رواية تعصف بنا الدنيا ونصمد لها وقوف أحبك أنت رواية تجن

(الجزء العاشر )
بالحوش كانت تنتظر البنات يطلعون .. الحين لها شهرين وزيادة عقب ماتطلقت .. تذكرت الزوبعه اللي صارت .. تذكرت يوم راح راشد ومساعد لنايف ودخلو عليه في البيت وظربوه ظرب ماخلو فيه عضو سليم .. وحتى ابوها اللي نادرا يطلع من البيت طلع وراح لابو نايف ورمى الجوال بوجه نايف بغى يكسر راسه قدام ابوه وام نايف جت لام راشد واعتذرت وحاولت في غادة ترجع لكنها عيت ولا اعطتها أي مجال تزيد في هالموضوع ..
وزيادة على هذا كانو بيفتحون محظر على هالقضية لكن غادة طلبتهم يوقفون ولا يسوون شي يكفي اللي جاه بيعطيه درس ورد لها اعتبارها ..
ماتعرف شلون تشكر اهلها على هالوقفه .. الحين صدق زاد يقينها انهم فعلا يعتبرونها بنتهم ولا لو كانو يعتبرونها شي ثاني وبس احساس الشفقه هو اللي يخليهم يعاملونها كذا .. كان ماسوو هذا كله
تذكرت يوم دخلو عليها اخوانها وثيابهم متقطعه والدم ماليها وشلون قعدت تصيح من الخوف ماكانت تدري انهم راحو يظاربونه .. ولا تنسى كلمة راشد يوم زعلت عليهم وهي تبكي مرتاعه قالها لو ما طلعت دمانا ما نعتبر اخذنا حقك منه ..
صارت تبكي ألم وحزن وفرح ان ربي ماضيعها وحطها بين ناس يمكن عيشوها عيشه احس من اللي كانت عايشتها ..
: بو وه
انتفضت غادة والتفتت ورى تشوف مصدر الصوت : يالدبه رووعتيني
مرام : هههاع اللي ماخذ عقلتس يتهناا به
غادة بقهر : خليه يتهناا به وش عليك انتي
مراام : شفف وتقولينها بوجهي صدق ماتستحين
غادة : اقول وين البنات
مرام : الحين جايين
غادة : مشتااقه لريموه الخايسة من تزوجت وهي ناسيتنا
مرام : وانتي الصادقه نست كل العالم عاد لو تشوفينها اذا قعدت معنا صايرة تمثال اسم انها جالسة وعقلها طاير عند رجلها
غادة : ههه ياحبيلها خليها الله يهنيها دامها مرتاحة براحتها تسوي اللي يعجبها خل ادق عليها
دقت عليها وحطت ع السبيكر
ريم : هلا والله
غادة : اهلين السلام عليكم
ريم : وعليكم السلام حيا الله هالصووت
غادة : الله يحييتس ويبقيتس وش اخبارتس يالقاطعه
ريم : بخير الحمد لله وش اخبارك انتي
غادة : مشتااقيين يالدببه منتب ناوية تجينا
ريم : والله حتى انا اكثر ودي بالجيه وبشوفتكم
غادة : زين تعالي ماتقدرين تجين الحين ترى مرام عندنا وديمه بعد تعالي بنفلها وبنطلع للحديقة
ريم : صدق والله
غادة : اجل امزح عليك
ريم : ههه تقلعي لا تطنزين
غادة : زين خلصينا بتجين ولا لاء
ريم : ام لا ماقدر خلوها يوم ثاني
غادة : ماتنعطين وجه والله خسارة الوقت اللي ضاع علي وانا ابربر بدون فايدة يالله تيرن يور فيس ولا فكرتي تشتاقين لنا تراك تدلين البيت مع السلامه
ريم تصارخ : تعالي يالشينه اقوول
غادة : انا اللي اقول مع السلامه
وصكت الخط بوجهها
مراام : تستاهل ههه
غادة : ياربي تقهههر حتى بالمعهد ماتقعد من تخلص الكلاس وهي ناقزة
لي بالشارع
مرام : خل نطنشها عشان تعقل
اقبلو البنات ديمه ومها
مها : مرام تقلعي على ذاك الكرسي
مرام : شفف وش هالذووق انتي اللي تقلعي عليه تقوميني من مكاني وقدامك الكراسي فاضيه .
مها : حراام مراام انا تعبانه وبعدين هذاك بعيد عني بيتعبني
مرام : حتى انا مثلك الحركه تتعبني يعني دبري عمرك
غادة : مها بلا عجز روحي اسحبيه وتعالي
مها : اف ديمو حبيبتي جيبي لي كرسي ولك بعد
ديمه : انا مابي بقعد ع الطاولة عشان كذا روحي جيبي لنفسك
مها : صدق انك خايسة الحين لو صار فيني شي تراي بقول ديمه والبنات السبب
مرام : ههه الله يعين عليك بس هذا وانتي توك بالشهر الثالث اجل لا صرتي بالتاسع وش بتقولين شكلك بتخلينا ندفك بالعربية
مها : انطمي بلا طنازه ولا يكثر تراك انتي بعد مكبره خشمك ومدلعه عمرك وانتي مابعد خلصتي الشهر الاول
غادة : هههالله يعينكم والله انتم مشاكل والمشكلة بتطيحون في كبدي انا وياديمه
ديمه : والله انك صادقة عاد مها بلحالها عن عشر حوامل
مها : زين بنشوف لاتزوجتو وحملتو وش بتسوون
ديمه : الله لا يقوله نصير مثلكم لا ان شا الله
غادة : لانك تدرين محد بيعطيك وجه
مرام :ههه جبتيها
مها حست بالياس وراحت تسحب لها كرسي يوم قعدت قالت بزعل : تشوفون والله لو ولدت ما اخليكم تمسكون بزري ..
غادة : ابركها من ساعه ريحتينا
مها : زين بنشوف ذاك اليوم بتتمنين تبوسينه وتلمسينه
غادة : مالت لا يصير ولدك نازل من السما
مرام : بس انا بتعطينياه صح بصير خلاص واصله عشان كذا لازم اتعلم عليه
مها : نعم حلمي ولدي موب أداة تدريب لو تمووتين ما اعطيتك اياه
ديمه : ههه الله يستر وش بيطلع هالبزر
في هالاثناء انفتح باب الشارع ودخلت حرمه متغطية .. اتجهت انظارهم لهالحرمة .. من تكون ..؟؟!
شافوها متجهه لهم وتعجبهم كلماله يزيد وش جابها ورى مادخلت جواا
لكن الحرمة مشت وهي تعرج !! الين وصلت لهم وجلست بالنص بينهم حتى من دون ماتفتح الغطا .. تناقزو البنات من الخوف وقامو يصارخون ويسمون يمه
شوي وفتحت الغطاء وهي ميته ضحك ..
وبصوت وااحد : ريم
ريم : ههه ههه اه بطني لييت معي كميراا اصور اشكاالهم يالخوافاات
بعد ما استوعبو البنات الموقف انفجرو يضحكون وكل وحده طاحت بمكان
غادة : ههه يالبايخة مووتينا خووف حسبتك عفريته
ديمه : ههه انا قلت وش هالبرميل المقبل علينا
ريم : برميل وجهك يالخايسة
مرام : ههه ياربي قسم بالله شكلك يفطس ضحك انتي وهالمشية صدق عرفتي تضبطينها
غادة : شوفو الناس هذا وهي بالسادس وتستهبل وانتم اللي بالاول واللي بالثالث وقالبين الدنيا فوق تحت كأن محد حمل بهالدنيا الا انتم
مها : الناس اجنااس هي جسمها يتحمل
ديمه : اقول لا يكثر مسويه فيها رقيقه ماتتحمل شي وانتي اجفس من خلق ربي
ريم : الحين بدال ماترحبون فيني قالبينها طقاق
غادة : الا صح شلون جيتي يالشينه تلعبين علي يوم تقولين منب جايه
ريم : قلت ابيها مفاجأه اصلا كنا بالسيارة رايحين نشتري اغراض للبيت قلتله يحطني عندكم ويروح يقضي مشاويره لاخلصها يرجع لي
مرام : زيين وافق الله يعطيه العافيه
ديمه : ياي وناسه اخيرا اجتمعنا
غادة : خل نطلع الحديقه فيكم حيل
ريم : اييه تكفوون تراي تحمست اجي اكثر يوم قلتي الحديقه
مها : اوه تعب يابناات
غادة : قومي بلا عجز يالله ترى موب دايم تتكرر هالجمعه
مرام : صادقة والله خل نغتم الفرصه
ريم : زين يالله انا بروح اسلم على خالتي وانتم قومو جيبو عبيكم
قامو البنات يلبسون عبيهم وريم دخلت تسلم على ام راشد .. وعقب ما استاذنو طلعو للحديقه ............
بالحديقة فارشين الفرشة وجالسين عليها والجو عندهم وناسة
ديمه : مها تذكرين يوم كنا صغار كنا نجي لهالحديقة داايم وكنت اترجاك تلعبين معي وانتي تعيين علبالك انتي وجهك مدري وش مكبره خشمك عليه
مها :ههه كنت اكرهك ياختي أحسك شريرة مادري ليه
ديمه : الله اكبر يالحبيبة انتي لا والله قولي من حبك للعيال لازقة فيهم اربع وعشرين ساعه عاد وليتهم يعطونك وجه الا يدبغونك دبغ الحمير
مرام : ههه حلوه دبغ الحمير
مها : ضحكتي بلا ضروس ان شا الله والله.. هذا المستر عمر وزوجك المصون هم اللي كانو متبلين علي
غادة : الحين انتي ناشبة فبلعومهم وماتبينهم يسوون بك شي
مها : اصلا انا كنت اجيهم مب عشان سواد عيونهم
ديمه : أجل ؟؟!!
مها حست بالوهقه وش تقول كنت اجي عشان سلمان قوية .. : كنت اجي عشان عشان .. يعني تعرفين شلون كنت متعلقة براشد اخوي عشان كذا كنت ماحب ابعد عنه
ريم : ياعييني عالحب اللي ينقط
غادة عرفت ان مها توهقت فغيرت الموضوع بسرعه : ماودكم ندخل البحر نلعب شوي
ديمه : ايه تكفين والله فبالي اقول بس قلت بيفشلوني هالعجايز
ريم : عجوز رجلك الحين حنا عجايز اجل انتي مثلنا تراك نفس العمر
ديمه : لا حبيبة ألبيي انا توني كتكوته من ادخل القفص الفضي مدري الذهبي حقكم واحمل ذيك الساعه بصير عجيز
مها تلوي فمها : مالت
غادة تبي تقهرهم : يالله ديموو خل نقوم ننبسط ونخلي العجايز يتمتعون بالطبيعة الساحرة
ديمه تقوم : صادقة خلهم يشمون هوا يوسعون الشعب الهوائية
مرام : ياشين اللي يبون ينكتون ومب عارفين
غادة : غيرانه الشيخة
مرام : اذلفي ذالفوف
مشو ديمه وغادة للبحر بعد مافصخو جزمهم وقامو يركضون بحرية مطلقة وما كأن بهالمكان غيرهم .. وعيون البنات عليهم ...
وبيني وبينكم كانو منقهرات يحسون بالغيرة منهم ..
فجاة تعكرفت غادة بعبايتها اللي فلتت من يدها اللي كانت رافعتها .. وطاحت على وجهها هنا ارتفعت اصوات البنات بالضحك مستانسين ان غادة طاحت حسو بروح الانتقام
ديمه : هههاي فشلتينا قدامهم الله يفشلك
غادة : ههه فششلة آآآآآآآآآآآآآآآآآآآآي رجلي انعكفت تعوورني
ديمه : شكلك يفططس ظحك هههع
جاهم صوت مها من بعيد : حلال عليكم
غادة بقهر : تيرن يور فيس
ديمه : ههه توك مانسيت هالكلمة
غادة : نااشبة فبلعومي عجزت انساها
ديمه : غدووش قومي عشان مانتفشل قدامهم خل نلعب
غادة : رجلي تعورني مدري وش جاها بس بقوم مابي ننكسح قدامهم عطيني يدك قوميني
قامو يمشون اتجاه الشاطي وقعدو يلعبون من قلب ويرشقون بعض بالموية ويطيحون بعض و غادة نست الوجع مع اللعب ودخلت جو....
حتى العجايز تحمسو معهم وقامو ووقفو قدام الشاطي يطالعون وريم تهورت ونزلت معهم للبحر بس كانت مغمسة رجولها بالموية بدون ماتلعب
ومها ومرام يتحرقصون خايفين على انفسهم << بزارين وحملوهم خ
بعد مرور ساعتين جا رجل ريم وخذاها وعقبها رجعو البنات البيت وقعدو الين جا مساعد وراح مع مرام وبعده بكم دقيقة جا عمر ياخذ مها وديمه ...!
غادة واقفه عند الباب تودعهم : يالله انتي وياها خلصوني تقلعو
مها : شف هذا وتوك قبل شوي تقولين نامو عندي الحين طلع الوجه الحقيقي
ديمه : انا كنت ابنوم عندك بس هونت دامك طردتيني انا مشاعري ماتتحمل الاهانه
غادة : زين الحمد لله ان مشاعرك ماتتحمل الاهانه ولا كانت ابتلشت بك
ديمه : ويه وجع ان شا الله
غادة : ههه بالعدو يالخايسة لا تدعين علي
وهنا دق عمر البوري بطريقة مزعجة تبين انه عصب
مها اختبصت : يالله بسرعه ديموه ياويلنا منه
ديمه : وش فيك طيب يالله بنطلع شوي شوي على نفسك
مها : انتي ماتعرفين اخوك متوحش والله لو يعصب هالمره مدري وش بيستقبلني فيه بالبيت
غادة : ههه بيجيبلك هالمرة بعير
صرخت مها من الروعه ومايشوفون الا غبارها وديمه ودعت غادة ع السريع وهي ميته ضحك على مها اللي تعقدت من عمر من عقب ذيك المره اللي طلع لها الضب فيها
سكرت غادة الباب وهي تضحك على خبالهم ورجعت تمشي ببطئ بعد ما اختفت الابتسامه من على شفايفها .. الحين راحو ..وش بتسوي ..؟؟!
تستانس لا جو البنات وتتمنى انهم ما ينقطعون بس تدري ان هالشي مستحيل لانهم عندهم مسؤليات وازواج وهي مقدرة هالشي .. وصلت لباب المدخل بتدخل وتفاجأت براشد واقف قدامها ...... وواضح عليه واقف من زمان .. !
شهقت غادة من الروعه وغطت وجهها بسرعه
راشد يبي يتدارك الموقف : راحو البنات
غادة : ايه توهم طلعو .............
كان واقف قدامها حاس بارتباكها .. مايدري ليش مايبي يتحرك .. كان يتابعها من كانت تودع البنات .. ويسمع ضحكاتها وتعليقاتها معهم .. وشافها عقب ماطلعو شلون تبدلت ذيك الابتسامه وحل مكانها الحزن والهم .. مايتحمل هالشي يصير
جاه صوتها : مم مكن أبي ادخل ؟
راشد ابتعد عن طريقها ببطئ : تفضلي
وصلت لنص الصالة وراشد بمكانه ماتحرك ..
غادة
وقفت غادة من سمعت صوته .. والتفتت عليه
: هلا
راشد : ودك تطلعين
غادة مستغربه : وين ؟؟
راشد : أي مكان ... .... اللي تبينه
سكتت شوي عرفت انه حاس فيها .. عمرها ماراح تقدر تخبي عنه شي
ابتسمت من خاطرها : تسلم ماتقصر الله يعطيك العافية بس طلعت مع البنات
للحديقة وتوي جاية منها قبل شوي
راشد : عادي لو تبين تطلعين مره ثانية اطلعك انا ماعندي شغل
غادة : لا والله ما ابي اصلا فيني النوم ودي اخمد
راشد : على راحتك بس لابغيتي تطلعين لمكان قوليلي باي وقت انا حاظر
خنقتها العبرة وقالت بصوت واطي : ان شا الله .. تصبح على خير
ومشت بسرعه متجهه لغرفتها .. تعاملهم معها يصيحها .. احيانا تتمنى انهم فعلا اخوانها ماتبي تفقدهم .. ماتبي تغيب عنهم .. حبتهم ..حبتهم كثير .. هالايام تعلقها فيهم بزيادة .. خاصة عقب ماشافت الحب يطلع من عيونهم من كل فرد بهالعايلة ... عشان كذا عاهدت نفسها ماتبعد عنهم لين يفرق بينهم الموت وأهل غيرهم ماراح تفكر فيهم..
* *
بالمعهد :
ريم : غدووش روحي اشتري لي فطور
غادة : لا قومي معي تدرين اني اخاف ادخل بلحالي
ريم : والله تعبانه ماقدر اتحرك
غادة : اصبري بعد ربع ساعه بقوم اذا بدت الكلاسات عشان تخف الزحمة
ريم : طيب بنصبر وامرنا لله
غادة : اقول ريم رجلك خلاص بيستقر هنا
ريم : والله ماعرف بس ما اعتقد لان اهله كلهم بالسعودية يعني بيخلص دورته وبيرجع
غادة : لا حراام
ريم : ليه عادي وانتي مصيرك ترجعين
غادة : وش دراك يمكن ما اشم هواها الين اموت
ريم : يالشينة لا تفاولين بالشر .. ان شا الله تروحون لها وقريب بعد
غادة : الله يسمع منك انا نفسي بس اعتمر ودي اروح لمكة ماتتصورين شكثر اتمنى هالامنية
ريم : الله يحققها لك قرييب يارب
غادة : اللهم اامين
ريم : غادة
غادة : هلا
ريم : ماتحسين انك احسن من اول .. ماتحسين بتحسن
غادة : الا الحمد لله كثيير
ريم : الحمد لله طيب شلون
غادة : تعرفين ياريم اني احيانا وانا منسدحة بنوم تجي في بالي صور اشخاص بس ماعرف منهم .. صور اماكن وشوارع حتى اني بعض الاحيان يمر في بالي اصوات ناس احس انها ميب غريبة علي لكني في نفس الوقت مادري وش هاللي اشوفه واسمعه او منهم هذولي
ريم بفرحة : غادة هذي بشرى خير يعني انك بديتي تسترجعين شي تدرين هاللي تشوفينهم اكيد اهلك والاماكن اللي تشوفينها اكيد المكان اللي كنتي عايشة فيه
غادة : تدرين قلت لراشد فرح مره وقال يبي يوديني المستشفى بس انا عييت وحلفت ما اروح
ريم : ليه حراام عليك ليش انتي كذا كان رحتي بس كشفتي عشان تشوفين وش التتطورات
غادةة : ماابي يا ريم المستشفى يكرهني بنفسي يجيب لي الكآبة خليني كذا انا مرتاحة .. يمكن فقدي للذاكرة خير لي من اني اذكر الماضي .. تعرفين صح اني اتمنى ان الله يشفيني بس بنفس الوقت اخااف .. اخاف انصدم من شي اخاف يكون سبب وجودي هنا شي يصدمني مادري وش بسوي وقتها
ريم : ليش انتي تتخيلين الاسوأ ليه ياغادة احسك بديتي تضعفين اول ماكنت كذا .. اول كنتي قوية مايهزك شي اما الحين الاحظ عليك دايم تحبطين نفسك لا ماتعودناك كذا .. تعودناك غادة اللي نستمد منها قوتنا رغم كل اللي يدور حولها ... غادة تكفين خلك مثل ماكنتي لا تتغيرين ماراح تقدرين تواجهين الحياة الا بالقوة والتوكل على الله والتفائل .. تفائلي غدوش وثقي بالله وتذكري قول الله ( أنا عند حسن ظن عبد بي )
غادة كانت تبكي بصمت وهي تسمع كلمات ريم .. كلماتها جت في الصميم .. لامست كل ذره بجسمها ..
حطت ريم يدها على كتف غادة وبابتسامه صادقة : ماراح اقولك لا تصيحين لاني اعرف وش اللي بصدرك من الضيقة والكبت .. ابيك تصيحين عشان تفضفضين
غادة تمسح دموعها : أحس اني متشوشة وضايعة ما أحس بأي نوع من الاستقرار
ريم : مابعد الضيق الا الفرج واحمدي الله ان عوضك بهالاهل اللي نادر مثلهم ولا انك صدق ضعتي وطحتي ضحية ناس مايخافون الله
غادة : الله لا يحرمني منهم .. اللي سووه لي عمري ماراح انساه طول حياتي
ريم تمسك يدها : يالله تعالي اغسلي وجهك وعقبها نشتري لنا فطور
غادة : اقعدي انتي بروح دورة المياة وبشتري الفطور واجي
ريم تقوم : احمدي ربك اني تنازلت اجي معك
غادة : خلك على كبرك لا تتنازلين ياماما بروح بلحالي
ريم : ههه صدق انك دبه
غادة: الله العالم من الدب شكلك تحكين عمرك
ريم : هين الله يوريني فيتس يومن جميل واقطعتس طناازة يالمسمار
غادة : ههه بنشوف
طلعو الثنتين وهم يسولفون ويضحكون وكان غادة تبي تتناسى كل همومها في هاللحظات مع ريم وماتبي تضيع أي لحظة سعادة بينهم لانها ماتدري وش مخبية لها الايام
بعد ما افطرو .. دق جوالها كان المتصل مساعد
غادة : السلام عليكم
مساعد : وعليكم السلام هلا والله شلون الشينيين القاطعين اللي ما يسئلون
غادة : وبعد تسب أنت ووجهك وتبيني اسال مالت
مساعد : تعرفين انا دايم لساني يقطر كلمات حلوه
غادة : ادري خابزينك
مساعد : ههه زين يا انسة وينك فيه
غادة : بالمعهد
مساعد : ادري اجل بالمخبز اقول يعني عندك كلاس
غادة : لا خلصت
مساعد : اجل اطلعي
غادة استغربت : وين اطلع
مساعد : السطح
غادة : تستهبل
مساعد : انتي اللي تستهبلين وراك مسطلة اليوم .. اطلعي الشارع انا واقف انتظرك
سكتت غادة منصدمة .. وشلون جاها هو يدري اني ماعاد اركب معهم بلحالي كيف يجي ووين السواق ورى ماجا هو وزوجته
جاها صوت مساعد: اطلعي غادة هالمزعجة غثتني تبي تنزل وانا منب فاضي انتظر حظرتها الين تستكشف المكان
غادة ابتسمت عرفت ان مرام معه : يالله ثواني وطالعه
وقفلت الخط
ريم : من ؟
غادة : مساعد ومرام الخبلة جايين ياخذوني ههه يقولي اطلع بسرعه مايبي مرام تنزل
ريم : قاضية مرام ماعندها وقت
غادة : ههه ياحبي لها يالله اشوفك على خير
ريم : الله يحفظك
طلعت بسرعه وركبت السيارة بعد ماسلمت
مرام : مراحب يالشيخة
غادة : هلا بك شلونك
مرام : بخير الله يسلمك شفتي النذل عيى يخليني انزل
مساعد : نذل هاه .. احلقي لحيتي ان نزلتك لمطعم
مرام تمسكت بيدينه بسرعه : قسم بالله امزح امزح تكفى لا تهون
مساعد : ههه زين يالبزر
غادة : مرام يقولك يالبزر ازعلي
مرام : لا توصين حبيبتي بزعل بالبيت بس خلينا اول ندخل المطعم
مساعد : وبعد عينك عينك تقولينها بوجهي
مرام توهقت : ياخي انت ماعندك روح رياضية لا تاخذ كل شي بجد
مساعد : تدرين ماعندي سالفة انا يوم أكلمك المهم غدوش اخبارك اليوم
غادة : الحمد لله بخير
مساعد : وش رايك بالمفاجأة
غادة : ياحلو هالمفاجاة والله .. ماتوقعت ابد انكم بتجوني
مرام : تراي انا قلتله لا يلعب عليك يقول انه هو من نفسه جاي
مساعد : مرامووه لا تخليني اذبك مع الدريشة
غادة : ههه مرام وش عندك اليوم مستلمته
مساعد : شفتي الحمدلله انك شاهدة على هالشي
مرام : انت اللي بديت تراك لا تنسى
غادة : تراي ما ارضى على اخوي اعقلي ولا تراي انا اللي بذبك مع الدريشة
مرام : يع عليكم صدق انكم عائلة متوحشة كلكم نفس الطينة لا انتي ولا هو ولا حتى مها
غادة : ههه نعجبك صح
مرام : مره عاد
مساعد : خلاص عاد اسمعو وين تبون أي مطعم
غادة : لا مساعد تكفى رجعني للبيت
مساعد : لا شلون ارجعك حنا مارينك نبيك تتغدين معنا
غادة : الله يعطيكم العافية ماتقصرون بس والله ما اشتهي الغدى
مرام : تستهبلين انتي ووجهك مافيه رجعه للبيت الا عقب ماتتغدين
انحرجت غادة منهم وسكتت
مساعد : ابوديكم مطعم على مستوى توني رايح له مع خويي قبل اسبوع اكلهم شي
مرام : يالله توكل على الله
وصلو للمطعم ونزلو .. وتغدو وعقب وصلو غادة للبيت وراحو لبيتهم
دخلت غادة بنفسية ثانية اليوم نفسيتها متحسنة اكثر من اول بكثير واللي وسع صدرها اكثر طلعتها مع مساعد ومرام اللي ونسوها وسلوها ..
دخلت المجلس وسلمت ..وجلست جنب أم راشد ..
غادة : كيف حالك يايمه
أم راشد : بخير الله يعافيك وش اخبارك انتي كيف دوامك اليوم وراك تأخرتي
غادة : الحمد لله ماشي الحال . . تأخرت لاني جيت مع مساعد ومرام ومرينا على مطعم وتغدينا فيه
ابو راشد : زين سويتي خل تغيرين جو من زمان ماطلعتي
غادة : الله يعافيه مساعد ماقصر
أبو راشد : وينه الحين
غادة : بيرجعون للبيت
أم راشد : الله يحفظهم بحفظه
غادة : تامروني بشي بطلع انام
أم راشد + أبو راشد : سلامتك يايمه
دخلت غرفتها وفصخت عبايتها ورمت نفسها ع السرير بتعب حست اليوم طويل مره عليها ...
دقايق من الاسترخاء سمعت الجوال يرن .. رفعته لقتها مها
غادة : خير يالمزعجة
مها : جزاي داقة اتطمن عليك ياللي ماتستحين
غادة : ههه زين فيك الخير تطمنين علي
مها : صدق دبه وش اخبارك بس
غادة : بخير
مها : وراك تقولينها بدون نفس
غادة : فيني النوم
مها : يعني ؟؟
غادة : وش للي يعني ؟؟
مها : اضف فيسي
غادة : تقريبا
مها : وجع ان شالله انقلعي الشرهه موب عليك علي انا اللي دقيت
غادة : زين بعدين نتناقش بالموضوع تيرن يور فيس
مها : اذلفي ذالوف
وقفلت الخط بوجهها
غادة : ههه تستاهل منب رايقة لها
حطت الجوال ع الكومدينه وحطت راسها وراحت بسابع نومه
في يوم من الأيام كانت راجعة من المعهد مع السواق ,,
لاحظت إن فيه سيارة تتبعها من طلعت من المعهد .. في البداية طنشت لكن السيارة كانت كلمالها تقرب وتقرب وكأنها تبي تبهها التفتت غادة تناظر من القزاز وانصدمت صرخت بداخلها .. نايف .. !!!!
انتفضت من اعماقها وهي تلمحه يطالع فيها كأنه يبي يقولها شي نزلت راسها عشان ماتشوفه وهي مرعوبه وتتمنى لو توصل للبيت بأسرع وقت
غادة بخوف : مختار اسرع يالله
مختار : أوكي
دعس ع البنزين ومن شافه نايف يدعس دعس مثله وصار يجي مره قدامهم ومره وراهم ومره من جنبهم ويحدهم وغادة خوفها واصل حده .. وش يبي هذا وليش يلحقني وش يبي فيني حسبي الله عليه ماكفاه اللي سواه فيني قبل الحين وش العلاقة اللي تربطن

وين الردود :(
ليش كذا جزاي اللي حطيت لكم رواية كاملة مره وحده
الله يسامحكم

طيب ع الاقل ردو مجاملةحتى :(

تسلمين على الروايه الروعه
آنسجمت معها مره
يعطيك الف الف عافيه قلبوو
شكري

..جاكلين..
الله يسلمك ياقلبوو
ومشكورة ع المرور
زين فيه احد عبرنا