خبر مفجع لكل من يستخدم حبوب تخسيس

السلام عليكم وٍرٍحمة اللّه وٍبرٍكآتهْ ..
شفت هالموٍضوٍع في منتدى وٍصرٍاحه .. يخوٍف حبيت أنقله لكم علشان الكل ياخذ الحذر ..
عندي لكم خبر ..
شفتوا حبوب التخسيس اللي البعض طاير فيها..
وما تنباع إلا في أماكن صغيرة وبعيدة عن أعين الرقابة
الصحية (أكشاك ومحلات شعبية وعطارين وغيرها)..
واللي يجيبونها من الفلبين وتايلند وسنغافورة..
تدرون ليش تخسس بشكل غير طبيعي وتنزل عشرة
إلى عشرين كيلو بشهر؟؟
لأن بعضها تكون عبارة عن كبسولات مليانة.. تدرون
إيش؟
خليني أقول لكم على القصة أول..
في وحدة الله يرحمها في دولة خليجية.. كان جسمها
معقول لكن تبغى تنحف نفسها أكثر قامت تاخذ هذي
الحبوب اللي يجيبونها من تايلند ومدري وين..
وبعد فترة ولأنها استمرت تاخذها لمدة طويلة..
بدت تشعر بالهزال والإرهاق..
وشوي شوي بدت تتعب أكثر فأكثر..
والاطباء موعارفين شفيها..
بعدين خلاص المره تعبت وايد صارت
طايحة في السرير وهي توها شابة أم أطفال.. صارت
جلد على عظم الله يغفر لها..
والأطباء لازالوا حيرانين وما يدرو وشو السبب
بالضبط..
يوم تردت حالتها جابوها بالطيارة لبلادها ..
و خذوها للمستشفى ..
ومع التحاليل الدقيقة.. والفحوصات..
اكتشفوا أن جسمها مليان ..
تدرو وشو؟؟
دود..
إيه نعم.. يقول الدكتور لقينا الدود مالي الكبد والأمعاء وواصل للرئتين!!!!
ومع التحري جابوا الحبوب اللي كانت تاخذها لقوها
بويضات ديدان البطن اللي تاكل الأكل اللي في بطنك
وتنحفك.. لكن مع الوقت الدود راح يبدا ياكل جسمك انت.......
طبعاً ما كان فيه أي علاج لها..
الأطباء اعتذروا وقالوا في هالمرحلة لا يمكن العلاج..
الدود ماشي في الجسم كله..رجعوها أحسن عند عيالها
تموت والله يغفر لها..
وبعد يومين توفت الله يرحمها ويغمد روحها الجنة..
وسمعت عن وحدة أنها كانت تتناول من هذي الحبوب
لعدة أيام.. وفي يوم نست الحبة على المغسلة أعزكم الله..
يوم جاء زوجها ودخل الحمام قام
صرخ وناداها.. جات المره لقت دود يمشي
على المغسلة بشكل مقرف..
فاكتشفوا ان الحبة يوم تنقعت في الماي طلع منها الدود..
لكن هذي قدرت تتدارك الموقف وتعالج نفسها لأنها توها..
الله يخليكم كلكم إنتبهوا انتبهوا من أي شي ينباع خارج
نطاق وزارة الصحة.. والله كثير أشياء مضرة بالصحة
ما تدرون عنها.. نتيجتها في الأول روعة
وبعدين يمكن بعد سنوات تندمون .
أنا حبيت بس أنبهكم لأني كنت ألاحظ كثير من الناس
يطيرون بأي شي يسمعون عنه جاي من شرق آسيا
بدون ما يسألون ويتأكدون..
الان دوري
بنات والله الموضوع صحيح مية بالمية
وحتى ذي الحاجات الي تتباع في الاسواق هنا
تحت مسميات التخسيس
شاهايات وخرابيط
قبل فترة وقفت ورزاة التجارة منتجات شاهي جامبوا للتخسيس
لانها اكتشفت فيه نسب عاليه من مادة الزئبق ...
تخيلوا الزئبق في الشاهي
اعرف الناس تحط نعناع ليمون ..
لكن زئبق
م
ن
ق
و
ل