خطوة بخطوة ودرس خاص للفراشات ستايل وشيك تمت اضافة الشرح

السلام عليكم ورحمة الله وبركاته
على طاري الدروس والمسابقات حبيت انزل درس للوك مابين الاوفر والناعم وبخطوات جدا مفصلة حتى استغني عن الشرح ونخلي الصور تحكي
ياري يحوز على اعجابكن ويكون واضح ومفيد وأيضا ..
هذي البشرة قبل نبدا بالمكياج وطبعا نهيأها بكريم مرطب وبعدو بكريم اساس وافضل يكون طبيعي وتغطيته طبيعيه ايضاً
هنا نضبط الحاجب بحيث نغطي للشعر الغير مرغوب فيه بكونسيلر جدا طبيعي واذا الشعر قاسي وعنيد نستخدم شمع الحواجب وبيني وبينكم دايما احاول استخدم الكونسيلر حتى لو ماغطى كثير
اهم شي يرتفع الحاجب بشكل طبيعي بعد ومو لازم نطيره فوق
وهذا الكونسيلر المفضل عندي
هنا حطيت على الجفن المتحرك اخضر زيتي واضفت عليه شوية بيقمنت من فوريفر ولونه بني على زيتي
هنا وضعت اضاءة تحت الحاجب وفي الزاوية الداخلية للعين مع المدمع ونزلتها شوي تحت
هنا حددت الزاوية اللي راح اشتغل عليها وادمج لبرا وطبعا اذا العيون صغيرة فخلو الزاوية بعيدة شوي عشان تعطينا مساحة اكبر
هنا وضعت شدو اسود بفرشة مشطوفة وبديت ادمجه مع بني على برا بس انتبهي وانتي تشتغلين لاتسحبينه عشان مايكون الشدو مسحوب
هنا وضعت كحل اسود سايل من فوق واستخدمت محمود سعيد وصراحة برغم ان سعره رخيص الا ان سواده لا يعلى عليه
هنا كملت بالكحل من تحت وانا غالبا استخدم بافيرا الكريمي لكني هالمره استخدمت محمود سعيد لاني راح ادمج فوق وعيب محمود سعيد انه يسيح شوي من تحت ولا يعطينا النظافة الملطلوبة
هنا دمجت شوية شدو اسود فوق الكحل اللي فوق العين وطبعا اذا الجفن صغير ولا العيون غائرة ما ندمج ابدا ونكتفي بخط رقييق جدا
لاننا ما نبغى نصغر العين ولا ندخلها بزيادة
وهنا دمجت شدو اسود وتحته بني وكملت على القوس اللي فوق واذكرركم بخصوص السحبه انتبهي لاتنسين نفسك وتسحبين لان دايم مشاكل البنات عندي بالتطبيق تتركز على نهاية الشدو
يحوسون فيه شوي ونبلش بالتنظيف لآخر مرحله
هنا حطيت كحل ابيض جوا العيين عشان يوسعها لنا وانتي حره ممكن تستبدلين الابيض بأي لون فاتح واذا العين جاحظة انتبهي من الابيض وكثفي الاسود طبعاا
هنا حطيت المسكرة طبعا وقد ماتقدرين كثفيها بتكرارها سواء فوق ولا تحت
وهذا اللوك النهائي ولله الحمد وحطيت لها بلاشر مشمشي وروج مشمشي على بيج وبيني وبنيكم هاللوك مرا رايق وطبعا اللون صاير قوي على الورق لان الورق لونه ابيض لكن شوفوه على البنوته طالع ناعم
واذا تحبين تكون الالوان اقوى ممكن تحطين بيس للشدو ويكون مائي فتكون الرسمة والالوان اقوى بكثيرر
وهنا اللوك للعين قبل اسويها وبعد ماسويتها
قولو ماشاءالله
وتراها لعين بنوته صغيره وياعمري عليها بهذلتها بالشغل لكن الله يوفقها ويحفظها يارب
صورت العين مرتين بحيث مره بفلاش ومره بدون
استفسارتكن وارائكن على راسي من فوق