خلطات سحريه للشعر الجاف

1. ملاحظة: أذا كان شعرج طويل حطي من كلشي 2 يعني ضاعفي الكمية.

هالخلطه تنعم الشعر الخشن وتغذي الشعر اذا كان جاف وتعطي لمعان للشعر الباهت و اذا واصلتي عليها راح يطول شعرج بطريقه ملحوظه و أكرر (ملحوظه)
عقب ما جربتها حسيت ان شعري غير فيه لمعان موطبيعي و الشعره تحسينها نا ا اعمه و حته لون الشعر تغير صار أغمق بس شلون وليش مادري... أنا حطيت الخلطه ورحت للصالون عشان اغسلها بس إلي دايما تسوي شعري استخفت تقولي شنو ذي الخلطه الي سوت شعرج جذي...
فقلت لازم اعلمكم الطريقه السحريه أهي صج ريحتها مو حلوه بس استحملوا عشان تشوفون النتيجه المبهره...
الخلطه أهي خلطة المايونيز...
أولا تجيبين
.وعاء متوسط
.قفازات
.و تحتاجين ورق بلاستيك شفاف الي يغلفون فيه الطعام
الطريقه..
ملعقه طعام مايونيز
ملعقه طعام زيت زيتون
ملعقه طعام ليمون
ملعقه طعام روب (زبادي)
ملعقه طعام عسل
نص ملعقه طعام من خل التفاح
حطي كل المقادير في الوعاء و أخلطيهم مع بعض جيدا وبعدين لبسي القفاز وأبتدي وزعي الخلطه في شعرج.. أول شي حطي الخلطه في أطراف اصابعج و وزعيها في فروه الراس و بعدين وزعي الخلطه على الشعر...
و لما تخلصين رفعي شعرج و سكريه و غطيه بالورق البلاستيك يعني لفي الورق على شعرج كامل و غطيه عدل ....
و تركي الخلطه في شعرج لمده 3 ساعات ادري بتقولون وايد بس انا احطها في شعري و اروح اخلص اشغالي يعني ارتب الغرفه و اسوي اظافري واحط ماسك او خلطات في ويهي و اجهز ملابسي وكلشي...
ممكن تغسلينها قبل بس لنتيجه افضل خليها 3 ساعات...

ملاحظة: أذا كان شعرج طويل حطي من كلشي 2 يعني ضاعفي الكمية.

وال له انها روعه وبصراحه هذي أحسن خلطه جربتها في حياتي و اذا استمريتي عليها حتى الكسرات الي في شعرج تروح...
انا الي شجعني ان استخدمها النتيجه الي شفتها على شعر بنت خالتي الصغيره.. اهي مسكينه شعرها كيرلي و مو ناعم و امها متعقده لأنها الوحيده من بناتها الي طلعت جذي فأشتغلت عليها بخلطه المايونيز وبعد 3 شهور صار شعرها رهيب حته ماقامت تستخدم لها لا استشوار ولا حمام زيت ولا شي....
ادري قلت قصه حياتي بس جربوها مره وبتشوفون الفرق بنفسكم...
منقول يعني بدون اسئلة