راح ننتقل لبيتنا الجديد على بركة الله ابيكم تساعدوني في كم شغله

اختي انتي بس لا تفكري انه صعب تنقليهم
لا عادي
ملابسك اضغطيها بشنط السفر عشان ما تتسخ ولا تتنثر
و كذا تدخليها بدولابك بدون تعب و راح تكون مرتبه و نظيفه
و نفس الشي للاكسسوارات و المفارش
كل شي خليه مرتب بشنط او اكياس ثقيله عشان ما تخترب عليك
و ما تظهر اثناء النقل و لا تتعب
و الف مبروك البيت الجديد
جعله مسكن العافيه يا رب
و في الجنه احلى منه
اتمنى اكون افدتك
تفبلي مروري يا الغلا

ممكن تسخدمي الكراتين الكبيره حقت المناديل او الدجاج وتحطي سفره وفوقها الاغراض
وتغطيها بسفره زين عشان لاتتغبر

هلا وغلا بصقيقتي<<<تونا ساكنين مثلكم
اول شي خلي البابا يجيب لكم كراتين من اقرب بقاله ولا اسواق قريبه منكم
ابدأوا بالمطبخ اول شي
رتبوا المواعين واالسفر الغاليه بكراتين وحطوا بينها فوط او جرايد عشان مايتكسر القزاز
اما الكتب بكراتين برضو<<احسن شي انا سويت كذا
ولزقي عليها بتيب اللي هو اللزاق
اللحين نجي لغرف النوم
الملابس حطيها بشنط سفر احسن عشان تحطيها بالدولاب دايركت
اما اغراض الكومدينه وحوسة البنات حطيها بعلب بلاستيك او شنط دبلوماسيه للذهب والاشياء الثمينه
وخليها معك انتي مو يشيلونها العمال
ومنزل مبارك مقدما
وشغلوا سورة البقره اول ماتدخلونه
واي سؤال انا حاضره
لآني توني ساكنه ماصار لي اسبوع
موفقه يارب

تسلمون حبيباتي ..
افدتوني واجد ..
ربي يوفقكم ..

الف مبروك طبعا الاثاث تجى شركه تلفه ببلاستيك شفاف وتنقله اما اغراض المطبخ وغيره حطوهم بكراتين ملفوفه بتيب وكتبو على كل كرتون الى موجود مثل المواعين والقدور اكتبى عليهم اغراض المطبخ اما الملابس والكسسورات حطيهم فى شنط كل شخص اغراضه لحالها طبعا بشكل مرتب
اما الاغراض الى ماتبقونها حطوها بكيس زباله اوكرتون وطلعيهم للمحتاجين اذ ينفعون يعنى لاتنقلون الا الى تبقونه كشان يصير كل شئ مرتب
موفقين

تسلمين حبيبتي الحمد لله سمعت بنصايحكم وسكنا الحمد لله

مبروك