دلوني على شي يخفف ثقل زوجي

أهلين دنونه السكر ...
خليكم كذا احسن .. وضلي حبيه وتغزلي فيه الى ان يتعلم ..
وترى اغلب الرجال الشرقيه كذا لانهم تربوا على كذا ما يسمعون الكلام الحلو بين امهم وابوهم .. بس حنا الحريم بطبعا نحب الكلام الحلو لو ما تربينا عليه ..
واذا لقيتي حل احسن علميني ..

يا جماعة ترى والله اتكلم جد أنا ماني عارفة ايش اسوي ليش ما تردون

غلطتي اختي بشاير بتعميمك على جميع رجال الشرقية بالثقالة بالعكس ترى المجتمعات عموما متنوع في العنصر الرجال وحتى النسائي زي لما تقول لك وحدة والله أنا ما أطيق شي اسمه الشرقية أو الدمام وناس بالعكس تشوف انها ما تقدر تتأقلم مع مكان غير الشرقية
دنونة السكر يا ليت توضحين بالضبط أي نوع من الثقالة اللي فيه يعني خجول والا ما يتكلم في شي زين والا كيف بالضبط علي أقدر أساعدك ..........؟

غاليتي دنونة السكر
فية بعض من الرجال يحمل في قلبة كمية كبيرة من الحب ولكن للأسف لا يستطيع ان يعبر عنها أو المحيط اللي كان متربي فية ما عودة على قول كلمات الحب والغزل .لذلك يفكر بان قول كلمة احبك نقص أو ضعف
غاليتي خليك الأم والأب والصديقة والزوجة الحنونة . لا تقليلة أبيك تتغزل فية أو ليش ما تقولي كلام الحب لا
أمسكي العصا من النصف لا تثقلين مرة ولا تزيدن جرعة الحب علية
شوي شوي ... للي أن العلاج لو أخذناه كلة راح يتعبنا ماراح يشفينا ولكن بتدريج راح نوصل للي نبية
وعلى قول المثل زوجك على متعودية وأبنك على ما تربية
والله يسعدك مع زوجك ويجعل حياتك كلها حب في حب

قولي له اياها صريحه...
مثل ما أعطي أحب آخذ....
قولي قل لي قد ايش تحبني..
أحب اسمع منك كلام حلو...
عطشانه ......اروي عطشي بكلامك...ومن هالكلام...الرجال مايفهمون التلميح وإذا ثقلتي وصرتي ماعاد تقولين له بيدور احد ثاني يقولها له خاصه انه يحب يتدلع...
اطلبي اللي تبينه بصراحه..أو اكتبي له ورقه...أي كلام صريح أو تلميح مع اني ما اظن فيه رجال يفهم بالتلميح..
((الحب مثل النبت محتاج نسقيه..بعض الجفا يفسد محاصيل اهلها..))
زي كذا او من كلامك انتي احسن
وبالتوفيق

الثقل والتطنيش احسن علاج

فيوية مشكورة على المشاركة وانا ودي أوضح ان زوجي ما يبادل شعوري القوي تجاهه بالحب بتصرفات تشعرني انا بالحب .. فهمتيني..
بشاير ..حورية البحر .. شكرا على الرد الحلو واللي يرفع المعنويات ..
اختي roses و cute
ترى نفذت النصيحة وكلمته لما رجع من العمل وسكت مارد بعدين قال سوي اللي يريحك ولما قلت انت ماتحبني قال أنا ؟؟؟ وسكت مرة ثانية والله يا جماعة استسلم أنا ما أفهم زوجي خلاص...

اكيد بيسكت حبيبتي...
انتي اخترتي وقت مو مناسب ابدا...بيكون قرفان من العمل والشغل ويحتاج من يعينه ويدلعه..
اختاري وقت يكون رايق ومابيده شي....أو بأوقات يكون مستعد يسمع اي شي==>الاوقات إياها بالليل
ولا تقولي له انت ماتحبني....لأن الرجال يمشي بالايحاء ويتخيل انه مايحبك...
لا...قولي اعرف انك تحبني وتموت فيني بس ابغى اسمعها منك صريحه....واهم شي انتبهي تطنشينه لاتطنشينه تماما...
طنشي شوي على خفيف...بس مو مره يروح يدور اللي يحتاجه عند غيرك فيه رجال ماينفع معاهم التطنيش..
ولا تيأسين..لأن الرجال عموما مايعترفون بالكلام..أو يستحون أو ماتعودوا يقولون..بس بالتعلم وعدم اليأس يتعود
والله يوفقك

صراحة ياحبيبتي cute كلامك عدل كان قرفان بس سوى حركات الدلع اللي خبرك وانا توني مقهورة وقمت تكلمت .. بس رايك ما أقول انت ما تحبني أول مرة أدري بهذا الشي ...يا ريت اني أكبر عقلي وقت الزعل أدعي لي ..