روايه من جد روعه للاسف اعترفت بمكنون حبي قصه حقيقيه

1. سطام وهو يأشر بيده لأخته:باي


2. وراحوا العيال للمقهى


3. ام مازن :ههه

اول مره اشارك معاكم حبيت اشارك بهذه القصه
وللعلم هي منقوله بس بجد حلوه مره
في أحد المنازل الكبيره والمرموقه بالحي يوجد هناك غرفه هادئه جدآ لايسمع منها سوى صوت الموسيقى الهادئه وكانت هناك فتاة جالسه على كرسيها الفخم وبين يديها دفتر وقلم وكانت تعشق كتابة الشعر والخواطر
:.طبعي ولو حاولت أغير هالطبع اللي فيني
أنا أصلي لعابه ودومي ألعب على الحبيلين
ياما وياما طيحت شباب فحبي ومالقيت معجبني
تغزلت وتقربت ومثلت الحب على كثير ومبين
جرحت وشتمت وكذبت والقهر انهم للحين يبوني
ريما قفلت دفترها وحظنته ونزلت راسها وطاحت خصلتين على وجهه الناعم: آه من هالدنيا نفسي أعرف وش مخبيه لي بالمستقبل وودي أعرف بالنهايه انا من راح أتزوج.....؟؟!!!
معكم البطله الأولى لهذه القصه ((ريما)) فتاة شقيه جدآ ولعابه حيل وفيها شوية غرور ورفعت خشم وتحب كتابة الشعر والخواطر ومالها هدف معين بالحياة فاشله بدراستها أهم شي عندها بالحياة الفرفشه والوناسه حتى لو كان على حساب غيرها ومن ناحية شكلها طولها( 160) ووزنها (52 )بيضاء البشره ووجهها دائري وشعره ناعم ولحد أكتافها وقاصته قصة الأناناس وطلع شكلها مره حلو لونه بني غامق وبشرتها ناعمه حيل وعيونهاوساع خشمها دلة سيف شفايفها صغار ومرتزات وورديه ولمن تبتسم يطلعلها غمازات وهم اللي محلينها أكثر وتبلغ من العمر 19 سنه
قطعت عليها جوها الرومانسي لمن فتحت عليها أختها الصغيره الباب:ريموه
ريم ا :نعم
ساره :صقيقتس تبيتس(صديقتك تبيك)
ريما :ومن هذي؟
ساره :هاذيك العبيه اللي دايما تدول وبدلع قالت أبي ري ري (هذيك الغبيه اللي دايما تقول أبي ري ري)
ريما عرفت انها تقصد صديقتها شوق الدلوعه حيل وابتسمت لأخت : طيب الحين بنزل
قربت ساره من ريم ا وهي تأشر على الدفتر:وتو دا (وشو ذا)!
ريما تناظرها متعجبه:وشو
ساره وهي تناظر الدفتر:ابي ارثم عطيني اياه(ابي ارسم) ومدت أيدها عشان تاخذه
ريما :لا حبيبتي هذا مو للرسم
ساره عصبت ولما جت تطلع التفتت لريما:انا مااحبث وقفلت الباب بقوه(أنا ماأحبك)
ريما :ههه جيتها جيتها
وكانت سار ه برى الغرفه تركض وتصارخ تحسب أن ريما وراها
في بيت لاتقل فخامته عن البيت الي ساكنه فيه ريما
بندر وهو معصب:أوه وين جوالي
وجلس يدور فغرفته المقلوبه فوق تحت
دخل عليه أخوه سطام :يالله عجلنا تأخرنا على العيال
بندر وهو عاقد حواجبه:مالقيت جوالي
سطام وهو مبتسم:يالخبل انت معطيني اياه عشان اتصل على الدوب محمد لأن جوالي مقطوع
بندر :ياكرهك بعد يالله أجل خلنا نمشي
سطام وهو يناظره ومشكك:تعال قول لي احنا وين بنروح!
بندر مستغرب:يعني وين بنروح بنلاقي الشباب بالمقهى
سطام وهو يناظر اخوه من فوق لتحت:طيب وش عندك متكشخ؟
بندر :مالك شغل أمش بس وخلصنا
سطام وهو يضحك:مااش هالايام صايرن اشك بك
بندر :اش بس ههه
سطام وهو يطلع من الغرفه كان حاط ايده على كتف اخوه:تصدق عاد توي اتشرف بمعرفتك
بندر :ههه تلايط بس يالتفخ
طلعوا من الغرفه جميع وتلاقوا مع اختهم الكبيره
لميس بحركه عربجيه حيل ضربت كتف اخوها بندر :وش عندوه لايصير بيعرس مسيار ههه
سطام :ههه الظاهر بيسويها
بندر :يابيخكم بعد
لميس :اقول ياطويل العمر اذا خبرت لي رجل سنع يقبل بي تراي موافقه بس هاه ماوصيك اهم شي اخلاقه ههه
سطام :اهاا حلو اقتنعتي انك عانس
بندر :ههه ياكثر اللي جوا خطبوك بس انتي دايمآ ترفضين
لميس:الظاهر انكم صدقتوا ان ودي بالعرس تراي اتسذب
سطام :ههه اش بس تراك عطلتينا
بندر :تأخرنا على العيال يالله بدك شي خيتوو
لميس :سلامتك حبيبي

سطام وهو يأشر بيده لأخته:باي

وراحوا العيال للمقهى

الحين نتعرف على البطل الثاني لهذه القصه ((بندر)) انساان هادىء جدآ وحبوب ورومانسي حيل مايحب يزعل احد وهو دلوع أمه يحب يسوي مقالب بأخته لميس أكثر شي ومن ناحية شكله طوله( 170) ووزنه (54 )جسمه عضلي ومشدود ومن ناحية لونه ابيض حيل لما يطلع للشمس ثواني على طول وجهه ينقلب أحمر لون شعره اسود حيل وفيه خشونه شوي حواجبه كثيفه وسوداء وفيه صفه لما يعصب حاجبه اليمين على طول يطير ههه عيونه وساع ورموشه سوداء وطويله وعيونه لونهم عسلي فاتح وخشمه طويل وشفايفه حمراء وكبار شوي ودايمآ يحط سكسوكه لأنها لابقه عليه حيل ويبلغ من العمر 20سنه وعلاقته قريبه حيل من اخوه سطام
والحين نتعرف على البطل الثاني للقصه ((سطام)) فرفوش يحب الوناسه حيل اربع وعشرين ساعه تلاقيه يضحك وهو اللي كان يظبط المقالب مع اخوه بندر من ناحية شكله طوله 160 ووزنه 58 جسمه عضلي لأنه داخل نادي رياضي ابيض لكن بياضه جااي على صفار وعيونه عاديه وخشمه أقرب للأفنس (يعني صغير) وشفايفه ورديات وكبار شوي وعمره 18 سنه
والبطله الثانيه للقصه ((لميس)) انسانه مرحه وعلاقتها قريبه حيل من أخوانها دايمآ تكون بغرفتهم تضحك معاهم وتستهبل وصارت عربجيه حيل تتكلم مثلهم ومافيها من النعومه شي ومن ناحية شكلها طولها 160 ووزنه 50 سمراء شوي لكن سمارها محليها كثير
شعرها لونه اسود مو ناعم لكن مع الاستشوار يصير أنعم من الناعم حواجبها سود ودايمآ تشقرهم وتخليهم ثمانيه وثمانين مثل مانسميهم عيونها كبار ووساع ورموشها كثيفه وخشمها واقف وشوي عريض و شفايفه صغار وورديات وعمرها 23 سنه ولها دور كبير بالقصه وعلى فكره ترى بندر وسطام ولميس يصيرون عيال خالة ريما
ف ي بيت ريمآ
كانت جالسه ريما تكلم صديقتها شوق وكانت حاطه رجل فوق رجل:طيب يالدوبا بكرى بتروحين تسجلين بالكليه!
شوق : والله مو عارفه انتي متى بتروحين
ريمآ :احتمال اروح بكرى على حسب المزاج
شوق :اوكي عطيني الخبربدري عشان نروح جميع
ريمآ :اوكي من عويناتي ههه <قالت عويناتي عشان شوق ماتحب هالكلمه
شوق عصبت:وبعدين معك
ريمآ تسوي نفسها مو عارفه:وش فيك انتي انا وش قلت!!
شوق :انا عاارفه انك قاصده يالله بس باي
ريمآ وهي تضحك:امزح معك يالدوباا
شوق :طيب يالله بدك شي
ريمآ :لايكون زعلتي
شوق :لا وش دعوا بس امي لها شوي تناديني
ريمآ :اوكي سلمي لي علىخالتي ههه ه شوق :ههه لاتحتكين بأخوي يالله سلام
ريما : سلام
طلعت ريمآ من الغرفه رايحه عند امها بالصاله
ريمآ :هااي مامي
ام مازن :عدلي لهجتك
ريمآ مبتسمه:طيب طيب ههه وش اخبار أميمتي
ام مازن :بخير الله يسلمتس هاه بنيتي بتروحين بكرى تسجلين؟
ريمآ :كسل اروح
ام مازن :هااو اجل من بيروح!
ريمآ وهي رافعه حاجب ومنزله حاجبها الثاني:والله يااميمتي افكر انتس انتي تروحين مشاء الله شكلتس بنيه مو مبين انتس معرسه وان عندتس عيال سوي نفستس ريما ههه
ام مازن حطت يده على جبهة بنتها كنها بتقيس حراراتها:المشكله ان مابتس حراره انت من جدتس تحتسين
ريمآ :من جدي وعمي وكل أهلي والله صدز يمه سويها تكفين عشاني
دخل عليهم مازن بهالوقت
مازن:السلام عليكم
ريمآ :وعليك السلام هلا والله بالزين
ام مازن :وليدي مشغول انت الحين؟
مازن :لا آمري يالغاليه وش بغيتي
ام مازن :ابيك ياوليدي تودي اختك للمستشفى لان هالأيام صايره اشك بمخها
ريمآ :ههه
جت ساره وجلست بحظن اخوها:ادول ادول مذوني (اقول اقول مزوني)
مازن :ههه هلا آمريني
ساره بدلع قالت:ابي اروح للبداله (للبقاله)
مازن :ههه بداله قالت طيب من عيوني الحين اوديك
ساره وهي تناقز من الفرحه:هييه هيه احوي بيوديني للبداله
مازن:وهو متقطع من الضحك:ههه تكفين لاتعيدينها
ريمآ :استخفت البنيه عشان بقاله ههه
ام مازن :أي والله ههه
ريمآ :الا اقول يمه وش اخبار خالتي أم بندر عساها بخير!
ام مازن وكأنها تتذكر:الله يذكرك بالشهاده حبيبي مازن ترى يوم الأربعا بنروح للرياض
مازن وهو متكدر:ليه يمه وش عندك بالرياض!
ام مازن :من زمان ماشفت اختي والله اني ولهانه عليه
مازن :يصير خير وكان يناظر ساره هاه سوسو نروح للبداله
ساره متجهزه:يالله نلوح (نروح)
وبعد ماطلع مازن
ريمآ :بروح أكلم لميس بخليها تنظف غرفتي وتجهز سريري ههه
ام مازن :ههه ماتلاحظين انك انتهكتي حقوقها
ريمآ وهي تلعب بحواجبها:حلالي

ام مازن :ههه

الحين نتعرف على أم مازن انسانه حنونه لأبعد الحدود الحقد ماله مكان بقلبها ابد طيوبه حيل زوجها توفى قبل 7 سنين ربت عيالها احسن تربيه ماعندها غير مازن وريمآ وساره
والبطل الثاني للقصه واللي له دور كبير بقصتنا ((مازن)) انسان طيوب حييل عمره مارفض طلب لأمه كان يحترم أمه ويقدرها بشكل كبير تعود انه يشيل مسؤلية البيت بعد وفاة ابوه ومن ناحية شكله طوله 170 ووزنه 65 لونه اسمر فاتح وشعره ناعم حيل وملامحه ناعمه حيل عيونه صغار وخشمه واقف وشفايفه صغار وعمره 26 سنه
في غرفة ريمآ
كانت بسريها ومنسدحه على بطنها وتلعب بشعرها وبالها مسافر لبعيد وكانت تسمع أغنيه حسين الجسمي فقدتك
في نفس الوقت رن جوالها وكانت النغمه Nokia tune معناته ان المتصل رقم غريب ومو مسجل لأن كل شخص وله نغمه مخصصه
قاطع تفكيرها رنة جوالها مدت ايدها للطاوله وسحبت الجوال وشافت الرقم لقته رقم مميز بقوه:ياي من متصل علي يلعن بليس يجنن الرقم بس لا صعبه ارد انا ماتعودت ارد على أرقام غريبه ولا خلاص قررت راح ارد وبسكت لين اسمع صوت الطرف الثاني اذا بنت بكلمها واذا ولد بقفلها بوجهه
اذا لقيت منكم تشجيع بكملها واذا لا
خلاص ماليش معكم حظ
وللعلم البارتات القادمه مشوقه جدا
وان شا الله لولقيت ردود راح انزل البارت التاني
سلامو