دقات قلبي من عناي اتعبتني قصتي مع التحوير تشجيع لكل انثى

دقات قلبي من عناي اتعبتني
مساءكم / صباحكم ,,,,احلى من السكر
اليوم واخيرا قررت اكتب لكم يومياتي<< زوله بقوه
رغم اني موو من محبي الكتابه
وما ادري كيف بتكون يومياتي لكم ,,,هل بتعجبكم او بتكرهكم بالمنتدى
متى نويت اكتب يومياتي؟؟؟
طبعا تو قررت اكتب
وانا اتصفح المنتدى وقلبي >>>> من الخوف وانا اطالع عملية تحوير للدكتور الصانع
وماكملت المقطع خفت لان دقات قلبي تتعبني اذا فكرت بالعمليه
وخوفي اتعبني
ينقبض قلبي
نبضي يتسارع
احس بتوتر شديد
هذا حالي
اول ما اتذكرت عمليتي
اويوم رحت اراجع قبل يومين
الجزء الاول قبل العمليه
عمليتي بعد اياام والعد التنازلي بداء
نفسيتي مضطربه
وافكر كثير والوساوس اكثر بالاخطاء الطبيه والمضاعفات
طبعا من خارج سكان الرياض
وصلت قبل يومين عند اختي
طبعاا اول يوم وصلت
قلت لول على حلويات سعد الدين <<< من الشفاحه
وبالليل خذت صحن مكرونه ايطاليه لذيذه بصلصا بيضاء
وكلت الصحن كله وكاس ببسي كامل
للعلم كنت دايم ما اشرب الا نص ما اتحمل وبعد ماعدلت عاداتي السيئه بالاكل صرت اشرب ربع
طبعا انا لي فتره غيرت عادات الاكل السيئه
فتعبت من الاكل ولما رجعت البيت رجعت الاكل الله يكرمكم
وسهرت ونمت
وثاني يوم خذت من مطاحن الخشب
موس شوكلاته وموس مانجو
ودونات بصراحه رجعت اكل حلوياات مع اني حاربتها بس ابي اتلذذ بالطعم قبل العمليه
وما ادري اعيش او اموت
ومره ماكدونلز ومره هرفي ومره بكين وباقي عمو حمزه وبيتزا هوت وو و,,,,,
امأ يومي امس
بس قلت وش الخوف منه
والعمليه بسيطه و,,,و,,,و,,,
واقنع نفسي ان الامور ان شاء الله تمام
وبدايت احاول تكون نظرتي تكون ايجابيه و متفئله
لان الموت بيد الله ولاراد لقضائه الا سبحانه
يعني حتى لوما ماس سويت العمليه ومقدر اموت راح اموت
صحيت بدري الخميس من 10 الصباح
رحت المشغل 11 الصباح
وماطلعت الا 6 المغرب
طبعا معروف المشغل بالزحمه والخدمات المميزه
و الانتظار
تمنيت سويت حمام مغربي بالمشغل
بس للاسف ماتوقعت اني راح اجلس للساعه 6
لانه لما سالت متى الدخول
قلت الساعه 6المغرب فيه حجوزات قبلك,,, يعني تقدرين تحجزين مسبقا
وما عرفت بالحجز المسبق الا لما وصت
طبعا بالمشغل سويت سمكره حريم
فل ابشن ما ادري اكشن
طبعاا طلعت وانا
كذا
قولو ماشاء الله
لا احد فيكم يصكني بعين
ههه
العين حق
قولو ما شاء الله تبارك الرحمن
طلعت منهم وهذي صورتي
/

///

///

////

<<< صورتي بعد المشغل
ولا زوج اختي يضحك يقول تتخسرين وانت بتموتين ,,, ههه
يبي يورثني
ههه
طبعا هو يحب التعليقات بقوه وكثير تعليقاته وتضحك
والاهم
من حقي اتفائل بالخير
اقل شي
وبعد المشغل طلعنا للسوق
اكلت كثير بيومي
بالمشغل حبه دونات بالشوكلاته وكوب كبتشينوو الظهر
والعصر توكس اصبعين
والمغرب قبل لا اطلع حبت دونات بالشوكلات
وتعشيت برستد لذيذ
(( فيه وجبه سقطت سهواا ما كتبت عنها عشان تتخيلون مقدار اكلي قبل العمليه ))
ورجعنا للبيت 11 ونص مهدود حيلي ونمت
واليوم طبعاا قمت جيعانه لاني تعودت هالاسبوعين اكل كثيرر
وزني احس رجع لل130 او 132
قمت و اكلت
2سندوتش صغير نقانق وجبن
وببسي دايت
بعد ربع ساعه
كاس كابتشينو + اصبع توكس
وبس
((وستمضي ايامي على هذا المنوال
كراا وفررا
على طرقات الدنياء
دموع وضحك
شوق وتنافر
حب وكره
هذي هي الحياه
)))
لي عوده قريبه على الاربعاء او الجمعه القادمه
والله يستر