راتب الزوج

يا قموره اغلب الرجال مايبون زوجاتهم يعرفون كم راتبهم ليش مادري حتى انا حاولت مع زوجي كثير انه يعلمني بس مافيه فايده يقولي مابيك تعورين راسك بسالفة الفلوس واهم الحمدلله انه مومقصر معي

اختي قمورة 14
لايضيق صدرك ولا شي بس انتي اسأليه ليش يخبي عنك ونك تعرفين من الناس الغرب ونتي شريكت حياته يخبي عنك بس بسلوب جميل يمكن عنده سبب مقنع اهم شي بالموضوع انه موبخيل إذا بخيل مشكله............................
قولي ودي اعرف كم راتبك حتى على اساسه نعيش حياتنا شي نصرفه وشي نخبيه لليوم الاسود الله لايجيب ايام سودا ............
تقبلي تحيات اختك احساس روح

حسسي بالثقه...و انك اهل للمسؤوليه..و انك ما بهمك المال...اكسبي ثقته..ابهري بدكاءك و بعدين اقترحي عليه انكم تسوون جدول للراتب اتجسمونه حتى توفروا و تعرفوا مصاريفكم...و كدا بتعرفي الراتب...

و الله غريبه يعني ليه يخبو؟؟؟ مستحيل اقدر اثق برجال يخبي عني كم ياخذ بالشهر شو يعني انا غريبه؟؟ انا زوجته يعني ما هاضره اكيد!! شي غريب
لوليتا

والله انا مع لوليتا في كلامها اش دعوه ما يبي يخبرك كم راتبه يعني اتفه الأمور يخبيها عليكي
ليش والله غريبه ؟؟؟؟!!!!!!!!!
أساسا انتي يوم جا يخطبك ما قلولك كم راتبه يعني أنتي ما سألتي اخذتيه على عمايه !!!!!!!!!!!!!!!!!!
الصراحه شي غريب ماعندي تعليق

صباح الورد ..
بصراحه أختي وايد انصدمت !!!
صار لج سنتين متزوجة ولا تعرفين كم راتب زوجك ؟؟؟!!!!
انا مخطوبة و في سالفه المعاش نقعد انا و خطيبي نقسم المعاش
فلس ورا فلس على الاشياء اللي بناخذها ..
بالعكس اذا ما خبرج كم معاشه و ساعدتيه على توزيع المعاش على احتياجاتكم
منو يساعده ؟؟
و شلون تعيشون حياتكم و أنتي ما تعرفين ميزانيه الفلوس
يعني لو معاش زوجك 4000 ريال بتطلبين منه مصروف (( مبلغ معين مثلا 600 ريا ))
بس لو كان 8000 ريال اكيد لازم يكون مصروفج اكثر ..
يعني الحياة تتشكل على قيمه الراتب .. بس شلون انتي ما تعرفين !!
حاولي تفهمينه هذا من حقج .. و انج زوجته اقرب الناس له
و عشان تعرفين شلون تراعين له في الميزانيه و المشتريات ..
عاد قولي له بطريقه رايقه و في جو حلوو عشان لا يعصب عليج ههه
و تحياتي لج

اتصدقين ياختى ان في بداية زواجنا كنت اعرف راتبه وكم يصرف بالتفصيل الممل بعدين ترقى وصار شغله احسن قام يخش عنىبس انا ما سكت له كنت دايما أسأله وساعات يقول وساعات يخش بس انا كنت اعرف وعاملة روحي ماعرف لاني كنت اشوف سليب الراتب غير جذي انا دايما اطالبه بمصروف البيت والاولاد وهو مو بخيل يعطيني اي شي ابيه اذا هو عنده بس ليش يخشون مادري الرجال مادري شلون يفكرون.

انا تقريبا بوصل 5 سنين متزوجه
ولا اعرف كم راتبه
وعادى عندى الوضع
المهم عندي انى اخذ اللي ابيه ..
وبالهاوى هو لا يعلمنى كم راتبه

مادري احس عادي !!!
مب مهم عندي اعرف كم راتبه ..!!
بس الاهم اني اعرف كم اطلب منه بشكل ما يكسر ظهره ...!!
لاتشغلين نفسج بهالامور مدامه مب مقصر عليج .!