خفائف ضحك و عبره تعالي بسرعه

1. القصة :


2. رجل يشتكي على صديقة من زوجته ويقول: زوجتي مهمله ومقصره في جميع


3. وعندنا رجع للبيت متأمل كبسه ترضي غروره دخل المطبخ مسرع وسعابيله

.. عُمتم مساءً شتوياً بارداً \ دافئاَ
طبعا جمعت لكم بعض القصص و السوالف المختلفه و الطريفه و لكن لكل منها مغزى معين اتمنى يكون دمها خفيف عليكم و تكون عبرتها حلوه ,,,
مدخل /
قولي لطيفك ينثني *** عن مضجعي وقت الوسن
كي استريح وتنطفي *** نارٌ تأججُ في البدن
أما أنا فكما عهدتِ *** فهل لوصلك من ثمن
مقدمة :
ألقى د. محمد العريفي محاضرة في مقر عمل زوجي..نقلها لي زوجي بحذافيرها
يقول عندما دخل الشيخ القاعة وبدأ الجموع الغفيره بدخول القاعة طبعاً في المقدمه
كبار الشخصيات وكانو يمشون ببطء..فقال الشيخ ليعجلهم: من جلس في الصف الاول رزقه الله زوجة بكر >>>ياليل حتى العريفي يحب ذا السوالف
فأخذوا في الاسراع في المشي لحجز الصف الاول...ومنهم من جلس على طاولة الشيخ
المحاضرة كانت قيمة بما تعنيه الكلمة..حكى فيها الشيخ قصة فيها طرافة وغرابه
وتنبيه..سأذكرها لكم..واترك لكم التعليق ..

القصة :

رجل يشتكي على صديقة من زوجته ويقول: زوجتي مهمله ومقصره في جميع

حقوقي..عندما ارجع من شغلي للبيت اريد الراحة والاكل تقول لي: ما طبخت اذهب وأحضر أكل من المطعم..وكمل الزوج محضر الشكاوي وهو يقول: واذا جاءنا ضيوف اقول لها سوي لنا قهوة..ترد علي وتقول: أخذ عصير من الثلاجة منيب بقايمه..
وكمل الرجل وهو يقول: خلاص طفشت منها بطلقها وبتزوج غيرها..
رد عليه صديقه وقال: أصبر لا تطلقها إلا بعد ما تسوي معها الحركة إلي بقولك
عليها..وكمل الصديق وهو يقول: أخذ ورقة وأكتب عليها ( أتقن عملك تَنُل غرضك)
وبكره الصبح وانت نازل لشغلك علقها على باب المطبخ..
قام الزوج المنكوب بعمل ما طلبه منه صديقة وعلق الورقة على باب المطبخ وذهب الى شغله....

وعندنا رجع للبيت متأمل كبسه ترضي غروره دخل المطبخ مسرع وسعابيله

تقوطر..ولكن وللأسف الشديد المطبخ ما تحرك فيه ساكن مثل ما تركه الصبح الشيء الوحيد إلي تغير الورقة غير موجودة....راح لغرفته وهو في خيبة أمل اش كبرها وأول ما فتح غرفة النوم كانت الطامه الكبرى..حصل الورقة ملصقة على راس السرير ( أتقن عملك تَنُل غرضك ) >>>ههه مردوده
××××××××××××××××××××××××××××××××××××
بدون مقدمات .. هالقصة صارت لوحدة قريبة مني .. وبجد مادري اضحك والا احزن معها على اللي صار .
تقول البنت كنت مجتمعة مع كم وحدة من صديقاتي في شقتي .. وكنا نحكي عن الملابس الداخلية والتخفيضات هالايام في الاسواق ،ورحت جبت لهم قطعة ملابس داخلية خاصة فيني شاريتها جديدة أوريهم نوعيتها وسعرها ...
تقول لما طلعو صديقاتي كانت عندي شغالة اهلي قلت لها نظفي المجلس لان بكرة اصدقاء زوجي دوريتهم عندنا
المهم الشغالة نظفت المجلس وخلصت وارسلتها لأهلي بعد ماخلصت شغلها كله..
من بكرة كانت دورية اصدقاء زوجي .. وطبعاً مادخلت المجلس على اساس معتمدة على تنظيف الشغالة ..
صلحت القهوة والحاجات الثانية ... ووصلني زوجي لبيت أهلي اسهر عندهم .
تقول الساعة 12 وبعد ماطلعو اخوياه .. يتصل علي وهات يامرمطة وتهزيء ... قال ايش ليه رامية ملابسك الداخلية في المجلس .. وطبعا هو ما انتبه لها الا لما وصلو نص ربعه
تقول البنت واشهق ذيك الشهقة اثر الشغالة نظفت المجلس وتركت القطعة على الطاولة في وسط المجلس كنها مزهرية
تقول زعل زوجي ولا جا اخذني ذيك الليلة من كثر مهو متنكد ولا هو طايق يشوف وجهي .. وعقبها حلف يمين ماتطب شغالة شقتنا ..
طبعا الومها لو هي مرة سنعه ما تعتمد على تنظيف الخدامه و من الاساس ما تطلع ملابسها الداخليه و الا وش رايكم ؟؟
××××××××××××××××××××××××××××××××
لاشك ان كل امرأه تتمنى ان يكون زوجهاا رومانسي رقيق حالم هادئ جدا>>>> لزوم رفع ضغط بعض الاعضاء
صار لي الان خمس سنوات متزوجه وحياتي جميله مع زوجي الله يخليه لي فديته
يمتاز بحسن الخلق والمعاشره الطيبه ويحب الروتين الممل القاتل >>> خربتهاا
كنت بين كل فتره واخرى اقول له يازوجي العزيز انت كل شي فيك حلو وتمام التمام بس ياليت تشبعني من الكلام الحلو
الرومانسيات
قال ابشري كل يوم ابغديك واعشيك من الرومانسيه للمثلوثه
ياحبيبتي هاه اجحديه عاد انا ماقصرت معك في كل شي اجيبلك واحطلك وادللك موهذا دليل حبي لك
بس هذا طبعي اعبر عن حبي لك بتعاملي وتصرفاتي معك والا الكلام والتغزل وهالاشياء مااعرفله
وش فيه غير حبيبتي حياتي عمري دنيتي كلي
اللي لهم سوابق اي علاقات غير شرعيه قبل زواجه هم اللي يعرفون يتغزلون بحريمهم
هنا انا بحلقت بعيوني باندهاش>>>> يمديكم على هالتعبير
وانلطمت وماعرفت اردله ولا بكلمه واحده
هل ماقاله زوجي صحيح وهو الواقع اولا!!!!!!!!
ههه هذا صرف نفسه صح ههه
×××××××××××××××××××××××××××××
الأسبوع الماضي كنت جالس مع أحد الأصدقاء فذكر هذه القصة المؤسفة والحزينة في
نفس الوقت ........
يقول فيه واحد من ربعي توه متزوج وكانت زوجته قد أعطاه الله شيء كبير من الجمال
وكان طالع للبر هو
وزوجته وبعد القهوة والغداء قررا التمشي حول مكانهم وكانت عائلة كبيرة بجانبهم
( كاشتين ) فلم شافن
الحريم الزوج وزوجته لوحدهم ...... أرسلوا أحد الأطفال وقالوا له قلهم .... أهلي
يقولون يسيرون علينا الزوجة مع الحريم والرجل مع الرجال ....... شاور زوجته
المسكين قالت خلاص
ذهبت الزوجة للحريم والزوج للرجال ....... أخذت الزوجة بالكلام معهن قالن هذا وش
يكون لك ... قالت زوجي .... زوجك؟؟؟؟
هالمزيونة هالشقراء أم عيون زغر بنت الفلان مع هالأسمر القصير ولد ...... !!!
وشلون وافقوا أهلك ........ عميان كم واحد وواحد يتمنى مثلك
يقول الزوج بعد ماركبت زوجتي جلست أكلمه .... ترد وهي كأنه مغصوبة
يقول زوجتي ماهي اللي أنا خابر ......... سألته ليه أنتي متغيره من جلستك مع هالحريم عسى
ماقالن لك كلمة شينه عسى ما شر.... ومع إصرار الزوج على زوجته معرفة الأسباب
قالت السالفة كذا وكذا مثل ماقالن له ..... وإني ندمانة على زواجي ومن هالكلام
قال يعني أنتي مقتنعة من كلامهم قالت ماقالوا إلا الحق .......
الزوج بعد ماشاف إن زوجته تغيرت قرر
الطلاق
يقول نفسي ماقدرت تصبر الإهانة
انتهت القصة بالطلاق
وأنا أذكر هذه القصة الحقيقية للفائدة
وهي .... أن بعض النساء تتدخل بمالا يعنيها
والرسول صلى الله عليه وسلم يقول :{ من حسن ظاسلام المرء تركه مالا يعنية }
وأنا بعض الكلام الذي تتساهل به بعض النساء تكون عواقبة عظيمة
و احذري تقولين كلمه الا لما تقيسينها الف مرة لان العواقب و الذنب عليك بعدين
اتمنى تكون خفيفه على قلوبكم و نفعتكم
و الي عندها قصه من نفس المنوال حياها ,,,
محبتكم
روح و روح