دايت الجريب فروت

هذا النظام حلو جدا انا جربته قبل كده ونزلت فى الاسبوع 5 كيلو , وسوف ابتديه بكره ان شاء الله السبت مين يبدأ معايا ونشوف يوم السبت القادم نزلنا كام فى الاسبوع , انا طولى 165ووزنى 87 عايزه وزنى يبقى 65 ان شاء الله ادعولى اوصل للوزن ده واثبت عليه ان شاء الله ..
اليوم الاول
الافطار...حبه جريب فروت +2شريحه جبنه خاليه الدسم+شاى باليمون
الغداء....حبه جريب فروت+سلاطه مكونه من الكرمب والليمون+ شاى اخضر
العشاء...150 جرام من اللحمه المشويه+سلاطه خضراء مع ليمون+ شاى اخضر+ملعقه عسل
اليوم الثانى
الافطار...حبه جريب فروت+2 بيضه مسلوقه+شاى اخضر
الغداء...حبه جريب فروت+50 جرام جرام وطبعا دايت
العشاء...200 جرام سمك مشوى+سلاطه خضراء مع زيت وليمون
اليوم الثالث
الافطار....حبه جريب فروت
الغداء....جريب فروت+طبق صغير من شوربه الخضار حبه من كل من (كوسه ,جزر, 5عيدان من الفاصوليا, بطاطس صغيره+كرفس)
العشاء...200 جرام فراخ مشويه او مسلوقه+حبه جريب فروت
اليوم الرابع
الافطار..واحد كوب عصير طماطم+1 بيضه مسلوقه +شاىمع ليمون
الغداء..جريب فروت+سلاطه (كرمب مع ليمون مع جزر)
العشاء...جزر وكرمب مطبوخين بس طبعا من غير دسم
اليوم الخامس
الافطار...سلاطه فواكه مكونه من اناناس وجريب فروت فقط+شاى اخضر
الغداء... 1 حبه بطاطس مسلوقه+كرمب مع ليمون
العشاء...200 جرام من الفراخ المشويه او المسلوقه+1 طماطم+ حبه جريب فروت
اليوم السادس
طوال اليوم عصير اناناس او جريب فروت بأى كميه.
انا عارفه ان النظام صعب بس صدقونى انا اول مره اعمله من سنه خسيت 10 كيلو اصل اول ما ابتديت الدايت كنت 115 كيلو , ومستمره ان شاء الله الا ان اوصل الى الوزن اللى عايزاه, ملاحظات بخصوص الدايت :
1) الجريب فروت ممكن عصير وممكن تكلوه عادى زى زى البرتقال بس يفضل يؤكل لا يشرب علشان يحرق اكثر
2) يمكن تبديل وجبه الغداء بالعشاء وجبه ككل وليس صنف من الطعام
3) الشاى ممكن عادى بس طبعا الافضل الشاى الاخضر
4) ممارسه الرياضه لمده ساعه يوميا
بس هو ده الدايت وبالتوفيق ان شاء الله