دخيلكم انصحوني انا في مصيبه

1. كيفكم يافراشات .اشتقت لكم من زمان عنكم

السلام عليكم ورحمة الله

كيفكم يافراشات .اشتقت لكم من زمان عنكم

انقطعت فترة عن المنتدى وكانت بسبب ظروف نفسيه واللحين زاد الضيق والهم عندي قلت ماعندي غير خواتي افضفض لهم شوي عن اللي بقلبي بعد شكواي لله سبحانه ..
انا ملكت من 3شهور ونزلت موضوع لي قبل مااملك على خطيبي ماكنت موافقه عليه بس ربي كتب وملكت وقلت يمكن ارتاح بعد الملكه .اللحين يابنات تعبانه نفسيتي مو قادره اتقبله نهاىيا مع ان الفتره كافيه اني ارتاح وارضى بنصيبي لكن مو قادره وربي مو بيدي ماابغاه بالرغم من انه يحبني ويموت فيني وانا واثقه من حبه لي لدرجه يحلف بعض الاوقات لو تبغيني ابوس التراب اللي تمشين عليه بسته , ولو زعلني بشي مستحيل ينام لما يراضيني .حاولت اني اقنع نفسي بس مافيه امل .انا حبيته بس مو حب زي البنت وخطيبها لا مااتخيل نفسي انا وياه في بيت واحد ..احبه عشان اهتمامه وكلامه الحلو معاي لكن ماابغاه زوج لي .
اللحين يابنات طالبتكم شوفوا لي حل نفسيتي صارت زفت وربي صرت اشوف الدنيا سوداء وجاتني حاله انطواء مو طبيعيه كل الوقت جالسه في غرفتي ومنسدحه على السرير واقلب وجهي ناحيه الجدار ماابغى اشوف احد مااطلع من الغرفه الا لما يحلفون اهلي اني اخرج لانهم عارفين بحالتي ..بقول لكم بعد شي بس اتمنى تفهمون علي انا من شده ماجاتني الصدمه لاني كنت احلم دايم بزوج افضل منه بكل شي لكن قلت في بدايه موضوعي هذا نصيبي انحرفت شوي صرت اسمع اغاني بكثره لما اروح الاسواق عمري ماطالعت في رجال لكن الان غير انزل واطلع وانا فيني انجذاب شديد ناحيتهم اتمنى اطلع من البيت اتمشى من غير علم اهلي بالاضافه الشيطان يحرضني اكلم شباب بس الحمد لله للحين ماسويتها .اما من ناحيه الدين يارب ارحمني صرت مقصره بقوه .
كل هذا التفكير ماجاني الا لما افكر في البنات وانا اعرفهم معرفه تامه كانوا يكلمون شباب ويقابلونهم في المولات واللحين متزوجين غير الشباب اللي كانوا يعرفونهم وفرحانين بزواجهم ,يعني استانسوا معاهم شوي وبعدين كملوا حياتهم الزوجيه بسعاده .لكن انا غير اه اه اه مافرحت بفتره الخطوبه زي البنات اللي في سني حتى فستان الملكه شريته وانا ابكي ولبسته والدمعه على خدي واللحين المفروض اعيش اجمل لحظات الحب معاه في فتره الملكه حتى الزواج مافكرت ايش بسوي او ايش بلبس نهاىيا مافيه فرحه لكن الحمد لله يارب .لما يكلمني اسوي نفسي اني مشتاقه له واتكلم معاه كلام حلو ودمعي اربع اربع على خدي من وراء الجوال انا قاعده اضحك على نفسي
فكرت اني افسخ العقد وقلت هذا افضل حل حرام ظلمت نفسي قبل مااظلمه لكن ابغى اخرج اللي في قلبي ل اهلي بس ماقدر اهلي يعرفون اني مو مقتنعه فيه لكن ساكتين على امل مع الزمن يتعدل حالي
من ناحيه ثانيه انا قلت بقول كل اللي في قلبي له اذا كلمني بس اخاف من رده فعله هو متعلق فيني درجه الجنون واعرف نفسي لو فصلنا رح احزن وتتعب نفسيتي عليه هذا غير رده فعل اهلي واقاربي .
اه تمنيت الموت اكثر من مره يمكن ارتاح من الحياه والهموم اللي فيها .مامداني على الهم وربي يابنات شعري طلع فيه شيب من كثر التفكير كنت حاطه احلام وامال اني بصير سعيده اذا انخطبت وبعيش قصه حب بالحلال مو زي صاحباتي بالتعارف لكن كل هذي الاحلام راحت سراب في يوم وليله ...مااقول غير ربي لك الحمد والشكر.
قبل لاتقولون رايكم اتمنى كل وحده تحط نفسها بمكاني الله لايوريكم اللي شفته بس عشان تحسون فيني .انا استخرت لكن مافيه حل ارتحت له ومااعرف ايش اسوي للحين