رواية عذابي آآآه ياعذابي بدونك روايه رومانسيه روعه

راح اعرفكم بشخصيات الروايه..
(( الشخصيات ::
^^عائلة أبو مشعل ::
أولاده:
مشعل: عمره 34 سنه،، متزوج من بنت عمه ((سارة )) واللي يحبها ،، وهو يشغل مع أبوه وعمانه في الشركه ..
خالد: عمره 25سنه، يدرس في أمريكا طب..
ماجد: عمره 21 سنه..
بناته:
هند : عمرها 23 سنه..
أروى: عمرها 18 سنه.
ابو مشعل( عبد العزيز) :عمره 50 سنه مدير لشركه مشترك فيها هو واخوانه كبيره وشهوره..
ام مشعل(مريم): عمرها 47 سنه.
^^عائلة أبو فهد::
فهد:عمره 25 سنه يشتغل في شركه عمانه وابوه..
سعود: عمره 22 سنه..
عبدالله : عمره 19 سنه..
فارس :عمره 15 سنه..
بناته:
ساره: عمرها 30 سنه متزوجه من ولد عمها ( مشعل )..
شيماء:عمرها 20 سنه..
ندى :عمرها 17 سنه..
أبو فهد ( ناصر)::عمره 48 سنه،،شريك لأخوانه في الشركه..
ام فهد ( نوره) :عمرها 45 سنه..
^^عائله ابو احمد::
أولاده:
أحمد: عمره 20 سنه..
بناته:
مها: عمرها 29 سنه.
بشاير:عمرها 27 سنه.
رنا: عمرها 25 سنه.
لمى:عمرها 24 سنه.
هيا: عمرها 22 سنه ..
سلمى (أختهم من ابوهم )::عمرها 19 سنه >> هذي بتعرفون قصتها لما تتغمقون بالأحداث..
ابو أحمد: عمره 46 سنه..
أم احمد :عمرها 48 سنه..
----------------------------------------------------------
]]
في بيت ابو أحمد الساعه 4:00 الفجر
((يوم العيد ))
أم أحمد تفتح باب غرفة سلمى بأقوى ماعندها وبكل قسوة وشدّه: سلموه!!
وجع ان شاء الله ..قومي الناس بيجون (وترفع الغطاء عن سلمى المسكينه )
سلمى تحسّ ببرد وتترتجف وبنفس الوقت كانت خايفه وزايغ قلبها : نعم ،،يمه خرعتيني ،،وش فيك؟؟
ام أحمد بسخريه: يمه في عينك،، ماني امك كم مره أقولك؟،،قومي نظفي البيت ،،وبخريه ،، وسوي الفطور،الحين عمانك الله لا يحفظهم مادري وش يبون ،، بيجوون بعد صلاة العيد..
سلمى برقتها الدائمه: خالتي لا تدعين عليهم ..حراام عليك..
ام احمد: والله بكيفي،، المهم قوومي بسرعه .،، الشغاله اليووم مارااح اقومها ،، خليك احسن ،،كل يوم تضحكين علي تقولين انا اللي انظف ،، وفي الاخير ،،تكوون هي الي منظفه ..
سلمى: حرام عليك خالتي ،، متى هي نظفت معي ؟؟ دايمن انا اللي انظف بروحي.
ام أحمد: عمى بعينك ،، وتراددين بعد،،انا بروح وبرجع بعد دقيقه وحده ان لقيتك هنا والله لتشوفين شيء ماعمرك شفتيه..
راحت ام احمد القاسيه ..
وطلعت سلمى المسكينه من غرفتها حزينه ،،وهي تمشي في السيب مرت على غرف خواتها النايمين او في عزّ النوم ،،هم يتمتعون بالنوم الهادئ المريح،،وهي المسكينه نومها كله قلق وتوتر وتفكير وخوف..
وهي تمشي مرت ع غرفة اخوها الحنون أحمد ،،هي مرت وبدون ماتلتف ،،كانت لاهيه بهمومها ..
هو كان متأخر عن صلاة العيد وكان يعدل شماغه وبيطلع ع طوول عشان يلحق ع الصلاه بس شاف ع المرايه اخته سلمى وهي تمشي في السيب ،،لأن باب غرفته كان مفتووح ..شافها حزينه ..
أحمدراح لها يركض: سلمى
سلمى تلتفت له وبإبتسامه المعهوده معن قلبها مليان هموم: هلا والله،،صباح الخير..
أحمد يرد لها الابتسامه: صباح النور يأعز اخت..بالدنيا...عندي فكره وش راايك..؟؟
سلمى تبتسم: وش عندك...
أحمد: وش راايك ارووح اصلي واسلم ع عماني واعايدهم،، واجي اخذك نرووح نفطر بمطعم..
سلمى:ههه
أحمد مستغرب : وش فيك تضحكين؟؟
سلمى: بذمتك وشلوون ارووح وانا مانظفت شيء.. وثاني شيء ماهي حلووه بنات عماني جاين لبيتنا وانا اخليهم وارووح..
أحمد معجب بشخصيه اخته: طوول عمرك رااعيت واجب..
سلمى تضربه ضربه خفيفه وكلها رقه ع كتفه: طالعه لك..
احمد يمسك كتفه ويمثل: آآآآآآآآآآه كتفي اوجعني..
سلمى خافت: أحمد وش فيك..والله ضربتي اوجعتك؟؟
أحمد:ههه بالحيل اوجعتني ..ضربه البزر اللي عمره سنتين اقوى منها..
سلمى:ههه ،،والله خوفتني ..
أحمد يطالع ساعته: أوف تأخرت عن الصلاة ..
سلمى خايفه حيل:ياويلي حتى انا امي قالت 5 دقايق وبنزل اشوف وعسى ماالقى كل شيء جاهز..
أحمد وسلمى يركضوون ع الدرج.
احمد شاال سلمى وهو ع الدرج وقعد يركض..وهو شايلها..
سلمى :ههه احمد وش فيك ،، والله ع كذاا بتتأخر؟؟
أحمد يطلع لسانه: ههه عادي ،،
ومانزلها الا بالمطبخ..
احمد وهو مستعجل: سلموه اكلي زين والله انك ريشه ..
سلمى :ههه حاضر شيف احمد ..
احمد وهو يبي يسك الباب الخارجي: ههه
سلمى رااحت تأخذ المكنسه .. وتقوول في قلبها:" يارب يخليكم لي ياأخووي وابووي والله من دوونكم مادري كيف اعيش !!"
------------------------------------------------------------
(((في المسجد ))
بعدما خلصوا من صلاة العيد ..قاموا كل الناس يسلمون ع بعضهم.. ...
فهد: هلا والله.. بخويلد..
أحمد: ههه شوو ترااه مايفهم عربي..
خالد: ههه وش دعووه.. هلا بك يافهوود..
احمد: ها بتستقر هنا ..خلاص مافي سفر..
خالد:ايه خلاص الحمد لله وكله يومين وانا بشتغل هنا..
فهد: وين في الشركه..
أحمد:ههه ..حرام عليك كل هذي السنين راايح يدرس طب واخرتها يشتغل في الشركه..
خالد: لا واللي يرحم والديك .انا بالقوه اقنعت ابووي اني اخرج عن الروتين واطلع ادرس طب..
أبو أحمد ينادي من بعيد: اقول وانا ابووكم مطوولين هنا ..
أحمد :ههه لا جاايين..،،(ويكلم الشباب :يله امشو الفطور عندنا..
خالد :يله انا طالع من الحين..
أحمد: انت رح واسبقنا وانا وابووي بنعزم بااقي الجيران ..
خالد: يله فمان الله.( وراح خالد)
فهد: تتوقع يااحمد ان الجيران بيجون للفطور..
أحمد: والله مادري ،، عالعموم حنا بنعزمهم وبكيفهم عاد..
طبعا كل واحد ركب سيارته وتوجه لبيت أبو احمد ..
-----------------------------------
سلمى كانت منظفه البيت كله ومجهزه الفطور وماخذه المبخره ....ورايحه تبخر المجلس..
خالد كان أول من وصل لبيت أبو أحمد،، دخل المجلس وإلا ويشوف بنت تبخر المجلس ،،كان يطالع فيها من وراء لأنها هي كانت معطيته ظهرها،، كان شعرها لنص ظهرها بني مموج ناعم..
وكانت لابسه قميص(روب) واسه جداً وطويل،،وكانت رافعه طرف القميص وماسكته بإيدها الثانيه..
سلمى حست بإحد خلفها ،،لفت إلا وتشوف شاب وسيم..كاشخ..وشعره طويل لحد اكتافه اسود وكثيف...وبحركه عفويه حركت المبخره وطاح الجمر ع رجلها..
سلمى تصارخ: آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآه (طبعاً مافي أحد يسمعها لأن كل اللي في البيت نايمين)
خالد خاف عليها . نزل وجلس قبالها ويطالع الجمره اللي ع رجلها ..بعّدها عن رجلها..وكان مرتبك بالحيل قعد يطالع يمين وشمال،إلا ويشوف كأس فيه ماء ..ع طوول رااح جابه ..وصبه ع رجل سلمى ..ودخل إيده في جيبه..إلا ويطلع شاش كان معطيه له صديقه العزيز عليه مرّه (نادر) واللي كان يدرس معه طول هالمدة معه في أمريكا..وكان كاتب ع الشاش ذكرى وكلام من صديقه..
بس طبعاً خالد استغن عنه عشان سلمى ولفه ع رجلها ..
سلمى طول هالوقت كانت تطالع في عيون خالد الساحره ..تطالع فيه وهو خايف عليها ..
تقول في نفسها" هذا مين؟؟ مو واحد من اولاد أعمامي!"
خالد : انتي الحين ..بخير؟؟
سلمى يحيها الدايم :أي........ه..
خالد يطالع في سلمى ويقول في نفسه: يالله ..وش هالجمال .. سبحان اللي خالقها ..قمر..
سلمى استحت من نظرات خالد ..وطلعت ع طول ..نست الالم .ونست كل شيء ..
خالد كان جالس يفكر الين ماسمع صوت اعمامه داخلين للمجلس...
------------------------------------------------
((في المطبخ))
سلمى كانت ماسكه ايد الثلاجه ومتسنده عليها <<ان شاء الله فهمتوو!!... وكان قلبها ينبض بشكل مو طبعي..
تحس بسعاده أول مره تحس فيها ..ع الغرم من االجرح اللي تحس فيه..تحاول تستوعب الموقف ..تحس اول ما تتذكر وجهها ينقلب طماطه(( مع العلم انها بيضاء مره))...سمعت صوت ام احمد .أرتبكت تقول في داخلها "ياويلي لايكون شافتني ،،يمه"" ام احمد تصرخ من ع الدرج: سلموه!! وتتحلطم : اكيد نايمه ذي ال....... ،،سلموه..
سلمى جت تركض مع انها تحس بألم في رجلها : هلا يمه ،، أمري..
أم أحمد : نايمه ها؟؟ أكيد نايمه .. والشغاله هي اللي مسويه كل شيء..
سلمى: شلون بناام ؟؟ والشغاله فوق عندك،،هي اللي نايمه..
أم أحمد تغير الموضوع: المهم ..خلي عن الهذر ،،خلصتي كل شيء ،،مظفتي رتبتي ،، زينتي الفطور.
سلمى تهز راسها يعني ايه ..
سلمى: يمه الحين بروح البس ،،الحين بنات عماني بيجوون..
أم أحمد: وش تلبسين ياحضي ،،كل شيء تلبسينه تشينينه <<والعكس صحيح خ..
سلمى تسكت لأنها ماتحب تجادلها ..لأنها تحترمها..
أحمد توه داخل للباب الداخلي..
يسلم ع سلمى : هلا والله،، كل عام وانتي بخير يارب..
سلمى: اهلين وانت بخير ان شاء الله ((وتضمه بالحيل ))
أم أحمد تطالع فيهم بسخريه: الحمد لله والشكر ،، وتكلم أحمد بعصبيه: الحين تسلم ع ذي (وتأشر ع سلمى بأستحقار) وتتركني انا ،وأنا امك يالعاق ..
أحمد يسلم عليها: مثل ماأنتي امي ،،هذي اختي ..
أم أحمد :مالت عليك انت واختك..وطلعت لغرفتها ..
أحمد يوم رااحت امه :ههه الحمد لله انها راحت .عشان ناخذ راحتنا ..
سلمى :ههه حرام عليك ياحمودي مهما كانت هذي امك..
احمد :ماشاء الله عليك،،الحين هي ماتطيقك وانتي تدافعين عنها ..
سلمى حزّت بخاطرها كلمة اخوها ( ماتطيقك)..
أحمد حبّ يغير الموضوع مسك سلمى من يدها وراح للمطبخ: ها وش مسويه لنا اليوم..
سلمى :ههه كل شيء..وكملت: ايه ع فكره حمودي كم عندي عيال عمّ انا ؟؟
احمد :ههه ماتعرفين اولاد عمك.،،طيب أنا اقولك (ومسك اصابعها الرقيقه وقعد يعدّ عليها ))
فهد..مشعل ..ماجد..سعود....إلخ يوم وصل عند خالد ..
سلمى سألته: مين هذا؟؟
أحمد:يووه،،هذا ولد عمك خالد ،،بس اكيد ماتعرفينه عشانه قاضي طول عمره بأمريكا وتوه رجع اليوم..
سلمى: أها.
أحمد بخبث: إلا ع فكره ليه تسألين عنه بالذات؟
سلمى ارتبكت :لا لا لا ولاشيء بس ماأعرفه ..
أحمد: طيب ،،أوكيه.الحين انتي ليه مالبستي ؟؟
سلمى :برووح بعد شووي البس ..
أحمد :رووحي الحين لأن بنات عمك ع وصوول..وكمل: شووفي خواتك من صبااح الله خير وعلب الميك اب ع وجيهم..
وكمل: ايه صح انتي مايحتاج لك ميك اب ماشاء الله ..
سلمى :اصلا انا ماأحبه ،خير شر .
أحمد: ايه احسن وحتى انا مااحبه.
سلمى :وانت وش دخلك؟؟
أحمد:ههه أبدأ رأي لاغير..
وكمل: يله بروح لهم وانتي روحي البسي ..
سلمى :طيب اوكيه..
-------------------------------------
(((في بيت أبو أحمد- الساعه11:00 ))
الكل كان مجتمع وكان شيماء مع سلمى طول الوقت .عيون الحريم كلها ع سلمى معن لبسها كان عادي (تنوره ميدي سوداء كسرات وبلوزه فوشيه (شاريها لها اخوها هديه ) ومسيحه شعرها وحاطه شوي قلوس ))
أما أخواتها الباقيات مابقى شيء في البيت إلا وحطوه ،،وكان داخلهم نار لأن الناس معجبين بسلمى ..
أم أحمد تمثل الطيبه: سلمى حبيتي تعالي المطبخ ابيك شوي..
سلمى راحت ولحقتها شيماء ..
سلمى دخلت المطبخ بعدين دخلت بعدها شيماء ..
أم أحمد كانت في الطبخ: أنا قلت سلم بس (تكلم شيماء)
شيماء بثقة :وأنا ظل سلمى ..
سلمى تقول في داخلها :"شيماء يالغبيه روحي"
أم أحمد من غير نفس :هه هه هه تضحكين والله..وتكمل بعصبيه : أنا كلمتي مااثنيها قلت سلمى وبس ..
شيماء تسوي نفسها انه ماهمها شيء قامت جلست ع الكرسي: والله توني ادري أني انكت ..(وحطت رجل ع رجل) ماراح اطلع من المطبخ عاجبني الجو..!!
أم احمد منقهر حيل من شيماء وطلعت من المطبخ وقلبها نار ..
سلمى تكلم شيماء : يالغبيه والله ياويلك منها ..
شيماء منقهره من طيبه سلمى :والله أنتي الغبية .وتتكلم بجدّ:ياسلمى هالأشكال ماينفع فيهم إلا كذا .
سلمى تغيرالسالفه :إيه وش أخبارك وش مسويه ؟؟
شيماء :والله تمام بشوفتك..إلا تعالي وش هالحركات والله فرحت بداخلي يوم شفت الحريم وحده وراء الثانيه يسألونك انتي بنت مين وتكمل: طلعتي داهيه ههه
سلمى:ههه حركاتك ماتخلينها ..
شيماء :واستانست اكثر يوم شفت خواتك منقهرات حيل احسن خليهم عشان يحسبون لك حساب مره ثانيه ..وانك احسن منهم بمليون مرّه..
---------------------------------------------------------
باقي الشخصيات رااح تبرز في الاحداث القادمه ..
انطر تعليقاتكم وردوكم ع احر من الجمر..

الروايه قمه في الروعه لا تتاخرين علينا في البارتات

دام ابداعك
بجد روعه
اسلوبك يشد مره
.....
موقف سلمى مع خالد اعجبني
صح انه محلاج بس حلو خ
..
وأعجبني حب احمد لاخته
....
بليز لا تطولين علينا

الروايه قمه في الروعه لا تتاخرين علينا في البارتات
تسلمين ياعمري..خلتج متابعه معي ولا تحرميني من تعليق..
دام ابداعك
بجد روعه
اسلوبك يشد مره
.....
موقف سلمى مع خالد اعجبني
صح انه محلاج بس حلو خ
..
وأعجبني حب احمد لاخته
....
بليز لا تطولين علينا
انت الأروع يالغلا..خلتج متابعه معي ولاتبخلين علينا بردودك..
------------------------------------
والله ماتدرون كيف خليتوني اتشجع انزل البارت الثاني واثق بنفسي اكثر ..مع ان اللي ردو علي بس 2 ..
يله لجل العيون راح انزل البارت الثاني..
واتمنى الاقى تفاعل اكثر..
دمتو بودّ..

بجد رواايه روعه تسلمين يا قلبي على الروايه
بس طولي البارتاات اكثر ولا تطولين علينا

وهذا البارت الثاني...
--------------------------------------
]]
( نكمل في بيت أبو أحمد)
مها تهمس :يالله ..واللي اني مووت قهر من ذي السلمى..خلي الحريم يروحون والله ماأخليها
بشاير معصبه وتهمس : أيه..ترفع الضغط.. المشكله حنا نرزّ نفسنا ومحد معطينا وجه..
مها: لأنها حبيتي هي اللي ترز نفسها ..تسولف مع ذي" وش أخبارك ياخاله؟؟ عطيني اصب القهوه لك؟؟ كيفها فلانه وكيفها علانه "..<<تقلد سلمى..
بشاير:ايه شفتيها منافقه ..
مها :بشووره عندي فكره قومي خذي القهوه منها وصبيها للحريم..وخلي الاعجاب ينقلب لك..
بشاير:طيب ..والله يسمع منك..
بشاير قامت واخذت القهوه من ايد سلمى وتبتسم إبتسامه خبث ..
بشاير اخذت الفنجان وجت بتصب للحريم..بس انها ابد ماتعودت تصب قهوه فبدل ماتصب في الفنجان صبتها ع عباية المرَه العجوز ..
المره :ويه ..حسبي الله عليك من بنيه..
سلمى جت للمره وبكل رقه. :خالتي تعالي معي ..بروح اغسله بدوره المياه..
المره العجوز تكلم بشاير:انتي ليش تاخذين القهوه من هالبنيه معنها اصغر منك بس اذرب منك..
بشاير بيطق فيها عرقّ
أما شيماء فلا تسألون عن حالها استغلت هالموقف وقعدت تضحك وتقول في قلبها :" سحبان الله،، ربي انتقم منكم ..ربي نصف ذي المظلومه (سلمى)"
أم فهد تكلم شيماء بهمس: يمه ..شيماء استغفري ربك ..يمكن ربي يبالك يوم من الايام وتطحين فينفس الموقف الي طاحت فيه بشاير..
شيماء منقهره:أحسن..هي من قالها تاخذ القهوه من ايد سلمى ..مسكينه سلمى تفشلت..وممتى وبشاير تعرف السنع ؟؟
ساره تقرب من شيماء : شيماء بسك ضحك الناس انتبهوا لك..الحين يشكون وبيقولون غربيه تضحك ع بنت عمها (بشاير)..
شيماء :ههه انتي شكلك ماشفتي شكلها ..تبي ترز نفسها وربي انتقم منها..
هنا ساره ماقدرت تمسك نفسها:ههه
أم فهد: الحين ياسوير بدال ما تهاوشينها تضحكين معها ..
إلا ويرن جوال ساره.
شيماء بخبث:أكيد حبيب القلب مايقدر يستغني ..
ساره تطالع شيماء :اسكتي بس ..
ساره طلعت من الصاله وراحت للحديقه الخلفيه..
مشعل:هلا..وغلا..
ساره:هلا بك..
مشعل يبي يحرج ساره:اشتفت لك ياقلبي..
ساره:وانا بعد..
مشعل: احلفي انك مشتاقه لي ..
ساره:.............
مشعل:الو
ساره :هلا..
مشعل: سوير لفي وراء ..بس غمضي عيونك يالغلا..
ساره لفت وغمضت عيونها : هاا طيب
إلا وتجيها بوسه طايره ع خدها ..
ساره فتحت عيونها إلا وتشووف مشعل واقف قدامها وماسك ولدهم الصغير محمد(عمره3 سنوات)
ساره مستحيه: ماتخلي حركاتك..
مشعل:ههه ..أموت أنا ع الحياء..
ساره بدلع:ميشو خلاص عاد مو قدام حمني..
مشعل وهو مغمض عيونه:آآآآآآآآآآآآآآآآآآآآآآآآه..
ساره خافت: ميشو وش فيك؟؟
مشعل فاتح عين ومسكر عين: اسمي حلو ع لسانك..
ساره :طيب الحين برووح ..
مشعل ماسكها ماايدها:مافي روحه لين...............
ساره:الين ويش؟؟
مشعل بخبث: الين ماتعطيني واوا ع خدي..
ساره:أوه ميشوو خليني ارووح..
مشعل: كذا تخليني ازيد في العناد.(.ومشعل يسوي فيها معصب):شوفي اختاري احد الامرين 1-ياتعطيني واوا ع ذا الخد اليمين،،2- او تعطيني واوا ع ذا الخد اليسار ،،( يكلم حمودي):صح حموودي..
حمودي:ثح ،،وانا بعد ..(صح،،وانا بعد)
مشعل:ههه
ساره عطته بوسه ثم عطت حمودي بوسه وراحت تركض ..<<متحسيه حيل
مشعل واقف:آآآآآآآآآآآآآآآآآآآآآآآه..
حمودي يقلده:آآآآه..
مشعل:ههه أقول امش وانا ابوك..
ورجع عند الرجال..
ساره رجعت تركض إلا وتضرب ندى ..
ندى كانت تكلم تلفون وتتمشى بالحديقه:آآآآي ..وجع سووير ماتشووفين..
ساره وجهها أحمر: هاا ..اسفه ماشفتك..
ندى :أعوذ بالله وش فيه وجهك طماطه؟؟(وكملت بخبث):أكيد شفتي روميو حبيب القلب..
ساره مرت من عندها وهي حيل مستحيه..
ندى تكلم بالتلفون وتضحك..:ههه
.............................
رنا ( تقريبا هذي احلاهم بعد سلمى طبعا)::لمى وين هيا؟؟
لمى مالها خلق:وينها يعني ؟؟اكيد ع النت..
رنا:أهاا طيب ..خلاص
مها تكلم رنا :وأنتي وش تبين فيها ؟؟
رنا :خليها ..تجي اليوم عيد .(وتكمل بإستهزاء): وخليها تجي تشوف الملسوونه سلموه...
مها :ههه ،،أصلا هي من متى وهي معنا دايمن هي ع النت .
(( في مجلس الرجال ))
كانو الشباب مجتمعين مع بعض ..
ماجد:أقول خوويلد ،،رح رح شوي للأسف حنا نستغني عنك لأنك خواجه مثل مايقوول ابووي..
فهد:ههه والنعم وحنا اصيلين <<يبي يقهر خالد.
خالد :خير خير خير ماجد انا اصغر عيالك يوم تقوول خويلد..
ماجد:ههه غيروا السالفه ،،اتحداه ان كملها اصلا شوفوو كلامه عربي مكسر تقول كانه شغلتنا ساسي القديمه (يكلم فهد) تذكرها يافهد..؟
فهد:افا عليك هذي كنا نطلّع لها قروون..
ماجد يكلم خالد: شوف اخووي انا حبيت انهي السالفه احترااما لمشاعرك وخفوًا من أنك تنسى كلمه منا ولا تزيد حرف منا وبعدين تتفشل،،تعرفني اخووك ومااحب لك الفشيله.
خالد يستهزء:ايه والله ونعم الأخوو...
فهد يبي يقهر ماجد:ههه ،،الحين هو توه واصل امس مافكيته من عنادك له ،،حراام عليك امحق اخوو..
ماجد: يابن الذين ،،قبل شووي معي ،،والحين ضدي صدق منافق..
عبدالله جاء يمهم:وش تتكلمون عنه؟؟
فهد:مالك شغل..
عبدالله:اوه عاد انا ماسألت الا ثقيل الدم..
فهد :اخففه عشانك ..
أحمد يقطع عليهم سوالفهم..
اقول ياشباب يله تفضلو ا ع الغداء ..
فهد:عندكم شوكه وملعقه؟؟
أحمد مستغرب:ايه ,,بس ليه ؟
فهد:ههه عشان ذا الخواجه مايعرف ياكل الا بهم..
ماجد :ههه حلوه..
خالد: الحين توني جاي واستلمتوني.
احمد يحط ايده من ورا خالد: ماعليك منهم .امش معي اعطيك الشوكه والملعقه..
فهد+ماجد:ههه ههه
خالد:حسبي الله ع بليسك الحين اان مستانس احسبك معي طلعت معهم..
((في اليوم العيد الساعه 8:00 ليلاً)))
-في بيت ابو مشعل –
ماجد في الصاله يصرخ بأعلى صوته:سوما...سوما ..
ام مشعل نازله مع الدرج: وش فيك ؟؟تصرخ ...
ماجد: ابي ذي السوما..والله اني كذا مره اقول لكم رحوا سوي لها فحص سمع ..بس ماحد لاحياة لمن تنادي!!
سوما جايه معصبه:نعم..ايس فيه ..سوما..كل وقت سوما..سوما..وبعد في كلام عن سوما لام مافيه كويس..
ماجد.ههه اخس وطلع لك لسان ياسوما..
أم مشعل بس تطالع وكاتمه الضحكه ..عشان لو ضحكت بيزيد ماجد ولدها وعارفه طبعه..
سوما:طيب ايش يبي انتَ؟؟يله سرعه كلام..
ماجد:شوفي طلباتي ماراح تقدرين تحضينها لأنها كثيره لا حصرلها والله يعنك تحفظينها واذا ماعليك امر روحي للمطبخ وجيبي ورقه وقلم وكتبيها ..لأن عارف أن اللي في الراس ذا حجر مو مخ ..
سوما طبعا مافهمت ولاشيء:ايش.؟؟
ماجد:ههه سبحان الله توني قايل انه حجر مو مخّ..
ام مشعل عصبت: ماجد ..عاد زودتها شوي حرام عليك..
سامو تمثل انها مسكينه وقعدت تصيح ..>>>دموع تماسيح..
أم مشعل الطيبه صدقت:خلاص سامو بس،،مافي مشكله ..ماعليك منه ..<<أم مشعل تتكلم نفس لغتهم عشان تفهمها!!
ماجد طارت عيونه :يمه ..لالا تصدقينها ..هذي كذابه ..والله كذاابه..
أم مشعل:ماجد وجع ان شاء الله ..متى بتخلي سوالفك هذي ..
ماجد قام وهو معصب: يوه ..((ورااح لغرفته ))
سامو:ههه<<تض حك من قلب..
أم مشعل طارت عيونها: سامو،،وين البكا اللي اولى ؟؟والله صدق ماجد انك كذاابه..
سامو عرفت ان ام مشعل كشفتها وراحت ع طول للمطبخ:خلاص ماما يبي عصير انتي؟؟
..........................................
((في غرفة مشعل وساره))-9:30 ليلاً-
ساره كانت تاخذ شور ،،ومشعل كان يلعب مع حمودي ع الاريكه..
ساره طالعه من الحمام-الله يعزكم-وحاطه الفوطه ع راسها..
بعدين جلست قبال المرايه وقعدت تمشط شعرها وتجففه..
مشعل:سوسو ،،
ساره:لبيه..
مشعل:وش رايك نروح نتعشاء بمطعم ؟؟
ساره:الحين؟؟
مشعل :أيه ..ليش لا؟
ساره:عادي ،،بس حمودي وين نوديه..
مشعل وهو يطالع حمودي:شووفي عاد حمودي اذا مانام..بناخذه معنا ..
ساره:اوكيه ..عمري..
مشعل:طيب الحين أنا برووح لمامي..
ساره:وحتى انا مشتاقه لمامي (تقصد ام مشعل)
مشعل رفع حاجب:لا والله تشاتقين لمامي ..وماتشتاقين لي ؟؟
ساره :افا ..شوقي كلّه لك..
مشعل يسوي نفسه انه راضي:أيه اشواا..
...............................................
( في اليوم التالي وبالتحديد في بيت ابو فهد -5:00 المغرب)
ندى وفهد كانوا جالسين في الصاله يطالعون التلفزيون..
ندى سراحنه في عالم ثاني..!.!
فهد لاحظ سرحان ندى:اللي ماخذ عقلك يتهنى به..
ندى ماهي منبه معه تحسبه يكلم تلفون:.......................
فهد:آلوّ
ندى:ها..تكلمني؟؟
فهد يتمسخر:لا لا لا ماما اكلم جدار وراء انتَ..
ندى:يوه،،قطعت علي حبل أفكاري...عشان تتمسخر..!.!..
فهد عارف اخته وفاهمها وعارف زين مين تفكر فيه:الله حبل افكار.!(وبخبث):. طيب مين تفكرين فيه؟؟
ندى ارتبكت :ه........ا أفكر فيك..
فهد برفع حاجب:فيني انا ؟وانا وش فيني؟؟
ندى تقول في خاطرها "ياربي وش يفكني من لسان فهييد ":مادري بس طريت ع بالي..
فهد يضيق عيونه:حلوه التصريفه،بس ماتعرفين تصرفينها زين زي مايصرفها ماجد((هو تعمّد يقول ماجد ))
ندى حمرّ وجهها وصار الوان ..وماتدري وش تقول انربط لسانها..
فهد فاهمها زين وكان متعمد عشان يحرجها فاأكتفى بالأبتسامه الخبيثه...
انقذ ندى من الموقف ابوها كان توه داخل..
أبو فهد :السلام عليكم..
فهد وندى ع طول قامو باسو راس ابوهم ..
فهد:وعليكم السلام والرحمه..
ندى دلوعة ابوها:هلا والله بالغلا ،،وعليكم السلام ورحمة الله وبركاته..
ابو فهد يدخل جيبه ويطلع منها الف ريال ويحطها في ايد ندى :خذي ذا مصروفك ذا الاسبوع..
فهد طارت عيونه قدام:ايش ؟؟وشوو ذاا ؟؟ ليش هي بالذات..
ابو فهد:ههه
ندى تطلع لسانه:ايه ,,ايه بدت الغيره..
ابوفهد:ياابوي انت حسابك بعدين.(ويغمز له))
فهد :ايه..اشوا..
ندى ماكنت منتبهه معهم ،،لأنها لو كانت منتبهه ماراح تخليها كذا تمرّخ
.................................................. ..........
((في المطعم ومع ساره ومشعل))9:30 ليلاً..
ساره كانت مستمتعه بالجو حييل:الله الجو يجنن ..
مشعل كان سرحان بعيون ساره الجنان:...............
ساره:مشعل انت معي؟؟
مشعل مسكّ ايدين ساره:انا كليّ لك..
ساره مستحيه ونزلت راسها..:......
مشعل:ايه وش كنت تقولين؟؟
ساره:كنت اقول الجو حلوو.
مشعل:عشانك انتي اللي محليته..
ساره مستحيه حيل وخدودها صارت حمرّ:.................
مشعل :ههه ياحلوو اللي يستحون ..
((جاء القرسون ومعه عصير لهم))<<القرسون هندي.
الهندي:تفزل (تفضل))
مشعل يستهبل :أقول رفيق.انت معلوم حبّ..
هندي مستحي :اكييد بابا..
مشعل يطالع ساره وهو فاطس ضحك:ههه
مشعل يكلم ساره:والله ذا الهندي طلع موسهل..
هندي فهم وحمق ع مشعل:اش كلام انتَ؟؟
مشعل فاطس ضحك: اقول الله ياعافيك رح عن وجههي..
الهندي طلع من عندهم...
ساره كانت سرااحنه..<<مو معهم..
مشعل:آآآلو سوسو..وين رحتي؟؟
ساره أمسكت يدّ مشعل وهي متوتره :مشعل..مشعل..مشعل..
مشعل مستانس ع ايد ساره:هلآآآ ياروح مشعل..
ساره متوتره حيل:مشعل خلنا نرجع البيت ((وقامت من مكانها وهي ماسكه ايد مشعل))
مشعل مستغرب:وش فيك؟؟ساره توناا ماتعشينا..
ليش تبينا نرجع ..؟؟
ساره:مادري لييه؟بس قلبي يوجعني ..يمكن حمودي صار فيه شيء..
مشعل خاف:فال الله ولا فالك..،،طيب يله امشي..
.................................................. ..........
انتهى البارت الثاني..
شنوو تتوقعون هل ماجد يحبّ ندى ولا بس حبّ من طرف واحد؟؟
وش تتوقعون يصير في بيت ابو مشعل؟؟وليش ساره خايفه؟؟
يله حبايبي..ابدعوني بأرائكم وتعليقاتكم ...
يله انطركم

حبايبي ادري انه قصير..
بس ان شاء الله البارتات الجايه راح احاول اطولها..
يله لاتحرموني من التفاعل..

روعه
اسلوب خيال
اندمجت ع طول
نزلي بارت طويل

بصراحه روايتك روعه
بس البارت حيل قصير
ياليت لو تنزلين لنا اكثر من بارت
تسلمين يا قلبي
ننتظرك