دورة ماك في الفورسيزن بقطر الجزء الثالث

مرحبا ياقمرات...
جبت لكم اليوم الجزء الثالث من دورة ماك في الفورسيزن بقطر..
يلا نبدا………
هذا رابط الجزء الاول للي فاتها
http://alfrasha.maktoob.com/showthread.php?t=256132
وهذا رابط الجزء الثاني
http://alfrasha.maktoob.com/showthread.php?t=265277
اليوم الثاني كان ممطر طبعا وصلنا على الموعد
وبدت تشرحلنا على وجهه وحدة لبنانيه هالمرة طريقه رسم العيون علمتنا 3 طرق :
1- العيون الهنديه
2- السموكي
3- طريقه العين اللي تكون نصها بلون فاتح والنص الثاني بلون غامق
طبعا في ناس تحط لوس باودر تحت العين بكميه كبيره عشان ما تتناثر بقايا الشدو تحت العين
بس هي تقول انا ما انصح بهالشي لان بعد ساعه او ساعتين راح تلاقين خطوط بالعرض تحت عينج
ولتفادي هالمشكله
تقول اشتغلوا على العين قبل
واخر شي حطو كريم الاساس والبلاشر والروج
((وهذي الطريقة أنا==>cute ^_^ دايم اتبعها ابدا بالآي شدو
من فوق وإذا خلصت نضفت تحت عيني بمنديل مسح
المكياج وبعدين حطيت الكونسيلر وكملت الشدو من تحت حسيتها احسن وانضف))
اول شي طبعا حطت الفيكس والكريم والكونسيلر واللوس باودر على العين بنفس الطريقه اللي تعلمناها بالجزء الاول
بعدين رسمت العين من داخل
حطت القلم فبدايه العين وسكرت عيونها وسحبت القلم لنهايه العين عشان ترسم العين من داخل عدل فهمتو اشلون؟؟
وعادت كم مرة عشان تتشبع العين عدل بالكحل
بعدين رسمت خط من فوق العين من بدايه العين لين تقريبا نص العين او اكثر بهذي الفرشاه وهذا الكحل بس باللون الاسود
9
بعدين قالتلنا شوفوا ما تمشون ويا رسمه العين وانتوا ترسمونها لاء
(هذي رسمه العين يوم تمشون ويا خط العين وهذا غلط)
لما توصلون لنص العين ابتدوا ارتفعو شوي عن العين عشان الخط يجي فوق شوي
بعدين تعبين المسافه اللي تركتيها بين خط الكحل اللي سحبتيه على فوق ورمش العين
وبهالشكل نفسه ترسمين العين الثانيه
بس بتلاقون صعوبه في معرفه اشكثر ترتفعون عن العين؟؟؟
جيبوا قلم او فرشاه المهم شي مستقيم
حطو بدايه القلم على زاويه الخشم من تحت ومدوا القلم لحد زاويه العين الخارجيه
مو ترسمون خط لاء بس حطوا القلم على وجوهكم
الحين شفتوا الخط اللي صار بين زاويه العين الخارجيه والحاجب
هذا الخط لازم ما تطلعين منه ابدا عشان تكون رسمه عينج مثل العين الهنديه
بس بعدين تحطين مسكرة وراح اشرح الطريقه بالاخر اوكي؟؟