رجاءا الموضوع ما ينتقل

السلام عليكم اخواتي الغاليات انا امبارح طرحت موضوع بالقسم بس للأسف انتقل على قسم الطب البديل ........... انا بعرف انو المشرفات على القسم ربنا يعطيهم العافية هدفهم خير لكن الموضوع هاد بيهم الاخوات في قسم تأخر الحمل و هن اللي رح يفيدوني بإذن الله ......... اصلا انا لما افوت عالمنتدى من سنين دايما بفوت على هاد القسم و بتابع اخبار الصبايا و بدعي للي ما حملت ربنا يسر حملها و تحمل عن قريب و للي حملت ربنا يتمملها عخير و تفرح بضناها ............. و لأول مرة مبارح بفوت على قسم الطب البديل !!! و للأسف استنيت ردود و تجارب بس ما كان في غير ردين ربي يجزيهن كل خير اللي فاتن و ردن علي ............... و مع هيك انا حابة اعرف من الصبايا مين سمعت انو حد جربها و نفعت معو و كيف طريقتها لأني اصلا اول مرة كنت سامعة بهالطريقة كانت بهاد القسم بس ما جربتها وقتها ........... و انا زي ما حكيت اللي خمس سنين مش سنة او سنتين و هلا بتعلق بذرة امل ............... فرجاء حار من المشرفات ما ينقلو الموضوع يمكن استفيد انا او غيري من المتأخرات ربنا قادر على كل شيء .................و الموضوع كان كالتالي :--------------------------------------------------------------------------------السلام عليكم اخواتي الغاليات ممكن مشاركاتي مش كتيرة بحكم عملي ( اليوم في اضراب عنا ) بس كل ما بقدر بفوت و بقرأ مواضيعكم و بدعيلكم من كل قلبي و مرات ببكي و انا بقرأها لأني حاسة بمعاناتكم فأنا خبرة الي خمس سنوات متزوجة و لسا ما صار حمل و لله الحمد على كل شيءو انا نفسي اشوف ابني و اضمو لصدري و اشوف زوجي بيحملو و بيلاعبو بحكي معو بتخيل شكلو بشوفو بيلعب حولي بشتريلو تياب ( مع العلم اني اشتريت شوية تياب بيبي من نفسي و بحضنهم و بصير ابكي ) ربي المستعان عللي حارق قلبنا و مع هيك طبعا بعاني الأمرين من كلام الناس ربنا يهديهم ما بيتركو حدا في حالو و مريت بمواقف كتيرة و كتيرة بس انشالله ربنا بيجعل كل هاد في ميزان حسناتنا و بيعوضنا عن صبرنا خير بحمل قريب ان شاء الله ما في شي بعيد عربنا اذا اراد شيئا فانما يقول له كن فيكونحبيباتي عندي استفسار عن اللقاح و العسل قرأت انو بينعمل منو تحاميل بس ناسية وين قرأت عنو ممكن اللي بتعرف تعطيني الطريقة و كمان شي بدي اسأل التحاميل هاي بتنفع ازا كان الضعف عند الرجل و ربنا يجزيكو كل خير و ينولكو اللي في بالكو يا رب .ما رح احكي انو كل وحدة قرأت الموضوع ضروري تشارك بس يا ريت تدعيلي من قلبها انو ربنا يرزقني بحمل قريب و يفرحني بشوفت ابني محمد اللي نفسي اخدو في حضني اللهم يا حنان يا منان يا ذا الجلال و الاكرام يا رافع السماء بغير عمد يا وهاب يا وهاب يا وهاب يا ارحم الراحمين اسألك باسمك الأعظم و الأحب اليك الذي اذا دعيت به استجبت و اذا استرحمت به رحمت و اذا استفرجت به فرجت ان ترزقني و اخواتي في المنتدى و جميع المسلمات بالذرية الصالحة المعافاة و تقدرنا على تربيتهم تربية اسلامية صالحة تحبها و ترضاها انك على كل شيء قدير ........اللهم لا أسالك بحسن صنيعي و لكني اسألك برحمتك التي وسعت كل شيء ان تسعنا انك انت الرحمن الرحيم ......... والحمد لله رب العالمين و الصلاة و السلام على سيدنا و حبيبنا محمد اشرف خلقك اجمعينيا رب الاقي عند البنات افادة