رحمته بس هو ما رحم نفسه

ذبحني السهر

09-06-2022 - 10:41 pm

السلا م عليكم ورحمه الله وبركاته
فراشاتي بدخل بالموضوع ع طول
انا زوجي ظروفه الماديه صعبه شوي وانا اختصر طلباتي كثير
وربي وربي ان نفسي بااشياء كثيره بس ارحمه اقول حرام اضغط عليه بس اللي
قاهرني هو ما يقصر ع نفسه بشي لو يتسلف زي مثلا مره طلبته 200 بصبغ شعري
قام يعتذر ويقول ما معاي وبعد اسبوع اشترى جوال ب 1000 ريال طبعا بالسلف
انا انقهرت واليوم بالصدفه شفت ورقه مو زع فيها راتبه والله مو مخلي احد مو حاسبه
حتى اخوانه وانا حتى بطاقه شحن ب10 مو حاسبني فيها والله حزت بخاطري
تكفون كيف اتصرف

التعليقات (9)

كل الحلا بعيونها

10-06-2022 - 01:43 am

مدري وش اقولك
بس محبيت اطلع بدون ماارد
ربي يفتح لك ابواب رزقه

*عيون كحال*

10-06-2022 - 02:44 am

ام
طيب صارحتيه قبل ماتكتبين لنا لان مااتوقع في احد راح يفيدج بالجواب الشافي غيره
ومانقدر نظلمه ونحكم عليه بدون ماندري هو شنو وجهةنظره
الله يسخره لج يارب ويهديه

اشعار ومشاعر

10-06-2022 - 03:45 am

والله حبيبتي ناقشيه ليش يتصرف كذا قولي انا من اولوياتك انا زوجتك وراعيت ضروفك وقولي انا اتمنى اشيا كثيره بس علشان ضروفك سكت بس يوم اشوفك ماتقصر على نفسك بكل شي حزت في نفسي خصصلي مبلغ وانا راضيه فيه

نجديه جنان

10-06-2022 - 04:46 am

شوفي بقولك شغله واللي يبي يعاارض يعارض الين يشبع
لاتتنازلين عن حقك,أنتي شفتي بنفسك لما هو بغى فلوس شلون تصرف
هذا درس لك عشان إذا بغيتي فلوس وقال مامعي قولي له تصرف يازوجي العزيز
انت زوجي واللي مفروض تصرف علي القوامه عليك انت وانت ولي أمري

غلاوووووي

10-06-2022 - 05:47 am

الله يعينك
الزمي الاستغفار ان شاء الله تفرج معك

ذبحني السهر

10-06-2022 - 06:48 am

جزاكم الله خيرا جميعا
نجديه والله درسلي بقوه بالذات لما شفت الورقه
حسبنا الله سيوتينا من فضله وانا الي ربنا راغبون

زوجي ح ب ي

10-06-2022 - 07:49 am

والله انه تصير معي نفس الشي بس اتكلم تعجبك

زوجة بباي

10-06-2022 - 08:50 am

انا انقهرت
هذا بدالمايبديك على نفسه
الله يهديه
مالك الاتصاارحينه

رجـــــ Ali ـــــاوي

10-06-2022 - 09:51 am

والله ياقلبي المفروض ماتتنازلين عن حقك ابدا ...
يعني من البدايه كان لازم تتفقي معاه على مصروف شهري يعطيك اياه وعلى قد ماتسمح ضروفه ..
اذا انتي تنازلتي ومافكرتي في نفسك .. اكيد هوا ماراح يشيل همك ويفتكرك ..
وزي مايقولوا (( ولدك على ماتربينه .. وزوجك على ماتعودينه ))
دامك عودتيه ع التتنازل عن حقك .. لاتلومينه اذا تعود ..
انا مثلا زوجي لازم يعطيني شهريا 800 ريال .. والمفروض اكثر بس عشان ضروفه ..
وحتى لما يجيني من عند اهلي مبلغ يستلف مني ولازم يرجعه لي ...
يعني اذا هوا ماصرف علي وعلى اغراضي اشحذ اهلي مثلا ..
عشان كذا انتي اتخذي موقف صارم .. وقولي انا لازم لي مصروف شهري يعطيك اياه مهما كانت الظروف ..
ولاتاخذك العاطفه ..

ماني مقصرة لكن ماني لاقيه أي أحترام أو تقدير←
رساله الى من ابتليت→