رجعت لكم مع بعض الحلول

1. اليوم انا راجعه عشان اعطي حلول ان شاء الله تفيدكم


2. طبعا هذي الحلول انا كاتبتها من تجربتي الخاصه

رجعت مره ثانيه يافراشات
قبل كم يوم كنت كاتبه موضوع عنوانه من تقول لنا شلحل
وهذا رابط الموضوع
http://alfrasha.maktoob.com/alfrasha12/thread987890/
واشكر كل الفراشات الي ردوا علي وكتبوا ارائهم

اليوم انا راجعه عشان اعطي حلول ان شاء الله تفيدكم

طبعا هذي الحلول انا كاتبتها من تجربتي الخاصه

1-اول شي والي دايما اغلب الحريم ينسونه اذا كنتي تبين تصرين قريبه من زوجج لازم اولا تصرين قريبه من ربج قبل لاتركضين ورى رضى زوجج ركضي اول ورى رضى ربج حافظي على عباداتج العبادات مو بس صلاه وصوم العبادات اخلاصج في صلاتج خوفج من الله دعائج وعدم ياسج من رب العالمين اي مشكله تصادفج اشكيها قبل لرب العالمين كل ماكنتي قريبه من الله كل مارب العالمين قرب قلوبكم من بعض الله اهو الي يصخر قلب زوجج لج
داومي على قراية القران عشان يبعد الشياطين من بيتكم
داومي على قرائة سوره الصافات ويس في بيتج لانها تبعد الهم عن قلب المهموم وعن بيته
2-تزيني وتعطري ولبسي احلى شي عندج جلسي من النوم ورتبي نفسج وبدلي ملابس النوم لاتطلعين من غرفتج وتقضين اليوم بطوله بملابس النوم لبسي ملابس حلوه ومريحه لبسي اكثر من لبسه في اليوم
يعني قبل الغدا لبس وبعد الغدا لبس لاتستغربون ترى حلو التغير
وبعد بعد المغرب لبس
3- موكل مشكله تصير لج رحتي قلتيها لاهلج صحيح في مشاكل ماتتحمل بس قبل حاولي مع زوجج لاتيأسين
4-خلي بين فتره وفتره جلسة مصارحه بينكم تكونين انتي واهو في محل لحالكم مااحد معاكم ولا حتى اي بيبي واختاري وقت مايكون اهو متضايق ولا مشغول وقولي له عن الي يضايقج وطبعا عشان يندمج معاج في الموضوع
تلمسي يدينه او مسكي يده عشان يتواصل معاج وبلمساتج البسيطه هذي راح يسمع لج
5- اذا صدرت من زوجج اي كلمه او اي تصرف يزعجج لاتسكتين حاولي توضحين له ان هلشي ماتحبينه دافعي عن كرامتج بس باسلوب حلو وهادي مو تقومين الدنيا وتقعدينها
6-خلي في حياتكم طعم شقاوه وكل وحده وتعرف اطباع زوجها لاتصير حياتكم جامده تصرفوا مثل الاطفال كسروا الروتين بلهشي
7- لاتسمحين لاي احد انه يتدخل مابينكم او يعلق على حياتكم او تسمعين تحريض من احد قريب لاتسوين له وشدي عليه ومن هلكلام
مااحد يعرف طباع زوجج غيرج
8- لاتركضين دايما ورى زوجج بعدين يملج خليه يعرف انج مو سهلة المنال بس لاتكثرين
طبعا هذا الي قدرت عليه لان كل رجل طباعه تختلف عن الرجل الثاني
وفي رجال ميؤوس منهم اللهم ياكافي يعني يحتاجون علاج مكثف
والله يعين الي زوجها من هلنوع ويصبر قلبها
واتمنى للجميع حياه سعيده مع ازواجهم
والي حابه تضيف نصيحه تحطها يمكن اكون غفلة عن شي
واسفه على الاطاله
تحياتي لكم