خلطه طبيعيه تخلي الشعر يهفهف وبتقولي ودااعا للأستشوار

رجعت بخلطاتي ياحلوين أنا اليوم عندي خلطه جربتها صار لي اسبوعين بس وشعري صار يجنن بدون أستشوار ولا هم بس بعد ما اخلص من هالخلطه يعني بعد ما اغسل شعري الفه ويصير جنان والله روعه امي تقولي وش تسوين انتي بشعرك وبنت خالتي بعد يلا نبدأ بالخلطه البسيطه والطبيعيه معا ................ أول حاجه: جيبي الزيوت التاليه ... السمسم , عافيه , الزيتون , براشوت , وزيت الحبه السودا.... كل نوع من هذي الزيون فنجان واخلطيهم مع بعض في غرشه لو كانت غرشه مويه الصغيره وأخذي حبتين فص ثوم ودقيهم بالمنجل ولا مدري وش اسمه المهم وحطيه مع الزيت ورجي الغرشه زين وبعد كذا اخذي ملعقه كبيره عسل طبيعي وحطيه معاهم ورجي الغرشه خلي الخلطه يوم وبعد كذا استعمليه من الجذور الى الاطراف مره او مرتين بالاسبوع انا عن نفسي استعمله مره بالاسبوع واذا حطيته بشعري اغلف راسي وابلل فوطه الخاصه بالشعر بمويه حاره واعصرها والف بيها شعري واترك الخلطه لمده طويله هي ماتضر اخليه احيانا ساعيتين واحيانا اربع او خمس وبعد ما اغسل الخلطه اغسل شعري بالشامبو ( شامبو دوف للشعر الجاف او للشعر العدي ) وبعد كذا احط كريم براشوت والف شعري طاقيه وتطلع النتيجه روعه هذي تجربتي اعجبتني منها مغذيه ومنها مفيده . الي تحب تجرب تجرب وتقول النتيجه . ملاحظه: بعض الشعور مايصلح لها شامبو دوف يعني مو الكل يناسبه هذا الشامبو وما ادري اي نوع الشعور الي مايناسبه بس الي تجربه وشبك شعرها الشامبو تتركه وتستعمل الي يناسبها. ارجو لكم تجارب رائعه