دعيت ل واستجاب لي ربي ما دعيت

السلام عليكم ورحمة الله وبركاته
بنوتات وعرايس المنتدى
راح اقولك حكاية بسيطه صارت معايا
انا والحمد لله لي فتره أدعي ربي يزوجني انسان يستاهلني ويسعدني و و و
كل الاشياء اللي تتمناها اي بنت
وقبل يمكن 3 اسابيع وانا ادعي لنفسي
جلست اتذكر مين لها نفس تتزوج زوج يهنيها
ومين لها نفس تتزوج شخص بعينه
ومن ضمنهم صبايا بالمنتدى طبعا
وقلت راح ادعي لهم كلهم من باب اني احب لغيري ما احب لنفسي
ومن باب ان لي دعوه بالمثل ان شاء الله
وكنت ادعي لهم من قلبي
ومن بينهم وحده من البنات كانت تبغى تتزوج شخص ببالها يقرب لها
وهوا يحاول تقريبا من سنه يخطبها بس اهله رافضين رفض نهائي
والله العظيم يا بنات اتصلت عليا اليوم
وكلمتها عادي طبعا ولا جبت لها سيره ولا شي
الا تقولي قولي لي مبروك !!
طبعا انا قلت اكيد مو اللي ببالي لانه مره كان صعب الموضوع
( لكن مافي شي صعب على الله ) الله قادر على كل شي
قلت مبروك بس على شو ؟؟
قالت خطبني "فلان" من كم يوم .. انا طرت لها من الفرحه ومني مصدقه
واحس دمعه بعيني
قالت وقرينا الفاتحه خلاص .. الحمد لله صارت كلها بيوم واحد
الله يبارك لها ويرزقها ويهنيها
وييسر لكل وحده تتمنى تتزوج الزوج اللي تحلم فيه
ولا تقولي انا اتأخرت وربي ما استجاب لدعائي
قولي ربي استجاب لي الحمد لله وزوجي جاي في الطريق
ولا تنسو بعض من الدعاء ولا تنسي صحبتك او اختك او حتى لو بنوته بالمنتدى هنا
اسمها " Rema "
بصراحه احس شي غريب
لاني اول مره اكتب قصه صارت معايا
لاني دائما اقرأ واتفائل
بس الحمد لله صارت عشان تتفائلو ويزيد ايمانكم بإستجابة الدعاء بظهر الغيب
واتمنى كل وحده لو حبت تشاركنا لو بحكايه او تجربه بسيطه لا تتردد تعتبر الموضوع لها
وتاخد راحتها على الاخر
ولوو تحب ترفع الموضوع لجل خاطري مشكوره مقدما