درس خآأأص وحصري للسمرآويآات

1. الآدوات المستخدمه :


2. والآماكن المراد تغطيتها من حبوب أو نمش .. إاالخ


3. 2 - نبدآ بالعين ونوزع الشدو المائي وبديت بالإضائه البيضه ..


4. 6 - بنلبس الموديل عدسآت عسليه

بسم الله الرحمن الرحيم
السلآم عليكم ورحمة الله وبركآته
هات يا قلبي عليهم عاد هات .. يوم شفت السمر جنّي مقبلات
كاملات الزين هن سيد البنات .. أرياقهم يا قلب سكر مع نبات(*) -----
مآخذين الزود بالجسمة السمر .. خص بن لعبون يوم إنه يمر
شافهم وقت الضما وعظم الأمر .. شاهد (ن) له بن فرج قبل الممات
صبآح الخير , ويآهلا ومسهلآ بكل من يدخل موضوعي ..
كالعآااأده عودتكم بالجديد والمفيد , هالمره درسي غير , وخآص وحصري للسمرآويآات
آستانس واايد يوم اتكون زبونتي من البشره السمرآ , آحسهآ لوحه فنيه مب آي رسآم
يجييد العبث واللعب بملآمحها .. حبيت أعرض من خلآل هالدرس لوك خليجي ..
شسوي آنا خليجيه وموتي الخليجي ,, وإالي ماإتحب الإستايل الخليجي مش مهم يعيبها
الدرس المهم ترفع الموضوع بدعوه صادقه .. ولو تبون الصدق والحق ترى المكيآج الخليجي
سبب زوبعه كبيره وصآار عمل فني صعب إتقآنه وميزته إنه استايل ملفت وكل من ينآظره
يتمعن بخفآيا لمسآته .. ولو رحنآ وردينا ترى المكياج الخليجي طاغي على النآعم بالرغم من ان الناعم محبوب ومرغوب وفن راقي وآنيق ولكن تبقى لمسآت الخليجي فالمقدمه
/
/
مابكثر رمسه وبنبتدي بالدرس على طول ولأي استفساار أنا موجوده إهني وبجاوب على اسألتكم , و صعب أرد على كل رد ولكن بحآول وذلك لضيق وقتي .. =)
بإسم الله نبدأ :
الدرس رآح يطبق على ورق لأني مالقيت وحده تتبرع لي بعيونها .. الكل طفش مني وصآآرو يملون من كثر ماأمكيجهم وألعب واخبص فيهن ..
بمآ إن الدرس للسمر فإنتبهو على الدرجآت الي راح اذكرها فالفاونديشن .. وذلك للي حابه تستفيد ... واسمحولي على ردآئة التصوير .. كانت الغرفه ظلآم والفلاش مادري شفيه
يعآند .. بتلاقون مره اللون فاتح ومره غامج بس اهم شي الشرح والتطبيق ..

الآدوات المستخدمه :

• كونسيلر كريوولاين ( الإستيك فاونديشن ) درجة 8w
• بودرة بن ناي المائيه درجة 21 / 20 ودمجت من بينهم
• شدو بن ناي العادي ( أبيض + أصفر )
• شدو عنآبي من ميكب استيديو
• الشدو المائي من شارمل ( أبيض + أصفر + عنآبي )
• آيلينر بن ناي المائي
• قلم أزرق غامج من بن ناي
• رموش
• عدسآت عسليه
• تاتو الحواجب من كرفتوبيان
• روج لحمي من كرفتوبيان
• قلوس لمعه باللون الزهري من ميكب استيديوو

الموديل قبل الميكب :
1 - نوزع الكونسيلر حول العين وإخترت الدرجه رقم 8w وحول الفم لتوحيد لون البشره

والآماكن المراد تغطيتها من حبوب أو نمش .. إاالخ

2 - نبدآ بالعين ونوزع الشدو المائي وبديت بالإضائه البيضه ..

• انوزعها تحت الحاجب مبااشره ..
• نوزع اللون الأصفر فمقدمة العين
• نوزع اللون العنابي من بعد اللون الأصفر مبااشره ونسحبه للخارج ..
• نوزع اللون العنابي تحت العين
• من بعدهآ بنوزع الإضائه البيضه فمقدمة العين من تحت وتحت اللون العنابي بنوزع الأصفر

شرات مابتشوفون فالصوره ..
3 - من بعد خطوة توزيع الشدو المائي بنبتدي عملية الدمج بوضع الشدو العادي فوق الشدو المائي .. وبندمج من بينهم

• انوزع الشدو العادي الابيض
• انوزع الشدو العادي الأصفر وندمجه مع الأبيض
• نوزع الشدو العنابي ونبدآ ندمجه مع الأصفر ومع الإضائه .. وخطوة الدمج مهمه

وهالصوره بتكون نتيجة الدمج بين الألوان :
4 - نرسم العين من الدآخل باللون الأزرق
5 - من بعد الخطوة رقم 4 رآح نرسم العين بالآيلينر من فوق وتحت وبنمد نهايته للزاويه الخارجيه
للعين وبندمج الآيلينر مع الشدو العنابي ونسحبه على برع .. وبنركب الرموش وبنرسم الحواجب بالتااتو .. وهذي النتيجه :

6 - بنلبس الموديل عدسآت عسليه

7 - بنوزع بودرة بن ناي بدرجة 20 اولاا على كامل الويه ,, ومن بعدها بنوزع الدرجه 21 وبنبدآ ندمج الدرجتين مع بعضهم ... و بنرسم الشفآه وبنحط الروج اللحمي .. اخترت هاللون بدرجه خفيفه وهاديه بس بالتصوير بين لونه برتقالي غامج .. الكآم يبالها تصفييع هع وبننحت الخشم .. وهالخطوه أحبها واايد لأنها تغير ملامح الشكل نهاائيا .. =)
وهذي النتيجه :
/
/
وعليكم بالعآفيه هالدرس .. ان شاء الله يكون سلس وخفيف ومفيد .. آتمنى الاقي ردود طيبه تسعدني واتشجعني عشان أستمر ... والردود الي اتهز البدن مانبآها ..
وهذآ تطبيقي على موديل من البشره السمرآآآآآآ بنفس الخطوآت ونفس الأدوات / قبل وبعد
الموديل قبل الميكب :
الموديل بعد الميكب :
ترقبوني بالجديد .. وآتمنى ألاقي تفاعل لأن فعلا الموضوع متعوب عليه ..
وللتذكير : الإستاايل أوفر على وسط ومش دفش .. إالي اتحب هالنوع من الاستايلات راح تتقبله والي اتحب الناعم آكيد مابيعيبها
عموما رضا النآس غايه لا تدرك و وصايف مستحيل ترضي جميع النآس
ومستحيل أصل لكل الأذوااق .. لذلك ارحمونآ بالردود الي اتحبط من المعنويه ..
دمتم سآلمين