روآيه جنآأإان لآيفوتكم رآح يفوتكم نص عمركم إذآ مآ قريتوهآ الروآيه كامله

Oo°•الجزء الثانيOo°•
جالس جنبة على اليسار و يدعي له كان وليد حاط يده اليسرى على و جهه ويده اليمنى على سرير خالد اللي غايب عن الوعي ...... فيه أحد مسك يد وليد اللي كانت على السرير و شدة أبعد وليد يده اليسرى عن وجهه و كان خالد يفتح عيونه شوي شوي.........
وليد: خالد ...... صحيت؟؟؟ الحمد لله على السلامة.......
ابتسم خالد ابتسامه صفراء باهته على و جهه الشاحب الذابل و غمض عيونه من جديد................
وليد: خالد وش فيك غمضت تكفى رد علي؟؟؟!!!
كانت حالة خالد تذوب القلب اللي من حجر وش لو صار قلب وليد الحنون .................
وليد: تكفى خالد رد علي................
خالد حاول يتكلم لكن عجز يحرك لسانه فهز راسه....
وليد: خالد أنت بخير؟؟؟؟؟؟؟؟؟
خالد و بصعوبة يتكلم: إي ........ إيه .... أن...ا......... بخي.....ر.............
ابتسم وليد: تبي شيء تحتاج شيء أجيب لك شيء إذا بغيت شيء قل لي .... خلاص؟؟؟؟
خالد: ما تقصر ........ كيف بدر؟؟؟؟؟
وليد: بدر!!! بخير.........
خالد: أبوي جاء ؟؟؟؟؟؟؟؟؟؟
وليد: ما أدري أنا معاك من دخلت المستشفى.......
طق طق طق
وليد قام و فتح الباب شاف عندالباب رجَّال متوسط الطول حليق اللحية واضع على يده اليمنى بشت أسود ولابس ثوب كشخه وجزماته (وأنتم الكرامة) لامعات كان كل لبسه مرتب و كشخخة...
......: السلام عليكم !!
وليد: وعليكم السلام!!
......: هذي غرفة خالد؟؟!!
وليد: إيه تفضل!!
......: منهو أنت؟؟؟
وليد: أنا .... أنا ....أنا من هيئة الأمر بالمعروف و النهي عن المنكر و أنا مع أخوي خالد علشان أساعده...من معي؟؟
قال الرجَّال بغرور: أنا أبو خالد...
وليد: هلا عمي تفضل!!
أبو خالد: السلام عليكم..
خالد: هلا يبه..
أبو خالد: سلامات وش بلاك؟؟؟
خالد: مدري بس جتني دوخة بسيطة.... لله يعافي أخوي وليد ساعدني......
ألتفت أبو خالد للجهه اللي واقف به وليد و ناظره من فوق لتحت نظرة استحقار و أشر بيده: هذا؟؟؟
خالد وهو منزعج من حركة أبوه: إيه..
أبتسم أبو خالد أبتسامة سخرية و أشاح و جهه عن وليد و قال من غير نفس: مشكور...
وليد: ما سويت شيء هذا واجبي يالله أستأذن....مع السلامة أخوي أبو خالد و خالد...
خالد: مع السلامة ... الله يعافيك ... تعبتك معي...
أبو خالد وهو متضايق: مع السلامة...
طلع وليد و ما أعجبته حركة أبو خالد لكن عرف من وجه خالد أنه عصب على أبوه ليش يسوي هذي الحركة قال وليد بينه و بين نفسه( الحين أبوه له شهرين و هو مسافر يوم رجع أكتفى بسلام يد بينه و بين ولده أنا أبوي لو يسافر يومين و إذا رجع بوسات و ضمات و أي شيء صادق خالد أبوه ما عنده حنان و عاجبه بالدنيا الفلوس و بس)
******************************
((فاصل: لا تنسوا الإستغفار))
( في مركز هيئة الأمر بالمعروف و النهي عن المنكر)
الشيخ عصام: هلا وليد وشلونك يا وليدي؟؟
وليد: بخير دامك بخير..
الشيخ عصام: أبسألك سؤال.... وش عرفك بخالد وليه أصريت تروح معه و أسألك و تصرفني و ما تجاوبني ؟؟؟
وليد:إيه يبه خالد صديقي و حنا في أول الطريق بصراحة يبه خالد عاجبني مرة شخصيته حلووة و قويه و بنفس الوقت طيب و حنون أمَّا يبه وراي أصرفك لإن بدر أخو خالد فيه و أنا و خالد مخفين الصداقة هذي....
عصام: ليش مخفينه؟؟؟
وليد: لإن أبو خالد يبي عياله يصاحبون أصحاب مال و جاه تصدق يبه أن مشاعره تجاه ولده رسمييه مرة و يكلمه كأنه يكلم أي رجَّال ثاني بصراحة يبه رحمت خالد كلمني خالد عن مشاعر أبوه أتجاهه و أتجاه أخوانه و أحوالهم بالبيت كنت أحس أنه يبالغ لإن ما فيه أبو يعامل ولده بالطريقه هذي ما توقعت أحوالهم كذا صحيح أن أبوه تاجر و ما ينقصهم شيء لكن خالد يبي حنان أبوه و امه ما يبي حنان الفلوس....
عصام: الله يعافي كل مبتلا و لا يبلانا...
وليد: آآآميين..
عصام: و الحين و ين تتروح؟؟؟
قبل ما يتكلم وليد تكلم بطنه....
عصام: ههه خلاص مفهومه....
وليد : ههه معلييش يبه أزعجتك الحين أبروح للبيت أتروش و أتغدى...
عصام: أحط تحت أتغدى مليون خط صح؟؟
وليد: ههه أجل؟؟ يا الله مع السلامة..
عصام: ههه الله يحفظك يا وليدي..
( في بيت الشيخ عصام و في غرفة وليد)
طلع و ليد ينشف شعره بالمنشفة و قعد على الأريكة و حط يده على خده( و الله غريب أبو خالد ليش يناظرني كذا؟؟ إلى هالدرجة ياصل كبرياءه .... الله يعافي كل مبتلا و لا يبلنا كيف قدرت الفلوس تطغى على تفكييره)
طق طق طق
وليد: طيب هذاني جيت أتغدى...
......: أنا ماقلت لك تعال تغدى....وليد أبيك بموضوع ضروري....
وليد: أوف أنا الحين جوعان بتغدى أول...
......: إلى هالدرجة تحب روحك تخاف تموت من الجوع..
وليد: هههاي
......: الحين تبي تفتحلي الباب و لا إييش ؟؟؟
وليد: الباب مفتوح
دخلت وكان وجهها متغير واللي يشوفها يقول هموم الأمة كلهم فوق راسها ..
......: يالله الغدى جاهز
وليد: و هذا الموضوع ؟؟؟؟؟؟؟؟؟؟؟
......: إيه
وليد: الله يقطع شيطانك حسبت عندك موضوع مهم روعتيني الله ياخذ عدوك.... وليد و هو يمثَّل كأنه جاي يضربها...
وليد و هو يقرب لمها: أنا أوريك شنوا الشغل ماتخلين عوايدك يا رونيوه يا الدبه....
رونيا و هي تطلع من الغرفة و تضحك على وليد : يالله عجَّل
وليد: طييب و مشكوره عالترويعة هذي...
رونيا: تعيش و تاكل غيره ( كانت هذي الكلمة اللي دائم رونيا تقوله إذا ذوقة أي أحد من مقالبه ويا كثر مقالب رونيا)
( على طاولة الطعام)
وليد: وشلونك يمة؟؟
أم فهد: الحمد لله بخير...
وليد: وشلون شغلك يا فهد؟؟
فهد: الحمد لله وشلون المسجد قدرت تجلس فيه؟؟
وليد: أصلاً مالي ماسك المسجد ألا يومين وشكلي أبخليه
أبو فهد وهو جاي: وش تقول تخليه ليش وش عندك؟؟
وليد: والله يبه أن المسجد يمسك بما أن سعود كبر ليش ما يمسك السجد؟؟
سعود: إيه يبه أنا دايم أقولك بس أنت تقول لا...
فهد يشارك أخوانه الحن: إييه يبه سعود كبر خلاص ما عاد يكبر عقب هالكبر...
أبو فهد: خلاص..
سعود: أقوم أصلي؟؟
دنيا: ههه وش تصلي حنا بعز الظهر..
سعود: ههه
الجميع:ههه
أبو فهد: ليه وش فيك أموله ساكته؟؟
أمل : الله يسلمك يبه ما فيني شيء بس توني صاحية من النوم..
رونيا: يبه يسمّون هذا دلع بنات
أمل : أنا ما قلت تعبانه قلت توني صاحية من النوم..
رونيا: لكن تسوين نفسك تعبانه و ساكته طول الوقت علشان يقول لك أبوي وش فيك..
أمل : خلاص...
#############
( تعريف لعائلة أبو فهد (الشيخ عصام))
الشيخ عصام: رجال و لا كل الرجال يشتغل في هيئة الأمر بالمعروف و النهي عن المنكر يحب زوجته و أولاده حب ما ينوصف...
أم فهد: زوجة الشيخ عصام أم بمعنى الكلمة حنون.. عطوف... أم رائعة تسعى هي و زوجة لأولادهم يبغونهم يكونون خير للمجتمع و عون للوطن...
فهد: الولد البكر حنون طيب مزيون لكن مو زي جمال أخوه وليد و يتدخل بكل شؤون العائلة و لازم يدري عن كل شيء يحب يحن على أي شخص يرفض له طلب لحد مايمل و ينفذ له الطلب و يحب يخرب على أخوانه تفكيرهم و تخطيطاتهم و لأنه الكبير كان أبوه يقتنع بأي شيء يقوله فهد علشان كذا فهد مستغل هالشيء إذا بغوا أهله يكشتون أو يطلعون يرفهون و فهد ماله نفس و أخوانه متحمسين يقنع أبوه بطريقة سحرية أنهم ما يروحون و يتم هالشيء أنهم يجلسون بالبيت و مع ذلك فهد خفيف الظل و يملا البيت بضحكة و سوالفه كذلك وليد وسعود و البنات و عمره 26سنة....
أمل: عمره 23 سنة عاقلة و هادية و كانت جميلة و قمة بالجمال و كل من شافه قام يقرأ علية الورد و مع أنه هادية ألا أنه إجتماعية الكل يعرفه و كل من عرف أمل حبه...
وليد: الشاب الوسيم المزيون لو يسوون مسابقة أجمل شاب أنكان فاز وليد أجتماعي يحب الناس و الناس يحبونه يحب يخفف عن الناس أحزانهم حتى لو كان ما يعرفه وليد من يوم شاف خالد حبه و أرتاح له عمره 19 سنه ماسك مسجد أبوه من يومين و الحين خلاه لسعود...
دنيا: ما كان جماله يقل عن جمال أخته أمل كانوا بنات الشيخ عصام مزايين و يتشابهون بالشكل و اللي يشوفهم يعرف أنهم أخوات دنيا أجتماعيه وبنفس الوقت هاديه لكن مو أهدأ من أخته أمل دنيا تفكر بعاطفته قبل عقله عكس أمل و عمره 19 سنه ...
سعود: حبيب مره خفيف دم اللي يجلس معاه ما يمل الجلسة و مطنش العالم و لا يهمه اللي يتنطنزون فيه عمره 15 سنه...
رونيا: القعده مثل ما يقولون هذي البنت عكس خواته تشبه لهم بالشكل هي أجتماعية بس ما هي هاديه كانت تحب شيء أسمه مقالب لكن مقالبه كانت حلوة و ما تزعل أحد الكل يحبه عمره 12 سنه....
&&&&&&&&&&&&&
طلع وليد يصلي العصر و كان سعود طاير من الفرحة و مايدري وش يسوي بعمره و كأنه رايح يخطب و لا يملك و لا يتزوج خلصوا جلس وليد يقرأ شوي راح وليد يم أبو عبد الرحمن( مدرس الحلقة)....
وليد: السلام عليكم..
أبو عبد الرحمن: و عليكم السلام...
وليد: ممكن يا عم أروح...
أبو عبد الرحمن: و التسميع؟؟؟
وليد: بصراحة يا عم ما راجعت حفظي اليوم لإني مشغول و الحين مشغول ياليت نقرأ بعدين بعدين...
أبو عبد الرحمن: براحتك..أنا كم من مرة أقول لك أبغاك تصير مدرس للحلقة بس رافض ليه؟؟
وليد: ولله أعذرني ما أبي أصير مدرس حلقة
أبو عبد الرحمن: بس أنت حافظ القرآن وتجويدك ما شاء الله أحسن مني
وليد: أعذرني يا عمي ولله ما أقدر
أبو عبد الرحمن: براحتك
وليد: بغيت شيء؟؟
أبو عبد الرحمن: لا سلامتك
وليد: مع السلامه
*****************
راح وليد طيران للمستشفى و عند باب المستشفى شاف سيارة فارهه سوداء لامعة كل رجال يتمنى مثل هذي السيارة وقف وليد يناظر السيارة (معقولة تكون لأبو خالد ....لا ...لا ما أتوقع ....ألا يمكن تكون له لإنه تاجر و مشهور و ما فيه كائن حي ما يعرفه) قطع حبل تفكير وليد أبو خالد كان يمشي بغرور و كبرياء نزل السائق من السيارة و فتح الباب له ركب أبو خالد و سكَّر السواق الباب الخلفي اللي ركب من عنده أبو خالد دخل وليد داخل المتشفى و راح لغرفة خالد و شاف عنده عاملات نظافة ينظفونه ناظرهم وليد بإستغراب و راح يم و حدة منهم....
وليد: وين مريض كان في غرفه ؟؟؟
العاملة: مدري روخ لرسبشن..
وليد: شكراً .... والله فكره حلووة..
راح وليد للرسبشن...
وليد: السلام عليكم..
الموظف:وعليكم السلام هلا أخوي تحتاج خدمة؟
وليد: ما تقصر يا أخوي لكن وين خالد اللي كان بالغرفة هذي؟؟( وأشر بأصبعه)
الموظف: تقصد اللي جنبه موجود( الموظف مو مصدق أن وليد يبي خالد ولد التاجر أبو عبد الله)
وليد: لا ...لا هذي الغرفة اللي تنظف...
الموظف: ولد التاجر أبو عبد الله ؟؟
وليد: إيه!!!!
الموظف: يعني تعرفه؟؟
وليد: أنا اللي جايبه بس وينه؟؟؟؟ بسرعه...
الموظف: بغرفه خاصة بالدور الفوقي...
وليد: مشكور الله يعافيك...
الموظف: عادي ما سويت شيء الله يحيك بأي وقت....
راح وليد للدور العلوي و هو يرقى الدرج أربع أربع يوم وصل أنحنى شوي علشان يلتقط أنفاسه رفع وليد عيونه شاف كل اللي جالسين بالإستراحة حريم و رجال يناظرونه أستغرب وليد ( ليش يناظروني؟؟؟) يوم شاف شكله بالمرآيه فقع ضحك كان شكله معفوس فوق تحت تعدل و عدل ملابسة و طلع من دورات المياه و شاف الناس يطالعونه مشى بكل ثقة يوم وقف عند باب غرفة خالد رفع يده بيطق الباب...
.......: لو سمحت يا أخ !!!
التفت وليد: هلا بغيت شيء؟؟!!
.....: أنت تبغى غرفة مين؟؟
وليد: غرفة خالد!!
.......: متأكد؟؟
وليد بإستغراب: إيه ليش فيه شيء؟؟؟
......: لا بس حسبتك غلطان
طق طق طق
خالد: مين؟؟
وليد: وليد
خالد: الباب مفتوح تفضل..
وليد: السلام عليكم..
خالد: وعليكم السلام ... هلا و الله
وليد: وشلونك وش أخبارك؟؟
خالد: تمام الحمد الله...
وليد: ألا تعال أنت..
خالد: هلا
وليد: متى تطلع؟؟
خالد: اليوم..
وليد: ولا قلتلي ولا شيء هذا و أنا صديقك و شلو أنا ولد جيرانكم...
خالد: ههه يا خف دمك يا وليد..
أنسجم خالد مع وليد و نفس الشيء وليد بشكل كبير و كل واحد مرتاح للثاني و محتاج له .. قطع سواليفهم جوال وليد...
وليد: هلا..
..................................
وليد و بصوت أقوى و بعد ما أكفهر و جهه وتغير لونه: متى الكلام هذا....
....................................
وليد: لا حول ولا قوة إلا بالله ... وينكم؟؟
......................................
وليد: أنا موجود بنفس المستشفى هذاني نزلت...
سكَّر وليد السماعه..
خالد: وش فيهم أهلك؟؟

وش فيهم أهل وليد؟؟
وليه تغير وجهه؟؟
أبو عبد الله بيرجع لخالد وألا لا؟؟
تابعوني يا غوالي ..
محبتكم/
السفاحة:منعطف خطير

Oo°•الجزء الثالثOo°•
سكَّر وليد السماعه..
خالد: وش فيهم أهلك؟؟
وليد: و لا شيء بس أختي أُغمي عليه و لا ندري وش اللي به و لا وش السبب...
خالد: أهاا طيب منو هذا اللي كلمك؟؟
وليد: أخوي فهد ...يالله مع السلامة يمكن أرجع لك و يمكن لا....
خالد: فمان الله يا الغالي...
أبتسم وليد إبتسامة غريبة عجز خالد يفسره و طلع و سكَّر الباب .. أسترخى خالد و قعد يفكرإلى هذي الدرجة يحب أخته و خايف عليه غرييبه أذكر يوم يطيح أخوي حسام بالمستشفى ما دريت ألا يوم طلع حتى أهلي ما دروا بس نادر صديقه هو اللي داري فعلاً عائلة وليد عائلة متكاتفة و كل واحد خايف على الثاني عكسنا تماماً أحس أن وليد يمثل مو معقولة تكون عائلة كذا كل واحد خايف على الثاني..... لا قول اللي مو معقول عائلتنا اللي كل واحد مطنش الثاني و لا درى عنه حتى مو بس حنا حتى أعمامي ما شاء الله عليك يا وليد أنت و عائلتك )
طق طق طق
خالد: مين؟؟
......: هذي غرفة الأخ خالد؟؟
خالد: إيه نعم منو أنت؟؟
.......: أنا أخو وليد..
خالد: تفضل...
......: السلام عليكم
خالد: و عليكم السلام ... حياك الله
.....: الحمد لله على سلامتك طهور إن شاء الله وشلونك الحين؟؟
خالد: الحمد لله بخير و شلونك أنت؟؟
.....: الحمد لله.... أنا فهد أخو وليد..
خالد: الله يحيك وشلون أختك؟؟
فهد: الحمد لله طيبه .... وليد قال لي رح يم خالد لإن وليد بيجلس عند أختي شوي بعدين يجي لمك
خالد: يعني ما فيه ألا وليد يجلس عند أختك؟؟
فهد: لا فيه أهلي كلهم بس وليد يبي يجلس عنده لحد ما تستقر حالته....
خالد: وش اللي فيها بالضبط؟؟؟
فهد: أختي جسمه ضعيف و يحتاج أكل و هي ما تاكل و عجز جسمه الضعيف يتحمل فطاحت و أغمى عليه...
خالد: الله يشفيه..
فهد: يالله مع السلامة حبيت أتطمن عليك...
خالد: الله يحييك...
طلع فهد و سكر الباب رجع خالد لحالته الأولى
حس بفرحه ما عمره حسه يا سلام أحس أنهم خايفين علي و يحبوني أبوي يوم يجي كان يتململ ما كانت تهمه صحتي و لا شيء همه الكبير فلوسه و صفقاته و للمرة الأولى أحس أن فيه أحد يهتم فيني)
طق طق طق
خالد: مين؟؟
......: أنا أبو فهد الشيخ عصام..
خالد تعدل بجلسته علطول: تفضل الله يحيك الباب مفتوح..
أبو فهد: السلام عليكم...
خالد: وعليكم السلام هلا ... هلا و الله...
أبو فهد: وشلونك يا وليدي...
أهتز جسم خالد يوم سمع أبو فهد يقول يا وليدي و تلخبط : الحمد الله بخير بخير...
أبو فهد: وش فيك سلامات؟؟
كان جسم خالد يهتز و بقوة جلس أبو فهد يقرأ على خالد لحد ما هدا شوي شوي و وقفت الرعشة ...
طق طق طق
وليد: أنا يبه
أبو فهد: الباب مفتوح
دخل وليد و باس رأس أبوه وقرب لم خالد و سلم عليه
وليد: وشلونك؟؟؟ ..... تأخرت؟؟
خالد: الحمد لله بخير ... لا ..لا ما تأخرت
أبو فهد: يالله أستأذن
خالد: تو الناس يا عم
أبو فهد: لا و لله أبنزل بنتي تعبانه و ودي أشوف وش أخباره ....
وليد: أجل قول لسعود يجي
أبو فهد: أن شاء الله
طلع أبو فهد وسكر الباب
وليد: هاه خلودي و شلونك الحين؟؟
خالد: اللي يسمعك تقول خلودي يحسبني أصغر عيالك
وليد: ههه مردوده يا خليد
خالد: الحمد لله أنا بخير ..... هذولي كل أهلك
وليد: لا باقي سعود ..... و ألا تبغى خواتي يجون يزورونك
ضحك خالد على تعليق وليد: إيه يمكن .... لا قصدي هذولا أخوانك
وليد: إيه
خالد: وليد
وليد: هلا
خالد: أهلك جو لمي يزوروني و أهلي ما جا منهم ألا أبوي و أبوي جاي علشان يأخذ أوراق بدر مني
وليد: لا يضيق صدرك يا خالد علشان كذا حتى لو كان أبوك ما وفا بحقكم أنت و وفَّه حقه
خالد: وشلون و أنا ما أشوفه
وليد: أو ولد صالح يدعوا له
خالد: أهاه قصدك أدعي له
وليد: إيه
خالد: و الله أنك صادق يا وليد ..... أنت تدري يا وليد كل ما قلت أنت كلمه أحس أنك تكبر بعيني
وليد: الله يسلمك
طق طق طق
وليد: مين؟؟
سعود: أنا
وليد: تفضل
سعود: السلام عليكم
وليد و خالد: وعليكم السلام
سعود: هلا خالد .... وشلونك ؟؟ وش أخبارك؟؟
خالد: بخير الحمد لله وشلونك أنت؟؟
سعود: تمام الحمد لله
التفت سعود على وليد
سعود: و أنت تلاحقني بكل مكان
وليد: ييس .... أبجلس على قلبك
سعود يسأل خالد: ما مليت من هالولد الشين؟؟؟
خالد: ألا أنا ملان منه بس أني أجامل
وليد: خير .... خير متفقين علي أنتو اللثنين
سعود و خالد وبنفس طريقة وليد: ييس
الجميع: ههه
وليد: وش أخبار دنيا؟؟
سعود: بخير تسلم عليك
وليد: يا الكذاب توني طالع منه ..... لييش فهودي ما جا؟؟
سعود: راح يودي أمي و خواتي للبيت تدري ليش؟؟
وليد: لييش؟؟؟
سعود: يبي يجون لمنا ناس تحبهم تموت عليهم
وليد: أنا؟؟
سعود: ييس
وليد: عمي إبراهيم؟؟؟
سعود: ييس ... و ناس ثانين تكرههم و لا تواطنهم
وليد: عمي جاسم؟؟؟
سعود: ييس
خالد: و ما سبب الكره؟؟
وليد: يقهر بس يهاوش و يكلمني كأنه يكلم عبودي و لده الصغير بس الصراحة أحب أولاده حتى هو أحبه و أخاف عليه و لا ودي يجيه شيء و إذا صار رايق ما أمل الجلسة معاه بس متى؟؟ اللي قاهرني أنه يستصغرني و يحس أني توني نونو و أولاده طيبونين مره
سعود: وليدووه عندي لك بشارة
وليد: ما شاء الله توني طالع منكم متى جتك كل هذي الأخبار؟؟
سعود: من أحلى إنسان بالكون من ماما الغالية من أم فهد شيخة الحريم
وليد: و النعم به أم فهد شيخة و الله أنها شيخة...
خالد: الله يا سعود ما شاء الله أكيد آخذ بالتعبير خمسين
سعود: إيه أنا أحب التعبير عن المشاعر بشتى المجالات سواء بالرسم بالخواطر بأي شيء
وليد: طيب وشي البشارة؟؟
سعود: كم تعطين؟؟؟ لا تنسى حق البشارة
خالد: حرام يا سعود حرقت أعصابه
وليد: ما راح أعطيك شيء و أنا عارف أن البشارة سخيفة مثلك
سعود: عمي جاسم مو جاي بس أولاده
وليد: أحلف
سعود: ( ولا تجعلوا الله عرضة لأيمانكم)
وليد: يا أخي أنت دايم تحلف و إذا قلت لك أحلف قلت لي ( ولا تجعلوا الله عرضة لأيمانكم)
خالد: ههه
سعود: و الله أني صادق
وليد: عارف أنك صادق لو أنك تكذب أنكان سطرتك
سعود: و أنا دفتر علشان تسطرني؟؟؟
وليد و خالد: ههه
طق طق طق
وليد: مين؟؟
فهد: انا
فهد: السلام عليكم
الجميع: و عليكم السلام
فهد: فهودي أحلى شاب سعودي يسلم عليكم
خالد: ما شاء الله يا فهد شاعر
سعود: بالحيل شاعر مو هو اللي مطلعه أعترف يا فهوود
فهد: بصراحة أمي و الله يا انت فضيحة
الجميع: ههه
وليد: ما لا حظتوا ملاحظة ؟؟؟
الجميع بصوت واحد: لا !!
وليد: أني ساكت
فهد: صدق و الله غريبة .... و إذا صرت ساكت ما قلنا شيء علشان تدخل
سعود: ما لا حظتوا ملاحظة؟؟
فهد: أنك ساكت
سعود: ييس
خالد: تراني نغرت بقول لكم ما لا حظتوا ملاحظة
وليد: يالله يا شباب أبوي قايل تعالوا خلصوا أوراق دنيا
خالد: قهرر ليش بتروحون
سعود: أعذرنا و الله ما نقدر نجلس
فهد و وليد و سعود: مع السلامة
خالد: مع السلامة
:.:.:.:.:.:.:.:.:.:.:.:.:.:.:.:.:.
جا السواق ياخذ خالد هو و الشغالة و على جيتهم كان وليد واقف يخلص أوراق أخته و عند الباب تقابل سعود و هو ماسك يد أخته دنيا و خالد بكرسي متحرك
سعود: هلا خالد
خالد: هلا وغلا
وليد: ما يصلح يا سعود تكلم خالد
سعود: وليش يا صاحب السمو؟؟
وليد: لإنك طفل و هو كبير
سعود: ألا على طاري كبير
قاطعة وليد: سعود .... أول رح ركب دنيا السيارة بعدين تعال كمل كلامك
أنتبه سعود و التفت على دنيا و كانت ميته حيا ضحك سعود و ساعده لحد ما وصلت السيارة
فهد: سعود
سعود: هلا
فهد: متى تعقل؟؟ ..... مو حنا قايلين لك إذا صار معك حرمه لا تكلم أي رجال و إذا ودك تكلمه قول للحرمه تروح عنك بكذا راح تحرج أمي و خواتي .... فاهم ؟؟
سعود: أن شاء الله
دنيا: أحرجتني عند الرجال
سعود: تدرين منهو هذا؟؟
كانت دنيا تعبانه مره فقالت: لا... و لا أبي أعرف
سعود: الواحد من المفترض أنه يسكت
فهد وهو معصب: إيه حنا من زمان نبغاك تسكت
وليد وهو يمشي بتجاههم: خلاص يا جماعه صار خير يا الله بسررعه اليوم بيجوننا ضيوف
فهد: إيه نسيت
وليد: وش نسيت
دخل فهد يده بجيبه و طلع ورقة
فهد: وليد خذ هذولي أغراض يبغونهن أهلي و أنا نسيت أشتري الاغراض
وليد: ما تخلي عوايدك يا فهيد دايم تنسى أو بمعنى أصح تتناسى و تعطين الورقة ورح جب يا وليد يا حياتي يا وليد بس طلبات و أنا اللي بوجه المدفع
سعود: يالله انقلع هناك من قال أنك تروح و تشتري أغراض دايم نايم و ألا تقول مشغول
فهد: خلاص يكفي و كل واحد ماسك الثاني بطناز بسرعة خلونا نروح للبيت و أنت يا وليد رح جب الأغراض
وليد: يا لله مع السلامة
فهد: وليد لا تتأخر
وليد: أن شاء الله
و كل واحد راح بطريقه
( في سيارة فهد)
فهد: سعود شفت الهلال فاز
سعود: وبعدين ؟؟.... شفت ...محمد بن عبد الله صلى الله عليه وسلم
فهد: اللهم صلي على محمد ... مو أنت تقول أنك تشجعه؟؟
سعود: لا بس جتني فترة صرت مهتم و أكتشفت الحين أني غبي كيف أهتم بجلد منفوخ يحركونه بين رجولهم..... تعال انت متى عمرك شفت مباريات أذكرك ماتهتم و شلون الحين؟؟؟
فهد: شفت شلون حركات تغيرت؟؟
سعود: بس الناس تتغير للأحسن فالأحسن
فهد: لا والله بس سمعت ثنين يسولفون عن فوز الهلال
سعود: و قطيت معهم؟؟
فهد: إيه
و صلوا البيت و نزلوا
أم فهد: الحمد لله عالسلامة
دنيا: الله يسلمك
أكتملت العائلة و جلسوا ما عدا وليد
أبو فهد: وين وليد؟؟
أم فهد: فهد .... جبت الأغراض
سعود: ههه
رونيا تنغز سعود: وش تضحك عليه ما فيه شي يضحك؟؟؟
سعود: لا بس أبوي سئل سؤال و أمي قاطعته و سألت سؤال و كل السؤالين جوابهن واحد
فهد: وليد راح يجيب الأغراض
أمل: هذا اللي تضحك عليه يا سعود؟؟؟ أنت كل شيء تضحك عليه
سعود بيعاند: ههه
فهد: متعوب عليها ضحكتك يا سعود
الجميع ضحك على تعليق فهد ألا سعود أكيد لإنه يتطنز
وليد: السلام عليكم
الجميع: و عليكم السلام
راح وليد وباس أبوه و أمه
أم فهد: تعال جنبي
راح وليد وجلس جنب أمه
وليد: وش تضحكون عليه أصواتكم واصله آخر الشارع
سعود: مالك الأملاك أنت المقصد ( سعود يقول الكلمة هذي إذا صار الواحد مهوّل الأمر و هو بسيط)
فهد: يا سّتير يا عليم يا مجيب يا حليم واصله لآخر الشارع
أمل: وليد.... ما شاء الله عليك ما تعودت على الكذب
رونيا: الواحد إذا بغى يكذب يكذب كذبه صح مو زي هذي
وليد: خلاص ما لا حظتوا أنكم طولتوه ؟؟؟
سعود: طولناه و ألا قصرناه هأهأ
فهد: و الله أنك خفيف دم يا سعود
سعود: خفيف و ألا ثقيل هأهأ
رونيا: بس أعقل يا سعود
سعود: بِس و ألا كلب هأهأ
أمل: شكل الولد مجنون
سعود: مجنون و ألا عاقل هاهأ
أبو فهد: فهد..
فهد: سَم
سعود: يا قليل الدسم يا فهيد تقول لأبوك سُم
فهد: قليل الدسم و ألا كامل الدسم هأهأ
سعود: لا منزوع هأهأ
أمل: ليش يا فهد صرت النائب؟؟
سعود: نائب و ألا مسئول هأهأ
فهد: يبه
أبو فهد: هلا
فهد: مالقيت لك حرمه
أم فهد: نعم؟؟
فهد: قصدي ما لقيت لي
أبو فهد: فهيد تراك دايم تطيحن بمشاكل أنت و لسانك الطويل ياليت من قصه
سعود: إيه يبه ليش ما نقص لسان فهد
(لا أحد يسأل عن وليد كان جسد بس معهم )
أم فهد تناظر ولده نظرات حنان... رحمه و قلبه يتفطر عليه
أم فهد: وليد .... وش فيك؟؟
وليد: ....................... <<<<< ساارح ما درى عن الناس
أم فهد: وليد
وليد: ................
فهد: وليد أمي تناديك
وليد: ....................
أشر سعود بيده قدام عيون وليد
وليد رجع لعالم الحقيقة و تلفت و شاف كل أهله يناظرونه طاحت عيونه على نظرات الرحمة و الشفقة التي تطلقها عيون أمة الغاليه على قلبه بسرعة أزاح عيونه عن عيون أمه قبل لا تخونه عيونه
وليد: هلا هلا
أم فهد: أسولف عليك أنت معي؟؟
وليد: إيه و بعدين؟؟(كأنه مع السالفة)
أم فهد: أصلا أنا ما أسولف لييش و ش فيك يا وليدي؟؟
وليد: لا يمه ما فيني شيء بس أنا دايخ(يصرف)
أم فهد: رح نم وأقومك إذا أذن العشاء
وليد: يالله أستأذن
........................................ ......................
((فاصل: سبحان الله وبحمده .. سبحان الله العظيم))
*..*..*..*..*..*..*..*..*..*..*..*..*..* ..*
صداقة (وليد&خالد) تتوقعون تنتهي وتبيد وألا تظل؟؟
عائلة أبو فهد إيش حياتهم؟؟ وإيش يواجهون؟؟
تابعوا وبتشوفوا إيش حيكون ...
محبتكم/
السفاحة:منعطف خطير
*
*
*
*
*
*
*
*
Oo°•الجزء الرابعOo°•
قام وليد على أصوات إزعاج أطفال ( أوف الواحد ما يقدر ينام)
تذكر وليد أن عمه إبراهيم بيجون راح و أخذله شاور سريع ولبس و طلع
وليد: أحم ...... أحم
رونيا: وليد لحظة فيه أحد
وليد: عارف بس سكري الباب و بسرعه
سكَّرت رونيا الباب وراح وليد لمجلس الرجال
وليد: السلام عليكم
الجميع: وعليكم السلام
سلم عليهم جلس جنب فهد
وليد: وشلونك يا عم؟؟
العم إبراهيم: الحمد الله بخير وشلونك أنت؟؟؟
وليد: بخير دامك بخير
العم إبراهيم: الله يسلمك و يجعل أيامك كلها خير
وليد: آآميين
رجع العم إبراهيم يكمل سوالفه هو و أخوه عصام
فهد بصوت واطي: وليد وش قومك؟؟
وليد يتكلم مع فهد ولا ألتفت يناظره كان يناظر عمه و أبوه و هم يسولفون مع انه ما يسمع وش يقولون: إزعاج الأطفال
فهد: ترى جوالك تكسر بس يدق
وليد: منهو؟؟
فهد: مدري رقم بدون أسم لو فيه أسم وصار واحد من أصحابك أن كان رديت عليه و قلت أنك نايم
وليد: أها ... عطن جوالك
طلع فهد جواله: تفضل
وليد: الله يزيد فضلك
دق على بيتهم
رونيا: آلو
وليد: هلا رونيا
رونيا: هلا وليد
وليد: يقول فهد أن جوالي معك أبجي أخذه روحي حطيه على الطاولة
رونيا: طيب
راح وليد و لقى الجوال فوق الطاولة أخذه ورجع للمجلس
ناظر وليد المتصل ( يوه هذا خالد)
وليد كان مشغول و مايقدر يدق عليه فأرسل له مسج( هلاوي خالد آسف لإني ما رديت عليك كنت نايم و الحين أنا مشغول و عندنا ضيوف و لا أقدر أكلمك)
أذّن العشاء و قاموا و صلوا و أرجعوا و كملوا السواليف
فهد يتكلم مع وليد بصوت واطي ما يسمعه غيره: وليد ... وش فيك اليوم مو على بعضك و ألا علشان الشباب ما جوا؟؟
وليد: ألا تعال ليش عمي جاي بالحاله وين عياله و الله حركة عمي إبراهيم جاي بالحالة و عيال عمي جاسم جايين بالحالهم هذولا عيال بدون أبو و هذا أبو بدون عياله
فهد: هههاي ... سعود و خواتي هم المحظوظين
وليد: حتى نويصر ولد عمي إبراهيم كبره
فهد: والله أنك صادق ...... تصدق إني مليت كسل صح؟؟
وليد: إيه بس ممكن تخلين أفكر شوي ؟؟
فهد: وش تفكر فيه؟؟؟
وليد: شوؤني العائليه
فهد: مالك الأملاك أنت المقصد إذا تزوج أخوك فهودي أحلى شاب سعودي فكَّر أنك تزوج تراك طفل ما فطمتك أمي ألا أمس عمرك 19 سنة بس
وليد: صحيح أنا صغير بس عقلي كبير
فهد: خلاص بدا يمدح بروحه
وليد:............
فهد: يا أخي تكلم مو ساكت شكلي أبسكت
وليد: تسوي خير إذا سكت
فهد: وليد
وليد: أوف نعم وش بغيت؟؟
فهد: بغيتك بموضوع جداً خطير
وليد: قم قم شف أهلي ينادونك
فهد: وش دراك أنهم ينادوني النجفه تأشر ما قالت يا فهد يبغونك أهلك
وليد: تكفى فهد سو خير لو اليوم
فهد: بسم الله علي دايم أسوي خير وبقوم أصلاً أنت اليوم ما أعجبتني و من يوم شفت وجهك جتني ضيقت الصدر
قام فهد وراح يم أهله ثم رجع
فهد: العشاء جاهز تفضلوا حياكم الله
وليد بعد ما طلع من كل اللي بالمجلس: فهد فهد
فهد وهو يلتفت يبغى يشوف وش يبغى وليد: نعم؟؟؟
وليد: بغيتك بموضوع
فهد: طيب بعد ما يطلعون الرجال أنت تعرف عمي بالحالة بيروح مبكر و عيال عمي جاسم ما يقدرون يتاخرون شوف فتح عيونك كم الساعة؟؟
وليد: أوف أوف كيف طار الوقت الساعه 11 ألا ربع
فهد: يالله الرجال داخلين
وليد: يالله
ودخلوا سوا للمقلط
العم إبراهيم: الطيب عند ذكره
فهد: تحشون و ألا شتسون؟؟
أبو فهد: حرام عليك يا فهد عمك يسأل عنكم
العم إبراهيم: تصدق يا أخوي أن عيالك الاثنين كأنهم توأم
ناظر وليد فهد وبسرعه قال: لك الشرف أن عمي يشبهك علي
فهد: أقول أقلب وجهك هناك أنت اللي تشبه لي مو أنا
أبو فهد: عندي فكرة ليش ما نسوي حلبة مصارعة بينكم؟؟
فهد: فكرة حلوة
وليد: لا ........ لا كلش ولا هذي أكيد فهود بيقواني أكبر مني و أضعاف أضعافي
العم إبراهيم: حرام عليك فهود مو سمين بالعكس ياليت كل الشباب يكونوا زي جسمه أنت اللي نحيف مرره و سعود طالع عليك
فهد: إلى متى بتم واقف يا ناس جوعان ودي أكل؟؟
سالم: تعال هنا يا فهد
وليد وهو يقلد الأطفال إذا صاروا متهاوشين و يمد كلامه: و أنا؟؟
سالم: أنت اقلب وجهك هناك
العم إبراهيم ( يحب وليد حب جنوني و يعتبر عيال اخوه عصام عياله لإنهم مرره مع بعض و يجتمع هو و أخوانه الغير أشقأ أسبوع ورى أسبوع عصام و إبراهيم من أم و جاسم و باقي أخوانه من أم): تعال يا وليد هنا
وليد: أن شاء الله
وراح و جلس جنب عمه
راحوا عيال عمه جاسم ثم عمهم
علطول أبو فهد راح ينام و فهد و وليد وسعود جلسوا يسولفون بالمجلس
فهد: شباب
وليد وسعود: نعم؟؟
فهد: قررت قرار
وليد: وشوو؟؟
فهد: أقول لأمي ودي أتزوج
نط سعود: كلو وش
وليد: يالله نروح نقوله أنا قبل شوي سامع صوته
سعود: يالله
فهد: أصبروا
سعود: العريس مستحي يالله أمش
طلعوا كلهم و وليد يصارخ : مباركين عرس الاثنين و هو يتحرك كأنه يرقص و سعود: كلوش
جت أمل لمهم: وش فيكم؟؟
وهم على حالهم ولا واحد تكلم
جت أم فهد: بسم الله عليهم الرحمن الرحيم وش جاكم؟؟
وليد: أمي الغالية يا نبع الحنان
أم فهد: وش تبغى فشلتنا عند الناس
وقفوا كلهم عن الحركة و صنموا يناظرون أمهم بذهول
سعود: أي ناس؟؟
أم فهد: بنات عمك إبراهيم بينامن عندنا
وليد بصوت شبه قصير: أوه أجل الاخ وليد مطلع كل هباله
و مشوا عن أمهم علشان يرقون فوق
أم فهد: وش كنتم بتقولون؟؟
جا سعود بيتكلم قرصة وليد: ولا شيء حنا بنرقى فوق علشان بنات عمي ياخذون راحتهم بالبيت
أم فهد: كل هذي الإزعاجات و لا عندكم شيء
راحوا و باسوا أمهم
وليد: تصبحين على خير
فهد: تصبحين على خير
سعود: تصبحين على خير
أم فهد: و أنتم من أهل الخير الله يوفقكم و يخليكم لي يا رب
رجعت أمل عند البنات و لقتهن فاطسات ضحك
ريم: ما توقعتهم يستهبلون كذا دايم نشوفهم عاقلين و إذا جلسوا أخواني يسولفون بهم و يقولون إستهبلاتهم ما أصدقهم أحس انهم عاقلين
لينا: منهو اللي يسوي زغاريد و الله زغاريده تجنن؟؟
أمل: سعود
نهله: و اللي يقول مباركين عرس الاثنين
أمل:وليد
ريم: من وين سامعه؟؟
أمل: رونيا إذا جابوا أهلي طاري عرس قامت تقوله
اللي صدق فاتكم أشكالهم و هم يرقصون و الله يا رقصهم جاب لي الكتمة
دنيا: ههه حرام عليك و الله يا رقص وليد يجنن
ريم: إيه دافعي عن توامك
دنيا: و عين الحسود فيها عود
في غرفة وليد
أرسل وليد لخالد مسج( أهلين أبو خلود الله يعافيك أرسل لي إيميلك)
أرسل خالد مسج ( أهلين وليد هذا إيميلي ************
جلس وليد عند النت يتصفح و فتح منتداه و جلس يرد ويكتب مواضيع
لحد ما أذن الفجر لبس ثوبه طبعاً سعود رايح قبله و طق على فهد و نزل
وليد: أحم ..... أحم
دنيا: وليد
وليد: هلا
مشى وليد وحط يده فوق راس دنيا: وشلونك اللحين هاه خفيتي؟؟
أبتسمت دنيا: إيه الحمد الله ما تشوفني حصان
وليد: الحمد الله .... وش تبغين؟؟
دنيا: أم ... نبغى شيء لي و للبنات
وليد: وش تبغون؟؟
دنيا: ذوقك يعجبنا
وليد: طيب
طلع وليد من البيت وهو يفكر ( مدري ليش إذا أبتسمت دنيا أحس أني بخير أبتسامته بس تعني لي الأمل الله يخليها لي)
خلصوا من الصلاة جلس وليد بالمسجد لحد ما أشرقت الشمس بعدين طلع و راح لسوبر ماركت أبتسم وليد وقال بنفسه شكلي أبشيل كل شيء وشرا لهم ثم مر محل فوال و شرا تميس و فول و عدس و شرا من البوفيه فطور دق على دنيا
دنيا: هلا
وليد: دنيا كم عددكن؟؟
دنيا: ست
وليد: ريم جايه؟؟
دنيا: إيه
سكرت دنيا السماعه
دنيا: ريم
ريم: هلا
دنيا: وليد يسأل يقول ريم جايه
أبتسمت ريم: وش عليك ليه غيرانه؟؟
دنيا: ههه
جا وليد وجايب معه اللي طلبت دنيا
دنيا: الله يعافيك ليش مكلف روحك جايب كثير
وليد: وكم عندي من دنيا عندي هي وحدة و أجيب له اللي تبغاه بصراحه مدري وش تبغون جبتلكم فطور و حلويات
دنيا: الله يعافيك
وليد: الشباب ناموا
دنيا: ما أتوقع توهم جايين
وليد: أختي الغالية الحبيبة الرائعة الجميلة يا أزين خواتي
أبتسمت دنيا: ورا هالكلام شيء
وليد: أيوه انتي اللي عارفه لي زيني لي و لشباب صينية فطور مع التميس و الفول و العدس
دنيا: أن شاء الله
وليد: مشكوره
راح وليد للدور الفوقي وهو يرقى ( يعني بالدرج) يفكر( وربي أحبها تسحرني إذا أبتسمت و الله أحبك أحبك و شلون ما أحب اللي أشعل قناديل الأمل بقلبي)
راح وليد لغرفة فهد و دق الباب
كان فهد يفكر باللي صار أمس بالليل و كيف أخوانه أفرحوا يوم قالهم تفكيره لكنه متردد لإن الزواج مو لعبة و يبغى له تفكير أكثر من كذا
فهد: مين؟؟
دخل وليد
وليد: فهيد يالله قم جايب معي فطور أنزل أفطر معي
فهد يقول بكسل: واوه وش بيقومني؟؟
وليد: يالله تكفى بسرعه قبل ما ينام سعود
قام فهد: يالله بس أصبر وش عندك جايب فطور؟؟
وليد: دنيا و البنات يبغون ياكلون شيء تعرف جمعه لازم أكل
فهد: أها
لقى وليد وراه ومشى يوم وقف عند الباب التفت بسرعه: فهد
فهد: نعم؟؟
وليد: تدري وش قالت لي دنيا؟؟
فهد: وش قالت؟؟
وليد: ريم جايه (وليد ما كان وده فهد يعلق عاللي قاله ولا خلا له فرصه يتكلم)..... يالله بسرعه بروح ألحق على سعود قبل لا ينام
دق وليد باب سعود كان سعود يقرا كتاب
سعود: مين؟؟
دخل وليد
وليد: بفطر أنا و فهد تجي معنا
سعود: تصدق يا وليد إني قلت بنفسي إذا جا يطلع وليد من المسجد أقوله يجيب لي شيء أكله بس ما شفتك و أنت تطلع
وليد: إيه اليوم طلعت مبكر علشان البنات طلبوا مني أجيب شيء يا كلونه
سعود: يالله هذاني جيت
وليد: أنا بروح أبدل ملابسي و أجي
راح وليد و بدل ملابسه ونزل
دخل المطبخ شاف دنيا فيه
وليد: وش تسوي أختي؟؟؟
دنيا: أسوي لك فطور
وليد: سويتي لكم
دنيا: إيه ....

°•الجزء الخامسOo°•
الساعه تسع ونص راحوا ينامون لكن البنات قررن ما ينامن ألا إذا صلن الظهر .....
كانت دنيا قلقه و هذا باين على وجهه
ريم: دنيا وش فيك أحس أن فيه شيء مقلقك؟؟
دنيا: إيه و الله
لينا: صادقه ريم أنتي من جيتي من المطبخ و أنتي مو على بعضك
نهله: وش فيك؟؟
أمل: الله يستر تدوخين علينا مثل أمس
قامت دنيا و طلعت
لينا: لا يصير زعلت
ريم: لا دنيا ما تزعل يعني هذا جزانا أننا نسأل عنه ما أتوقع
أمل: لا ما زعلت
أما دنيا ما زعلت لكنه راحت لوليد دقت الباب و كانت الساعه 11
وليد: مين؟؟
دنيا: دنيا
فرح وليد أن دنيا جت
وليد: تفضلي
دخلت دنيا و جلست على حافة السرير أما وليد فكان شبه منسدح
دنيا: للحين ضايق صدرك؟؟
وليد: لا
دنيا: أجل ليش ما نمت للحين
وليد: جالس أقرا كتاب
أبتسمت دنيا و هي حاسه بأرتياح
دنيا: يا عيني عالثقافة
وليد:ههه دنيا
دنيا: هلا
وليد: وش أخبار ريم؟؟
دنيا: بخير الحمد الله
وليد: أذكر أني شايف محمد ولد عمي إبراهيم بالمستشفى يقول أن ريم تعبانه وش أخباره؟؟
دنيا: للحين الزكام ما راح بس أخف من قبل بكثير
وليد: الحمد الله..... دنيا ليش أنتي جايه؟؟
دنيا تعرف وليد ما يحب أحد يناظره نظرات الشفقة أو رحمه أو أحد يحسسه أنه راحمه أو مشفق عليه: لا بس حسيت أنك ما نمت فجيت أشوف و ..... و بشوف للحين ضايق صدرك
وليد: الله يعافيك
دنيا: يالله أخليك تنام
وليد: لا تنسين تقومين سعود
دنيا: أن شاء الله
طلعت دنيا وسكرت الباب بهدوء
قعد وليد يكمل الكتاب
وليد يفكر( وش كثر هذي الإنسانه حساسه و تحس باللي حوله وهي تعرفني أكثر من أني أنا أعرف نفسي كم يوم ويوم و قفت معي وحاولت تسعدني كم مرة ومرة أشعلت قلبي بقناديل الأمل كم مرة ومرة عاتبت اللي يجرحني بكت يوم عرفت بكت لإن توأمه فقد الأمل و أختي أمل كمان مستحيل أنسى معروفه مستحيل أنسى دموعه مستحيل أنسى يوم تحضني و رونيا اللي ألجمت الصدمه لسانه لا قدرت تحرك و فهد ما راح أنساه اللي كان يداري دموعه و سعود اللي مطنش العالم اللي مهما كان ما ينهز بكا بكاء صامت أما أمي و أبوي أوقف عن كلامي أبوي يحاول أنه ما يرفض لي طلب و أمي اللي كل يوم أشوف نظرات الرحمة نظرات الحنان و الحب و الأشفاق وكل يوم تناظر نظرات اليأس بعيون ولده نظرات تقول أفقدوا الأمل خلاص)
الله أكبر .... الله أكبر
(أذّن الظهر و وليد ما نام)
طق طق طق
وليد: مين؟؟
دنيا: دنيا
وليد: تفضلي
دخلت دنيا و واضح علامات الخوف بوجهه
دنيا: وليد شفيك؟؟
وليد: ما فيني شيء
دنيا: و الدموع اللي فوجهك؟؟
تفاجأ وليد و تذكر أنه نسى يمسح دموع القهر دموع الحزن ودموع اليأس لكن تدارك: تثاوبت و كسل أمسحهن
تنهدت دنيا: حسبت فيك شيء ليش ما نمت جيت أقومك؟؟
وليد: ما رضى يجي
دنيا: تقوم فهد؟؟
وليد: لا ..... قام سعود؟؟
دنيا: إيه
وليد: خلااص بتلبس و أطلع أصلي .... مسوين غدا؟؟
دنيا: إيه و ريم هي اللي مصلحته
وليد: أجل لازم أذوقه بعدين تزعل علي زي ذاك اليوم
دنيا: ههه للحين تذكر؟؟
وليد : أجل ؟؟ تحسبين الرجال ينسون؟؟
دنيا: يالله بروح علشان تلبس
وليد: سلمي لي على البنات
دنيا: يوصل
وليد طبعه إذا صار يكن لإنسان حب ما يصارح فيه مو يكابر لكن يخاف الإنسان اللي يحبه يحقره و ما حب يقول لدنيا لإنه بيحرجها
راحت دنيا عند البنات بالمطبخ
دنيا بصراخ: بنات
البنات عرفوا أن عنده خبر خطير مع ذي الصرخه: نعم؟؟
دنيا: يسلم عليكم وليد
ريم: الله يسلمك و يسلمه
لينا: حسبت عندك خبر أخطر من كذا
رونيا: من يحصله أن وليد أخوي يرسل له السلام
سمعن صوت وليد من بعيد: صادقه رونيا من يحصل له
بعدين سمعن الباب سكر
لينا: واو يالفشيله لا يصير سمعن
أمل: لا ما سمعك كان بعيد و صوتك قصير مو زي صوت رونيا
دنيا: ريم .... وليد بيتغدا مع أنه ما نام الصبح يقول أخاف تزعل علي مثل ذاك اليوم
ريم: للحين يذكر؟؟
دنيا: تصدقين سألته نفس السؤال قالي الرجال ما ينسون
لينا: للحين وليد ما يحب أحد يزعل منه؟؟
أمل: الحين صار أشد من أول
أبتسمت ريم: مدري ليش أحس فهد و وليد و سعود أخواني
دنيا: أقولها و بصراحة كل واحد من أخواني له صفة
ريم: وشو الصفات اللي يتميزون فيها؟؟
دنيا: فهد إذا أجتمع هو و سعود و وليد و قعدوا يستهبلون ما ودك يوقفون لكن وليد يتميز بشيء أحس أنه يحبني
ريم: لا يا شيخه ما فيه ولد يكره أخته
أمل: لا فعلاً كلام دنيا صحيح وليد يحب دنيا حب خاص ليش؟؟ مدري
لينا: يمكن علشان هو و ياه توأم
دنيا: نهله وين وصلتي؟؟
نهله: و لا شيء بس جالسه أسمع
دنيا: الصلاة يالله نقوم
ريم: نزين بكمل الغدا و أجي
خلصوا من الصلاة جلس وليد بالمسجد( وليد يحب المسجد و يرتاح فيه لدرجة أنه بالإمتحانات يروح يدرس بالمسجد)
كان وليد يفكر( مو بس أنا اللي فيه شيء مضيق صدره خالد و أمي و أبوي و أخواني و ريم بنت عمي حتى عمي و البنات كلنا شربنا من الكاس نفسه و أنا شربت كاس ثاني نفس الأول آه الدنيا ما فيها أمان)
قام و تذكر أن ريم هي اللي مسويه الغدا أبتسم وقال بنفسه الحين تذبحنا
دخل وليد البيت
وليد: أحم ........ أحم
دنيا: وليد.... أمي و أبوي بيتغدون بغرفتهم و فهد و سعود يقولون ما نشتهي تبغى غداك الحين
وليد: مع أني مو مشتهي بس أخاف ريم تذبحني
دنيا: حرام عليك أحس أنك مجسمه أنه حيوان مفترس
وليد: ههه ما وصلت
دق جوال وليد
وليد: هلا .... هلا والله
خالد: هاه وش أخبارك؟؟
وليد: تمام الحمد الله بشرني عنك؟؟
خالد: أصح الأصحاء الحمد الله
وليد: الحمد الله
خالد: فاضي؟؟
وليد: والله أنا ما نمت كل الصبح و الحين بتغدا و أنام مع أني مو مشتهي الغدا
خالد: أجل ليش تتغدا؟؟
وليد: الله يسلمك بنات عمي ناموا عند خواتي و بنت عمي هي اللي مسويه الغدا و قبل هذي المرة سوت غدا و لا أكلت و زعلت أخاف اليوم تزعل
خالد: ههه يحول مبتلش يعني
وليد: ههه أيوه جبتها مبتلش بالبنات حتى من سوء الحظ فهد و سعود مو متغدين
خالد: أبلش ههه
وليد: تطنز أيه مستانس ما عندك بنات عم يزعلون إذا ما أكلت من غداهم بس مردوده يا خلَّود
خالد: ههه و الله إني فاطس ضحك كأنك بتصيح
وليد: أقوول أبو خلود تراني مو فاضي حق كلامك الفاضي
خالد: أوه الرجال صاحب شركات و أعمال
وليد: وش عندك مو طبيعي مو أنت خالد اللي شفته أول مرة ..
خالد: إيه يوم تشوفني مبتلش لكن الحين خلاص
وليد: يالله مع السلامه
خالد: مع السلامه
سكره وليد
وليد: داق يتطنز
دنيا: هاه وش قلت؟؟
وليد: خلاص الحين بروح أبدل ملابسي و ألاقيه فوق طاولة الطعام
k.o ؟؟؟
دنيا: أن شاء الله
رجعت دنيا عند البنات
ريم: عندي سؤال
دنيا: وشوو؟؟
ريم: من كان يكلم وليد و قاعد يسبني؟؟
دنيا: صديقه
ريم: واوه يالفشيله
دنيا: لو تشوفين يقول وليد أن صديقه بس يتطنز بوليد
تدرين وش يقول ؟؟
ريم: وش يقول؟؟
دنيا: يقول خالد بس يتطنز بي و علشان مين علشان بنت عمي
ريم: و ليش ما مليت عينه؟؟
دنيا: مدري
وليد ينادي: أمل ...... دنيا ..... رونيا وحده منكن تجي
قامت أمل
أمل: هلا وليد
وليد: إذا أذن العصر لا تنسون تقومونن خلاص؟؟
أمل: أن شاء الله
راح وليد وأنسدح ذبحه التفكير خلاص أنتهى
نام وهو يفكر و ين راح ترميه الأيام؟؟
........................................ ................
من بكرا الصباح الساعه ثمان تقريباً طبعاً بنات عمهم راحن جلس وليد على النت ودخل على خالد بالماسنجر....
كان نك خالد: ولدت حزين و عشت حزين و ببقى حزين
نك وليد: أمامك حجارة كثيرة فلا تتعثر بها و إنما إبني بها سلماً للنجاح
كانت المحادثه كذا:.
أمامك حجارة كثيرة فلا تتعثر بها و إنما إبني بها سلماً للنجاح:
أهلين
ولدت حزين و عشت حزين و ببقى حزين:
هلا و الله
أمامك حجارة كثيرة فلا تتعثر بها و إنما إبني بها سلماً للنجاح:
أخبارك؟؟
ولدت حزين و عشت حزين و ببقى حزين:
الحمد الله ... وشلونك؟؟
أمامك حجارة كثيرة فلا تتعثر بها و إنما إبني بها سلماً للنجاح:
ناصع البياض
ولدت حزين و عشت حزين و ببقى حزين:
ههه المفروض تكون مستحي بأول الكلام
أمامك حجارة كثيرة فلا تتعثر بها و إنما إبني بها سلماً للنجاح:
الحمد الله بخير بشر أن شاء الله خفيت؟؟
ولدت حزين و عشت حزين و ببقى حزين:
الحمد الله
أمامك حجارة كثيرة فلا تتعثر بها و إنما إبني بها سلماً للنجاح:
شفت أهلك؟؟
ولدت حزين و عشت حزين و ببقى حزين:
إيه بقولك وش صار لي و بالتفصيل:
أول ما رجعت للبيت جلست بالصالة و أمي نازلة شافتن أستغربت لإني كنت بكرسي متحرك...
قالت أمي: خالد .... وش فيك؟؟
أنا: توني جاي من المستشفى ما قالك أبوي؟؟
أمي: أبوك مسافر
أنا: لا ..... أبوي رجع ..... وشرحت لأمي السالفة بدون ما أدخل بدر
أمي: الله يشفيك ...... أنا طالعه
و راحت أمي يوم صار شوي نزل محمد و هو كاشخ أنا أنهبلت قليل محمد ينزل و الصلاة يصلي بالبيت غريبة حتى الأكل ياكل عند النت أصلاً حنا ما نجتمع لا على غدا و لاعشاء و لا قهوة و لا شيء
محمد: سلامات ..... وش فيك؟؟
أنا: توني طالع من المستشفى
محمد: الله يشفيك
أنا: وين رايح؟؟
ناظرني نظرة و كأنه يقول ( الإنسان حر يطلع وين ما يبي)
أستدركت الأمر: قصدي قليل تطلع غرريبة اليوم طلعت بس بسالك وين مهند؟؟
محمد: و أنا وش دراني لأنا توني نازل يالله مع السلامة
وهو يكلمني ما جلس كان واقف أهم شيء أنا نقهرت يعني ما أحد جاب خبري ليش ماني و لدهم؟؟ بعدين ناديت الخدامة لحد ما وصلتني الأصنصير يوم أني رحت لغرفتي جلست بلحالي ما أحد معي و حاط يدي على خدي فتحت النت بس مليت بديت أدق عليك و ماترد تدري وش قعدت أسوي؟؟؟ رحت فتحت فلم كرتوني حق أطفال و جلست أناظرة تصدق يا وليد أحب الدراسة أكثر من العطلة بالدراسة أجلس أذاكر بس بالعطلة ما أدري وش أسوي و الحين أما أدري عن بدر و لا عن أبوي و لاعن أحد..... يا وليد أكبر دليل أن عائلتنا متفككة أن أبوي راجع من السفر و أمي ما درت تخيل؟؟؟
أمامك حجارة كثيرة فلا تتعثر بها و إنما إبني بها سلماً للنجاح:
يا خالد أصبر الصبر زين (إصبر تظفر) و أنت يا خالد هدفك تجميع شتات العائلة ما لك ألا الصبر و الرضاء بالقضاء و القدر
ولدت حزين و عشت حزين و ببقى حزين:
أن شاء الله بالصبر و كل شيء مكتوب ...... وليد الحين أنت ليش ما نمت؟؟
أمامك حجارة كثيرة فلا تتعثر بها و إنما إبني بها سلماً للنجاح:
أنا فيني عاده غربيه إذا صرت نايم شوي أصير صاحي ما فيني نوم و إذا صرت نايم كثير أصير دايخ ليش مدري؟؟
ولدت حزين و عشت حزين و ببقى حزين:
أنا بروح أنام الحين باي
أمامك حجارة كثيرة فلا تتعثر بها و إنما إبني بها سلماً للنجاح:
لا تقول باي .. أتفقنا؟؟
ولدت حزين و عشت حزين و ببقى حزين:
أن شاء الله .. مع السلامه
........................................ .......................
بعد أسبوع كان وليد يكلم خالد شبه يومي .....
أم فهد: وليد متى بتعزم صديقك؟؟
وليد: أقول له بكرا؟؟
أم فهد: إيه
أمل: لا يمه بكرا بيجوننا البنات
أم فهد: عادي بنات عمكن إبراهيم بناتنا يساعدننا و هن ما شاء الله عليهن يحبن المساعده
أمل: بكيفكم
وليد: يمه بقوله يجلس عندي للفجر
أم فهد: الله يحيه البيت بيته
دق جوال وليد
رد وليد: الله يالحاسة السادسة وش دراك أني أتكلم بك؟؟
أمل تكلم دنيا: يحول نط بالرجال
دنيا: ههه
خالد: بسم الله الرحمن الرحيم الناس ما ترد كذا فجعتني
وليد: ههه
خالد: تحش فيني؟؟
وليد: إيه أما أحش بك قليله
خالد: أوف أوف أذهبوا يا جنودي و أقبضوا على هذا الرجل الذي لا يستحي على وجهه
وليد: الله الله يا عيني عاللغة
خالد: إيه شفت شلون التطورات اللي صارت؟؟
وليد: أقول أبو خلود عندك بكرا شيء؟؟
خالد: يا عيني من تبي يجي عندي و ألا أروح لمه؟؟
وليد: تعال عندي عازمك بكرا على عشاء هاه وش قلت؟؟
خالد: خلاص أن شاء الله ..... أخوانك بيكونون موجودين؟؟
وليد: أن شاء الله و أبوي بعد أنت يا خلوّد غالي علينا
خالد: الله يسلمك
وليد: يالله تبي شيء انا الحين مشغول
خالد: سلامتك يالله مع السلامه
وليد: مع السلامه
وليد شاف أمه مبتسمه
أم فهد: يا حلوو كذبك يا وليد
وليد: لييش أنا كذبت؟؟
أم فهد: تقول أني مشغول لصديقك
وليد: إيه أنا مشغول بالسواليف مع خواتي
رونيا: يا سلام
ألتفت وليد: بسم الله ليش تصرخين كذا
رونيا: وليد
وليد: تراني مو بعيد عنك أقصري صوتك
رونيا: ختمته
وليد: أها كل هذي الفرحة علشانك ختمتي شريط بلايستيشن؟؟
رونيا: من زمان و أنا ألعب فيه و لا عمري فزت هذي أول مره
وليد: أول مرة أشوف بنت تلعب بلايستيشن الحين سعود ما يلعب و أنتي تلعبين يكفي شقاوة..
رونيا: أبستانس
وليد: بكيفك
رجع وليد يكمل سواليفه مع أهله
دنيا: وليد......
وليد: عيونه
دنيا: اليوم موعدي و أبوي مشغول و فهد ما شفته
وليد: و وليد؟؟
وليد: هذاني بشوف عنده شغل و ألا لا
وليد: و آآآآآآآآحسرتاه من وين يجي الشغل الدراسة و خلصت؟؟
رن تلفون بيتهم و كان عند وليد
وليد: نعم
.....: السلام عليكم
وليد: و عليكم السلام
.......: ممكن أمل أو دنيا؟؟
وليد: لحظة
أمل دنيا وحدة منكن تجي
أمل: وليد قول من يبغاه
دنيا: ما يحتاج
أمل: أخاف تصير هذيك عاد وش بيفكنا؟؟
وليد: مين يبغاه؟؟
......: ريم
وليد: هلا ريم وشلونك؟؟
ريم: الحمد الله
وليد: و عمي وش أخباره و أمك و أخوانك؟؟
ريم: الحمد الله كلهم بخير
وليد: لحظة الحين أناديهن لك
وليد: بنات ريم
أمل: بروح أرد
دنيا: حرام عليك إذا صارت البنت ما تعجبك تخلينني أكلمه و إذا صرنا نحبه أنت تكلمينه
أمل: خلاص روحي كلميه
دنيا: آلوو
ريم: هلا
دنيا: هلا بك وش لونك؟؟؟
ريم: بخير الحمد الله
دنيا: هاه بتجون لمنا بكرا
ريم: للأسف لا صار فيه بكرا عزيمه عند خوالي
دنيا: قهر
ريم: قمة القهر
دنيا: بقولك جيبي لي البودرة اللي تقولين حلوة
ريم: لا لو تشوفين نهله شاريه روج خيال لونه
دنيا: ياليت تجون لمنا بعد بكرا هاه وش رايك؟؟
ريم: و انتم ما عندكم شيء؟؟
دنيا: لوين تبغيننا نروح لخالتي تهاني و ألا نورة
ريم: ههه
دنيا: صدق ريم خوالي جدتي و عياله بالشرقيه و جدي و زوجته و عياله بالقصيم و عمومتي ما فيه بنات كبرنا كلهم أطفال من بقى أنتم بس
ريم: ألا على طاري تهاني شفتي تهاني أخت صديقة نهله بتتزوج
دنيا: صادقه ما شاء الله يا حظ اللي بياخذه جمال و أخلاق
ريم: ما شاء الله
دنيا: بكرا صديق وليد بيجي قلنا تجن تساعدننا أول مرة يجي لمنا
ريم: اللي ييقوله ما عندك بنات عمي يزعلون إذا ما أكلت غداهم
دنيا: إيه هو
ريم: وش أسمه؟؟
دنيا: خالد
ريم: أن شاء الله أسم ولدي الأول خالد
دنيا: للحين تحبين هالأسم
ريم: و أموت فيه بعد
دنيا: أقول ريموه تراك طولتي علي يالله مع السلامة و سلمي لي على اللي عندك
ريم: ما عندي الأ البيالات و الفناجيل و الجدران
جا صوت من عند ريم: و أنا وش قالوا لك جدار
دنيا: تعالي يا حلوة من عندك؟؟
ريم: منو اللي واحد من أخواني لسانه طويل؟؟
دنيا: ناصر
ريم: إيه حمودي و هشوم مو موجودين
دنيا: أقول ما تسمعين تراك طولتي علي
ريم: ترا الفلوس من جيب عمي ما طلعتي من جيبك و ألا فلس
دنيا: فلوس أبوي و فلوسي واحد
وليد: الله يخلف علينا يمه عجز و يتهاوشن
ريم: واوه و أخوك قاط معنا
دنيا: وليد
ريم: و الله لو تقولين له أجي لبيتكم و أضربك و أرجع
وليد و حاب يدري وش السالفه(لقافه) و يحرج ريم: يا عيونه
ريم: الله و يعرف الكلام الحلو ما أذكر وليد كذا
دنيا: تقول ريم
ريم: يا ويلك
دنيا ما تدري وش تقول: أحبك
ريم: واوه أنكان قلتي الأولى أهون من ذي
وليد و عارف إن دنيا تستهبل و وده يحرج ريم: و أنا أكثر عاد أمزح لا تصدقون و الله أن يطلعون بعض ناس و يكفخوني و يرجعون
ضاق صدر ريم يوم قال كلمته بس ما وده توضح و هي عارفه أن وليد شارب الكاس نفسه: الله يخلي لي بعض ناس يارب
دنيا: ويرجعهم بالسلامه
الكل: آآآآآآآآآآآآآآآمين
دنيا: مع السلامة
ريم: مع السلامه
أم فهد: المفروض يا وليد ما قلت الكلمه هذي
وليد: و الله ما نتبهت لروحي ألا يوم قلته و حقرت نفسي بس يمه لا تنسين حنا شاربين الكاس نفسه و أن شاء يرجع لا يأس مع الحياة و لا حياة مع اليأس
أمل: بصراحة كلام وليد سليم و ريم راح تختلق الأعذار لوليد
وليد: و ربي ضايق صدري قولوا آمين
الكل: آمين
وليد: يارب تنحل مشكلتنا
الكل: آآآآآآآآآآآآمين
أم فهد: لا تنسى تدعي لنفسك حتى أنت بحاجة لدعائنا
وليد بأبتسامة ساخرة: أنا مو مهم أنا خلوني صفر عالشمال
قام و طلع ما يبغى الموال نفسه يتكرر
أم فهد اللي ما يعلم بحالة ألا الله كانت من جد حزينه لكنه صابرة
........................................ ...............................
إيش تتوقعون .. وليد إيش فيه؟؟
وليه الكل متعاطف معاه؟؟
وإيش هو الموال اللي يتكرر؟؟
أبو عبد الله .. يكتشف الصداقة؟؟
وإيش راح يسوي لخالد؟؟
بالجزء السادس تشوفوا ...
محبتكم/
السفاحة:منعطف خطير

Oo°•الجزء السادسOo°•
((لا إله إلا الله))
من بكرا طلع خالد يصلي العصر رجع للبيت كأنه سمع صوت بدر راح للغرفة اللي يصدر منه الصوت و فعلاً كان يكلم
خالد: السلام عليكم
بدر: و عليكم
جلس خالد عند بدر علاّ و عسى أنه يتغير و بيد بدر الريموت و يقلب بالقنوات حط على أغنيه و طوله و جلس يغني معه( علشان ينرفز خالد و أصلاً بدر دائماً يسمع أغاني )
خالد: بدر ..... ما يجوز حرام يُصب في أذانك الرصاص يوم القيامة
بدر ناظر خالد نظرة أشمئزاز: كيفي
قام خالد و راح لغرفته و هو يمشي كان يفكر(الحين توه طالع و أول ما رجع قعد يسمع أغني) طراخ
خالد: أي
......: خلودي وش قاعد تسوي؟؟
رفع خالد عيونه كانت بنت عمه غض البصر و قال: أول تستري مو جايه كذا قدامي
......: عادي ما فيها شيء كل الناس يلبسون كذا و هذي الموضة
خالد عصَّب مررة كل بيتهم منكرات صرخ بوجهه: اقلبي وجهك عني ما ناقصني ألا أنتي ما أبغاك عندي روحي عني يا جنى
جنى: بس أنا أحبك
خالد فقد السيطرة على أعصابة: بس أنا ما أحبك
هذي جنى تصير بنت عمه تموت على شيء أسمه خالد مع أنه ما يلقي للبنات كلهن وجه و لا يعطيه فرصة تعبر عن مشاعره تجاهه و خالد ما يطيق عمومته كلهم حتى خواله و عمومتة ما يتزوجون ألا بنات العم و خالد يقول أموت و ألا أخذ وحده من بنات عمومتي لو أجلس بدون زواج) لإنهم متفتحين بزيادة
وراح لغرفته و هو معصب مره و واصلة معه أف
طق طق طق
خالد: أوف نعم؟؟
......: خالد أفتح
تعدل خالد: تفضلي يمه
دخلت أمه و معه جنى
أم عبد الله: السلام عليكم
خالد: و عليكم السلام
أم عبد الله: وش فيك خرعت البنت جتني تصيح؟؟
خالد و خلاص وصلت معه لكن إحترام لأمه و ألا أنكان خلا جنى تشوف نجوم الظهر: و اللي يعافيك ما أبغى أحد اللي فيني مكفيني
أشرت أم عبد الله لجنى و قامت و طلعت
أم عبد الله: بس هذي زوجتك بالمستقبل كيف تعامله بالطريقه هذي؟؟
خالد بذهول وهو يقول بنفسه: ( لا بعد قولوا لي اليوم زواجك من جنى): و من قال إني أباخذ هذي؟؟
أم عبد الله: هي اللي تناسبك من بنات عمك
خالد: وع لو أبقى ما أتزوج و ألا آخذ هذي ما أبي آخذه
أم عبد الله: ترى بكلم أبوك
خالد: ما أبيه ما أبيه يعني لازم آخذه
أم عبد الله: إيه
خالد: يمه أنا ما بي بنت ما فيه رجال بالسعودية ألا و شايفه أولاد عمومتي كلهم شايفينه و محمد و بدر و مهند و حسام
أم عبد الله: عادي كل بنات عمك كذا
خالد: مو عادي عندي و أنا ما بي يعني ما بي وإذا صارت تفكر بي تحلم آخذها و قفلوا الموضوع
قامت أمه: براحتك بس بنبهك(و هزت أصبعه بوجه خالد) مصيرك تاخذه
خالد عصب من كلمة أمه الآخيرة ( وع من زينه لا حيا و لا حشيمه)
أنسدت نفس خالد و ماله خلق يروح لوليد و دق عليه و أعتذر
أم فهد: سلامات وش فيه صديقك؟؟
وليد: مدري بس واضح من صوته أنه ضايق صدره بس ما سألته
مسك وليد التلفون و دق على الرقم اللي دايم يدق عليه
......: آلوو
وليد: هلا و الله هلا بك وشلونك؟؟
.......: وش دعوى كل هذا الترحيب
وليد: نصور قم ناد أخوك
ناصر: محمد يبغاك وليد بالتيلفون
وليد: و الله لو أجي أن أرتكب فيك جريمة قم ناد هشام
ناصر: تراك أزعجتنا كل يوم داق
وليد و وصلت معه: وش عليك مو من جيبك قم ناد هشام
.......
هشام: هلا
وليد: الله يعافيك غير السكرتير حقك و الله ياهو غثيث
هشام: آواامر تانيه سيدي
وليد: سلامتك
هشام: أبو الشباب وش عندك داق
وليد: أحسبني أبو الهلال و ألا الأهلي
هشام: خ صاير خفيف دم هالأيام
وليد: من يوم عرفت نفسي و أنا كلي ملح
هشام: وليد مشغول إذا خلصت دقيت عليك خلاص
وليد: الدب نويصر ما قال لي أنك مشغول
هشام: عادي و الله أنا ولهان عليك بس الشغل إلى راسي
وليد: أجل ما أطول عليك
هشام: مع السلامه
وليد: في حفظ الباري
...................................
الوقت: الساعة 12 ليلاً
أم فهد: وليد إلى متى بتتهرب من الموضوع؟؟
وليد: أي موضوع؟؟
أم فهد: كل الخلق يمكن ينسون ألا أنت
وليد: وش بسوي يعني؟؟
أم فهد: وليد ليش أنت ما تهتم بنفسك؟؟
وليد: أهم شيء عندي اللي حولي يكونون سعيدين و أنا ما يهمني لو أكون أتعس واحد
أحتد النقاش بين وليد و أمه
وليد: خلاص ببعد عن وجهك علشان ترتاحين
أم فهد: أنا ما اقول ابعد عن وجهي اقول أسعد نفسك شكلك يكسر الخاطر
قام وليد و نفسيته زفت
وليد: مع السلامه
أم فهد: وليد لا تطلع و انت معصب
طلع وليد قبل ما يسمع كلمة أمه الاخيرة
جا أبو فهد مستعجل
أبو فهد: أم فهد بيجي الحين أخوي أبو إبراهيم زيني لي قهوه
أم فهد نفسيته تعبانه و لا له نفس تسوي شيء و أبو فهد كان مستعجل و لا أنتبه لاحظت أمل هالشيء
أمل: و لا يهمك يبه
أبو فهد: كفوا بنتي
طلع أبو فهد
أمل: يمه وش فيك؟؟
دمعت عيون أم فهد و قامت
راحت أمل تصلح القهوة وهي تفكر بأمه ما تدري وش فيها؟؟!
جا احد و مسك عيون أمل
أمل: منوو؟؟
دنيا: توقعي
أمل: دنيا ... منوو اللي ماسك عيوني؟؟
ترك اللي ماسك عيونه
التفتت أمل
أمل: ري يم
سلمو على بعض و جو باقي البنات
أمل: يعني مقلب
ريم: لا والله بس جلسنا نهاوش على العزيمة و نتذمر قال أبوي خلاص أوديكم أنا و تعرفين لازم إذا رحنا نلبس و نتكشخ أما أنتم عادي أجي لمكم بلبس البيت لأننا نشوفكم كثير بس صار عنده كم شغله و ما قدرنا نجي ألا بذا الوقت بس بنروح الفجر و أبوي بيجلس مع عمي شوي و بيرجع للبيت..
دنيا: جبتي اللي قلت لك؟؟
ريم: يسات
دنيا: نهله جبتي الروج الجديد
نهله: مدري ... لينا جبتيه؟؟
لينا: إيه
.........................
كان وليد يمشي بسيارته من غير هدى وقف عند الإشارة و كان على يسارة محلات و عن يمينه آخر حديقة و شاف رجال وليد يعرفه لكن فتحت الإشارة و وليد ما يدري منهوو قال(بروح يعني بروح) راح وليد و علطول مشا للمكان و شاف الرجال (أوه هذا خالد)
قرب(غريبه وش فيه يصيح و واضح صياحه من قلب)
قرب وليد وربت على كتفه: خالد وش فيك؟؟
خالد وهو يمسح دموعه بأطراف أكمامه زي الطفل: هلا هلا و الله ما فيني شيء بس انا جيت لمكان هذا علشان ارفه كتمني جو البيت
وليد يناظر خالد بنص عين و كأنه يقول(لا تكذب)
خالد: صدقني
وليد: مو علي على غيري
خالد: بصراحة يا وليد انا كل مرة يضيق صدري أجي للمكان هذا أحسني قريب لفراس و توا شفت أخوه لكن هو ما عرفني لأنه ما يذكرني كان صغير يعني فراس بنفس هذي الحديقة و لا أقدر أسولف معه...
وليد: هون عليك
خالد: وش عرفك بمكاني؟؟
وليد: أفكاري التكتيكيه
خالد: يا سلام
وليد: قلبي حس أنك هنا
خالد: أعقل وش عرفك بمكاني؟؟
وليد: أنا بكامل قواي العقلية و الجسمية و أقولك أفكاري التكتيكية
خالد: بلا مذلة
وليد: هذي جبتها حسب خبراتي الفيلسوجية
خالد: أها زين سويت و قلت لي من جد تكلم
وليد: لا تصدقني بكيفك
خالد: وليد
وليد: هلا
خالد: يرضيك تشوف صديقك مذلول
وليد: ييس
خالد: يعني يرضيك
وليد: لا والله ما يرضيني بصراحة طلعت من عند أهلي معصب و ما عندي شيء بس مأمور يمكن ربي أرسلن لك علشان تفضفض
خالد: وليد .... تصدق ودي أروح يم فراس أحس أني مشتاق له مو بس مشتاق بموت شوق و خنقته العبرة بعد ما تذكر صديق العمر و دمعت عيونه
وليد ما يحب يشوف أحد حزين يبغى يشوف الناس مبتسمة مسك كتف خالد: خالد هون عليك أنت يرضيك تشوف صديقك شوي و ينهبل من الخوف عليك
خالد و هو يمسح دموعه: طبعاً لا لكن غصبن عن يا وليد
وليد: خالد .... لو أقولك وش فيني أن كان أنت تحس نفسك بدون هموم يا خالد أحمد ربك أنك في نعمه اللي غيرك ما ...........
خالد: كمل ليش سكت
بالحظة هذي دمعة عيون وليد: لا..... لا مستحيل .... مستحيل و بدا يهلوس و صار يضحك و يبكي سوا هدّاه خالد و دق على الإسعاف
جا الإسعاف و شال وليد اللي كانت حالته ما تسر العدو وش لو كان خالد ......... خالد ما يدري وش سر وليد اللي صارت فيه حاله هسترية يوم جا يقوله مسك خالد جوال وليد و دق على فهد و كان عند عيال عمه أستهبال و ضحك و سواليف ما تخلص
فهد: شباب وليد دق
هشام: عطن أكلمه ليش يروح
فهد: لا انا أبرد
هشام: تكفى فهد
فهد: دوك
هشام و بنبرة أستهتاريه: هلا و الله أبو الشباب
خالد: السلام عليكم
عدل هشام صوته: و عليكم السلام
خالد: مو هذا جوال فهد
هشام: ألا و مو هذا جوال وليد
خالد: ألا لكن أنا صديقه
مد هشام الجوال لفهد و هو يكلمه: وليد من مصادق؟؟
سعود: يمكن خالد
هشام: منوو خالد؟؟
ناصر: ألا اللي ذاك اليوم يقول لك
هشام: إيه صح تذكرت أشوا بغيت أروح أذبح وليدوه
فهد: هلا
خالد: هلا فهد أخبارك؟؟
فهد: بخير و أنت؟؟
خالد: الحمد الله فهد من عندك؟؟
فهد: عيال عمي
خالد: الله يخليك قوم عنهم
طلع فهد برا: هذاني طلعت برا البيت
خالد: وليد بالمستشفى تعال أنت و لا تقول لأحد حالته بسيطة جته حالة هسترية و قام يبكي و يضحك و يصارخ مدري و ش سالفته؟؟
فهد: .................
خالد: وش فيك يا فهد؟؟
فهد: أنتم تسولفون؟؟
خالد: إيه هو قاعد يتكلم و فجأة سكت و جته الحالة
فهد: وش كان حديثكم؟؟
خالد: هو قال لي أحمد ربك اللي غيرك ما و سكت
فهد و صوته مخنوق: بأي مستشفى؟؟
خالد: ليش يا فهد وليد فيه شيء؟؟
فهد و عجز يتمالك نفسه و قام يبكي باللحظة هذي طلع سعود و كان عارف ان وليد طلع معصب و شاف فهد ماسك الجوال و يصيح بصم بالمية أن وليد فيه شيء
سعود: فهد وش فيك وليد وش فيه؟؟
فهد: و لا شيء أدخل البيت
سعود: أن شاء الله
عطا خالد فهد عنوان المستشفى
دخل خالد عند وليد و كان يتكلم كلام و كأنه صاحي
وليد: تخيل تعيش عمرك كذا ليش ليش؟؟
خالد: ليش على إيش وشو يا وليد وش أنت قاعد تقول؟؟
وليد: ...............
قام خالد لا شعورياً و سطر وليد صحا وليد بعد سطرة خالد حس روحة ردت للدنيا
خالد: وش قاعد تقول أنت؟؟
وليد: وين أنا؟؟ ليش أنا هنا؟؟
و قال خالد السالفة لوليد: طيب ليش ما كملت كلامك؟؟
مسك وليد راسه وبدا يضغط عليه و كأنه يحاول ينسي روحه اللي فيه مع أنو مستحيل ينسى: أرجوك يا خالد تكفى لا عمرك تطري هذا الموضوع أنا أقولك إذا صار الوقت مناسب
دخل فهد و عيونه منتفخة من الصياح
فهد: السلام عليكم
خالدو وليد: و عليكم السلام
فهد: الحمد الله على السلامة يا وليد
وليد: الله يسلمك .... وش فيك يا فهد كذا ضايق صدرك و عيونك منتفخة عسى ما شر
فهد عجز يتحمل يشوف أخوة يبتسم و في عينة ألف دمعه يضحك و قلبه مليان يحاول يسعد اللي حوله لو على حسابه و علشان ما يحسسهم أنه يشعر بالنقص طلع و هو يبكي
وليد: أنت قايل له وش الحديث اللي دار بيننا؟؟
خالد: إيه
نزل وليد راسه و قال: الحين بقولك يا خالد وش فيني تخيل تعيش عمرك بدون أولاد ما فيه أحد يحمل أسمك تخيل تشوف أبو مع أبنه و أنت ما عندك طفل تشيلة تدلعه يقول لك بابا تخيل لو أنك.......
جلس وليد يبكي و فهد سمع الحوار و هو برا يبكي
خالد خنقته العبرة بس وده يا قف مع صديقة مثل ما وقف معاه: يا وليد هذا قدر الله و أن شاء الله تلقى زوجة تقبل بك
وليد و بصوت عالي: من اللي يبغاني من اللي يبغا عقيم قول فيه أحد حرمه ترضى تأخذ عقيم عقيم أفهم الكلمة هذي يعني تبقا طول عمرها ما عندها أولاد
خالد حاول يهدي وليد بس ما قدر حاول و حاول و نجحت المحاولات كان وليد يبكي من قلب مسح خالد دموع وليد و قال: يا وليد الدنيا ما تسوا أنك تبكي كذا
قاطعه وليد: لكن يا خالد مهما كان هذولا أولادي كيف راح أعيش طول عمري بدون أولاد تخيل يا خالد و الله أن تعذرني على كل اللي أنا قاعد أسويه وغير كذا أنا مجنون أطفال أموت عليهم وعلى سوالفهم
خالد: بس فيه علاج
وليد: عالجت لحد ما مليت بس ما نفع و لا قنوط من رحمة الله و أن شاء الله يشافيني ربي
خالد: أن شاء الله و بعدين يا وليد أعتبر أولادي أولادك
وليد: أكيد هذا شيء مضمون أن أولادك و أولاد أخواني هم أولادي
",",",",",",",",",",",",",",",",",",",", ",","
تتوقعون راح يظل وليد متضايق ويصيح؟؟
تتوقعون يتشافى ويكمل حياته؟؟
وإيش السبب اللي خلاه عقيم بعد قدر لله؟؟
تابعوني يا قمورات
محبتكم/
السفاحة:منعطف خطير

Oo°•الجزء السابعOo°•
رن رن رن <<<< جوال وليد
ناظر وليد الجوال ( عادل يتصل بك)
وليد: هلا
عادل: هلا والله هلا بالقطوع أخبارك؟؟
وليد: بخير الحمد الله وش لونك أنت؟؟
عادل: بخير وليد وش فيه صوتك متغير؟؟
وليد: لا ما فيني شيء
عادل: أقول لا تخبي عن صديقك عدول شيء توني شايفك بالمستشفى و ما قدرت الحق عليك لإن معي حريم كم رقم الغرفة؟؟
وليد:**
و بعد شوي
طق طق طق
قام خالد و فتح الباب و سلم على عادل دخل عادل داخل الغرفة و سلم على وليد سلام حار و واضح أن بينهم علاقه متينه
عادل: الحمد الله على السلامة يا أحلى وليد
وليد: الله يسلمك يا أحلى عادل
عادل: ما صارت تقلدن بكل كلمة أقوله و ليدووه تراني قلت لشباب
وليد: أنا بطلع
عادل: صدق؟؟
خالد ببرود: من قال أنك بتطلع هذا الخبر جايبه من راسك
(ظن خالد أن عادل بيضحك على قولته هذا الخبر جايبه من راسك لكن عادل ما اهتم أبداً و قال شكل هذا من النوع الثقيل و ما يضحك على أي شيء حسبة فيني خفة دم مثل وليد و أخوانه)
وليد: بصراحة ما ودي اجلس بالمستشفى
طق طق طق
قام خالد و فتح الباب و كان عند الباب خمس شباب سلمو على خالد
الشباب: السلام عليكم
عادل و وليد: و عليكم السلام
أحمد( فرد من افراد شلة وليد خفيف دم و مهبَّل بجميع ما تحمله هذه الكلمة من معاني كان مطهبل و ما يجرح أحد و الكل يحبه): سلامتك يا قلب حمود
وليد: الله يسلمك
أحمد: تفضل يا صديقي( أحمد يستهبل جايب معه وردة حمراء لوليد)
الجميع: ههه
شاف خالد البسمة على و جوه أصدقاء وليد حس أن كل واحد يبتسم بوجهه يحسسه بالأمان و أنو مو غريب عنهم ألا واحد
وليد: إيه يا شباب نسيت أعرفكم على صديقي أن شاء الله راح يكون فرد من أفراد الشلة الموقرة ألا وين الباقي؟؟
نواف: يا أخي أنت من زمان ما جيت للأستراحة و ما تدري وش التغيرات بس عاذرينك الله يشفيك
وليد: تدرون يا شباب أني داخل المستشفى علشان كذا
الجميع: الله يشفيك
وليد: خلونا نغير الموضوع وش آخر التغيرات؟؟
عبد العزيز: شفت ماجد خطب و سامي بيسوي عملية و ركبنا مكيفات بالإسترحة و شرينا ثلاجة و فرشات
وليد: ما شاء الله كل هذا بأقل من شهر و الله وتطورتي يا إستراحتنا طيب مازن ليه ما جا؟؟
سالم: يقول مازن يعذرن لإن أمي بتسافر و أنا بروح معه و مقدر أجي
وليد: الغايب عذرة معه
حس خالد العلاقة القوية بين وليد و أصدقاءه و الكل شارك بالسالفه لكن أستغرب واحد منهم بس شارك بالسلام حتى أنو ما أبتسم
وليد: إيه ما قلت لكم منو هذا؟؟
الشباب: منوو؟؟
وليد: توقعوا
أحمد: تراك بالسرير يعني هون علينا مذلتك لو أنت بالسرير
تكلم ذاك الرجال اللي سماه خالد الرجل الصامت: أسمه خالد
وليد: تعرفه؟؟!!
مشعل وهو ما يناظرهم يناظر للجهه الثانية: ولد التاجر أبو عبد الله
أحمد: وشلون عرفت؟؟
مشعل و لا حتى عطاهم نظره: طالع مع أبوه بأحد القنوات
خالد سما مشعل الرجل الساكن بلا حراك كان هادي و غامض و اللي يشوفه يحس أنه ثقيل دم و شايف نفسه
وليد: أحمد وش فيك اليوم ما كأنك أحمد مو أنت أحمد خفيف الدم؟؟
خالد: كل هذا و مو خفيف دم
أحمد: بصراحة كنت ناوي أستهبل بس يوم شفت خالد أستحيت
دخلت الممرضة كانت سعودية
الممرضة: لو سمحتوا أصواتكم عالية
كانت أصواتهم عالية و رجوا المستشفى بأصواتهم و أطلعوا
برا كانوا واقفين
نواف: سلامات مشعل شفيك ؟؟؟
أحمد: إيه يحول أكلت الولد بنظراتك اللي ماله داعي
مشعل: أحسه ثقيل دم و شايف نفسه علينا
عبد العزيز: لو أنه شايف نفسه علينا أن كان ما جلس مع وليد
مشعل: و بعدين تبغونن أطلع هبالي عنده و هو أول مره يشوفن
...................................
دخل سعود البيت و ما كان مرتاح ...
راح سعود للغرفة و قام ينادي أمه..
أم فهد: هلا سعود سلامتك؟؟
سعود: يمه أبغى أقولك شيء بس خايف
خافت أم فهد: سلامات وش فيه وليد؟؟
سعود: يمه وليد قصدي فهد جته مكالمة وطلع لحقته أبسأله سؤال لقيته ماسك الجوال و يصيح و وليد فيه شيء و أسأله و يقول ما فيه شيء...
أم فهد قامت تصيح: ويل قلبي عليك يا وليدي هذا اللي أنا خايفة منه.
دخلت أم فهد و راحت لغرفته...
حست دنيا بضيق كبير و كأنه حاسه بوليد
دنيا: سعود قلبي يحس أن وليد فيه شيء
سعود: أنا متأكد أن وليد فيه شيء بس وشو مدري شوفي أمي وينها؟
دخلت دنيا على البنات و دموعه متحجرة بعيونه و جلست بصمت..
ريم: دنيا سلامات شفيك؟؟؟
دنيا ما تحملت و قامت تصيح
أمل: دنيا شفيك؟؟
دنيا: وليد .... وليد
أمل خافت لإنها عارفه أن وليد طلع معصب: شفيه؟؟
دنيا: مدري بس فيه شيء وليد تعبان أحساسي ما خاب
ريم: يعني مجرد إحساس
دنيا: كان مجرد إحساس بس سعود متأكد و قالي و أمي فوق بغرفتها أمل الله يخليك قولي لها تنزل...
أمل: أمي عارفه بالسالفة؟؟
دنيا: إيه
قامت أمل و راحت تنادي أمه و بدأت محاولات الإتصال بوليد و بفهد لكن لا حياة لمن تنادي و أم فهد تصيح و بناته يدرارون دموعهن علشان ما يزيدون أمهم و بنات العم يهدن الوضع...
عند الرجال كان سعود سرحان و الكل لاحظ لإن سعود ما يهزه شيء و يسألونه و يقول ما فيني شيء...
هشام: سعود وشلون ما فيك شيء و انت سرحان طول الوقت؟؟
سعود: وليد...
هشام و أنغزه قلبه إيه أكيد خالد دق و قال لفهد أن وليد تعبان و فهد راح يمه: وين فهد؟؟
سعود: وليد فيه شيء و ندق على فهد و وليد بس ما نلاقي إجابه..
قاموا الرجال و الحريم يدقون بس ما يلاقون أي إجابه و لا حتى بوادر خير...
...................................
خالد بعد ما شاف أصدقاء وليد ما أستغرب ليش عادل ما ضحك يوم يقول كلمته شاف أصدقاء وليد و كأنهم فهد و سعود و وليد لكن مشعل يحس أن وراه شيء
وليد: هي نسيت
خالد: وش نسيت؟؟
وليد: متى بطلع؟؟
فهد: الحين
وليد: هلا فهد
فهد: الدكتور عطاني موافقه يالله
وليد: يالله
.............
كان الوقت متأخر جداً الساعة أربع ألا ثلث دخل وليد و فهد للبيت سوا كانت أمهم قاعدة على الكنب و ما سكة الجوال و واضح القلق بوجهه و أول ما دخلوا قامت
أم فهد: وينكم؟؟ خرعتوني وش فيكم أدق على جوال فهد مقفل و وليد ما يرد و طلعتوا و لا قلتوا أنكم بتتأخرون
قال فهد لأمه السالفة ما زعلت و ناظرت وليد: الله يشفيك يا وليدي و تقول ماني مهم أن شاء الله أشوف عيالك عشرة معك
ناظر وليد أمه و دمعت عيونه شافت الأم دموع ولده فلذت كبده و دَّه تسوي أي شيء علشان يتشافى بس ما قدرت و ما باليد حيلة و ما يقدرون يسوون شيء ألا الدعاء له
طلعن البنات و سعود
سعود: الحمد الله على السلامة
وليد: الله يسلمك
دنيا: خوفتنا عليك
وليد: لا تخافون علي أنا مو مهم
أم فهد مسكت أذن وليد: مهمين و نص و اليوم عيال عمك عندنا الكل يدق عليكم شوي و نموت من الخوف عليك
أبتسم وليد: أنا أقول المره الثانية لا تخافون علي
شهقت أمل: لا أن شاء الله ما تدخل المستشفى مرة ثانيه
وليد: و كيف بتعالج؟؟
رونيا: خلاص فكوها من سيره
وليد: أبغى شاهي
أم فهد: شاهي الحين شوي و يذن الفجر خله بكرا أن شاء الله
وليد: وش دراكم أني بالمستشفى؟؟
فهد: أنا دق علي خالد بس ما قلت لأهلي
أمل: دنيا حست أنك تعبان و راحت لسعود و أكد لها أنك تعبان لإنه طلع و شاف فهد ماسك الجوال و يصيح...
ألتفت وليد لدنيا: فيه إنسان يحس فيني أتوقع هذا شيء خيالي..
دنيا: لا ليش خيالي ما هو خيالي بالعكس أنا حسيت فيك...
سعود: يمكن علشانكم توأم حست فيك؟؟
وليد وما دخلت مزاجة هالكلمة: يمكن
راح كل واحد فيهم لغرفته و ناموا طبعاً بعد ما صلوا الفجر
×::×::×::×::×::×::×::×::×::×
وليد فيه شيء ثاني إيش تتوقعون يصير؟؟
خالد ما زال يحب وليد ووليد يحبه .. هل تستمر المحبة والصداقة؟؟
لا تروحوا بعيد تابعوني
محبتكم/
السفاحة: منعطف خطير
*
*
*
*
*
Oo°•الجزء الثامنOo°•
( في بيت أبو عبد الله و في غرفة خالد)
خالد منسدح بالسرير و يفكر فعلاً أنا أعيش بسعادة يا حياتي يا وليد الله يشفيه أحس أني أسعد إنسان بعد ما عرفت حال وليد كنت أتوقع أنه ما يواجه مشاكل الله يشفيه داوء جرحي بس أنا شلون أداوي جرحه ليتني أقدر بس بساعده بالدعاء صدق الإنسان إذا شاف حال اللي أقل منه يكون سعيد....
( نرجع لبيت أبو فهد)
سعود واقف عند الباب و يطقطق
سعود: قوم ....... قوم ........... يالله قوم و بدا يناطط و يصفق و يهز راسه: ولود ..... ولود ..... ولود حبيبي ولود ولود حبيبي قوم أقعد من النوم قوم أقعد من النوم ولود يا ولودي
قام وليد على صوت سعود اللي يفجر الأذن: أووف سعود إذا ما طلعت و الله لأرتكب فيك جريمة
سعود: وليد .... يا لله
وليد: ممكن تقصر صوتك النشاز اللي حوم كبدي الناس تصبح بأصوات حلوة و وجوه زينه و يطلع لي وجه سعود و صوته النشاز
سعود: نشاز بوجهك و الله كل الخلق يتمنون صوتي
قام وليد و هو يهوش على سعود غسل و جهه و نزل
و هو بالدرج قابل دنيا و هي ترقا مستعجلة
دنيا: صباح الخير
وليد: صباح النور
دنيا: وليد شلونك؟؟
وليد: بخير الحمد الله
دنيا: أنزل و أسمع أحلى خبر
وليد: و شوو؟؟
دنيا: أنزل و أتشوف
نزل وليد شاف أهله مجتمعين و يفطرون كانت الساعة ذاك الوقت عشر بالتمام
وليد: السلام عليكم ..... صباح الخير
باس أمه و أبوه و جلس: ما شاء الله العائلة الكريمة مجتمعه تو دنيا تقول أنزل أسمع أحلى خبر
أم فهد: بنروح لم
قاطعه فهد: أصبري يمه توقع؟
وليد: بايخ يا فهيد بلا منتك ها يمه وين بنروح؟؟
أم فهد: يم جدتك بالشرقية
شهق وليد: هي صدق؟؟
أم فهد: ما كذبت
وليد: لا تواخذينن يالغالية بس تعرفين من الحماس يوم سمعت الخبر طلعت عفويه ياسلام و لهانين عليهم مره
(جدة وليد أم أم فهد منفصلة عن زوجة اللي هو أبو أمه و ساكن بالقصيم لإنه قصيمي و جدته شرقاوية أصل و له خوال أخوان أمه الإشقاء أصغرهم رنا عمره 12سنه)
وليد: يمه
أم فهد: هلا
وليد: عادي تكونون بسيارة و أنا و خالد بسيارة يعني أقول لخالد يجي معي
أم فهد: براحتك عادي قول له أبوك ما راح يروح معنا
فهد شاف الجو يكسل لإن سعود و وليد توهم قايمين و لا لهم خلق يستهبلون و وليد من حين النفسية زفت وده يسوي شيء فقال: أفا يا ذا العلم أمي و أبوي متهاوشين و كل واحد سيخلوا بنفسه حتى لا تزود المشكلة و أنا أرى أن فعلكم هذا جيد
أمل: الحين أنت بصمة أن أمي و أبوي متهاوشين
أم فهد: هذا الولد مو ولدي يتفيول علي بالشر
فهد: لا يمه أمزح بس الجو ممل
سعود: ممل بعينك
أبو فهد: ما عندكم شيء يالله يا سعود قم رح للمسجد و شوي و نتبعك انا و أخوانك
سعود: هع هع يبه تتكلم عنهم تقل أطفال و أنا الكبير
فهد: الحمد الله و الشكر
رن التيلفون
وليد: آلوو
......: السلام عليكم
وليد: وعليكم السلام
.....: الله يعافيك ممكن أمل
وليد: لحظة شوي
وليد: أمولة يبغاك
أمل: منو؟؟
وليد: مدري
أمل: هلا
لينا: هايات أموول
أمل: هلاوي أخبارك؟؟
لينا: عال العال الحمد الله أنتي أخبارك؟؟
أمل: الحمد الله
لينا: وش أخبار وليد؟؟ ومتى رجع؟؟
أمل: الحمد الله طيب ورجع الساعة اربع تقريباً
لينا: أمي ماهي فاضية اليوم عندنا عزيمة رجال و قالت لي ادق عليكم أشوف أخبار أمك ... ألا تعالي منو اللي تو رد علي؟؟
أمل: وليد
وليد يحسبها تناديه: هلا
أمل: لا ما أناديك
فهد: والله أن سعود فقيده
أبو فهد: يالله قوموا توضوا
راحوا لصلاة الظهر
الكل فرحان لإنهم بيروحون الشرقية من العام ما شافوهم أما وليد العام اللي قبله لإنه العام ما تعدا حدود الرياض
دخل خالد البيت دق جواله
خالد: هلا .... هلا والله
وليد: هلا خالد أخبارك؟؟
خالد: الحمد الله وش أخبارك أنت هاه بشر عساك خفيت؟؟
وليد: أوه الحمد الله
خالد: الحمد الله
وليد: خليد بنروح أنا و أهلي للشرقية شرايك تروح معنا أنا و أنت بسيارة و أهلي بسيارة
خالد: بس صعبه أقسمكم يعني أنتم مسافرين علشان تجلسون سوا و إذا جيت انا معكم راح أقسمكم
وليد: ههه لا يا خالد أولا أبوي ما راح يروح معنا ثانيا حنا بنروح علشان نشوف جدتي و خوالي أخوان أمي الأشقاء تعال معنا بعد أحسن تشوف توأمي
خالد: لك توأم يا وليد
وليد: خالي يشبه لي مرره بالحركات أنا و هو توأم و هو كبري نسخة من بعض
خالد: وش أسمه شكله حبيب؟؟
وليد: وائل بسألك سؤال يا خلود وشلون تكون أمي أختي
خالد: نعم؟؟
وليد: وشلون تكون أمي اختي
خالد: وش أنت محلم أمس؟؟
وليد: ههه و لا شيء و الله صادق أنا و أمي أخوان
خالد: وشلون؟؟
وليد: ولله أن صديقي خبل شف مو وائل كبري جت جدتي و أرضعتني يعني أصير أخو امي من الرضاعه
خالد: ههه ألعب على غيري
وليد: بكيفك لا تصدق
خالد: مدري ما دخلت مزاجي؟؟
وليد: فكر زين و الله أني صادق
خالد: يعني جدتك أرضعت ولد بنته
وليد: إيه
خالد: حركة
وليد: هاه وش صار بتروح معي؟؟
خالد: مدري أشوف و أرد لك
وليد: يالله مع السلامه
خالد: مع السلامه
دخل خالد و شاف أمه جالسه و واضح أنها تبغى تكلمه راح خالد و سلم عليه
أم عبد الله: هاه متى ان شاء الله تقرر نخطب لك جنى
خالد: نعم نعم؟؟
أم عبد الله: اللي قلته مسموع
خالد: من قال و الله لو أعيش طول عمري عزوبي و يخلصون البنات و لا يبقى ألا هي و الله ما آخذه لو وشو
أم عبد الله: على كيفك؟؟
خالد: إذا كان مو على كيفي على كيف من؟؟
أم عبد الله: أنا
خالد: لكن هذا مستقبل و حياة مو أي أحد يقرر لي حياتي أنا اللي أقررها و مع العلم أني بسافر أن شاء الله
و قام و طلع ما خلا لأمه مجال تتكلم
.......................
دق وليد على خاله
وائل: هلا هلا و الله بتوأمي
وليد: وشلونك و لهانين عليكم مرره
وائل: و حنا أكثر تعال وليد شعرفك أننا نسولف بك أنا و أمي من شوي و أنا أسولف ألا ويدق جوالي و أثاريه أنت
وليد: هع هع الطيب عند ذكره
وائل: أووف يا الواثق شعرفك أنك طيب؟؟
وليد: عندي حاسة شم قويه
وائل: ههه قويه
صرخ وليد: وائل
وائل: نعم ليه تصارخ أزقرني بدون صراخ
وليد: سم أن شاء الله أوامر تانيه عموو
وائل: لا
وليد: بنجي للشرقية
صرخ وائل: جذا اب
وليد: أي أنشقت طبلة أذني و الله أن صراخي يتحلل عند صراخك أي يا أذني
وائل: جذاب عن جد بتييون
وليد: وليه أكذب؟؟
وائل: يا قدمك يا وليد من العام اللي قبل هذا و أنت ما يت إش صار شكلك أحس أنك صرت دب مع أن هذا شيء بعيد و عيونك مستطيلات
وليد: يا سلام لا لو تشوفني ناحف مرره و عيوني مثلثات
وائل: ههه يالله مع السلامة بروح أبشر أمي
وليد: يمكن يجي خالد
وائل: قول يحاول لإنك أزعجتني عنده
وليد: أن شاء الله يالله مع السلامه
وائل: مع السلامه
______________________________
....................................
كان وليد جالس بعد الغداء يقرأ الجريدة و خوانه كل واحد بغرفته و خواته بالمطبخ و أمه و أبوه بالغرفه
رونيا: السلام عليكم
وليد: و عليكم السلام
رونيا: وين الباقي؟؟
وليد: جيتي بوقتك روحي نادي الشباب
رونيا: طيب
وليد: بنات عمي بيجون؟؟
رونيا: لا
قامت رونيا و راحت تنادي خوانه
سعود: السلام عليكم
وليد: و عليكم السلام
جلس سعود: وش أخبار خالد؟؟
وليد: الحمد الله بخير
فهد و هو يدخل: بيجي اليوم صح؟؟
وليد: إيه أن شاء الله
سعود: صدق؟؟
وليد: لا أكذب
دنيا: السلام عليكم
الجميع: و عليكم السلام
دنيا: تبغون شاهي؟؟
وليد: أنا ما أبغى
فهد: لا الله يجزاك خير
جلسوا يسولفون
لاحظ فهد أن وليد يفكر بشيء
فهد: وش تفكر فيه؟؟
تنهد وليد: و لا شيء
جت أمل و دنيا و رونيا و جلسن مع أخوانهن
كان وليد يدندن بصوت قصير
سعود: واو يا وليد مشتاقين لصوتك من زمان ما سمعناه
سكت وليد و أرتبك: ما عندي شيء أقوله
سعود: أسمعك تو تنشد
فهد: ألا وليد
أمل: تكفى
جلسوا خوانه يترجونه
وليد: ما حفظت ألا هذي بس بشرط
دنيا: تشرط على كيفك
وليد: ما أبي دموع
كلهم تناظرو بنظرات إستغراب
رونيا: أن شاء الله
تنهد وليد و ما يدري وش يقول يخاف خواته يبكن بس بدا:
ولدي ريحانه وجداني
من أجلك أعزف ألحاني
صوتك دوماً يطرب روحي
و يبدد ظلمت أحزاني
و خطاك على كل طريق إذ تلهو بين الأقراني
تبعث في إحساسي حلماً وردياً يملك أشجاني
إطلالتك الحلوة نور فياض يسري بكياني
و برأة حسك يا نغمي شطي أن دربي أعياني
و عيونك أن شعت بشراً دوماً هي أجمل أوطاني
لو كان بوسعي يا ولدي لحفظتك بين الأجفاني
و جعلتك نبضاً لفؤادي تشدو دوماً بالخفقاني
و جعلتك سراً في صدري لا يتسرب للأذاني
آه يا ولدي معذرةً لا أقدر ليس بأمكاني
يا ولدي ليس بمقدرة فقبل مني فيض حناني
و دعائي لله الباري دوما دوما طول زماني
أن يرزقني الباري برك في كبري أن رق بناني
و كذلك من بعد مماتي أن ينزلني خير مكاني
فسألني الفردوس الأعلى من جنة رب المناني
من أغلى عندي من ولدي ولدي ريحانة وجداني
الكل تفاجأ من أنشودة وليد ندم سعود لإنه طلب من وليد و فهد يقول من قال لي أتلقف و أحاول علشان ينشد أصلاً أنا ملقوف الكل سكت و حاولوا يكونون طبيعين لإن هذا شرط وليد
وليد: وش رايكم؟؟
دنيا: روعه
أمل: من وين سامعه؟؟
وليد: من الجوال بصراحه كلماته روعه بس لا يهمكم الصوت أهم شيء الكلمات
فهد: بالعكس صوتك روعه
وليد: بدون مجاملات
سعود: وليد أخاف يبعدونن و يقولون نبغى الإمام اللي قبل هذا أزين
وليد: لا..... لا تخاف
قام وليد: يا الله مع السلامه بروح لغرفتي
الكل: مع السلامه
بعد ما تأكد فهد أن وليد راح: غريبه ليه هذي الأنشودة خلصت الأناشيد
دنيا: هي اللي كان يقوله بصوت قصير و حنا طلبنا منه يقوله
أمل: بدل ما أنكم تقولون كذا أدعوله أزين
سعود: الله يشفيه
الكل: آمين
..............................
رن الجرس راح وليد يفتح الباب دخل خالد و جلسوا يسولفون ثم أنظم معهم أبو فهد و عياله أُعجب خالد بأهل وليد بيتهم حلوه و بنفس الوقت بسيط كانوا بسيطين و بشوشين و يحس انه منهم
رن الجرس
وليد: منو اللي جاي؟؟
سعود: يمكن ناصر
قام وليد و فتح الباب سمعوا اللي بالمجلس صراخ وليد برا
طلع سعود و رجع يركض: يبه يبه كان يلهث و كلماته ملخبطه ف ........... ف
أبو فهد: وش تقول؟؟
*_*_*_*_*_*_*__*_*_*_*_*_*_*_*_*_*_*
تتوقعون خالد يتزوج جنى الصايعه أو بيرفض مع أنو هذا بيأثر على حياته؟؟
خالد .. بيسافر مع وليد .. وألا أبوه بيكتشف ويرفض؟؟
منو هذا اللي جا لهم وفرحانين فيه لدرجة أنهم ما صدقوا؟؟
الصداقة بتستمر وألا لا؟؟
وليد .. إيش يخبي؟؟
هاي السفر شو مخبية لهم؟؟
وإيش حيصير؟؟
تابعوني يا عسلات ..
محبتكم/
السفاحة:منعطف خطير

&&&& &&& &&& &&& &&& &&& &&&
راح وليد يم بيتهم وأول ما وقف السيارة دق جواله (ماماتي يتصل بك)
وليد: هلا
أم فهد: هلا وليد الله يعافيك جيب معك مكسرات هندية
وليد: سمي أن شاء الله
راح وليد ورجع بسرعة وأول ما وصل دق جواله غمض عيونه (لا كأني ما سمعت) ناظر الجوال (أمولة يتصل بك)
رد وليد: توني موقف عند الباب
أمل: ههه لا تخاف ماني طالبة منك شيء بس كنت بقولك متى بتجي تأخرت على الرجال
وليد: وين أبوي وأخواني؟؟
أمل: موجودين ألا فيصل بس أنت اللي عازمة والمفروض تكون الموجود
وليد: خلاص يا لله مع السلامة
أمل: مع السلامة
دخل وليد الأغراض داخل البيت يوم رجع بيسكر السيارة شاف فيصل مقبل على البيت وقف ونزل من سيارته
فيصل: السلام عليكم
وليد: وعليكم السلام
فيصل: وينك توك ترجع من السوبر ماركت؟؟
وليد: إيه
فيصل: ليه؟؟
وليد: يوم وقفت عند الباب طلبت أمي أجيب أغراض وأنت تعرف الرياض ومشاويره وكمان الزحمة
فيصل: يا الله ندخل
ودخلوا سوا للمجلس
فيصل + وليد: السلام عليكم
الجميع: وعليكم السلام
سلموا على خالد وجلسوا
خالد: الحمد الله على السلامة يا فيصل
فيصل: الله يسلمك ... نور البيت بوجودك
خالد: منور بأهله شخبارك اللحين؟؟
فيصل: الحمد الله بخير شلونك أنت؟؟
خالد: بخير
وليد: وأنا وين رحت له صاير بالهامش؟؟
خالد يناظر وليد وقال بخبث: اللي يتركني أتركه
وليد: زين عندي لك خبر والله بتموت لو بقوله لك أحسن بذّلك عنده
فيصل: وأنت للحين تذل الواحد إذا بغى منك شيء
فهد: وهو يخلي عوايده
سعود: شوف عاد أنت وياه بلا خرابيط أطفال توهم متفقسين من البيض
قاطعة فيصل: ومن كبرك تراك أصغر واحد بالمجلس
سعود: أنا أصغر واحد بالمجلس بس أنا أكبركم عقل
أبو فهد: وأكبر مني عقل
سعود يمازح أبوه: وأنت يبه ليه شايف حالك علينا؟؟
أبو فهد: أقوول ترى أمك ما فطمتك ألا أمس ليش وش ناوي تسوي يوم أنك قاعد تقول أنا كبير؟؟؟
سعود يستهبل: أيوه أنتا اللي فاهمني يا بابا أبي أتزوج
الجميع: ههه
أبو فهد: يا الله يا شباب العشاء جاهز
طلعوا كلهم يتعشون خلص وليد مبكر وراح داخل البيت...
وليد وبأقوى صوت عنده: يمه ..... يمه
أم فهد: أقصر صوتك فشلتنا عند الرجال
ضحك وليد: سمي
أم فهد: وش تبغى؟؟؟
وليد: خالد بينام عندي
أم فهد: تلاقي الفراش بغرفة المفارش
وليد: ما شاء الله عليك يمه كل شيء تحطين له أحتياط
أم فهد: بتنامون اللحين؟؟
ناظر وليد الساعة وقال بنغمة مضحكة: هع هع الساعة 11 ألا ربع
أم فهد: أجل كم كنت تظن الساعة؟؟
وليد: كنت أظنها تسع ونص أو عشر
أمل مرت من عندهم ودخلت المطبخ: هلا وليد
وليد: هلا أمول
قام وليد من الأريكة اللي جالس عليها مع أمة: يا لله أستأذن بروح شوي للمطبخ
أم فهد: براحتك
دخل وليد المطبخ: السلاام عليكم
أمل: وعليكم السلام هلا والله بأحسن أخو بالدنيا
وليد: أخجلتي تواضعي يا أختاه
دنيا توها داخلة: السلام عليكم
ورونيا تمشي وراه: تكفين .... تكفين
لفت دنيا على رونيا: لا تفهمين معنى لا
وليد: وش عندكم؟؟!!
دنيا اللي ما نتبهت لوجود وليد: هلا والله بتوأمي
وليد: هلا بك أكثر
رونيا: هلا وليد ما دريت أنك هنا!!
وليد: وش عنده تتهاوشون؟؟!!
تناظرن وأبتسمن
رونيا: ولا شيء
وليد: ألا وشو وألا ترى بنادي فهد
دنيا: لا .... لا تكفى لاتنادي فهد عاد أعرف فهيد ياقف با البعلوم لحد ما يدري وشو
وليد: قولي لي
دنيا: ما هو شيء لازم شيء بايخ
وليد: حتى لو كان شيء بايخ مستعد أسمعه هاه قولي لي!!!
رونيا: لا ... يا وليد والله شيء بايخ
وليد: ترا بنادي فهد <<< يهدد
دنيا: رونيا تقول يتاخذ معها الكومبيوتر المكتبي حقي معها وأنا رافضة أخاف يجيه شيء
وليد: بسيطة حطي اللي تبين بالذاكرة وأفتحيه بالاب توب حقي أو حق فهد أو حسام أو وائل واللا المكتبي اللي ببيت تيتا
رونيا ناظرت دنيا من فوق لتحت: منة الله ولا منت خلقة خلي كمبيوترك لك ..... أموت وأعرف ليش ما طلعتي على توأمك؟؟ توأمك أحسن منك بمليونين مرة مالت عليك وعى وجهك النحس
وليد: الله ... الله كل هذا الحقد حاملته على دنيا
هدت رونيا شوي(رونيا ما فيها خير إذا عصبت): إيه ياسلام بنروح الأسبوع الجاي لبيت تيتا أحسن مخلوق في الكون
وليد: بنات عندي لكم خبر
أمل بهدوءها المعهود: وشو؟؟
وليد: إذا رجعنا من الشرقية بنجلس بالرياض أسبوع بعدين نروح لل.... توقعو؟؟
رونيا: لمكة
دنيا: لا ما أتوقع لإن أبوي قايل بنروح آخر العطلة واللحين العطلة ما أنتصفت تونا مخلصين التسجيل بالجامعة
أمل: أم ما ندري
وليد: للقصيم عند جدو
دنيا: والله ولهاانين عليهم موت
وليد: تصدقون إبتهال لي خمس سنوات ما شفتها
أمل: صدق؟؟!!!
وليد: والله طبعاً أنا لي سنتين ما رحت لشيء ما تعديت حدود الرياض واللي قبل رحت وسلمت على جدو وأم باسل والبنات ألا إبتهال ورجعت واللي قبلها يوم نروح كلنا وسلمنا عليهم إبتهال كانت عند خواله أنا جلست يوم ومن بكرا رحت لإن المركز كانوا بيسافرون وعلطول رجعت ويقول فهد أنو بنفس اليوم اللي رجعت للرياض جت من خواله وبدور و شهلة وباسل وجدو وأم باسل وتيتا وحسام ودلال و وائل ورنا من سنتين ما شفتهم
دنيا: واو من خمس سنوات مجرم يا وليد يعني فيصل ما شافهم من ثلاث وأنت من ثنتين لا وبعد إبتهال من خمس يا شاطر
وليد: خ أول مرة أشوفك معصبة
دنيا: لا عاد لا تبالغ كل يوم معصبة
وليد: ههه عارف بس أبغاك تعصبين أكثر
دنيا: متكلف
وليد: ههه ههه ههه ههه ههه ههه ههه ههه
رونيا: ليه اليوم بس يضحك؟؟
أمل: عنده طاقة ضحك زايدة
وليد: ههه
دنيا: أنا أدري ليه قريته بعيونك يا وليدووه
وليد: ههه ههه ههه أجل بسكر عيوني ههه
دنيا: وليد أنت مبسوط لإن خالد موجود صح وهذا اللي خلاك بس تضحك أو تضحك على أي شيء ..... وليد أنت بالنسبة لي كتاب مفتوح أقرا فيه كل اللي فقلبك
وليد: خ ما أدري ويش صار معاي بس أضحك يمكن يكون كلامك صحيح!!
دنيا: صحيح وغصب عليك
وليد: أنا أقول يمكن
دنيا: وليد لا تكابر
وليد: خ دنيا شفيك علي
دنيا بعد ما رفع وليد ضغطة: ولا شيء
دخل فهد المطبخ ولا حتى سلم: الحين متى أنت تجي؟؟
وليد: هاه لا بس أنا جيت أجهز فراش خالد
فهد: ما شاء الله أول مره أسمع أحد يجهز فراش بالمطبخ... خلاص لا يكثر كلامك تعال للمجلس وجيب معاك الشاهي لا تنسى يا أخي الكريه .... وطلع
وليد: شفية معصب؟!!
دنيا: مدري
وليد: آخر زمن يرفع صوته على المزيون
رونيا: والله أنك واثق
وليد: إذا أنا ما وثقت من يثق
أمل: أنا
وليد: تحلمين
دنيا: تعال خذ الصينية الحين يجي فهد مو معصب وبس ألا يطقك
وليد: ليه وشايفني أصغر عياله علشان يطقني
أخذ وليد الصينية وطلع
فهد وهو ينزل من الدرج ومعاه أغراض: بدري أنكان تأخرت أكثر
وليد: شفيك اليوم علي؟!!
ناظرة فهد: كيفي؟؟
وليد: لا مو كيفك ليه أنا مسوي لك شيء؟؟
فهد: روح عني روح
ناظرة وليد وهو منقهر ليه حاقرني وراح للمجلس وهو معصب
خالد بصوت أقرب للهمس: وليد إيش فيك؟؟!!
وليد: ما فيني شيء
خالد: ما هي علي!! قبل شوي طالع منا تضحك ورجعت وأنت معصب شسالفة؟!!
وليد: لا سالفة ولا شيء .... بس فهيد خلاني أعصب
خالد وهو مبتسم: هل آخذ الثأر يا سيدي؟؟
وليد: أقول
خالد: قل
وليد: خ والله أنك فايق
خالد: ورايق
وليد: وبالأشغال حايق (يقصد سحوس الأشغال)
خالد: لا عاد والله أني بالأشغال كذا (وهو يأشر بأصبعه)
وليد: ههه أمزح معك يا رجال
سعود: شعندكم تسرسرون؟؟!!
وليد: خويلد يعرف يهديني وأنا معصب خ
سعود: معصب!!! من اللي عصب فيك؟؟
وليد: فهد هو وجهه
خالد: أحلف أن له وجه
وليد: إيوالله
سعود: بصراحة شيء جديد أول مرة أشوف إنسان له وجه
دخل فهد وجلس جنب وليد يوم شاف خالد وسعود وفيصل وأبو فهد ملتهين بالسوالف قال بصوت أقرب للهمس: وليد
وليد: هلا
فهد: آيام سوري ... أنا آسف يا أخي الحبيب
وليد: أنا ما زعلان عليك لكن سين سؤال
فهد: جيم جواب
وليد: إيش فيك معصب؟؟
فهد: أمي تقول بتدور لي بنت
وليد: طيب إيش اللي معصب فيك مو أنت مجهز نفسك بس كنت تنتظر فيصل؟؟
فهد: ألا لكن فيصل زواجه بآخر العطلة وأمل يمكن بالعطلة اللي بعد عيد الفطر
وليد: أمل عارف أنها بعد عيد الفطر لكن فيصل توني أسمعها منك متى صار هالكلام؟؟
فهد: فيصل قال لي أنو أتفق مع ريم وعمي بس ما راح نحط زواج كبير
وليد: ليش؟؟
فهد: ريم رافضة تقول زواج أمل بعده بفترة قصيرة ما يحتاج أحط زواج وفيصل وافق
وليد: يعني ما فيه أبد زواج؟؟
فهد: ألا بس رجال والحريم مختصر بس حنا وهو وعمومتي وخوالي وخواله يعني بس القريبين مثلاً عمة أبوي ما راح تعزم
وليد: آهاا أحسن بعد نرتاح من الحريم والأسواق
فهد: خ هذا اللي هامك
وليد: إيه طيب أنت شو محلك في الإعراب؟؟
تنهد فهد: محلي في الإعراب يا طويل العمر أن أمي تقول نخطب لك ونقولهم الزواج بعطلة عيد الأضحى
وليد: آهاا طيب إيش اللي مضيق صدرك؟؟
فهد: أقصد أهلي إذا هدت الأوضاع بعد زواج فيصل يجي الرمضان وبعدها عيد الفطر إذا هدوا زواج أمل وبعدها صيام شوال وبعدها الحج وعيد الأضحى وبعدها زواجي يعني بتتعب أمي ويتعب أبوي وخواتي وأنتم
وليد: أقول توكل على الله يا رجال وقل لأمي تدور لك وربي بييسر
فهد: شكل أمي موصيتك علي؟؟
وليد: من يحصله الزواج وألا خايف؟؟
لكزه فهد: أقوول أسكت بس
وليد: ههه
فهد: رايق
وليد: بس متضايق
فهد: أفاا إيش اللي مضيق عليك
وليد: أنت
فهد: أنا!!
وليد: إيه أنت يا أخي تزوج علشان تجيب بزران يملون البيت بصجتهم ولجتهم وأشيلهم وأصير عم
فهد: والله يا أنت إنسان حالم بوصيهم ما يقولون لك عم
وليد: عادي بس أهم شيء نشوف عيونهم الحلوة
فهد: عموو وليد ودني للبقالة
وليد: سم يا بابا بوديك اللحين
فهد: ههه
أنضموا للباقين وجلسوا يسولفون
وقف أبو فهد: يا لله أستأذن
وليد: بياله يبه؟؟
أبو فهد: خلاص أنا أنتهيت دايخ مررة
سعود: إيه يبه غريبة ما هي من عوايدك تجلس لحّد هالوقت!!
أبو فهد: إيه أنا جلست علشان عيالي فيصل وخالد موجودين
فهد: وحنا يا حلالي ما لنا شيء؟؟
وليد: لنا الله يا فهد خلاص جا فيصل وخالد أحلم يلقا لك وجه والحبايب موجودين
أبو فهد: والله أنتم عيالي ولكم بالقلب مكانه ثانيه
سعود: قصدك الكره
أبو فهد: خ الله يا خذ عدوك يا سعود الدب
وليد: الله يسلمك يبه
طلع أبو فهد وكملوا الشباب سواليفهم لاحظ وليد أن فيصل سارح
وليد بصوت قصير لفيصل: وين وصلت؟؟
فيصل: هه ... أبد والله رحت عند ريم ورجعت
ضربه وليد عالخفيف بيده: والله أنك ما تستحي
فيصل: بس أنا أقول الحقيقة
وليد: ههه يا حليلك عكس فهد
فيصل: ألا على طاري يا حليلك يا حليله سعود متغير وااجد
وليد: من ناحية؟؟
فيصل: أقصد أنو أول ثقيل دم ويقهر وشايف نفسه والحين ودي بس يسولف
وليد: إيه أخذ خفة الدم مني
رفع فيصل حواجبه: يا واثق إنتا
وليد: ممكن تقولي كيف الطبيعه اللي عشته هناك؟؟
فيصل بحزن: ما أبي أقول اللي صار خلاص صفحه وأنتهت ليه أقلب المواجع؟؟
وليد: آآآسف والله ما كان قصدي لكن مجرد سؤال
فيصل: لا عادي
قام وليد وراح يجيب فراش لخالد (مع أن خالد ما دري أنو بينام عندهم بس وليد يصرف الأمور على كيفه)
كان خالد جالس ما دري ألا والفراش جايه رمي من برا طارت عيونه وما وقعت
خالد: إييش هاذا؟؟؟
وليد: بتنام عندنا
خالد: لا يا شيخ جتنا أمي الثانيه تقولي ترانا خطبنا بنت عمك وأنت جاي تقولي تراك بتنام عندنا ولا مشوره ولا يحزنون!!
وليد: ومن قال أني أباخذ رايك؟؟
خالد: أفاا
وليد: شوف أنا أعرف أنك تحبني وما راح ترد لي أي طلب صح؟؟
خالد: موافق وأمري لله
صرخ فهد بقوه: أويها خالد بيجلس عندنا أويها
فيصل: أسكت فضحتنا
دق جوال وليد
وليد: هلا والله ..... هلا بالغالية
كل الشباب ناظروا وليد
أمل: إييش هذا الصراخ اللي عندكم؟؟
وليد: والله أبوي مسافر ومدري متى يرجع وأن شاء الله أول ما يرجع بنجي نخطبك
أمل: ههه بتسوي فيهم مقلب خخ والله رهيب
وليد: خلاص يالغلا بس أنا الحين عندي ناس ولا أقدر أبعد عنهم كثير
أمل: خلاص مع السلامه
وليد: مع السلامه يا قلبي ..... وسكر
فهد: أفاا مين قلبك؟؟
وليد وكاتم ضحكته ويتكلم طبيعي حتى يصير المقلب أوكشن: أبد والله بس وحده من صحباتي والله عله متى تجي تخطبني تحلم أجي أخطبها ... وأنا مهبول أخطب وحده خاينه أهله
سعود وصار وجهه يتقلب ألوان: ما تخاف على خواتي؟؟
خالد وعيونه للحين ما وقعت: ما سويت سوا بك ما تخاف
نزل وليد بيالة الشاهي: خلون أستانس بشبابي
فيصل: أنت مجنون لا والله أخوي أنجن
الكل سكت وصار المجلس هدوء والكل قاعد يفكر باللي صار هنا أنفجر وليد يضحك: خبول أنتم أنا وليد اللي إذا شاف ظلال حرمه تغطا وهرب كيف تبغوني أكلم بنات ههه واللي توا دقت أمووله تسألن تقول من اللي صرخ خ
سعود: والله هبلت بنا
خالد: حتى ما ضحك ولا شيء
فيصل: ههه والله أنت كذا يا وليد بتسويت المقالب
فهد: فهد غير موجود في الخدمة مؤقتاً فضلاً حاول مرة أخرى خ من هول الأمر لا أستطيع التكلم...
وليد: يا ربنا أستر علينا
فيصل: يا الله أستأذن بروح أنام
فهد: وه أخيراً بتروح
فيصل: وليه قاعد على قلبك أنا؟؟
فهد: إيه
قام فيصل
فهد: أسحبني وياك
مد فيصل يده وسحب فهد
قام فهد وطلعوا سوا ما جلس سعود كثير علطول لحقهم
جلس وليد يعدل فراش خالد ويرتبه
وليد: أعجبوك أهلي؟؟
غمض خالد عيونه وقعد يقارن بين البيتين دايم أتعشى وحدي وألا بالمطعم ولا عمري تعشيت مع أحد من أخواني أو جلست أسولف وياه حتى مهند اللي هو أقرب أخو اني ألا أنو دايم برا البيت
وليد: حوح وين راح الأخ؟؟
خالد: معك بس سؤالك حرك كل تفكيري بصراحة يا وليد فرق بين بيتنا وبيتكم وليد أتمنى أعيش وياكم حسستوني كأني فرد من العائلة مع أني أول مرة أجلس كذا مع أخوانك يعني جلسة طويلة ولا كأني غريب
قاطعه وليد: ومن قال أنك غريب بالعكس أنت عمد من أعمدة البيت ومن رجالها
خالد: الله يسلمك
جلسوا يسولفون لحد الفجر
خالد: أذّن الفجر يعني شلون بنام عندكم؟؟
وليد: ههه تعال بكرا ونم عندنا
ضحكوا على بعض كأنهم أطفال
وليد: ذكرتني بنويصر يوم كان صغير قالت أمه أنهم بينامون عندنا يوم صار الصبح قام يصارخ ويصيح ما نام عندنا يعني الأطفال يظنون أنو النوم بس باليل يا حليلهم
وليد: غريبة سعود ما صحا للحين!!
جاهم صوت من بعيد: ألا صاحي
وطل عليهم: ما نمتوا؟؟
وليد: لا ما نمنا
سعود: أنا طالع ......... وطلع
قام خالد وراح يتوضا وراح وليد لغرفته
بعد الصلاة الكل رجع ونام ألا عينين ما نامت هي عيون تبكي وتنوح وتشاهق تخفي الدمعة نفسها عن الناس وأول ما حست أنو ما فيه أحد نزلت على خدود وليد جلس وليد في السرير وهو يشاهق ويصيح صار وليد يردد موال عراقي حزيين وايد::
عيوني من البواجي أوجعني
عيوني من البواجي أوجعني
رحت الطبيب وصد عني
ما لقى لعلتي دوا
رحت الطبيب وصد عني
ما لقى لعلتي دوا)
آآآآه ليه الحزن صار يبني له بنيان بيكبر هذا البنيان لحد ما يمتلك قلبي يا ربي أرحمني لا حول ولا قوة إلا بالله أستغفر الله وقام وليد يستغفر ناظر الساعة...
/،/،/،/،/،/،/،/،/،/،/،/،/،/،/،/،/،/،/،/،/،/،/،/،/،/،/،/،/
إيش فيه وليد .. وإيش صاير؟؟
وليد .. فيه شيء ثاني إيش تتوقعون يصير؟؟
خالد .. بيتزوج جنى ؟؟
هل راح يكتشف أبو عبد الله الصداقة اللي كل يوم تزيد عن الثاني؟؟
فيصل .. إيش بيصير له؟؟
تابعوني يا قمورات ..
محبتكم/
السفاحة:منعطف خطير
*
*
*
Oo°•الجزء الحادي عشرOo°•
11:30
نزل للدور الأسفل وطل بالمجلس شاف خالد بسابع نومه طلع وليد من البيت وراح لمكان كل مره تتعب نفسية وليد يروح له للمستشفى دخل وليد وطلب أبره مهدئه طبعاً الممرضات ما أستغربوا متعودين عليه بعدها طلع وراح لصيدليه وآخذ حبوب ورجع للبيت لكن ما دخل راح للمسجد اللي قبال البيت دخل المسجد وصلى ركعتين وجلس يقرأ قرآن شاف رجال كبير دخل ومعاه ولد تقريباً بمتوسط يدرس ويساعد أبوه ناظرهم وليد آآه حركوا كل مشاعر وليد ليت أتشافا لكن ليت أداة تمني يعني يمكن يتحقق ويمكن لا تحرك وليد من مكانه وراح قاصد الرجال الكبير لكن جثا على ركبته ودمعة عيونه.... حس وليد أن فيه أحد حضنه وسمع شهقاته الخفيفة ودقات قلبه اللي تضرب بقوة وكأن قلبه بيطلع وحس بدموع اللي حضنه على كتفه ضمه وليد وجلسوا تقريباً ربع ساعة والرجال الكبير والولد يناظرونهم مستغربين دخل المؤذن وتأثر يا ربيي إيش فيهم؟؟
سعود وهو يبعد عن وليد وبنفس الوقت يمسح دموعه: وليد الله يخليك كافي دموع كافي أحزان (ومسك أذانه كافي) .... كافي الله يخليك
أما وليد دموعه شلالات من القهر اللي هو حاسه يكبر
وليد: ما أقدر ... والله ما أقدر
مسكه سعود وقاموا للمغاسل وغسلوا وجيههم
وليد أول مرة يشوف سعود يبكي علشانه مريض لإن سعود ما يحب يضيق صدر وليد لكن اليوم عجز يمسك نفسه
سعود: الله يخليك وليد كافي دمووع وبكا وصياح وأحزان وهموم
وليد: أول مرة يصير معي كذا عجزت أتمالك نفسي وعجزت أمسك دموعي...
سعود: وليد!! أول مرة!! لا حبيبي ما هي علي ولا على أمي وأخوني وخواتي كل واحد يمر من غرفتك يسمع صياحك
سكت وليد بعدين تكلم: إذا كنت مكاني شو تسوي؟؟
سعود: الله يخليك تدري أنك يوم تطلع قبل شوي شفت أمي جالسة على أرضيت الصالة وتصيح سألتها قالت أن وليد طلع يصيح وتقول وهي تصيح أن أي دمعه تنزل على خدك فهي ينزل على خدها دم آآه يا وليد ما شفت شكل أمي وخبرتني أني ما أقول لك شيء حتى ما يضيق صدرك
وليد: أمي ..... أحسن ام بالعالم
ودخلوا المسجد كان فيه فيصل وفهد وخالد أما أبو فهد ما كان معهم لإنو رايح للمركز
حط فهد إيده على خصره وهو يناظر أخوانه
فهد: خيير خير يقولون أنكم قبل شوي مسوين مناحة بالمسجد وش السالفة؟؟
وليد: أولاً: نزل إيدك لإنك تعرفني ما أحب أحد يكلمني كذا لإني أحسه يهاوشني..
فهد: هذا أنا نزلت إيدي وثانياً
وليد: ثانياً: وش دخلك؟؟
فهد: أفاا ما توقعتها منك يا أخوي
فيصل: يا الله تأخرت يا سعود
ألتفت سعود على وليد: الله يخليك خلك الإمام اليوم
وليد: خلاص
أمهم وليد وقرا الوجه الأول من سورة مريم وهو يقراها بكا
حس أنها تكلمه
خلصوا مصلين لف وليد على المأمومين قرب له الشاب اللي كان مع الرجال الكبير
....: السلام عليكم
وليد: وعليكم السلام
......: أنا أسمي فهد وهذا الرجال أبوي
وليد: والنعم فيك وفي أبوك
فهد: بصراحة ضيقت صدري وأبوي ليه أحنا سوينا لك شيء؟؟
سكت وليد بعدها أبتسم ولا عرف إيش يقول
وليد: لا والله ما سويتوا لي شيء بس أنا من اليوم وأنا ضايق وتفجرت بالمسجد لإني عقيم وتأثرت بعد ما شفتك ماسك أبوك وقلت بيني وبين نفسي أنا إذا صرت كبير من يساندني أدعولي بالشفاء
فهد: الله يشفيك وما راح ننساك من الدعاء أن شاء الله
قام وليد وسحب فهد
وليد: تعال أعرفك على أخواني
وليد: سلام شباب
الشباب كانوا جالسين حول بعض و سعود قاعد يقولهم السالفة
خالد: هلا والله....هلا بالغالي
تفجروا الشباب ضحك لإنهم تذكروا مقلب وليد
وليد: عالعموم أنا اليوم جايب واحد سميك يا فهد
فهد أخو وليد: أسمه فهد ؟؟
وليد: إيه
فهد أخو وليد: هلا والله هلا بسميي
قاموا وسلموا على فهد
وليد: هذا فيصل وهذا سعود وهذا خالد (ويأشر على كل واحد فيهم)
فهد: تشرفت بمعرفتكم
الشايب يتكلم بصوت مبحوح يا الله ينسمع وهو بعيد عنهم: فهد
ف هد كح كح كح
فهد ترك الشباب وراح طيران لأبوه
فهد: سم يبه لا تثقل على نفسك بالكلام
ومسك يده وطلعوا وهم على عتبت الباب ألتفت وشاف وليد وخالد يتلاحقون وكل واحد يصارخ على الثاني أبتسم وقال بينه وبين نفسه ليت عندي أخوان
وليد: مع السلامه وتشرفنا بمعرفتك
أبتسم فهد: وأنا كمان
وليد: للمعلوميه ترا خالد مو أخوي بس تقدر تقول أنو أخوي
فهد: يا الله مع السلامه ........ وطلع هو ويا أبوه
طلعوا الشباب وخالد يناقر وليد يبي يعرف إيش صاير دخل وليد البيت وشاف أمه جت له بسرعه: هلا والله بوليدي وش أخبارك؟؟
وليد وهو يبوس راس أمه: هلا بالغالية إذا الغالين بخير أنا بخير
أبتسمت أم فهد وكملت: قل لخالد أنو بيتغدى معنا رضا وألا ما رضا
صرخ سعود: الله .. الله عليك يا أم سعود أنتي اللي عارفه لها عدل
رفعت أم فهد يدينه وتدعي: يا رب أرزق ولدي سعود نعمة العقل
أنفجروا الشباب ضحك على وجه سعود
سعود: أفا وش ذا يمه ليه ؟؟؟ بصييح
أبو فهد وهو يدخل: سلامات وش فيه وليدي بيصيح ؟؟
راح سعود ورمى نفسه على أبوه كأنه طفل: بابا شوف بيقطوني بالزبالة وتقول ماما يا الله أرزقه نعمة العقل
أبو فهد: أطق أمك؟؟
سعود ويعرك عيونه كأنه يصيح: إي إي يا بابا طقها
أم فهد: بتطقني أنت و هالشيبة الله يخلف بس
ضحك أبو فهد وعرف ان أم فهد زعلانه منه دز سعود: أقول رح هناك شوف أمك زعلانه علينا خلنا نروح للمطبخ نراضيها
راح أبو فهد للمطبخ أما الشباب ضحكوا على أبوهم وراحوا للمجلس
الجميع: السلام عليكم
خالد: وعليكم السلام
وليد: أمي تقول قل

Oo°•الجزء الرابع عشرOo°•
((لا حول ولا قوة إلا با لله))
بعد صلاة العشاء في الرياض عند وليد كان وليد متركي على الجدار ودموعه على خده وضام رجوله ولصقها في صدره وحاضنها بيده وحاط راسه على الجدار كانت عيونه تلمع...
وليد(ليه حياتي ضيق نكد آآه بس منك يا الحياة قال إيه قال الحياة حلوة كنت أقنع نفسي بشيء مستحيل يكون) رفع عيونه شاف شلة بنات واقفات يناظرنه مستغربات وش فيه(كان وليد بحديقة عامه) رفع وليد يده ببطء ومسح دمعته لكن ... نزلت ثانيه شاف وليد رجال يركض وخلفه طفله يلعبون سوا(ليه أنا ماراح يكون لي طفل ليه أنا عايش ماله داعي أعيش المفروض أموت)...
دق جواله (خلودي يتصل بك)
حط وليد صامت بعد بفتره قصيرة دق(أموله يتصل بك) ولا رد
بعدها دق جواله(أبو الشباب يتصل بك)
وليد بصوت مبحوح: هلا
جهاد: ليه وش فيك؟؟وينك؟؟
وليد: أنا .. مثل دايم أندب حظي أنا في حديقة*****
جهاد: أنا جاي
وليد: ودوامك؟؟
جهاد: ما بدا للحين
طوط(إنقطع الخط)
رجع وليد لجلسته من جديد بعد بفتره قصيره
جهاد: أأأأبتسم يا رجال
شهق وليد: ما فيه إبتسامة من اليوم أناديها رافضة تجي لي
جهاد: لا تقول كذا يا خوي أبتسم رغم الألم
وليد: الأمل والألم متضادتان بالمعنى لكن نفس الحروف الألم مفتوح طريقة يمي أما الأمل ما أظن
جهاد: أنت اللي فتحته
وليد: من قال ربي خلقني حزيين
جهاد: وليد حرام اللي تسويه بروحك
وليد: لكن هذا هو حظي أتعس الخلق
جهاد: أستغفر الله وليد كن متفائل إن الله يحب الفأل ويقول الله(أنا عند حسن ظن عبدي بي) والظاهر أنك إنسان متعلم وفاهم؟؟
وليد: أستغفر الله ... أستغفر الله
جهاد: تعال
وليد: وين؟؟
جهاد: أول أمسح دموعك وقم واقف بعدها أخبرك
مسح وليد دموعه ووقف وعدل بلوزته(كان لابس بدله)
وليد: وين؟؟
جهاد وهو يمسك يده: تعال
وليد: جهاد أعقل
جهاد بصوت قصير: شوف ذولي البنات مبققات عيونه يناظرننا مدري ليه؟؟
وليد: بس ومقومني حتى تقولي كذا!!
جهاد: وليد تعال مو هذا بس كنت مستغرب
راحوا وقفه جهاد عند مكان ما توقع وليد أنه راح يوديه له
وليد: المسجد!!
جهاد: فضفض لربك أحسن من كلامك للناس السنه زينه
وليد وهو يمسك جهاد بإمتنان: الله يجزاك خير
ودخل المسجد
^*^*^*^*^*^*^
بعد أسبوع في الرياض
وليد: يا هلا بكم بيتكم
فهد: الله يحييك
صرخ فيصل: شو هالحركات يا يبة أنت وأمي ما درينا أنكم مثال للرومانسية
الكل ألتفت لهم
وليد: الله يقطع بليسك عادي تسلم على أبوي أصلاً أمي كل صبح تسلم على أبوي
أبو فهد: كفوا والله وليدي يدافع عني
سعود: أحم ... أحم نحن هنا
أبو فهد: هلا والله بدلوعتي
سعود وهو يقرب حتى يسلم على أبوه: يبه أنا دلوعك مو دلوعتك
أبو فهد: ليتك بنت
سعود: وش قصدك؟؟
أبو فهد: حتى أرتاح منك بعدين تخليني أدفع لك نص المهر
الكل: ههه
فهد: أبوي هذا اللي هامة
أبو فهد: إيه أكيد مو أنتم عيالي
جلسوا يسولفون بعدها تفرقوا كل واحد يرتب أغراضة(هذولي البنات)...
*&*&*&*&*&*&*&
يوم السبت::
وليد: سعود بتسجل معي؟؟
سعود: ودي بس ... المسجد
وليد: قول لعمي أبو عبد الرحمن
سعود: طيب ... نويصر بيسجل؟؟
وليد: أكيد... هذا أنا بدق على هشام
مسك وليد جواله
هشام: هلا والله بنور العين
وليد: الله يحيك أخبارك؟؟
هشام: تمام الحمد الله
وليد: أم بتسجل بالنادي ترا اليوم يبدا التسجيل
هشام: أكيد
وليد: نويصر بيسجل؟؟
هشام: أن شاء الله
وليد: هذا أنا وسعود بنطلع
هشام: حتى حنا يا الله مع السلامة
سعود: نويصر بيجي؟؟
وليد: إيه
^*^*^*^*^*
بعد أسبوع الأهل بيروحون للقصيم
أم فهد: يا الله يا بنات يا الله يا شباب
أمل: وليد ... خالد بيروح؟؟
وليد: لا عنده شغل مع أبوه
وليد بسيارة وأهله بسيارة
ركبوا السيارة وطول الطريق سواليف وهبال دخلوا القصيم وأول ما
دخلوا بريدة...
وليد: واو مشتاق لبريدتي حيل
و بدا ينشد::
للغلا يا بريده بقلبي مكان
لو دريتي به عرفتي موقعك
حب يجذبني لشوفك من زمان
بعد شوفك صرت أحسك وأسمعك
يا بريده يا بريده كيف أوفيك بقصيدة
أهلها ما يعرفون ألا الوفاء
صادقين ومحسنين ومخلصين
واضحين بكل شيء ما شيء خفا
كيف ما دام جمعوا دنيا ودين
يا بريده يا بريده كيف أوفيك بقصيدة
من هنا أول غلا ما ينتهي
ومن هنا آخر كلام ومن حكا
لو سألت كل شخص يقول هي
ليه أجل من فارق بريده بكى؟؟
يا بريده يا بريده كيف أوفيك بقصيدة
::في السيارة الثانية::
سعود: يا ناس أحبها أموت فيها ليه مدري؟؟
فيصل: أهلها واجد طيبين يكفي أنو جدي طلع منهم
فهد: أن شاء الله شهر العسل سأقضيه هنا
أمل: لا تكفى روح للشرقية علشانه بحر والبحر هو قمة الورمانسية
فهد: يعني لازم بحر؟؟
فيصل: روح فيها للمكة أو جدة أو ينبع أو جزر الواق واق
الكل: ههه
فهد: أخاف تخرع خ
أم فهد: إيه أم الجيران الجدد عزمتني بس قلت لها أننا بنسافر شكلها طيبة...ذكروني إذا رجعت أدق عليها
الجميع: إن شاء الله
^^%^^%^^%^^%^^
وصلوا بيت أبو حسام
باسل: مين؟؟
فهد: أنا فهد أفتح
باسل وهو يفتح الباب: تفضلوا
دخلوا وطلعت أم باسل(زوجة أبو حسام): هلا والله باللي لفانا
أم فهد: الله يحييك
دخلوا البنات قسم النساء والرجال راحوا لقسم الرجال لإن أبو حسام عنده ضيوف...
فيصل: السلام عليكم
أبو حسام: هلا والله بولدي
راح له وحضنه وراح لوليد وسلموا على بعض وحضنه
أبو حسام: أخبارك؟؟
وليد: بخير الحمد الله
أبو حسام: تفضلوا حياكم الله
دخلوا وسلموا على الرجال وجلسوا
//عند البنات//
كان عندهم خالتهم وبناتها مسويات فيها خفيفات دم وكثار(قولوا ماشاء الله خ)....
أمل: شفيك؟؟
شهلة: آآخ بس ودي أذبحهن
بدور: عيب عليك لا تبينين لهم
شهلة: أوف
إبتهال: سلام
دنيا: هلا بك
إبتهال: دنيا وليد تغير؟؟
دنيا: مدري أربع وعشرين ساعة قدام وجهي ما راح آلاحظ
إبتهال: وفيصل؟؟
دنيا: إيه متغير...تقول تيتا أنو وليد متغير أكثر من فيصل
إبتهال: تصدقين أني ما شفت وليد من خمس سنوات
دنيا: إيه ذاك اليوم قال لنا شوي ونكفخه
إبتهال: ههه ما عندكم تفاهم؟؟
دنيا: أبداً
@$@$@$@$
طلعوا الناس اللي عندهم
أبو حسام: بروح عندي شغلتين بزينهن وأرجع أدخلوا ما بوه أحد
فيصل: الله يجزاك خير كلفناكم
أبو حسام: لا يا وليدي ما كلفتونا ولا شيء
فتح وليد الباب ألا وإبتهال قباله علطول بعدت عن الباب ووليد سكره (كانت تضن أنه ولد خالتها وهو يضن أنه وحده من بنات خالتها)...
سعود: ليه ما تدخل؟؟
وليد: فيه أحد
سعود: من قال؟؟
وليد: أنا شفت
سعود: الحين أبوي يقول لك ما فيه أحد وتقول أنا شفت
فتح سعود الباب
سعود: السلام عليكم
الجميع: وعليكم السلام
سعود: أدخل ما فيه أحد
وليد: السلام عليكم
الجميع: وعليكم السلام
أبتسمت إبتهال .. قربت من دنيا وقالت بهمس:
كنت أظن وليد واحد من أولاد خالتي خ
دنيا: ههه وهو سكر الباب
إبتهال: ههه إيه
قامت إبتهال وسلمت على سعود وبعده وليد ثم جوا فيصل وفهد وسلموا عليهم..
وليد: أخبارك يا خالة؟؟
أم باسل: بخير دامك بخير
وليد وهو يلتفت على البنات: أخباركم بنات؟؟
بدور: تمام الحمد الله
وليد يصارخ: باسل
باسل: نعم؟؟
وليد: تعال
باسل: طيب
جلس جنب وليد
وليد: منو أنا؟؟
باسل: مدري بس أنت أخو فهد وفيصل وسعود
وليد: أنا وليد
باسل: وليد
وليد: إيه...بأي صف تدرس؟؟
باسل: السنه الجاية أصير بثاني
وليد: ما شاء الله عليك بطل
باسل: عيال الحارة بس يكفخوني علشان أنا مالي أخوان
وليد: قل لفهد ترا هو قوي
باسل: بروح أقوله
باسل: فهد .. فهد ... فهد
فهد: هلا وش تبي؟؟ من اللي مشغلك إسعاف
باسل: أنت قوي؟؟
فهد: إيه
باسل: عيال الحارة يكفخوني لإن مالي أخوان تعال كفخهم
فهد: أكفخهم!!لا أنا ما أكفخ أحد من قال لك أني قوي؟؟
باسل: وليد
فهد: وليد
وليد وهو يحرك الشاهي بالملعقة: هلا
فهد: ما شاء الله عليك مثال البراءة
وليد وهو يرفع راسة: وش أنا مسوي؟؟
فهد: ما سويت شيء بس قاعد تحرض باسل علي
وليد: ما قلت شيء
فهد: إيه صرف
الكل: ههه
أمل: فهد وش اللي حارق رزك صرف باسل بأي شيء
فيصل: أصلاً هو من زمان ما هاوش أحد ووده يناقر مع أية أحد لو مع بنوتة بدور
وليد: بدور شسمها؟؟
بدور: روعه
وليد: عطيني إياها
مسكها وليد: يا حليلها صغيرة
فيصل: عمرك شايف طفل كبير
وليد: ههه خوذي بنتك لا تطيح
أخذتها بدور
وليد: ما فيه كتالوج عشان أتعلم طريقة مسك الطفل أخاف يطيح مني ولد فيصل ههه
الكل: ههه
دق جوال وليد
وليد: هلا والله وغلا بالغالي
خالد: أخبارك يا حلوو؟؟
وليد: تمام الحمد الله أنت أخبارك وشغلك؟؟
خالد: ما شي الحال تصدق ان أبوي شاك فيني
وليد: جد والله كيف عرف؟؟
خالد: يا حليلك يا كثر معارف أبوي
وليد: آهاا
خالد: أخبار جدك واهلك؟؟
وليد: الحمد الله بخير ... ترا وحده من خالاتي حول الزواج تبيها؟؟
خالد: لا توني صغير
وليد: كل هالطول وهالعرض وصغرنوط
خالد: أقول مع السلامة المكان أنحظر(يقصد أن واحد من أهله دخل)
وليد: مع السلامة
فهد: خالد؟؟
وليد: إيه...يسلم عليكم
دخل أبو حسام
وليد: هلا وغلا تفضل مكاني
قام وليد
أبو حسام: لا يا وليدي لا تقوم
وليد: حلفت أن تجلس مكاني
فيصل: وليد أفهمها يبي يجلس عند خالتي أم باسل
أبو حسام وهو يضرب فيصل خفيف: لا تفضح بنا
فهد: ما شاء الله عليك صاير تفهم لامور المتزوجين يا فيصل
فيصل: ههه
أما وليد جلس بين البنات
وليد: بجلس بينكن حتى ما تسولفن بشيء يمين يسار
أمل: يا ثقل طينته هالولد
شهلة: يبة أبي أغراض من صديقتي ممكن تجيبها لي؟؟
أبو حسام: والله أني مشغول ولا أقدر...يا الله بروح أخذ لي غفوة وإذا أذّن المغرب صحوني
أم باسل: أن شاء الله
وليد: شهولة شفيك عاقدة حواجبك؟؟
شهلة: مقهوورة ليه أبوي ما يجيب لي الأشرطة؟؟
وليد: وش أشرطته؟؟
شهلة: لا تضحك علينا بس أنا وصديقتي نشتري أفلام كرتون جميع وحنا ما شفناها
وليد: أنا أحب أفلام الكرتون خلاص أوديك؟؟
شهلة: بسأل أمي
راحت شهلة ودقايق ورجعت وهي شايلة عباياتها
شهلة: يا الله
وليد: تعرفين وين بيتهم ترا أنا مو ذيك المعرفة بالقصيم
شهلة: إيه أعرف
ركبوا السيارة
شهلة: الله يعافيك ما كنت أبد مأملة أني بروح
وليد: عندك وليد وما تروحين
دق جوال وليد(أبو الشباب يتصل بك)
وليد: هلا وغلا وصحن حلا
جهاد: أخبارك؟؟
وليد: تمامون وشلون أبو دانيت؟؟ودانيت أن شاء الله بخير؟؟
جهاد: الحمد الله طيب خ تقول أطفال
وليد: أخبار المستشفى وبسام ومشاري؟؟
جهاد: بخير ... وليد أنت بالسيارة صح؟؟من وراك؟؟
رفع وليد عيونه شهق: جهاد مو معقووله
وليد وهو يوقف على جنب
وليد: شوي بس صديقي وراي
ألتفت شهلة ألا وتشوف ذاك الرجال اللي يطيح الطير من السما سبحان الله ما كأنه عربي صح هو جميل لكن جمال العرب أحلا...
وليد: جهود ما توقعتك بتجي للقصيم
جهاد: لا والله كنت جايب الأهل وأخذت إجازة
وليد: الله يحيك أول مرة تجي صح؟؟
جهاد: آآآخ يا وليد أثّرت علي قسم با الله من دخلت بريدة ألا ويبدا قلبي يرقع بقوة أحسني مشتاق لها وأنا أول مرة أزورها كنت أضنها بيوت قديمة لأنهم دائماً يقولون أنك إذا دخلتها كأنك بعهد الصحابه ما توقعتها بهذا التحضر وألا البرج اللي بها بنايته دقيقة جداً يا أخي تجنن
وليد: متى وصلتوا؟؟
جهاد: من ساعه بس جلسنا نتمشى ألا وأشوفك قدامي من الحرمة اللي معك؟؟
وليد: صديقتي
جهاد: وليد
وليد: لا تصدق
جهاد: يا الله مع السلامة
وليد: يا الله مع السلامة
وتفرقوا....
وليد: سلام
شهلة: يمة توحشت لحالي
وليد: بس حبتين مع صديقي ورجعت
شهلة: كيف تتعامل معه؟؟
وليد: مثل مع باقي الناس
شهلة: لا أقصد أنك تكلمة بالإنجليش أحسها صعبه
وليد: ههه لا هذا سعودي
شهلة: صادق لا والله أحسك تكذب حتى أسمة جهاد
وليد: لا حبيبتي جماله أجنبي غريب بس جاوبين بصراحة من أحلى أنا ولا هو؟؟
شهلة: مدري ما دققت بشكلة يعني شفت الظاهر بس
وليد وهو يشد على خدة: فديتني
شهلة: ههه أبوك يالثقة
"؛"؛"؛"؛"؛"؛"؛"؛"؛"؛"؛"؛"؛"؛"؛"؛"؛"؛"؛"؛ "؛"؛"؛"
إيش تتوقعون يصير لهم؟؟
جهاد .. شخص له أثر بحياة وليد .. إيش بيسوي له؟؟
خالد .. صديق وليد .. راح تستمر الصداقة أو لا؟؟
فيصل .. هل بيتم الزواج على خير أو لا؟؟
تابعوني لا تروحوا بعيد!!
محبتكم/
السفاحة:منعطف خطير