خوش انتقام يحرم يتزوج عليها

1. وهنا بدا كيد النساء

السلام عليكم ياصبايا
اللي تبي زوجها مايتزوج عليها تتبع الاخت اللي راح اقولكم قصتها
هذي وحده يتيمه واتزوجت ابن عمها وجابت منه صبيان وبنات ولالهاغيره بعد الله ولما كبرت شوي فكر زوجها يتزوج عليها وصارحها بالموضوع ومالها خيار الا انها توافق على زواجه مالها احد تروح له اوتزعل عنده
المهم جهزت لزوجها شقته اللي بالدور الثاني هي وعيالها ولا خلته يسوي شي ابدا واشترت له البشت ويوم جاء العرس سوت له قهوه وشاي العصر وقهوته وبعد المغرب سبحته بنفسها ولبسته وبخرته بافخر انواع العود
وهو راح للرجال وهي راحت للقصر تتابع الحفل ولوازمه
ولما جاء وقت الزفه زفتهم احلى زفه والناس مستغربين من صبرها وابتسامتها العريضه وكانه عرس ولدها مو زوجها واستمرت تخدمهم بالعرس لحد ماوصلت المعاريس لغرفتهم في شقتهم وسكرت عليهم الباب

وهنا بدا كيد النساء

قفلت باب الغرفه عليهم بالمفتاح وسكرت باب الشقه ورجعت للقصر وهي تنتظر انفجار القنبله في شقة العروسين :
نرجع للوراء قليلا ونعيد تصرفاتها فهي لم تعمل اي خطأ الى الان لكن الخطأ عملته بدون وعي من المعرس في الشاي والقهوه اللي شربها من يدها عصر يوم الزواج حطت بالقهوه عشرج وهي نبته تنظف البطن من اللي فيه بصوره مليقدر يصمد معها الواحد يعني مسهل للبطن ولما زفوه كان متضايق حاس انه واصل حده من بطنه ولما زفته لغرفة النوم قفلت عليه الباب بدون رحمه وبدون وجود حمام
الرجال لمانزل البشت رجع على طول للباب قبل حتى يلمس العروس وحاول فتحه لكن بدون فائده والسالفه قبل تنتشر الجوالات بالشكل الحالي
ولما ضاق به ذرعا وماقدر يقاوم مفعول العشرج فرش بشته بالارض و.......................خلص حمامه على البشت
المهم الناس مارجعوا من العرس الابعد الفجر والعروس من الساعه 11محشوره بالحمام...عفوا بالغرفه مع الزوج المكسوره عينه من العروس والمنقهر من زوجته الاوليه ولما وصلوا اهل العرس سمعوا طق الباب فوق وجت زوجته على عجل كانها ماسوت شي ولما فتحت هو بدا يضربها لانها قفلت الباب عليهم والعروس هربت لاهلها
والعروس طبعا ماراح تسكت عن السبب الحقيقي لان الناس راح يحطون عليها كلام لو سترت على الرجال انفضحت هي
وبكذا انفضح وماراح تفكر فيه عاقله
وزوجته الاوليه تمسك فيها لانه اذاطلقها ماراح يلقى من يتزوجه هو والموقف الرهيب
اتمنى انكم ماتاخذونها عظه وعبرة لكن للترفيه فقط
اوردو لنا نوادر ليلة الزفاف عندكم