خدمه يا فراشاتي والعشم فيكم طيب

ranon

18-05-2022 - 02:34 pm

السلام عليكم ورحمة الله وبركاته ..
شلونكم حبايبي عساكم بألف خير ؟..
شوفي حبايبي هذي اول مره أطلب فيها خدمه إنشاء الله ما تخيبوني وتكسرون خاطري .. شهر 3 راح يكون عرس اخوي وبصراحه ناويه اتحضر للعرس واطلع فيه بأحسن صوره بس مشكلتي إني ما لي حظ بالمكياج والتساريح دايما أخورها فيها يا ليت إللي تعرف صالون زين تنصحني فيه تقولي وتكون سوت فيني معروف ما أدري إذا راح القى عندكم مطلبي بس إني متفائله فيكم حيل .. على فكره انا ساكنه بالكويت ..

التعليقات (4)

روح الامل 2005HL

18-05-2022 - 05:56 pm

الف مبروك مقدما لزواج اخوك وبصراحه لو عندي معرفه كان ساعدتك بس للاسف انا ساكنه بالسعوديه
الله يوفقك ويسر لك ان شاء الله

سنديانة

18-05-2022 - 06:57 pm

الف مبروك وانا انصحج انكي تروحين لصالون ساس لان مكياجهم روعة و تسريحاتهم رروعه الشعر ايضا

ranon

18-05-2022 - 07:58 pm

الف شكر حبايبي والله يبارك فيكم ومشكورين على مروركم ..
إنشاء الله بجرب ساس ومشكوره حبيبتي على المعلومه .

miss moon

18-05-2022 - 08:59 pm

هلا والله حبيبتى ان شاء الله راح افديج فى عندج سهام ماجيك الموجوده فى ابوحليفه وعندج بعد انتز ناشونل يعنى صالون ساس وبعد عندج حنان الدشتى وايد حلو مكياجها وعندج بعد صالون جواهر اعتقد موجود بالجهرا وايد حلو ومكياجه روعة وصالون البدور ميكاجه روعة وهذا موجود فى الفحاحيل وبعد صالون هلتون فى فندق هلتون وايد حلو مكياجه وتساريحه
بس اذا تسمعين نصيحتى روحى لسهام ماجيك روعة مكياجها وتساريحها بعد انا رحت لها بعرس بنت خالتى والكل والله ما عرفنى من روعة مكياجها بنت الحلال
وان شاء الله اكون عطيتج فكرة عن بعض الصالونات
اختج مس مون

بنات ساعدوني←
بس حق بنات الكويت يقدرون يساعدوني→