خلطه للنفاس تسمن

يارب تفرجها

13-09-2022 - 02:03 am

خواتي حبيباتي
ابي اللي تعرف خلطه حقت النفاس لاتبخل عينا
بشرط تسمن
لاني على وشك ولاده
لاتقولون النفاس بطبيعتها تسمن انا لالالالالالالالالالالالالالا
مع العلم هذي الولاده الرابعه من شافني قال ماجابت احد
بس انا مليت من النحف
شكرا مقدما على تفاعلكم وردودكم

التعليقات (9)

يارب تفرجها

13-09-2022 - 05:25 am

للرفع للاهميه

زهور المطلق

13-09-2022 - 06:26 am

عصيدة التمر ياقلبي
تمر ودقيق وسكر وشمر تحطينها ع النار وتحركينها لين تصير مثل البشاميل
هذي كل عماتي وامي وخالتي يسوونها وماشاله ماتخلص النفاس الا وهي بطه
طريقتها
تحطين مويه وتمر مع بعض ع النار وتحركينها لين تذوب التمرات
بعد كذا تضيفين الدقيق شوي شوي علشان مايتعقد وبعدين اذا صارت ثقيله شوي مثل البشاميل واثقل بعد
تضيفين لها شمر ياقلبي ذرتين كذا وتحركينها
اذا استوت تحلينها بعسل وبالعافيه على قلبك
وكثري بعد ولادتك حليب بهيل تراه مره ممتاز
طبعا من غير اللقهاوي حقات النفاس
والحلبه والاكل و ........................الخ
اتمنى افدتك ياقلبي والله يسهل لك ولادتك

يارب تفرجها

13-09-2022 - 07:28 am

شكرا اختى زهور المطلق على ردك
والله يعطيك العافيه ويجزاك خير
بسويها ان شاء الله وببشرك بالنتائج

مرمر البحر

13-09-2022 - 08:29 am

والله ماعندي خلطه بس عندي حبوب سبروفيتا لوسمعتي عنها تسمنك مليون بلميه
ولاتخافين منها فيتمينات وكولاجين وتقدرين تعرضينها لاي دكتوره علشان تطمنك اذا تبينها راسليني

~Queen Love~

13-09-2022 - 09:30 am

الحلبه والماش
ربي يسمنك بصحه وعافيه

ام حمودي0

13-09-2022 - 10:31 am

شوفي حبيبتي حاولي تشرين حبوب فاتح شهيه ومع اكل النفاس راح تسمنين
واهم شي حليب الحلبه على الريق تفتح الشهيه مره والزبيب اليماني تنقعينه بماء يوم كامل وتشرين المويه حقت حلوه مره

يارب تفرجها

13-09-2022 - 11:32 am

شكرا خواتي على مروركم
وربي يسمع دعواتكم واسمن

صووت الهمس79

13-09-2022 - 12:33 pm

السلام عليكم
بدي احكيلك خلطة تسمن وتورد الخدود وتدر الحليب وهي من العادات والتقاليد الاردنية المصاحبة للنفاس
اذا حبيتي تعمليها وطعمها زاكي كتير بس دسمة شوي
اولا تجيبي سمن بلدي حوالي ملعقتين كبار
وتحطيه على نار هادية لما يذوب
بعدها تحطي فيه كمية مناسبه من التمر المنزوع النوى وتقومي بتحريك التمر حتى يطرا ويتجانس مع السمن بعديها تطفي النار وتحطي على التمر ملعقة كبيرة حلاوة الطحينية وتحركيها معها والنار طافية لما تتجانس بعديها رشي على الخلطة ملعقة سمسم
واتركيها تبرد
بعدين تناوليها كل يوم الصباح
واذا جربتيها ادعيلي الله يفرج همي

يارب تفرجها

13-09-2022 - 01:34 pm

islam rose
شكرا حبيبتي على مرورك بس انا ما احب الطحينية

زيت الحلبة لتكبير الصدر←
لا ترمين نواة التمر→