دورتي جننتني

السلام عليكم ورحمة الله وبركاته
قبل كل شي فراشات ماتلاحظون المنتدى صار بطئ ثقيل يالله يفتح اشارة الوير لس ممتاز والمنتدى اروح اسوي شاي واجي وهو خبر خير
المهم انا عندي تكيس ولي خمس سنوات ماحملت ماني جديدة عليكم دائم وخشتي في هذا القسم
الزبدة ___ > دورتي ماتنزل على يسر لازم كل شهر انا واياها عشرين يوم هاه هاه يالله تشرف العمه وقبل سنه صرت كل ما قرب وقتها اخذت حبوب منع الدورة عشرة ايام وتنزل بسلام وارتحت على هذا الشي من الدم اللي يتقطع نص شهر يالله تنزل بس المشكلة
قبل ثلاثة اشهر اخذت الحبوب عشرة ايام تتوقعون بعدها نزلت الدورة لا لا فراشاتي لم تنزل الدورة
قلت يالله ان الفرج عليك حامل اكيد حامل وانا اطير طيران للمستشفى احلل وانا ادعي وابكي وحاطة الجوال على رقم امي اول ما تطلع النتيجة ادق عليها جت الهندية وجة النحس وقالت سلبي قلت وشهو قالت سلبي قلت عيدي التحليل الله يسلب صحة العدو قالت روحي الدكتورة رحت البيت وانا محطمة تحطيم
ما ادري وش اقول بس حالة حالة جعلها ما تمر عليكم المهم الدورة ما نزلت ورجلي اليمين انتفخت وصرت اذا مشيت احس في الساق مثل الكهرباء خفت خوف قلت يمكن جلطة وحلفتني امي بعدها ما عاد اكل الحبوب وعدى ذاك الشهر من غير دورة والم في الرجل وحالة نفسية في الحضيض الشهر اللي بعدة نزلت سيول الله لايوريكم وهذا الشهر لي اسبوعين وانا علي دم صافي والم في الصدر والم في البطن خفيف يادوب احس فيه حللت حمل ( ماربح المختبر من خمس سنين الا انا)مافية واخذت كل شي كتبو عنه البنات في المنتديات انه ينزل الدورة مانزلت تعبت والله تعبت مالها نية اب اطهر اصلي مثل الناس احس بالنظافة والله قرف
انا وابو الشباب متهاوشين ما نكلم بعض من اسبوع ما اقدر اروح للمستشفى اذل نفسي له واطلبة
والله يابنات اكتب هاالموضوع وفيني شي مايعلمة الا ربي لايغركم الاسلوب الله يفرجها بس
ساعدوني ارجوكم ولو بدعوة في ظهر الغيب
اسفة للاطالة ولكم الشكر