركتك تروح تتكلم عند عمي وهيا تزعل وانا نيتي مو الفتنة ليش اكون بهالموقف ..؟ قال طنشيها واللي يغلط وينقل كلام يستاهل ..!
قلت اكلمها يوم رجعتنا للغربة بنروح نودع اهل زوجي تخيلوا ماكانت موجوده
راحت تزور صحبتها ...!!
بالله حركتها مو تقهر حتى اخوها ماودعته ...! وعمتي تبرر لها كالعاده ...
انا سكت لكن بقيت بخاطري .............!!!
انتو شو رأيكم كيف اتصرف معها ..؟
لازم اكلمها او اطنش مثل ماطنشت ..؟
وش اسوي خاصة مااحب اكون في موقف الفتانه والشريرة وانا مو كذا ..؟
واللي قهرني زيادة يابنات ان زوجي يقول اخوه سأل زوجته وانكرت الكلام اللي قالته اخت زوجي لي وطبعا اتوقع اخت زوجي ماتدري ان بنت عمها انكرت وطلعتها كذابة ...!!
يعني طلعو اختهم كذابه وقاطعوها . .!!!!
اعتذر للأطاله بس حتى توضح القصة ...؟