رحبو فيني يا صبايا

1. لحد من شي 3 شهور عملت اختبار ما بعد الجماع والنتيجة كانت


2. الحيوانات المنوية كلها ميتة ولا واحد عايش يوحد ربو

بسم الله الرحمن الرحيم
مسا الخير لكل الصبايا
انا عضوة جديدة بمنتداكم واليوم سجلت معمكم ان شاء الله تتقبلوني كاخت الكم
رح اعطيكن معلومات عني
انا من سوريا من مدينة حلب عمري 28 سنة متزوجة من 3 سنين والله لسا ما طعمني الحمل
الله يرزقني ويرزقكم بالحمل عن اريب
انا يا حبيباتي عملت كل الفحوصات اللازمة والحمدلله طلعت سليمة وعملت اشعة الصبغة وكمان الحمدلله سليمة وزوجي كمان حلل اكتر من مرة وكمان ولله الحمد سليم ما فيو شي

لحد من شي 3 شهور عملت اختبار ما بعد الجماع والنتيجة كانت

الحيوانات المنوية كلها ميتة ولا واحد عايش يوحد ربو

وقالتلي دكتورتي انو معناتا عندك حموضة زايدة عم تقتل الحيوانات المنوية اللي عند زوجك بعدين طلبت منها انو اعمل شي تحليل او اي شي لاعرف انو اديش درجة الحموضة الطبيعية واديش انا الحموضة زايدة عندي ام قالتلي انو القصة مو قصة حموضة القصة قصة انو عندي اجسام مضادة عم تقتل الحيوانات المنوية وما عندي حل غير الحقن الصناعي
وزجي معند ومتنح تتنيحة ما بيعلما غير رب العالمين انو ما بيعمل حقن صناعي
بئا يارب احمل وما احتاج الحقن
انا عكل حال باقي لدورتي شي 4 ايام وبتجيني الله يجعلني ما شوفا على خير وكون حامل يارب
وشكرا حبيباتي عسعة صدركن
اختكن يا رحيم تحط برحمي جنين