خلطة تطويل الشعر

1. السلام عليكم ورحمة الله وبركاته

السلام عليكم ورحمة الله وبركاته

وشلونكم بنات وش اخباركم ان شاء الله بخير بنات انا بقولكم سالفتي مع شعري عقب ماشفت قصات الايمو اعتقد انكم تعرفونها اللي يصير الشعر كثيف من قدام وخفيف من ورى طبقه وحده بس بس الشكل مره حلو للي شعورهم كثيفه وناعمه وانا كان شعري ناعم بس نافش ومره يتساقط وخفيف خفيف مره يعني بقى شعرتين بس في شعري <<< يقطع ابو المبالغه الممقوته خ قصدي بس كان لآخر ظهري يعني طويل بس شكله موب مره حلو لأنه خفيف قلت بروح المشغل اقص غره واطراف المهم رحت يوم جيت عندها قالت لي هاذولي يحطون بواريك ومادري ايش وقامت تنخبق علي قلت لها طيب قصي نفس الغره بس والاطراف الاطراف بس الله يجزاتس خير تكفين تكفين لاتقصرينه واترجاها ترجي آخر شي يوم قصته واقوم من الكرسي وش اشوف شعري لين كتوفي قسم بالله يابنات الله لايوفقها يارب العالمين المهم واروح للبيت وامي تهوش علي من جهه وكل يطنز علي من جهه قسم بالله يابنات انه عند كتوفي وخفيف مره مره مره ذاك اليوم مانمت من ضيقة الصدر واقوم اصلي وادعي وربي وقلت في نفسي قل لن يصيبنا الا ماكتبه الله لنا تكفون يابنات تكفون انا سمعت عن خلطه انها تطول شبر في الشهر ومكوناتها زيت السمسم اللي فيه جمل وزيت خروع وزيت زيتون وزيت اللوز المر وزيت دابر الاخضر ويقولون تنحط كل يوم بس حبيت استفسر منكم بنات تتوقعون يطول شعري ان شاء الله وهل فيه أحد جربها وهل يضر اذا حطيتها كل يوم وغسلت شعري بنات تكفون افيدوني والله والله ان اللي بتساعدني لأدعيلها من كل قلبي تكفون يابنات ترى الناس للناس والكل بالله