حينما تلتقين بالحب القديم لزوجك ماذا يصيبك

مافهمت شي معليش فهميني مرة ثانية
انت قصدك وحدة كان يحبها زوجك وتزوجها ولا اشلون..

قصدها لو قابلتها وهي فحياتها وذايك فحياتها متزوجه شخص ثاني مجرد انها قابلتها بعد ذيك السنين
بالنسبه لي اروح اطالعها اشوف وش فيها زود عني واراقب حركاتها بس ابين لها اني وجودها مثل عدمه بس باسلوب محترم ههه يعني تفهم هي وحظها بس مو ممكن تكون غيره منها الابحاله وحده اذا لقيت الزوج يتكلم عنها وبدا يتذكر الاطلال وبدا يحن لها ويكثر هرج عنها عنا بغار بس ماراح ابين له ابد وبقوله شفها عندك تبيها خذها بيقول هو طيب هي متزوجه برد عليه احسن عشان يلجقك زوجها ويقطعك بساطوره انت وياها ههه

دلوعة مملكتها والامور مشكورين على ردودكم
ام
وش اقول لك يا دلوعة مملكتها .. ... كنت بزواج اخووي بصالة افراح .. كنت اسولف مع صديقتي...
فجاة اجت لي حرمه تسلم علي بيدها و تقول لي ما عرفتيني؟؟
قلت لها لا وبصراحه قلبي يدق بقوه لاني شكيت فيها لان معارفي قليلين واعرفهم ، فقلت لها لا وانا احدق في وجهها الا تقول لي انا كلمتيني مره وحده بحياتك بالتلفون .. فقلت ايوه انتي (......) قالت ايوه
اول ايام خطوبتي فتشت كل شبر في حياة زوجي ليما لقيت معلومات عن هالبنت الي تركها من 3 سنوات انذاك.. وواجهته من غبائي و زعلت وبعدها كلمني و عطيته الامان و علمني بكل مشاعره وبكل شي بينه وبينها .. عاد هو كان يحبها وهي بصراحه مدري ان كانت تحبه لو لا بس هي لعوب وجريئه والبنت الي تتميز بهذة الاشياء يشوفها الرجال انها ملاك لانها تعمي عينه.
المهم تجرئت اشبع فضولي وادق عليها تلفون مره بحياتي لمده دقائق معدوده كنت ابي اجيس النبض هل هي منشغله بشي ولاهيه بشي ثاني لو لا؟؟
المهم نرجع لصالة الافراح .. لما عرفتها ضغطت على يدي بقووه و انا ما ابديت اي استغراب ولا اي غيره لكني في نفس الوقت حاولت اطول في كلامي معاها لسبب واحد فقط ، وهو اني اعرف وش السحر الي تتملكه؟؟ فيها شي زياده عني؟؟ كيف اسلوبها؟؟ كان هدفي اني اعرف شخصها وومميزاتها و الشباك الي تستعمله في صيد الفرائس.
ظليت اسولف معاها والي يعرفونها ويعرفوني مستغربين من جلوسي معاها بهذي الطريقه وعينهم ما ابتعدت عني ولا ربع ثانيه... المهم بكون صريحه معاكم اني صرت ذكيه عندما سيطرت على مشاعري و عطيتها اهتمام وترحيب بها كضيفه وما فتحت لها اي موضوع يبين اني زعلت لما عرفت بقصتها مع زوجي او اني اغار او اني فكرت بشوفتها قبل... المهم الشي الي ضايقني هو ان زوجي دق على الجوال والا انا اقول له تسلم عليك (...) استغرب وسكت فقلت له كاهي تبي تسلم عليك .. عطيتها الجوال وسلمت عليه و بعدين كلمته عادي و سلمت عليه .. كملنا كلامنا و عطتني رقم جوالها وعطيتها رقم جوالي و طلعت وودعنا بعضنا بشكل ودي ولطيف مره كأننا حبايب ما شفنا بعض من اسنين ..
قيمت تصرفاتها و دخلت عقليتها و فسرت كل شي وكان كل شي بمكانه.
الحبيبه السابقه ذكيه مره مره مره وجريئه لاكبر درجه وطموحه في كل شي .. كلامها عسل و يمكن كلامها احلى من العسل بنسبه 99 ونص بالميه ،، تعطيك اهتمام وكأنما انتي اهم شخص في حياتها ، دائما تردد الله يوفق الجميع .. الله يسعد الجيمع ويسعدك .. الله يحفظك .. والجميع .... يعني تسمعي كلامها تقولي هذي نواياها اصفى من الصفا .. بس كوني اقدرا قيم بعض الشخصيات من النظر اليها و الكلام قدرت افهم انها كانت تكلمني وتتوسع في الحكي منشان تكتشف هل هناك شرخ بحياتي تقدر تدخل منه ام لا.. طيعا انا طيله كلامي معاها ما بينت الها اي شرخ بحياتي ابدا
كانت تكلمني وهدفها نفس هدفي كانت تبي تفهمني و تقيم تصرفاتي و تتعرف على شخصيتي لكي تعرف هي تتعامل مع اي نوع.
شكلي طولت عليكم راح اكمل لكم وش اكتشفت من زوجي الحبيب لما فرشت له بساط الامان والطمئنينه
تحياتي

بصراحة انا شفت اللي كان يبيها زوجي قبلي ومافيه شي يميزها عني بالعكس انا احلى منها بكثير وزوجي لما كنا في فترة الملكة صارحني باللي يبيها وقالي انه كان يبيها بس ماحصل نصيب وانا برضه صارحته باللي ابيه اول وتخيلوا الصدمه صار اللي ابيه بنفس دوام زوجي ومعاه بنفس الشغل المهم بس انا لما عرفت عن حبيبته الاولى بينت لها اني انا مااعرف شي عنهم وعاملتها بشكل طبيعي واقلل نظراتي لها علشان ماتحس وبس وكانو اخوات زوجي موجودات وقلت لهم هذي اللي كان اخوكم يبيها وقالوا وع اشوى انه مااخذها انتي احلى منها بكثير

انا اشوف ومع العذر انه اللي سويتوه من اعترافات قمة السخافه وخاصة انتي يا مستمله ليش تقولين لزوجك لمن اتصل عليك فلانه تسلم عليك وليش اعطيتيها التلفون تكلمه لاهو بالعرف ولا الدين يسمح بس انتم تحبون تعيشون انفسكم بمغامرات وهمية وانتم الأبطال لها السخافات

وي وي وي وي وي وي
اشلون تقولين له انها تسلم عليك واشلون تقولين انها جالسه وياك
وربي لو انا ماتقوم عندي ولا تقعد مو انتي زوجته وانتي اللي تزوجهاا وانتي الي ينام معااهاا وانتي
ملكة بيته يعني هي ماضي
وعلى فكره مافيه شااب على سطح الارض ماله حبيبه قبل زوجته وهذا الشي انا تاكدة منه بنفسي
وانا لو اني مكاانك كاان عادي سلمت وشفت على قولك وش فيهاا زود من غير مااحسسها
لكن مااعطيهاا اهتمام الا والله لخليها تموت حره واخليها
اذا قابلتني بمكان ماتجلس فيه دقيقه وانتي حاولي تحتوين زوجك خليه ينسااها وينسى
اللي خلفوها

الصراحه ماعمري جربت هالموقف
وحبيبتي دفى فجري
ليه تقولين مافي رجال على وجه الارض ماله حبيبه
لا ياعمري فيه كثير مره وشكلك ماتاثره بالافلام خ
انا الحمد لله زوجي طلبني وخطبني وانا الاولى في حياته والاخيره
بس ولد خالتي كان يبيني وزعل يوم انخطبت لغيره وقلت لزوجي القصه واحس انه انقهر بس مو مره

الصراحه موقفك خطاء وستين خطاء انك عطيتي زوجك الجوال وربي غلط معاملتك معاهم بالعكس اسمحيلي غبيه .

يا حبيباتي ادري انه علط و ندمت عليه بس اعتبرته درس من دروس الدنيا بالنهايه.
بس السالفه اني بعد شهر تقريبا يقول لي زوجي من كان عازم هالبنت بالزواج ؟؟ فخبرته و الا اقول له انت خبرتني بداية خطوبتي انك طلعت معاها وهي تقول ما طلعت معاها وانا اابتسم معاه اقول له على بالها ان زوجي ما خبرني وانا سويت مصدقه .. عاد هو شافني واثقه فيه مره و خليت راسي على صدره و بصراحه كان الجو رومنسي.. و كلمنا كلامنا الا يقول لي كذابة هالبنت اصلا انا طلعت معاها وليما مليت بعد .. زين الا اقول له انا سمعت ان هالبنت ما هي بعذراء كيف تزوجت وما كشفها زوجها؟؟ الا يقول يمكن من جمالها نسى عذريتها..
عاد يا بنات بدون مجامله هي ما تضاهيني بالجمال .. ظلينا نسولف ونسولف ونسولف ليما قال لي تدرين انها بعد زواجها دقت على جوالي تكلمني ؟؟
قلت له كيف من وين لها رقم جوالك؟؟ انا خابره انك تعرف زوجها قبل زواجي وزواجها بس تلفونك جديد من وين لها؟؟
قال تخيلي هي دقت علي من تلفون زوجها
شوفو الجرئه لوين وصلتها .. تتصل من تلفون زوجها لزوجي .. عاد يقول ظلت تسلم وتشتكي لي من تقصير زوجها واعتماده عليها و... هنا قلبي اشتعل بركان بس وجهي فيه بروده الثلج ، كنت ابي اعطيه مجال يتكلم بالي بنفسه و يقول لي بكل شي ، عاد بعدين قلت له خوش حرمه تخون زوجها هيك .. يقول ضروفها يمكن .. سئلته كم مره دقت عليك قال مره بس
المهم اني اعرف اسم زوجها و رقمه بجوال زوجي واعرف رقمها لانه بجوالي فظليت كل فتره اسوي عمليه تمشيط على تلفون زوجي واشوف كل شي .. الحمد لله علاقته بزوجها سطحيه ومكالماتهم بسيطه جدا جدا قد تصل الى مكالمه كل 5 شهور
صدق اني غلطت وعطيت زوجي التلفون يكلمها وندمت ندم شديد بس اقنعت نفسي انه درس لازم استفيد منه وصدق اني شفتها وتظاهرت بالا مبالاه لكني في نفس الوقت عرفت اني لازم امشي مع زوجي وما اعطيه بدون اخذ.. اني ما اعطي اي علاقه سابقه لزوجي او اي بنت تلفت نظر زوجي اي اهتما م .. منشان لا يلتفت قلبه و يعاندني ويثبت كلمه...
ثانيا بيني وبينكم ولا تعلمون احد لما خبرت زوجي ايام خطوبتي عن الحبيب الي كان يحبني لسنوات حسيته يغار علي موت وبالذات من هذا الاسم (( اسم الحبيب )) و يقول لي هالمنطقه انا ما ابيك تمرين عليها ابد الا هي حارة الحبيب القديم ولو عرف اني مريت عليها بالغلط يقلب الدنيا خ
بالنهايه اني فعلا غلطت من غير قصد بس الدنيا مدرسه ناخذ منها دروس والدروس مش بالكلام لكن بالتجارب و المواقف.
تحياتي