الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
التعليقات (2)
وهذآ كمآن من تجآرب البنوتات
وحده من معارفنا مشتركه لها سنة وهي بنت في بداية العشرينات
الصراحة نزلت كثير يمكن15كيلو اكثر
الله يسهل امرك
::
معنا وحده بالدوام
أول السنة شيء والآن شيء تاني
ولما سألوها البنات شو عاملة بنفسها
طلعت مشتركة بدايت سنتر
* *
كانت مليانه الآن ماشاء الله
صار وزنها مثالي ومناسب لجسمها
بس لاحظت عليها أنها شاحبه بس
مدري إذا نظامهم الغذائي ينقصه شيء
لذلك في وجهها شحوب أولا
* *
بس للأمانة تغيرها جذري
::
اتمنى تلاقي عندهم غرضك
وتوصلي للوزن المثالي
بنت جيرانا مشتركه وماشاء الله بان عليها انها نحفت ..
واعرف وحده بس بشكل رسمي وجسمها خيالي ومشتركه بعد ..
أنا انصح بالإشتراك معاهم بشدة
يعني يطلع لك اليوم تقريا 53 الفطور والغدا والعشا والحلو والفاكهة والله الشغلة موفرة واكل صحي كمان
وماتحسي نفسك محرومة
وترى اكلهم كميته كثيرة يعني مارا تجوعي
خبرينا عن النتايج *_*
وحده من معارفنا مشتركه لها سنة وهي بنت في بداية العشرينات
الصراحة نزلت كثير يمكن15كيلو اكثر
الله يسهل امرك
::
معنا وحده بالدوام
أول السنة شيء والآن شيء تاني
ولما سألوها البنات شو عاملة بنفسها
طلعت مشتركة بدايت سنتر
* *
كانت مليانه الآن ماشاء الله
صار وزنها مثالي ومناسب لجسمها
بس لاحظت عليها أنها شاحبه بس
مدري إذا نظامهم الغذائي ينقصه شيء
لذلك في وجهها شحوب أولا
* *
بس للأمانة تغيرها جذري
::
اتمنى تلاقي عندهم غرضك
وتوصلي للوزن المثالي
بنت جيرانا مشتركه وماشاء الله بان عليها انها نحفت ..
واعرف وحده بس بشكل رسمي وجسمها خيالي ومشتركه بعد ..
أنا انصح بالإشتراك معاهم بشدة
يعني يطلع لك اليوم تقريا 53 الفطور والغدا والعشا والحلو والفاكهة والله الشغلة موفرة واكل صحي كمان
وماتحسي نفسك محرومة
وترى اكلهم كميته كثيرة يعني مارا تجوعي
خبرينا عن النتايج *_*
رجيم الكوسا→
السلام عليكم ورحمة الله وبركاته
أختي الغالية بنت مكة
أنا رح احكيلك عن تجربتي شخصيا مع دايت سنتر لأني اشتركت بنفسي فيه
أولا الاشتراك شهريا 2400 ريال مع التوصيل والمتابعة مع الأخصائية
طبعا أول شي بتتصلي عليهن وبتاخدي موعد لأنو في أيام للرجال وفي أيام للنساء
تانيا أول زيارة للمركز بتدخلي لعند أخصائية التغذية بتاخد وزنك وطولك ومقاساتك وبتوقفك على جهاز لوزن الكتلة العضلية في الجسم مشان تعرف كم نسبة العضلات والدهون عندك وكم كيلو بتحتاجي تنزليهن طبعا هذا الجهاز بتوقفك عليه أول الشهر وآخر الشهر يعني مو كل زيارة
بعدين بتصيري تروحي مرة بالاسبوع بتاخذ وزنك وقياستك بس
طبعا في أول زيارة كمان بيعطوكي دفتر خاص فيكي فيه الأكل إلي بدك تختاريه
وهو عبارة عن ( فطور وغذاء وعشاء وتحلية وفواكه ) هذا الأكل بصير يجيكي يوميا في صندوق وداخله كمان ورقة فيها الاكل الي اخترتيه واي اقتراح او ملاحظة عندك على الاكل بتكتبيها وتاني يوم بتعطي الورقة للسائق الي بوصل الاكل
أما اذا كل شي تمام فما ضروري تبعتي الورقة أساسا يعني على راحتك
طبعا الدكتورة في أول زيارة بتسألك على الاكل الي بتحبيه والي ما بتحبيه مشان يعرفو شو يبعتولك
وكمان بتكتبلك ورقة تحاليل فاذا عندك تحاليل عاملتيها من فترة قريبة خديها معك
طبعا بتقلك الدكتورة لازم ساعة رياضة يوميا ولازم تشربي ماء كتير
نصيحة مني اسمعي كلامها تمام لأني أنا أول أسبوع ما سمعت الكلام فما استفدت كتير وصدقيني لما صرت العب رياضة وأكتر شرب مي فرقت معي كتير كتير
بالنسبة لنزول الوزن مابين 4 إلى 5 كيلو بالشهر هذا بالنسبة إلي طبعا بشرط الالتزام التام بالاكل المرسل فقط وبالرياضة لأنك اذا صرت تاكلي من برا فما رح تستفيدي
الاكل محدد كميته بالسعرات الحرارية يعني الدكتورة بتشوف جسمك ( حسب طولك وعمرك وبنيتك العضلية ونشاطتك اليومي ) وعلى أساسه بتحددلك كم كالوري بيحتاجو جسمك
الاكل عندن لذيذ بس في بعض الايام الاكلة ما بتحبيها كتير فلا تختاريها مرة تانية
أنا بالنسبة الي بعتمد غالبا على وجبات الدجاج والسمك لأنو اللحم عندن ناشف شوي بحكم خلوه من الدهن بس كمان جربي انتي واحكمي بنفسك فالناس أذواق
شو بدي قلك كمان عرفانه طولت عليكي بس حبيت اعطيكي التجربة تماما
الحمد لله عن نفسي كانت تجربتي مع دايت سنتر من أنجح تجاربي في نزول الوزن فمحسوبتك لها باع طويل في هذا المجال ( الحمد لله على الصحة والعافية ) نزلت معن خلال شهرين 10 كيلو والحمد لله جسمي كتير تغير لأني لعبت رياضة تمام التمام وكمان لما رجعت الي نزلته ما رجعو بالسهل رجعو بعد ما افتريت على نفسي بالاكل واهمال الرياضة بس الحمد لله رجعت نزلتن وادعي اكمل وأوصل للوزن الي بدي ياه
كمان شغله مهمة نسيت قلك عليها ممكن اذا اشتركتي لفترة طويلة وبعد فترة طفشتي من نوعية الاكل وحابه تريحي شوي فممكن توقفي الاشتراك لفترة وبعدين بترجعي بتفعلي
كمان ممكن تشتركي طول الاسبوع من غير الخميس والجمعة اذا بدك بحكم انو هلأ اجازة وممكن تشتهي تاكلي من برا
بس نصيحتي الك لا تخربيها كتير في هل اليومين لأنو ما رح تستفيدي كتير والأفضل لو عندك صبر وطولت بال لا تعملي هل الفكرة بالبداية لأنك أصلا بتكوني متحمسة لأنو شي جديد عليكي خليها لبعد فترة يعني مثلا خليها بعد أول عشرة كيلو بإذن الله تعالى
طبعا بعد أول شهر اشتراك تاني شهر بيعملو خصم 200 ريال يعني بدل 2400 بصير 2200
وتالت شهر بصير 2000 ريال وخلص بيضل هذا المبلغ على طول حتى لو جددتي لشهر رابع وخامس وهكذا
هذه هي تجربتي بالكامل واذا عندك اي استفسار ما عليكي الا انك تسألي ومحسوبتك تجيبك بكل أريحية ورحابة صدر
وإن شاء الله بعد فترة بتبشرينا بالعشرة كيلو الاوائل وبدي التحلاية بعدها ههه عم أمزح معك
الله يوفقك يارب ويسهل أمرك وينولك مرادك يارب العالمين
وآسفة كتير على الاطالة
دعواتك