ذكريات

ذكريات
أنا حنيت ياأحبابي وتسابقني دموع وآهات
أضم أشواقي بقلبي وأدفنها وأداريها ..
أحس الناس في دنيا وأنا دنياي بها ونات
صرخت وماتت الصرخه وبروح ماألاقيها ..
شربت الحزن من كاس بداية زماننا إللي فات
تفرقنا وتباعدنا وسعادتنا نناجيها ..
شربته بين أحبابي وتركت بعالمي بصمات
صدى ضحكاتنا وركضي وسوالف كنا نحكيها ..
هذي تستقصد إزعاجي وهذي أحبها بالذات
وهذي تجرح إحساسي جروح مانداويها ..
وهذي تحب وتكابر وذيك إحساسها قد مات
وهذي تكسر الخاطر ومن وده يراعيها ..
وهذي عندها بسمه تجنن طالعي بسكات
وهذي شعرها ناعم وهذي من يماشيها ..
أخذنا الوقت ونسينا كم الأيام والساعات
وحشتنا أيامنا الحلوه وكان المر حاليها ..
ومرت أيامنا بدري في كم فرحة وكم حسرات
وكان الوقت يحكينا حكاية مات راويها ,,
ودمع العين يجرحني قبل مايسقي الوجنات
وتسقي نفسها حزن وأنا بالوهم أسليها ..
سعادتنا غدت ماضي وماضي إنتهى وقد فات
وعشت اليوم بالذكرى وأماني نلتقي فيها .
وجزاكم الله الجنه
وجمعني بكم في الفردوس الأعلى