خواطر دبه

جاوبيني على هالاسئله
ليش حابه تنزلي الوزن؟؟؟؟؟؟؟؟؟
بتحبي الاكل؟؟؟؟؟
بتحبي اكلك اللي بتطبخيه الكبسه ,المرقوق, الصالونه؟؟؟؟؟؟؟؟؟؟؟؟؟
زوجك بيحب تاكلي بطبق لوحدك ولا تاكلي معاه واذا مو متزوجه اهلك؟؟؟؟؟؟؟؟؟؟؟؟
بتظمني انك بعد شهرين او ع اذا وصلتي للمثالي ما تنفجعي اكثر وترجعي دبه؟؟؟؟؟؟؟؟؟؟؟
هل الرجيم ظروري لو كان اكلنا صح طول العمر؟؟؟؟؟؟؟؟؟؟؟؟؟؟
بتحبي كل يوم الصبح تستيقظي من النوم وانتي عارفه انو النعم اللي ربي خلقها ممنوع تاكلي منها الا
واحد 2و3 مثال الانظمه اللي بنمشي فيها؟؟؟؟؟؟؟؟؟؟
كم مره سويتي دايت؟؟؟؟؟؟؟؟؟؟؟؟؟؟؟؟
كم اخصائي انتشر ببلادنا او بالبلاد المجاوره ؟؟؟؟؟؟؟؟؟؟؟؟؟؟؟
لنفرض انك وصلتي لوزنك المثالي وكان جسمك كله ترهلات هل انتي راضيه عن نفسك وعن شكلك وانتي نحيفه ولكن مترهله؟؟؟؟؟؟؟؟؟؟؟؟
لو انتي نحيفه طول عمرك هل باعتقادك انك ستضيعين نصف عمرك في الحميات؟؟؟؟؟؟؟؟؟؟؟؟؟؟؟

على فكره
في ناس بعرفهم
بيقولو لما اخلص دايت
رح اكل كذا وكذا وانا كنت مثلهم
اذا جا يوم الكسر رح اكل كل اللي نفسي فيه
غلط
احنا مو عاملين نظام لانا حابين نعاقب انفسنا
وهالشي اللي بيخلينا مش عارفين شو اللي بيصير
تخفيف الوزن نظام اختياري مش اجباري
فلا تحرمو نفسكم حتى ما تصير ردة الفعل
كلو من كل شي 3 لقمات ههه
طولت عليكم
من اليوم
حركه
استلمي غرفه غرفه في بيتك اقلبيها فوق لتحت
طلعي الهدوم نظميها من اول لجديد
افرزي اللي رح تلبسيه بعد فتره
وخليه هدفك
تحركي تحركي
نظمي وقتك
سوي حمامات زيت لشعرك
العبي رياضه عنيفه
ثم ادهني جسمك بكريم واسترخي
تميزي تالقي
ههه
حبي حالك
قولي انا ما بعاقب نفسي
انا بدي احسن من جسمي مش لاني مش حلوه
لا عشان اصير حلوه اكثر

تخيلو معي هالانسانه
شومالك ؟
انا ولا شي.
ليش محبطه ولا انا غلطانه!!!!!!!!!!!
انا انا لا ما فيني شي بس
شو بس؟؟؟؟؟؟؟؟؟
اليوم سويت دايت وما نزلت ولا كيلو.
اليوم سويتي؟؟؟؟؟؟
اه ولسه الميزان مش راضي يتزحزح.
انتي بعقلك؟؟؟؟؟
لازم انزل كيلو لان المفروض هالدايت بينزل 10 كيلو بالاسبوع
متى رح يبين نزولي لازم لازم.
الله يهديكي شو لازم وما لازم الله يعينك شكلها خلصت مخ!!!!!!!
حوار اخر
خير ياطير؟؟؟؟؟؟؟؟
من وين بدو يجي الخير الله يقطع هالعيشه
حياه مقرفه و
استني استني لشو كل هالكلام ليش العصبيه!!!
انا مش معصبه؟؟؟
كل هالكلام ومو معصبه روحي شوفي حالك بالمرايه كيف وجهك
بتروح الاخت للمرايه وبتتطلع مش على وجهها وبتطلع على زنودها وبطنها ومؤخرتها وبترجع حريقه
انا بكره حالي وبكره عيشتي انا وانا
ليش هاذا كله؟؟؟
انا تعبانه من الدايت وزني مو راضي ينزل
انت ما بتقدر تعبي جوع ورياضه واخرتها انا العصبيه
والميزان واقف متى رح يتحرك
طبعا الطرف الثاني وباستغراب
وانا شو دخلني
انت السبب انت السبب لو جبتلي جهاز مشي لو توديني اخصائيه
لو تسجلني بدايت سنتر انت ما بدك اسوي دايت
وبعد كم شهر لبالها كل احتياجاتها ونحفت وصارت حلوه
وفي يوم وليله
راحت عالمرايه وشافت نفسها
ههه
كانها بتشوفها لاول مره
شو حجتها
ميزان
جهاز رياضي
شو حجتها
كيف تبرر طريقة عيشتها وهيه طول اليوم ايدها بفمها
شو تسوي شو تعمل
اكيد عرفتو
تسوي دايت ههه
وللاسف يفشل الدايت وينجح الدايت
والنهايه
كم بلوزه وكم بنطلون وكم تنوره مقاسهم سمول
مركونين بالخزانه بيستنو الحلوه تنحفلهم
لانهم ماركات وحرام يروحو حرام
بس هل حترجع تلبسهم
هون السؤال؟؟؟؟؟؟؟؟؟؟؟؟؟؟؟؟؟؟؟

عندي صديقه سوريه
راحت لفرنسا مع ابوها
كانت تلبس لارج
يعني بالنسبه النا معتدله وحلو وزنها
ولكنها لما راحت محل تدور ملابس
فالولها روحي محلات الملابس الكبيره
لانها لارج
تخيلو
كلنا بنعرف الفر نسيات ورشاقتهن
والسبب ليش؟؟؟؟؟؟؟
بياكلو 3 لقمات من كل صنف امامهم يعني لو شو ما كان على السفره
بس محددين لنفسهم 3 لقمات وطول اليوم بيتحركو
وانا جربت مبارح هالنظام
وهو كالتالي
الفطور
افطري اللي بدك اياه من البيت
ممكن تاخذي بسكوته او شابوره حبتين
او توسته مع جبن او لبنه او ملعقه صغيره عسل
قطعة كيك صغيره
مع شاي
او حبة فاكهه او خضار
اي شي بتحبيه بس بكميه بسيطه
الغدا
3 لقمات
طيب كيف هاي انا بقلكم
لو كان عندك سلطه ورز ودجاج وخضار لبن
خذي 3 لقمات من كل شي من طبخك انتي طبعا مو تطبخيه لحاله
وبس
وبعد الساعه 6 سكري فمك عن الاكل
لو حبيتي تاخذي فاكهه او 3 حبات تمر مع القهوه او حليب ساخن او لبن شرب اللي بدك اياه من المشروبات على راحتك
وبتحاولي تنامي بدري
وهاي اللي سويته مبارح
حبيباتي انتو بهيك بتخدعو مخكم اللي خايف من الحرمان
وبنفس الوقت بتاكلو مع اهل البيت حتى لو زدتي الكميه شويه اللقمات خليتيهم 5 كمان رح تنزلي
لانه ما في خوف ولا توتر
هوه شبيه بنظام التخفيف ونظام السعرات الحراريه ورجيم النقاط
خواتي بلاش نبهدل صحتنا اكثر
وخلي هالرجيم بدايه لتنظيم كل حياتك
وهاي الهدف من اسئلتي
انتي حابه تنزلي معناها لازم تنزلي للابد
لاني اول وحده فيكم سوت ريجيمات ورجعت للصفر
لا تستعجلو النتيجه
معكم 3 اشهر للصيف
وفي نقطه مهمه
بتجمعات الاهل
ممكن تتغدي شي خفيف جدا وما تاكلي نشويات
ولما تروحي الجمعه كلي بكميه قليله جدا
ولا تبيني لاحد انك مسويه دايت من تجربتي
والاهم من كل هالحكي
الرياضه
الحركه الدائمه
وتحسبي كم اكلتي وكم فقدتي من سعرات
حركه × حركه= عدم ترهل
شرب الماء بكثره
الابتعاد عن العصيرات بكميه كبيره
والابتعاد عن الشوكلاتات والتشيبس والمكسرات
هالفكره امامك وانتي ادرسيها بمخك وقلبيها يمين وشمال
بلا دايت بلا هم
كرهت الالتزام كرهت كلمة دايت
كرهت اقول للناس مسويه دايت وانا شكلي مثل ما هو
لانهم ما بيعرفو شو ظروفك وانو النزول مش بهالسهوله
ترجمتلكم افكاري عن الدايت اللي حسويه ان شالله تنبسطو بالفكره
وحبيت اخبركم
اني جرربت هالكلام مبارح وكنت جوعانه كثير معناها ان شاء الله في اكيد نتيجه حلوه
بس لا تنسو الحركه والرياضه
على الاقل ساعة مشي باليوم مبدئيا
توكلو على الله ولا تقولو بنبدا من السبت
ابدي من اليوم
نظمي نفسك لطول العمر بهالطريقه ما رح تنحرمي من اي شي انتي بتحبيه
اخسري وزنك وانتي سعيده ومبسوطه وكلك ثقه
ولا تنسو
الوزن بيوقف لما توقفي رياضه ورجيم واحنا مقصرين بالرياضه
يالله شدو الهمه

يالله فراشات
اكتبو خواطركم
خلوها صفحة فضفضه
قولو كل اللي بقلبكم
تجاه الدايت والسمنه
بانتظاركم

المسلمه
اهلا حبوبه
اذا بتحبي جاوبي على الاسئله اللي بنفس الصفحه

سعوديه و افتخرر
اديكي حبيبتي نورتي