حنين الروح

oppy04:
ا ل س ل ا م ع ل ي ك م و ر ح م ة ا ل ل ه و ب ر ك ا ت ه

• ¶ حَنِيْنْ الرٌوح ¶•

هذه قصه اتمنا ان تنال اعجابكم
كتبتها وحده اعرفها
================
البداية:
نور كانت يالسه لحالها بغرفتها و تطالع صورة خطيبها فهد تذكرت الكلام اللي
قاله لها قبل لا يموت:نور..تزوجي يا نور...الذكرى ما راح تزيدج الا
هموم...نور ان كنتي صج تحبيني تزوجي يانور...و ان كنتي تبين
رضاي بالاخره تزوجي و عيشي حياتج...انتي بنت...و البنت بحاجه للي
يسندها يا نور...
نزلت دمعه من عين نور على حظها العاثر في هالدنيا...
سمعت نور صوت ابوها:نور
مسحت نور دمعتها و حطت صورة فهد بالكبت و فتحت باب الغرفه و نزلت:سم يبه...
ابواحمد:سم الله بدنج انتي و اخوج...
نور عمرها 24 سنة...وهي وايد حلوه و جميله...خطيبها فهد ولد عمها مات بيوم الملكة...ونور لين الحين مو مصدقه ان حبيبها فهد الغالي مات...
فهد كان عمره 25لما خطبها...و كانوا وايد يحبون بعض...لكن بواحمد ما وافق من البداية لانه كان بمشاكل مع اخوه...بعد اقناع من فهد و اخوه خالد وافق...وصار له من مات5سنين..
اخوها احمد...شاب بعز شبابه...مريض بس ما يعرفون بالضبط شنو مرضه...20سنة.. وسيم و رغم تعبه الا انه مرح جداً:
ام نور مطلقه من17سنه يوم كان عمر نور7سنين و عمر احمد3 سنين..وهي وايد طيبه و
حنونة..عندها بنت وحده من ريلها الثاني و اسمها اللولو و عمرها16سنة...اللولو و ابوها وايد
طيبين...و اللي محزنهم هو حالة ام نور لما تذكر عيالها اللي ما شافتهم من17سنه... بسبب ابوهم
المتسلط...وهي ماتدري عنهم بأي شي لان ابوهم غير عنوان البيت...
نور تشتغل بالبنك براتب عالي...و تصرف على احمد اخوها اللي تييه فترات ما يحس باللي يصير حوله...كل ما ودته المستشفى يقولون ما فيه شي...
بواحمد:نور...شلي هالخبل عني..لا بركتن فييج لا انتي ولا اخووج.. من اشوفكم ما اشوف الا
الغم و الهم حسبي الله عليج انتي وياه...يا علكم السم اللي يهري بدنكم...بره البيت انتي
وياه...شلي كل اغراضج و اغراض هالتيس اخووج و طلعي وياه دبروا لكم مكان ثاني تعيشون فيه يا عيال العقربه...
احمد كان يتألم من الالم...نور نزلت دموعها ورا بعض..
نور:اصبر يا احمد...الصبر وايد حلو يا خوي...
ركبت نور الدري و راحت لدارها و رتبت اغراضها و الاغراض اللي عطاها اياها فهد...ما بقى شي
بالغرفه ما شالته نور وياها..بعدها طلعت من غرفتها و راحت غرفة احمد و حطت اغراضه له و رتبت
كل شي.. دخلت غرفة ابوها بشويش و خذت جوازها هي و احمد و اوراقهم
الثبوتيه و طلعت من الغرفة...
نادت الخدامة و شالت وياها الاغراض...نادت السايق و شال احمد لسيارتها..
بيت عمهم كان لاصق فبيتهم(ابوفهد(:
انتبه لها خالد اخو فهد:نور...
نور بدون نفس:خير...
خالد استغرب:وين رايحين؟
نور بقهر:شنو يخصكم بعيال العقربه؟
خالد:نور شهالكلام؟؟؟من متى و حنا انقول لج هالكلمة...
نور ركبت السيارة:باي...سلم لي على ساره و مها...
خالد حزن على حال بنت عمه و حبيبته الازليه...انتبه لاحمد اللي كان بالسيارة وياها و تعبان...تنهد بحزن:
فالطريق:
احمد:نور..وين بنروح؟؟!!
نور:بروح اسحب فلوس من البنك و نستأجر لنا شقه...
احمد دمعت عينه:ياليتني اقدر اساعدج يا نور...
نور طالعته بحزن:احمد حبيبي انتا تقدر...و انا اقدر...و كلنا نقدر..لا تقول انك ما تقدر...حرام عليك..
نزلت نور البنك و خذت 400دينار...خذت إجازه مدت شهر...
نزلوا الشقه اللي استأجرتها نور:
نزل احمد بتعب:.....نور...انا ميت يوع...
نور بحنان:ان شاءالله...بس بوصلك الشقه و بروح المطعم اييب غدا..
دخل احمد وياها و ودته غرفته و نام على ما يوصل الغدا...
نزلت نور و ركبت سيارتها و راحت المطعم...طول الطريق وهي خاطرها تتلاقا ويا امها...بس
المشكله ما يعرفون وين هي ساكنه...
بالشقه عند احمد:
بغرفته:
احمد:آآآآآآآه...نور...بموت..آآآآه يا نور..آآآآآه...
قام احمد من مكانه و الالم يعتصره و هو يسمع صوت امه تناديه...يتذكر صوتها
(حمودي حبيبي---حبيب ماما)
الكلمة اللي ما نساها احمد من امه...وصل لباب الصاله...زاد الالم و اغمى عليه:
بهالوقت نور كانت راكبة اللفت...نغزها قلبها على اخوها و تندمت انها تركته بروحه بالشقه...
نور وهي بتبجي:لا احمد ما فيه شي...بس هذا وسواس...احمد مافيه الا الخير...
نزلت نور من اللفت للطابق اللي هم فيه:
ركضت للشقه و اول ما فتحت الباب صرخت:
نور:احمد...
صرختها سببت صدى بالمكان...حاولت معاه يقوم بدون فايدة...الناس تيمعت حولهم و المكان ربشه و طلبوا لهم الاسعاف:
فبيت بوفهد:
ام فهد:خالد حبيبي شفيك؟
خالد:والله مادري يا يمه...كاسره خاطري نور هي واحمد..
ام فهد بحزن:الله يكون بعونها...والله انها طيبة...والله لو كانت بنتي كان ما حد قرب منها...لكنها بنت هالثعلب عمك...انسان بليا احساس...
خالد:شفتها اليوم الصبح شايله جناطها هي و احمد و السايق يحطهم بالسياره...سألتها قالت ما يخصكم في عيال العقربه...ابوها عقدها من ذا المسمى..
.
ام فهد:امها لا عقربه ولا شي...والله ان الكل يشهد بطيبة اصلها...لكن عمك الجاحد هو
العقرب...الغنى و الفلوس اللي عنده كلها حلالها هي و عيالها...لكنه النذل سجلهم بأسمه و طلقها و حرمها من عيالها...
خالد:الله يعينهم...والله اني من موت فهد الله يرحمه وانا احاتي نور... نور يا يمه غير عن الكل...نور مثال للصبر...صامده...ما يهزها عود.. لكنها من داخل مثل الريشه...تبين القوه جدام الكل و خصوصاً احمد... الله يشفيه ان شالله...
ام فهد:ان شاء الله
.
دخلت ساره:يما لحقي..
ام فهد:شفيج يا الهبله؟
ساره وهي تبجي:عمي...عمي عبدالرزاق طرد نور و احمد من البيت...
خالد انصدم...على باله نور و احمد مسافرين...ما توقع انهم ينطردون مره وحده من بيتهم و حلالهم:
خالد عصب:يمه عمي هذا ما ينسكت علييه...شهالقلب اللي علييه...ما
يحس...والله لا اوريه...يطرد نور و احمد و حنا عيال عمهم موجودين؟(قام بيطلع لبيت عمه)
ام فهد سحبته بخوف:لا يا ولدي...لا...عمك لو قتل عادي عنده...زين منه ما ذبحهم يا ولدي...
خالد:والله لو فهد هني جان ما انهانت نور وانطردت من البيت...اسمعي يا يمه...ماني
رااد البيت الا و نور و احمد وياي..ساره لبسي عباتج بسرعه..
ساره:ان شاء الله...
:amaryllis