خمس سنوات

ليش هالتفكير
عادي حبيبتي .. أستانسي انتي وياه
وبسطي على الآخر
وأن شاء الله ربي يسخره لك ..
آمين يارب

ليش اختى وسعى صدرك حتى لو مالقيتى منه تجاوب بس عشانك مو عشانه

عزيزتي
يمكن المرة هذي هو اللي عاملك مفاجأة!!!!!!!
اش رايك تبدئي تمهدي للموضوع من اليوم بطريقة عفوية
يعني مثلا اوقفي عند التقويم كأنك بتشوفي التاريخ وواعملي نفسك متفاجئة يا ألله مسرع ما مرت السنين تخيل باقي كم يوم ونكمل 5 سنين (طبعا هذا الكلام موجه له)
واسردي الذكريات بطريقة الأسئلة : تفتكر يوم الزواج فاكر اي لبس كنت لابسة؟ قصدي بعد ما غيرت فستان الفرح ولو لسة محتفظة بيه طلعيه مع مجموعة ثانية واختبري ذاكرته يعرف ولا لأ؟؟
وخلي كل ذا بطريقة عفوية ولا كأنك ناوية على شي
وانتبهي لازم تختاري الوقت المناسب لايكون نعسان ولا متضايق أو مزاجه عكر لأنه ما حيتجاوب معك بالعكس حتنصدمي من ردة فعله
وتبغي رأيي؟
لاتحجزي في مطعم ولا حاجة
صرفي عيالك عند امك مثلا
جهزي بيتك خليه رومانسي
طفي كل الأنوار رصي الشموع من مدخل البيت لغرفة النوم
او خلي البيت هادي كأنكم نايمين
وركزي اهتمامك على غرفة نومك
ولا تنسي الحمام الله يكرمك
شموع وقلوب مضيئة وانوار خافتة وريحة نعومة لو تاخذي فواحة من زهور الريف اشياءهم مميزة
البسي لبس الدخلة او شي يشبه له
لا تنسي العشاء خليه رومانسي وبسيط وفخم في نفس الوقت
اكتبي رسالة عبري فيها عن مشاعرك المرهفة وافضل الأمور اللي مرت عليكم خلال ال5 سنين
امدحي فيه كل الصفات الحلوة ولا تنسي شي لو كان بسيط
صدقيني راح ينبسط ويتفاعل معاك اكثر من لو عزمتيه في مطعم او فندق
جربي وخبريني نفعت طريقتي ولا لأ بجد انتظرك بعد اسبوعين ع الخاص

مساء الخير اختي انا لمحت عندة وماقال شي وزوجي مو من النوع اللي يسوي مفاجات
وانا ساكنة عند اهل زوجي وما عندي الا ولد واهلي مو هنا
عشان كذا لو فكرت اسوي بسوي بمطعم بس ما اعرف مطعم يسوي حركات

لا تيأسي حاولي معه وشوية شوية بتعود حتى لو طالت المدة حاولي تغيري الاسلوب مثلا والله يوفقك 000بس حلو يتعود زوجك على الرومانسية والتقبل من شريك حياته

غرام زوجي
حبيبتي:
لا تيأسي أبدا ومادام انك عند أهل زوجك حلو خلي ولدك عندهم أو نوميه بدري
وجربيطريقتي مابتخسري إذا ما زبطت هالمرة لا تتكرريها
بس والله من ناحية نفسيات الرجال مجربة تفيد معاهم هم موزينا رومانسيتهم تحتاج استخراج
وفي الوقت اللي احنا تكفينا فيه الكلمة الحلوة هم ما تكفيهم ويمكن مو كثير تستثيرهم أهم شي عندهم الفعل
وأكيد عندك غرفة خاصة تقدري تعملي فيها الهوايل وتكشخيها
ولو عندك حمام خاص برضه زبطيه
جربي وحتدعيلي
وأنصحك تشتري لعبة زوجية الشوكولاته مثلا مرة حلوة
وإذا مو حابة براحتك بس أنا نصحتك عن تجربة
وإذا مرة ما عجبتك انصحك بفندق مو بمطعم
المطعم اكلة وتتنسى
والله يوفقك

انا مع كلام الفراشات الحلوات
لازم تعملي شي مو بس عشانه ولك انتي كمان
وعشان تغيرو جو
ويارب يسعدكم ويهنيكم ويرزقم الذريه الصالحة وعقبال ال50 سنه يارب
وحفلة ال50 سنه عندي

الف شكر لكل وحدة ردت علي الله ينولها اللي في بالها

مساء الخير ام علوش اولا مااقدر اخلي ولدي عندهم ثانيا سويت قبل كذا ليالي رومنسية ماشفت تفاعل مع زوجي ثالثا كل الهدايا اللي للرجال جبتها لزوجي لاني بالاعياد اجيبله وبذكلرى زواجا وهو كل مرة يوعدني بيجيب وما شوف شي