حياة صديقتي مع زوجها خلو نفسكم مكانها واعطوني ارائكم

1. اتزوجت وراحت بيتها وعلى فكره ترى هي تشتغل وهدي اهم نقطه بالموضوع


2. وسافرو

السلام عليكم
كيفكم بنوتات واخباركم انا كتبت الموضوع دا قبل كده بس الحين صارت تطورات
وحبيت انقلها لكم
الليوم ابي اكتبلكم قصه صديقتي وزوجها على لسانها هي وابي كل وحده تحط نفسها مكانها وتقولي رايها
كان يامكان في سالف العصر والزمان
صديقتي هدي اكبر اخوانها وهي الوحيده يعني دلوعه والباقي اولاد المهم حصلت لها مشاكل كتيره لايوجد مجال لدكرهاوتعدت منها والحمدلله
المهمقبل تقريبا 5سنوات كان ولد عمها يحبها وهي ما تدري وهي تكرهه مره تكره حتى اسمو بس كده من دون اي سبب طبعا لسى ما تدري بحبه له
في الايام كانت عندهم زياره وشافت ولد عمها بالصدفه ووقع حبه في قلبها والبنت شوي وتنهبل بس مدري ه حب من نظره من شنو مدري لانو مو اول مره تشوفه بس هداك اليوم مدري وايش صار واتعلق قلبها فيه
المهم كلمها وواتكلمو مع بعض فتره وصارحها انه يحبها من زمان وتطور الحب وجا وخطبها وملكوا
قرب موعد الفرح وبدات المشاكل قلها انه ما راح يسوي الفرح في قاعه راح يخد مكان صغيرللفرح لانه مالو داعي ولاراح يتصور معاها لانو ما له داعي ما انو قادر يسويلها احسن شي قالتله لا انا وحيدة اهلي واول وحد اتزوج واهلي ما راح يرضون ومن هالكلام فرد انه راح يعوضها باللي تطلبه بعدين فوفقت وقالت في نفسها انو ما لو داعي اعمل مشاكل على مظاهر

اتزوجت وراحت بيتها وعلى فكره ترى هي تشتغل وهدي اهم نقطه بالموضوع

وسكنت بالرياض واهلها بمدينه تانيه هدي الفتره مرت من غير مشاكل حملت وبدا زوجها كل يوم يهددها انها تفصل من عملها لانو حيصير عندها نونو ولازم تتحمل المسؤليه وبدا يتكلم عليها ويسبها
يقولها انقلعي والله ياخدك وياخد عمرك ومن هالكلام ولمن تساله تقوله ون حبك لي وليش ما تقولي كلام حلو يقولها انا اموت فيك بس الحب مو بالكلام بالفعل اقدر اقولك كل يوم انا احبك لكن ممكن اكون اكدب عليكولمن تقوله طيب ليش تسبني يقول انا امزح معك مع انها تقدر تفرق بين مزحه وجده المهم ويرجع يسب اهلها وابوها طبعا بعد ما تزوجها صار ما يبي اهلها ولا يبهم يكلمونه او يسلمون عليه المهم ولدت وماقصر معاها باي شي وهي بالمستشفى ولمن راحبيتهم صار مايجيها وادا جا يكلمها من عند الباب يقولها انا حلفت اني ما ادخل بيتكم
وهي علشان ما تبي احد يتكلم عليها او على زوجها كانت تروح تكلمه من عند الباب او بالتلفون لمن صار لها 20 يوم حجز لها علشان ترجع بيتها وهي تعبانه لسى لانها ولدت قيصري فقال لها ادا ما رجعتي راح اتزوج عليك تخيلو فقالت له انها تعبانه وفي بيتها ما فيه احد يساعهدها لانه هو بعمله وما عندها شغاله ولاتعرف احد من جيرانهم او عندها احد من اهلها بالرياض وطنشته وقالتله انا ابي اكمل الاربعين وبعدين اجيوصار كل يوم يتصل وينكد علها لمن يوم االاربعيناللي كانت حجزه فيه علشان تروح الرياضوراحت جا اخدها من المطار وما سلم عليها شال ولده منها وراح وتركها تمشي لحالها
هي من النوع اللي تكتم في قلبها ماتقول لاحدورجعت البيت وزوجها متغير 180 درجه وهي ما هي مقصره معه تخدم البيت وقت عمله يعني لمن يرجع البيت يوما وهي منظفته وطابخه غداء او عشاء ومجهزه نفسها على سنقه عشره على قولهم مكياج ولبس حلو وعطوروكل شي
يعني ماعمرها قابلته بلبس البيت او لبس المطبخ
وادا كلمته اووقالتله ليش تسوي كده قالها انت تلفين وتدورين ويسباها وما يخلي عليها شي كله علشان ماجات لمن قالها تعالي ويسب في اهلها
وباختصار
زوجها يسبها دايم ويسب اهلها ولا يبي يكلم ابوها بالتلفون ولا يبي يروحله البيت ما يحب امها ولا يسلم عليها ويعاملها بعلو وتكبر
لمن يشوفها تكلم امها يجلس يسب فيه ويقولها الله يقلعك والله يخدك انتي غبيه انتي معاقه عميه
وكمان لم يكلم اهله او قدامهم دايم يعاملها بنفس الاسلوب
ويقول انا بمزح
بعض الاحيان تحس انه يتقرف منها لانه مايبها تجلس جنبه او تبوسه الا لمن يكون يبي شي منها تصير كانها ملاك
يعيب بطبخها مع انه بشهاده كتير ناس اكلوا من تحت يدها انه عنده نفس وبشهاده هو نفسه لانه ياكل لمن تطبخ ويشبع لو طبخها في شي ما كان اكل صح
هو مايقصر معاها بمصرف البيت بس لسانه مره والحين صار يقولها لازم تتركي عملك وتفرغي للبيت ما انها مهي مقصره بالبيت بشي
وهي خيفه تترك العمل يتغير عليها زياده لانه ودي والده هدده انه يزوج وهي ما هي ضانمه حياتها تقول ممكن اتعب او اولد تاني او شي ويروح يزوج على او يتركني
ايش رايكم بزوجها
المهم اللي صار انها اخدت اجازه من عملها لمده سنه علشان تتفرغ لزوجها وولدها
و كلمتها وقالها خلاص وانا بتغير
ومشت حياتهم عادي بس مافيه اي تغير الا انه خف من السب شوي
مرت كم شهر
واخد اجازه علشان ينزلو عند اهلهم
جاء يوم اسفر قبل السفر بكم ساعه قال لها قائمه المنوعات زي كل مره مافيه طلعه تمشيات بروح مع ابوي مع اخوي هدي كلها تنسيها
حتى اهلك طالعين تجلسي في البيت انتي
قالت له ليش مسافرين علشن نشوف اهلنا ونطلع نتمشى والا علشان نجلس في البيت
(( ترى البنت ممكن يمر عليها شهر مع زوجها ماتشوف الشارع بسبب ظروف عمله يجي من العمل تعبان ومايطلع )
قام سحبها مع عابيتها وقالها انتي مالك مكان عندي دوريلك مكان في الشارع وروحي فيه زعلت هي وقالت بما اننا مسافرين جلست تلم اغراضها صورها واغراضهالانها قررت انها ما راح ترجعلو تاني قام قالها هدي مو من حقك هدي حقي وما تخديها وهي تبكي رجع اعتدرلها وانه مو قصدو بس مضغوط من العمل وتعبان وطلع الكلام وهو ما قصدو

وسافرو

بس ما كلمت احد بالموضوع لانو ابوها يبي يسافر واهله عندهم مشكله ومشغولين فيها ولمن جاء يرجع قالها تعالي قالت لا ما ابي بس وعدها انه اخر مره وماعاد يطول لسانه وانه خلاص تقدر تشتغل وماعنده مانع وانه مايقدرعلى فرقها ولايقدر يعيش من دونها
رجعت وياليتها ما رجعت
عادي مافيها اي جديد الوضع متل ماهو
وفي يوم طلبت منه انه يوديها العمل علشان يبغوا منها اوارق ضروريه قالها اتصلي على السوق ويجي ياخدك قالت له طيب انت كلمه قال لا انت اتصلي وكلميه قالت طيب
المهم اتصلت على السواق وقالت له تعال خدني بكره وزوجها كان جالس وما قال اي شي
راحت العمل ورجهت لم جاء الليل قالها زوجها انتي تسوي على كيفك طلعتي من البيت من غير شوري ومنغير رضاي واتكلم عليها بس هي طنشته وماردت عليه
تاني يوم طبعا نسيت الموضوع حق امس
قالت له خلينا نطلع نغير جو قالها روحي اتصلي على السواق خليه ياخدك ويمشيك
هي زعلت وقالت يعني هدي اخرتها
وخرجت من الغرفه الي هو فيها وهي تبكي
قام لحقها ويقولها انا اسف ومو قصدي وانا ماشكيت فيك وانا ما اقدر اعيش من دونك وانا وانا الخ
ورضاها مو علشانها علشان ياخد حقه
مر اسبوع على الموضوع
ورجعت كلمته لانها خلاص ملت من الحياه هديي
وقالت له يعني كيف خلاص انا مليت من العيشه دي لمتى حنفضل كده
قال انتي اللي تبين كده
قالت من قالك ومن متى
انا ماني حاسه اني متزوجه بس كده ومليت من الحياه دي
قال لانك ماتسمعين كلامي كل ماقلت شي ما تنفدينه
قالت ايش اللي ماسمعت فيه كلامك
قال انت كل ماتنزلين عند اهلك واقولك تعالي ماترضين قال انتي طلعتني من غير رضاي
وسويت على كيفك
واناما ابي العمل هدا
وهدا اللي خلا حياتك كده تبي تتحملينها كده بكيفك
ما تبينها دوريلك حجز ورحي عند اهلك
قالت عمليانا ما اقدر اتركه
قال انتي تبين رجال على كيفك كل شي تقولينه ينفده لك
وانا مو من هدا النوع
غلطانه فيني
ويلا قومي حطي السحور
وقامت حطت السحور وهو ينادي عليها وماردت عليه
لمن خلصت قلت ايش تبي مو انت كده قلت حطي السحور وما ابي اسمع كلام زايد ليش تناديني هدا كل شي عندك مو ناقص شي
بقام زعل وقال انا ما ابيلك شي ورح نام
وبعدين هو لمن يجي من الدوام مايبغها تتكلم يقولها ما ابي اسمع صوتك الا لمن ارتاح وانا اتكلم بعدين اتكلمي
وتاني يوم لمن يجي وهي ساكته يصارخ عليها ويقولها انا اجي مو الدوام ابي ارتاح معك وابيك تتكلمين معي وانت بس ساكته
وهي قالته له يعني كيف ارضيك يوم ماتبي تسمع و تقول ليه ما تتكلمين
مع انها ماهي راعيه طلبات ولاشي ولو طلبت منه شي تقوله خرجنا نتمشى ونغير جو
ايش تسوي معاه
وهي الحين تفكر انها تنزل وماترجع يبعدو عن بعض شويلمن تشوف اخرتها
بس تبي ارائكم وايش تسو لو كنتو مكانها
اسفه على الاطاله