روايتي الاولى خجول الورد ماينلام لانك اجمل انسانه

بسم الله الرحمن الرحيم..
هلا وغلا بأأحلا اعضاء منتدى..
اليووم حبيت اشارككم بروايتي الاولى:خجول الورد ما ينلام لانك اجمل انسانه
واتمنى انها تنال ع اعجابكم .. واهم شيء التفاعل..
ملاحظة .. الي حابة تنقل الروايا اتمنى تنقلها بأسمي .. جنان حبك ..
نبدأ بسم الله اول بارت ..
البارت الاول:
الساعه 2 ونص
عند ابو سليمان ف الدوام..
ابو سليمان:اجلس ياولدي
سليمان بتوتر:اتفضل يبه
ابو سليمان : والله انا
وامك قررنا وحبينا نشاورك
سليمان بخوف:اتفضل يبه
ابو سليمان:والله ياولدي احنا نبا نفرح فيك
سليمان عقد حياته:والمطلوب يايبه؟
ابو سليمان: وشفنا لك بنت عمك ريم
سليمان كأنه احد صب عليه ماي باارد:شو!!
ابوسليمان: انا قلت كلامي ومابينرد
سليمان كان بيرمس بس ابو سليمان كان اسرع..
طلع ابو سليمان وهو متضايق ع ولده بس يعرف انه اكيد ريم بتكون شريكه حياته المناسبه وهو حاط عينه عليها من هم اصغار
سليمان ف حال لا يحسد عليه تايه جلس ع اقرب كرسي والعرق يصب عليه صررخ ليش انا يا يبه ليش
اما عند ام سليمان بشرها ابو سليمان انه وصل الكلام لمحمد وقال لها تتصل في ام محمد
وتتصل ام سليمان لأم محمد
وررن التلفون الا بالشغاله ترد
الخدامه مايا:الو
لحضاات بس...
عائلة ابو سليمان:
ابو سليمان:عمره 40 سنه .. انسان طيب وحنون بس لما يبى شيء لازم يستوي..عنده شركة يديرها هو وولده سليمان
ام سليمان:عمرها 39 سنه .. طيبه وحنونه وتحب عيالها كانت تشتغل في شركة وفنشوها بتهمة سرقه بس المسجينه بريئة..ومن بعدها انفطر قلبها من الشغل.
سليمان:23 سنه يشتغل ويا ابوه ..مملووح ويطيح الطير من السما اسمراني بس عليه جمال يذببح
زياد:20 سنه يدرس في الكليه اخر سنه له ..اما زيااد بجمااله ما ينووصف مطييح كل بنات الدييرة
رغد:اخر عنقود عمرها 18 سنه حبوبه وعليها جمال ماخذة من سليمان بس هي بييضه وشعرها قاصتها لكتوفها حرير بس من تحت اشوي كيرلي .. عليها غماازاات كيوت
هذا والباقي ف الطريج
ام سليمان:الوو ام محمد موجودة؟
مايا:ايوا موجودة دقيقه انا في ينادي
بعد دقايق
ام محمد:الوو
ام سليمان:الوو شحالج ام محمد
ام محمد:والله بخير ياهلا يأم سليمان شخبارج انتي؟
ام سليمان:والله بخير الحمدالله
ام محمد:مديم يارب
ام سليمان:والله ياأم محمد انا اليوم اطلب القرب منكم بنتكم ريم فديتها حج وليدي سليمان
ام محمد ابتسمت:فدييتج ام سليمان احنا ما بنلاقي احسن من سليمان عطيني اسبوع اشاور البنت وابوها ونرد لكم خبر
بعد ساعه تقريبا دخلت ام ريم ع ريم ويلست يمها وابتسمت وقالت بكل جديه:ريم
ريم:هلا يمه؟؟!
ام محمد:والله ريوم بنتي انا كلمت ابوج والحين يا الدور عليج
ريم بخووف:شو يمه؟
ام محمد:ريم والله وكبرتي وصرتي عرووس
ريم وهي تستوعب:نعم!
ام محمد:ريم اصحي انا ارمسج ما تبي تعرفي منوو؟
ريم فخاطرها تبي تعرف بس نفس الوقت ما تبي:مايهمني من يكوون انا ماابي اتزوج انا صغيرة
ام محمد:اولا انا اعرف ان انتي تبي تعرفين منو وثانيا انتي مب صغيرة والبنيه مصيرها بيت ريلها
ريم ودموعها اربع اربع:..........
ام محمد:الولد هو ... سليمان ولد عمج
ريم من الصدمه طاح التلفون الي بيدها
ام محمد:ريم فكري زين وسليمان ولد ما يتعوض عندج اسبووع .. كانت بتطلع بس رجعت وقالت صج ابوج يبيج بعد الغداء وطلعت
ريم للحين مو مستوعبه سليمان خطبها كلام امها يتردد بس انا ما ابيه ماابيه
عائلة ابو محمد:عمره 42 سنه يشتغل ويا اخوه ابو سليمان .. وكل صفااته نفس ابو سليمان
نجي لأأم محمد:عمرها 40 سنه وطيوبه مررة اتحب عيالها وتخاف عليهم
محمد:عمره 22 سنه حنطااوي بس عليه جمال مب طبيعي ..:$
ريم:عمرها 20 سنه حلوة وكيوته بيضه شعرها كيرلي وهاليمحليها عيونها عسلية ..:$
جود:اخر عنقود تشبه اختها رييم مرة حلوة ماشاءالله عليها بس اسمر عن ريم ..
البارت الثاني..
ف الغداء:ابو محمد:وين ريم؟
ام محمد:ريم ف غرفتها ما رضت تنزل فخذيت لها الاكل فوق
ابو محمد:بعد الغداء ابيها عندي بالغرفه
جود والفضول بيذبحها:لييش؟
ابو محمد:ريم ياها خطيب
جود:شو منو؟
ام محمد:سليمان ولد عمج
جوود:شو يياسلام اختي استوت عرووس لا وعريس الغفلة سلوم ههه
بعد الغداء ركضت جود عن ريم دخلت وهي طايرة:كلوش
ريم بعصبيه:جود
جود:ريم تبجين؟؟
ريم:اطلعي برع
جود:ريم ماني طالعه اول قوليلي اشفيج
ريم:جود انا تعبانه
جود:شفيج ياقلبي
ريم:انا ما ابيه
جوود:شو سليمان ما يتعووض ريم اصحي
ريم:انا ماابيه
جود:انتي اتحبي احد غير؟؟؟؟؟
ريم:لا لا لا بس انا ما ابي اتزوج الحين اانا صغيرة
جود:ريماني انت مصيرج بيت ريلج
ريم:انا قلت ما ابيه
جود:والله انتي الواحد صعب يتفاهم وياج ابوي يزقرج اف غرفته انا بسير ارقد ارحم لي
غسلت ريم ويها وفعت شعرها وسارت ودخلت غرفة ابوها باست ابوها ع راسه ويلست بكل هدوء
ابو محمد:ريم شوو سبب رفضج لسليمان
ريم وتبلع غصتها:يبه انا صغيرة وبعدين احس ان سلمان م يناسبني
ابو محمد:اذا عن انج صغيرة مب الحين الزواج الحين بس الملجه واذا عن انه ما يناسبج فأنتي غلطانه
ريم:يبه اخر كلامي مو موافقه
ابو محمد:انا موافق وهالزواج بيتم
ريم انصدمت:يبه لا تغصبني الله يخليك
ابو محمد:انا قلت كلمتي وماراح اردها والي تسونه الزواج هذا راح يتم
طلعت ريم من الغرفه وهي ميته اتحس انها مب مهم رايها وهي بالأصل مب مهمه بالنسبه للكل
اما عند سليمان
الحال مو اقل من ريم اتصل لوليد وشكى كل الي فقلبه وليد حن قلبه ع عزيزه وربيع دربه
بعد اسبوع ردو ع اهل سليمان بالموافقه وهنا
انكسر سليمان اكثثر واكثر
وريم حالها مو اقل من سليمان
الكل درى عن خطبة سليمان وريم
ريم تصنعت الفرحه بس محد يدري الي فقلبها
ف بيت الجدة جلثم اكيد ما ذكرتها بس الحين بتعرفونها
االبنات مجتمعات ف الصاله الصغيرة
جود:اووف متى يجي دوري
فجر:امين ونفتك منك ومن حشرتج يارب ياخذج واحد كويتي عسب اتسيرين كويت
جود:لا بارك الله فيج ولا ف يوم الي صرتي فيه بنت عمي
فجر:مالت عليج
جنى:اذا انخطبت شو بتسسوون؟
شجون:بنقوم نرقص وبقول الحمدلله يارب افتكيت من البلووة
ماحست الا بطراق
اما ريم الي كانت سرحانه فجأة تييها ظربه ع راسها
رغد:الحلوو يفكر ف سليمان
ريم فقلبها اكره هالطاري ابتسمت بمجامله:لا افكر اني بروح بعيد عنكم
رغد:تراج لا بتيي بيتنا هب امريكا ولا استراليا
ريم ضحكت غصب عنها:ههه بس انتي اكيد بتتزوجي بعدي وبنبعد عن بعض
رغد:ههه ف الاحلام
ريم فخاطرها انا بعد كنت اقول ف الاحلام لكن كل شيء صار ضدي
جنى:بنات شو رايكم نستهبل
فجر:انا بروح اجيب المسجل ونرقص استهبال
البنات ماعدا ريم:ايوا
جود:ع خاطر العروس وغمزت لها بمعنى ابتسمي
ابتسمت ريم الا ضحكت:ههه
انتهى البارت
لحظات بس بعرفكم ع العائلة الكريمه
العم ابو احمد:عمره 44 سنه طيب بس لااعصب يستوي انسان ثاني
ام احمد:عمرها 40 سنه طيووبه وحنوونه ووايد تحب بنتها اخر العنقوود
احمد:ابيضااني يذببح يطيح الطير من السما عمره 22 سنه
فجر:19 سنه كيوته والي يلس وياها يرتاح عيونها عسليه وبيضه شعرها حرير يوصل لأخر ضهرها
جنى:دلوعه بس مرة كيوت الحقد والغيرة والغرورما يقرب صوبها عمرها 18 اول سنه ف الجامعه
نيجي للعم ابو فراس:حاله من حال اخوانه عمره 39سنه حبوب وطيووب
ام فراس:مثلهاا مثل الباقي
فراس:نسخه من سليمان ادب واخلاق وجمال عمره 23
سحر:هالبت هادئة بس حلوة مررة عمرها 20 سنه ..
عائلة ابو فارس:عمره 45
ام فارس:عمرها42
فارس:عمرها 23 جسمه رياضي حنطااوي بس حليو
وليد:جسمه رياضي ويطييح الطير من السما ابيضاني عمرها 20
شجون:عمرها 18 حلوة هالكلمة ماتعطي حقها
وبس .. عاد بروحكم تخيلووهم:&