حيلة تخلي زوجج يحرم يبصبص على البنات

السلام عليكم خواتي ورحمة الله وبركاته
كيف الحال شلونكم
عندما يقوم الرجل بحركات شبابيه ومراهقه تكون نظرة زوجته له قبل الغيره احتقار وكره ينبع في هذي اللحظه
والبنت الخطيره مو هي بس تسكت وتشوف زوجها يبصبص للبنات ويتلفت ويمثل انه بيروح للمحل الثاني اثناء روحته معاك للسوق او الجمعيه عشان يشوف ويتبسم للسلقه اللي تطالع رجال مع زوجته
المهم
كانت تتكلم ذاك اليوم من الحريم اللي اتمنى انه ناخذ منها فطانتها وتدبير خططها الجهنميه
تقول بداية حوارها
حر جبدي انقهرت بل انهرت يوم كنت معاه بالسوق عشان نشتري اغرا ض وكسوه لعيالنا
زوجي جنه ميع له احد بس يتلفت وماتمر وحده الا وقاعد يلمحها لكن من تحت لي تحت يعني مايبي يبين لي او اجكه
حسيت انه الجو مشوش والرجال باله مو وياي لانه بذاك اليوم الحريم كانوا ناقصهم اغنية ويرقصون على هالكشخه
والاوفر والخبه ويلي ماتطالع تعال طالع ببلاش
المهم على لسان اللي تقول ----
لمحتزوجي قاعد يطالع وحده واهي مو كاسره عينها جنها سرحانه مادري وتنرفزت وقلت يلا بنطلع بطني مادري شفيه صار يعورني
رديت البيت منفسه ومستحقرته واهو عادي صاير مايعطي وجه يعني بعد السوق مالتفت لي ------ماللومه من اللي شافه
المهم رحت الدوام قمت ابدع وادور وابحث عن رادع له يخليه يستحي على وجهه
الحيلة
رديت من الدوام وقلت له تصدق فلان امس معاي وحده بالقسم
تقولي شافتنا امس بالسوق بس انا ماشفتها تقول مقابلتج قلت لها والله العظيم ماشفتج
قالت ادري مبين انج ماشفتي ني بس ريلج الحمدلله الذي عافانه حارص علي قلت شنو شنو قالت ياي زوجج عينه زايغه ويع فلان حرام تقول عنك تطالع تصدق يمه اقهرتني واصدمتني جدام البنات
حرام عاد انت مو نوعيتك عقيدي وتبصبص بس ماعليه كيفها انا عارفتك وواثقه فيك ماتدري انك فاهم وعارف وعاقل
وثقيل وقادتك بالحياة اللي يطالع بنات الناس ربي يسلط عليه واحد يطالع محارمه تقول قلت هالكلام ولا سمعت رده ورحت جني بسوي شغله ومشغوله وبعدين قالي تعالي قلت لحظه لحظه جني مو مهتمه في رده او مبرراته التافهه
اخذت فوطتي وقاعد يقول خلها تولي بتخرب بينا ومن هالكلام
قالت بس بس حبيبي انا واثقه فيك انا متزوجه رجال مو رخمه يتبع حريم بالشارع بروح اتسبح ومشيت خليته يفكر ويفكر
وجنها صكته طراق وراحت
لانه والله احنا الحريم حرام اذا تكلمنا افتحنا واذا سكتنا انجرحنا نسوي نفسنا ماندري وحاقرين حركاتهم اللي الله يكفينا شر الحوبه بعيالنا اخرتها شيب وشحوب للوجه من الهم والنفسيه تعبانه
واذا تكلمنا وواجهناهم قال اجل اقعدي هذا طبعي\
بس هذي ذكيه لاحظوا كلماتها فيها سحر من النوع اللتحبيطي للي يسون هالحركات: شوفوا معاي يوم قالت له:
بس ريلج الحمدلله الذي عافانه حارص علي بعيونه
<
هذا الدعاء ماينقال الا اذا احد شاف عاهه او ماشابه ذلك وهي عباره مليئه بالتحبيط>
ياي زوجج عينه زايغه ويع
<<<لاتعل ي ق
قللت الثقه بل تلعن اهل الثقه بالنفس <>>
فلان حرام تقول عنك تطالع تصدق يمه اقهرتني واصدمتني جدام البنات
حرام عاد انت مو نوعيتك عقيدي وتبصبص بس ماعليه كيفها انا عارفتك وواثقه فيك
<<<<انه كيدهن عظيم
برأت حالها يعني مو انا اللي اقول جذيه لعبت فيه وبشخصيته<<<<<
ماتدري انك فاهم وعارف وعاقل
وثقيل وقادتك بالحياة اللي يطالع بنات الناس ربي يسلط عليه واحد يطالع محارمه<<< نغزه وتنبيه من الناحية الدينيه لانها تمثل عليه الان دور البريئه اللي شايفته ملاك والبنات لايعه جبودهم منه
عجبني ولطشته مع اني ماحب اللطش