خلوا أزواجكم يقرون هالكلمات تبي زوجتك تموت فيك

1. بين لها حبك وودك وانك ماتقدر تستغني عنها

السلام عليكم
اتبع الاتي ..:
@
حاول ارضاء زوجتك حتى لو كانت هي الغلطانه
وحاول تفهمها ان الغلط منها وانت تحاول ترضيها .. مايضرك شي ( لا كرامه بين الزوجين )
@

بين لها حبك وودك وانك ماتقدر تستغني عنها

شوف وش يصير بعقلها ذيك الساعه .. طول الوقت حاول تناظر بعيونها وتتغزل فيها وقول لها كلام حلو حتى لو بيت من قصيده انت حافظه قوله ماراح ياخذ من وقتك شي وبكذا راح تكسب حبها تشوفها دايم في كلامك .. عنجد راح تموت فيك ..
@
قدم لها هديه أيآ كانت او ورده اهم شي تحس انك مهتم فيها وماراح تخسر شي وراح تكسب حبها
@
تخيل انك مريت عى شارع فيه ورود اقطف ورده واهديها زوجتك .. وهي راح تفرح بالورده وتخليك دايم في بالها .. وانت ماسويت شي بس انت قطفت الورده ولا تعبت نفسك ماخذت وقت ولا شي يوم تقطف الورده .. وهي تحسب احساب تفكيرك واهتمامك فيها وش راح يتعبك وقول هذا من اجل حبيبتي ..
@
أفهم مشاعرها ودموعها وتقرب منها وارحم ضعفها وتذكرها كل يوم مسج ع الجوال .. لاتقول بيخلص رصيدي عليها بالعكس هي اللي راح تسألك رصيدك بيخلص وانت رد عليها بهذا الكلام (وانا والرصيد كلنا فدوه لعيونك ) .. ماراح يضرك شي ابدآ ..
@
اذا كنت بدوامك وطلعت بدري .. قول انا ماقدر اصبر دايم اتذكرك حتى بدوامي عشان كذا طلعت بدري لاني مشتاق لك ياعيوني ..
@
وانتم جالسين تتابعون فيلم وجات وحده حلوه لاتخز فيها .. في المرأه طبيعتها غيوره وبشقاوتها مثل الطفل عطها كلام حلو ..
مثلآ: وينها ووين زوجتي .. انتي ملاك ماخلق ربي مثلك ..
وهكذا راح تكسب حبها لا وراح تعشقك وتعشق التراب اللي تمشي عليه ..
@
تخيل لو تهاوشتو على شي تافهه مايستاهل لو كان قصدك مزح وهي زعلت .. ع طول تراضيها وين المشكله ؟؟
@
العب معها عادي اللعب مو عيب حاول ترمي عليها الوساده وتجي هي ترميها وخذها وارميها عليها..حشى(توم&جيري)
كيف تبيها تحبك وانت ماتعبرها بشي
@اذا طلبت منك طلب لاتردها قول لها من عيوني
واعزمها على عشاء في طلعة حلوة
@امزح معها بلطف وعاملها بحنيه..المرأة زينة الدنيا
والدنيا ماتسوى زعل وكدر الحياة حلوة بين الزوجين وقليل منكم مثل كذا
لاتحاول ترفع يدك عليها لان الرسول نهى عن ضرب النساء <<رفقا بالقوارير>>
خلو حياتكم كلها عسل xعسل
بالتوفيق وحياة سعيدة لكل زوجين
قليل من الازواج كذا
علما اني ماني متزوجه