خوات الزوج

مرحبا
انا احب اقولكم شي يمكن يخفف عني لما افضفض لكم
انا قهروني خوات زوجي مع انهم اصغر مني
لكن فيهم حقد موطبيعي ابدا
لما ازورهم ماحد منهم بيجلس معي وحدة تجي تسلم وتروح والثانية شهرين ماشفتها
واذا بغت تمر ترسل الشغالة تسكر الباب عشان ماتشوفني
والثالثة اللي كانت صديقتي صارت عادية الا بالعكس صارت تقهرني لانها توظفت وانها تروح
وتجي على كيفها مش مقيدة ببيت ووزوج وطفل يعني مثلي
المهم وخالتي اللي هي ام زوجي سلبية مرة
ماكاانها تشوف تصرفات بناتها
ياخذون طفلي ويلعبونه وينبسطون عليه وانا بالمجلس الحالي ولو رحت لمكانهم قامو وراحو
لا تٍسالون وش السبب من اول وهذا طبعهم لكن معي انا بزيادة
قبل مدة تزوج ولدهم واحتاجت خالتي فلوس
وانا من غبأي بعت ذهبي عشانها
وتوقعت انهم بيتعدلون معي تعدلو كم شهر وصارو زي خواتي وااكثر
ولما زوجي رجع لي مبلغ الذهب تغيرو وصارو اردى واردى
ومن فترة واظن هذا اللي قالبهم علي بنتهم اللي اصغر منيومشيه البيت على كيفها
جلست تصارخ وتعيب على بنتي اللي عمرها 5 شهور وتسب بابوها وفيني
قدام ضيوفهم رحت انا رديت عليها قلت مو تهاوشين الصفيرة جودك عليها والكبار ماتقدرين لهم
قالت من زينك انتي وزوجك وبنتك
انا عصبت كذاقدام الناس تهزء تناقرنا واول ماجازوجي قلت بنروح بيتنا
لان اخت كذا وكذا سوت >>.كان فيه خلاف بين زوجي وااخته
المهم زوجي هاوشها ورحنا البيت
وبعد اسبوعين رحنا الهم
كل كل البيت الام والابو والشغالة والعيال والبنات
ماتكلمو معي خسيت اني ولاشي
بس مع ولدهم بالعكس طارو به
انا عصبت على زوجي لما رجعت قلت خلاص اهلك ماعاد اروح لهم
واذا على البنت نخليها عندهم ونطلع ونرجع ناخذها قال خلاص
ولما خليت بنتي اللي هي حفيدتهم
لقيتها مع الشغالة ولا ااحد عندها ولا رضوعها ولا غيرو لها
وقلت لزوجي هذا الي طايرين بالبنت ودايم يقولون جيبوها
وش اسوي قهروني كل خميس وجمعه واربعا متهاوشين انا وزوجي والسبب هم
نروح الاربعا اشوف التطنيش وزوجي يشوف يخليني عندهم ويطلع ينبسط ويجيني
ولما نرجع مرة اسايس واتدلع وكلام حلو ومرة هواش على ذا الحال
ويجي الخميس وهو وانا معصبين من بعض
ولا ننبسظ ابدا
مادري وش اسوي مع اني طول الاسبوع استانس مع جاراتي وصاحباتي
بس يجي الخميس والاربعا اتنكد
ولا انسى نغزاتهم وكلماتهم لي دقة بدقة
وانا اغسل او اكوي اتذكر نظراتهم لي مااقدر ابعدها عن بالي
اعصب واتضايق
واحط حرتي بزوجي اللي موقفه سلبي تمااما
اسفة اني طولت عليكم